將軍澳宣道會茵怡 Chat Room

Amama

iwff,

我都想同小朋友暑假去旅行, 但唔知去邊, 之前christmas剛剛去過日本, 今次想去新加坡/台灣, 但好似好熱, 你呢, 你plan去邊??

iwff

Amama,

我仔仔係第一次坐飛機 所以不會坐長程 , 都打算去日本 , 小朋友又適合玩。本來想去澳洲的 , 但第一次仔仔都係坐短程機好 D。

其實新加坡/泰國都係好選擇 , 台灣我覺得小朋友沒有地方好玩。

iwff

Amama

iwff,

有嫁, 台灣有個叫兒童探索博物館 & 亞洲最大野生動物園, 因仔仔唔坐得船 (之前同佢坐過船返大陸嘔到九彩)所以去唔到長隆野生動物園, 所以諗住去台灣.

iwff

Amama,

台灣都好的 , 機程又短 , 費用不會太貴 , 我一家三口若真的去日本就出血了。你去完回來分享一下啦 !

iwff

BOSKERMA

iwff,

今日派咗通告, 話出年學費會加到$16,632一年, 即係扣除學卷o個一萬蚊, 每月都要俾$603學費喎, d人都有講過因學卷問題, 估計學校都會加多d學費, 但估唔到會加咁多, 不過都交小咗一半嘅

我唔會再報其他暑假班啦, 因佢星期六都要返晝晝同補英文, 我又諗住俾佢學返游水, 所以我覺得佢都好夠啦。

你地就好啦, 暑假有得去旅行, 我老公冇假呀, 所以最多都係去d短線, 同囝囝攞返個回鄉証去吓大陸玩都好喎

kkwchow

iwff

BOSKERMA,

我真大意了 , 你不提我都不為意加了學費 , 不過算啦好在有學卷。

我都只係打算報多一個暑期班比仔仔 , 其餘時間等佢 relax一下啦 !

唔緊要啦短線旅行都好開心的。

iwff

kkwchow

Do you feel that the standard of the assessment is more tight than before?  eg less "1" and more "2 and 3".  

Boskerma and Iwiff,

Is maths class for aged 5 or above?  I can't choose one in relation to the maths or I overlook.

iwff

kkwchow,

我覺得評估報告同上個學期差不多, 沒有大差異 , 你有問題再同老師傾下啦 !

我報了茵怡青年中心的幼兒手指加減數班 (個課程名大概係這樣) 適合K2升K3的小朋友讀 , 可能都已full了, 你再去問下啦 ! Good Luck

iwff

BOSKERMA

iwff,

今日揍囝囝返學時見到你工人揍你囝囝放學, 你囝囝攞住個口罩喎, 佢身體冇咩嘛?

一陣囝囝放學就帶佢去脫牙啦, 佢上星期六有一隻牙已開始鬆啦, 希望佢一陣唔會好痛啦 :cry:

BOSKERMA

kkwchow,

我都覺得今期嘅成績同上次差唔多喎, 有d重進步咗小小, 你有問題真係可以同老師傾吓ga, 了解一吓你囡囡o係學校嘅問題。

我同iwff報o個個數學班, 係for k1升k2同埋k2升k3嘅小朋友學ga, 應該係教佢地用手計加、減數嘅方法, 得兩個course咋, 最後一個位都俾我報埋啦, 其實出面都有好多數學course, 但可能學費會貴小小囉。

iwff

BOSKERMA,

係呀我仔仔有咳 , 半夜都有咳 , 已睇了醫生好好多。仔仔話佢個班有 8 個小朋友要戴口罩呀。

我已決定7月尾一家人去東京自由行 , 希望好玩啦 ! 所以會miss一堂青年中心課程。

iwff

BOSKERMA

iwff,

哦, 只係有小小咳啫, 咁要乖乖食藥, 要介口啦

已決定去日本啦, 去幾日呀? 你囝囝一定好開心啦, 日本最啱小朋友玩, 去disneyland同hello kitty land實開心到震啦 祝你地一家玩得開開心心啦

