仁立紀念小學家長區(3)

cookie

唉, 我本來都叉定哂電諗住影好多相, 點知一張都無, 只係影左管樂表演既片段....
.
本來諗住問老師幾時派成績表都無時間.........

黃巴士

kswiss 發表於 12-6-26 17:46
如果個典禮早d開始, 12點左右完, 仲可以影相, 但個場都係好亂.

畢業營我都唔諗住俾架相機佢帶去, 唯有等同 ...

聽講入&出營時要穿校服.  營地有AIR-CON.
我囝囝話帶"杯麪", 十分興奮!!  睇怕今晚小朋友們都訓唔著.

cookie

終於確定到派成績表日期係7月9 日......
唉...點解唔可以早少少7月6日派呢, 真係唔明

黃巴士

囝背包很大個.

黃巴士

劉健明 發表於 12-6-25 21:25
回復 kswiss 的帖子

剛同茶友食飯 , 佢話幾校今日表演算幾精彩 , 但表演時間就稍長 .

咁想問10/7當天是怎樣的?? 小朋友們幾點知道派位結果??  如果派位不好, 知道後, 是否可即離場??

csy_ma

據以前既家長講，派位好似歷時半個鐘左右？家長好像在樓下等？

csy_ma

據阿囡傳給我的照片，佢地今晚六點幾就吃晚飯，好似係四餸一湯，有碟唔知係生菜定油麥菜？蒸水蛋、西檸雞／魚塊？……（其餘果碟睇唔清係咩？）、菜湯……
佢八點幾打黎話返房去玩，佢跟住十點九打黎話打算瞓，但係仲聽到電話那邊都幾嘈幾熱鬧，唔知佢地會瞓幾個鐘呢？？

cookie

csy_ma 發表於 12-6-28 01:10
據阿囡傳給我的照片，佢地今晚六點幾就吃晚飯，好似係四餸一湯，有碟唔知係生菜定油麥菜？蒸水蛋、西檸雞／ ...

我囡囡 0230仲打俾我話成班人係房未訓, 仲話唔訓玩天光喎背景好嘈, 呢個話睇J2唔知咩咩咩...個個又話玩咩咩咩...
想當年我地 SHU左出去探險添呀

佢下午一到步就已經報告間房有電視睇, 仲話有J2台添呀...不知幾興奮, 講多句都唔得, 我都未講完佢就BYE BYE

cookie

以下係我朋友答我關於放榜日既詳情.....佢兩個囝都係畢業於仁紀......

[ 其實我地之前已經同老師講左, 老師話如果派得唔好的話, 會早一晚先打電話比我地, 叫我地準備定小朋友d文件去揾學校. 但一般老師見到派頭四志願, 都唔會call 大家. 但如果妳地事前無同老師提出過, 不知道她們會否早一天通知家長. 但妳 10/7 一定要準備幾sets 小朋友的成績表 & 攞獎證書等文件. 10/7學校叫大家好似8:00 番到去. 咁妳會係操場已經見到全校派位結果. 當然提早15min 番到去會比較好d啦. 之後小朋友會上 1樓課室. 家長係操場等, 妳可以比個電話阿女, 佢係上面一收到結果就可以馬上 call you. but very fast, 上去唔洗 10min 就會番落操場. 派得好當然可以去嘆早餐, 派得唔好就拿拿林揾班主任叫校長寫信. 馬上去揾學校啦. GOD BLESSING !! ]

cookie

kswiss 發表於 12-6-28 09:39
回復 kswiss 的帖子

Cookie,

係呀, 您應該有架, 如果您有留起既話......

cookie

溫馨提示:

提提您.....記得同囝囝囡囡影定證件相....

放榜
1. 七月頭係放榜之大日子，無論你有冇報讀直資，自行成唔成功，呢日都要一早返小學 攞結果。

2. 其實學校放榜日之前已收到結果，有啲學校會早一晚打電話俾派得唔好之學生暗示作好叩門準備(其實學校係唔可以咁做)。

3. 無論學校會唔會暗示，家長都應該放榜前為叩門作好準備:
- 放榜前一星期，選定叩邊幾間，然後打電話查詢有冇得叩門，免得白走一趟。
- 有啲學校要求你自行同抽獎都選做第一志願，先有得申請，所以自行選校時可能要考慮呢一點。
- 有啲學校會要求主科全部A加埋操行要B或以上先可以攞申請表。所以六年級期終試都唔可以鬆懈，五、六年級要聽話啲，如果操行B-就好難叩門。
- 決定叩邊幾間後，要準備學生個人履歷同叩門信(部分學校網有叩門表格下載，無須叩門信)。帶備白信封、郵票、証件相、萬字夾、支票簿、身份証/出世紙副本等有用物品備用，派位証可能要影印。
- 要擬定路線，最好搵定人做司機，方便四處叩門。
- 有啲學校係即日通知筆試、面試 ，所以一日未必去到好多學校，但第一日係最緊要嘅，所以最想叩門之學校應去叩先。
- BAND1英中比較難叩門，家長亦可以叩BAND1中中，希望入到英文班。

4. 如果叩門尚未成功，家長記得一定要去派位中學先註冊，最多日後叩門成功再取回派位証。即使開咗學，學校仍然有機會通知學生被取錄，所以家長最好唔好咁快買晒書同做校服，買咗書都唔好咁快寫名。

5. 無論結果如何，家長都唔好俾小朋友覺得間學校唔好，應該隨遇而安，否則小朋友會唔鍾意間學校，冇心機讀書。如果真係想轉校，中二可以再報插班。

6. 個人認為讀書要靠小朋友自己努力，唔可以完全倚賴學校。依家啲名校都冇咩功課，好靠小朋友自發去學習，反而啲普通學校想做好成績，老師 仲更加有心機教小朋友。

7. 中一入學前香港學科測驗(即分班試)對師弟師妹升中 好重要，唔好咁自私，諗住自己已經過咗海就係神仙，就是但考咗就算。有啲學校上年同今年BAND1%相差超過10%，令啲BAND1生跌咗落BAND2都唔知，結果累到啲家長四圍撲學校，所以為人為己，要認真地考分班試。

黃巴士

cookie 發表於 12-6-28 10:05
溫馨提示:

提提您.....記得同囝囝囡囡影定證件相....

很有用的資料啊!!  THANK YOU!!
想問叩門証件想是否一定要穿小學校服???

cookie

kswiss 發表於 12-6-28 09:57
'咁妳會係操場已經見到全校派位結果.'

個結果有貼出來? 咁咪唔洗等女女張派位結果囉! 還是, 係一個summa ...

我估係Summary

要信就一定要等, 個個都係0甘等.....不過我就未必會等校長信

唉.....班主任講左入到頭一, 二志願係唔會有信

重唔重要, 您要睇您叩邊間, 有0的講明唔收信