琴日囝囝脫咗一隻牙咋, 因醫生話佢隔離隻牙未生到出嚟, 可以唔駛脫住, 因而家脫又要打麻醉針又要用鉗脫, 驚佢會好痛喎, 可以等牙腳生出來後, 兩個星期內去脫都得喎, 所以囝囝可以慳返一針囉

iwff

BOSKERMA,

我仔仔係第一次坐飛機的 , 大鄉里出城 , 加上佢有濕疹 , 出外食東西都要特別留意的。

你仔仔有冇咸呀脫牙後? 通常小朋友脫牙都會驚的 , 包括的仔仔在內。

iwff

BOSKERMA

iwff,

你囝囝第一次搭飛機, 記住ready定香口膠or軟糖俾佢咬吓喎, 我囝囝第一次搭完全冇問題, 但對上o個次, 飛機起飛都冇咩事, 但降落時痛到佢喊呀, 唔知係未佢嘅鼻敏感問題呢!
因我細個搭飛機又係痛到飛起, 但大個咗又冇嘢喎, 記住啦

我囝囝之前冇睇過牙醫, 加上佢啱啱上星期去完o個個牙齒樂園玩, 所以佢一d都唔驚呀, 坐上牙醫張椅重同我笑添, 不過醫生搽藥水落去時, 就覺得好"那", 所以o係度嗌囉, 之後醫生攞張紙巾包住隻牙向下一按就脫咗喇, 佢又冇喊呀, 重望吓自己隻牙o係度笑, 但如果要打針佢實會喊呀

iwff

BOSKERMA,

我都知道要戴定香口膠or軟糖上飛機比小朋友食的,多謝提示,反而係食用方面我要小心比仔仔食,怕食錯食物引發濕疹。

話時話你仔仔係邊處睇牙醫 ? 告訴我知等我仔仔將來都可以去睇 ! Thks!

iwff

BOSKERMA

iwff,

其實我冇同囝囝介口, 我咩都俾佢食, 你知唔知佢食物方面有咩會敏感呀? 其實你驚未俾d正氣d嘅嘢佢食囉, 海產、魚生、冬菇、"蟻"瓜、雞蛋, 依d基本嘢都唔好食住啦, 去醫生度配定d旅行藥同藥膏啦。

我去茵怡花園樓下o個間靈實診所睇ga, 都要一星期booking, 都幾full ga佢, 琴日o個個係女醫生嚟ga。

iwff

BOSKERMA,

我已介哂你所講的食物唔比仔仔食 , 加上食埋漁油丸 ,近星期皮膚好轉了很多 , 希望可以控制到。我可能遲些會做埋血液測試 , 睇下仔仔對食物的敏感度。真的要帶定藥物去旅行。

Please check pm 有好介紹。

iwff

BOSKERMA

iwff,

你講依隻漁油丸係咩牌子呢? 係未專for濕疹架? 如果你囝囝食得好, 我都想俾囝囝試吓呀, 唔該晒 你有冇問過做血液測試貴唔貴呀, 如果價錢ok, 帶囝囝去check吓都好喎, 又要麻煩你介紹吓喇。

我check咗pm喇, 我打去睇吓重有冇位先, 唔該晒

iwff

BOSKERMA,

我仔仔之前食個隻漁油丸係Watson's買的 , 叫阿拉斯加深海漁油丸 , 係新都城千色店隔離個間Watson's 藥劑師 counter介紹的, 不過我昨天係新都城二期間藥房(新城)買了另一隻叫 "Kids fish"比仔仔食 ($95 per bottle), 藥房話Watson's買的漁油丸不是最好及成份較適合大人食, 小朋友食返小朋友的包裝會好些 , 我仔仔食了冇問題但擔心成份太多長期食不好, 所以轉 kids漁油丸 , 你去那藥房問就會介紹給你, 好多人買的。其實漁油丸不是專醫濕疹 , 是增強身體抵抗力 , 改善免疫系統 , 所以對濕疹是好的 , 對你仔仔的鼻敏感都是好的。不過膠囊難吞要咬 , 之後食到漁油的味 , 有些小朋友可能不喜歡, 但我仔仔很喜歡食。

血液測試未定幾時做,醫生已介紹了化驗所給我 , 價錢大概$1,000包括驗基本的食物, 如: 奶,蛋,花生,海鮮及塵滿等,再驗其他價錢另計,我正考慮中。有決定再通知你。

iwff