2009年9月決定讀禮賢, 不如過黎相認下先啦

yvonnebaby77

乜你有去到家長會咩?我唔知道邊個係你.但你都覺得家長會冇乜講.其實家長會當日我有好多想問,但每次見到老師的反應就覺得問等於無問到.最後都係算!!!可能只好教好自己個小朋友就算.在老師的責任都只能做到這樣吧!

喧嘩

haha, 我就知你係邊個呢, 如果冇估錯, 你就係帶埋個仔返黎果個, 係唔係? 我咪就係同老公坐左喺果個亞叔前面果個囉, 我就從來冇接觸過其他miss, 班主任都係家長日傾過, 同埋家長日前打過俾佢, 兩次都好快完場, 我都有LEE種感覺, 問左等於冇問, 所以都冇乜嘢講, 或者miss係屬於比較靜果類掛, 佢慣左d 小朋友BB巴巴一輪咀咁講, 而佢就係一個聆聽者, 連我老公都識講, 次次我地都係最早走果班
以我地家長角度, 當然想聽多D小朋友D嘢, 所以都有D失望, 不過算啦, 最緊要係小朋友鐘意佢地的老師, 我寜願要一個唔識應酬家長的老師, 好過一個只係識用把口黎氹家長而唔識教小朋友的老師

原帖由 yvonnebaby77 於 10-3-22 13:09 發表
乜你有去到家長會咩?我唔知道邊個係你.但你都覺得家長會冇乜講.其實家長會當日我有好多想問,但每次見到老師的反應就覺得問等於無問到.最後都係算!!!可能只好教好自己個小朋友就算.在老師的責任都只能做到這樣 ...

fi-fi

喧嘩

哈...你終於"醒"喇!
其實你真係講得好啱....公關老師,要嚟做乜,呃呃氹氹用乜易做呀!!!而只係報喜不報憂果d又係靠唔住,小朋友有乜理由樣樣都掂喎!

原帖由 喧嘩 於 10-3-22 19:43 發表
....我寜願要一個唔識應酬家長的老師, 好過一個只係識用把口黎氹家長而唔識教小朋友的老師

fi-fi

各位,

上次訓練營家長會咪話最好買"防蚊帶"比小朋友用....我去過幾間萬寧都無得買喇,最後比我喺藥房度買咗一隻....韓國貨,都幾貴呀...$25/條(話長達百幾小時喎!?),而我朋友喺citysuper見到另一牌子,$29/2條!

龍柱

我地班有提到, 學期終每一科都會有一個獎, 給該科表現最好的一個同學.  操行獎亦係全得一個, 而學業獎就好似頭三名.  老師仲話, 所有獎唔係幼稚園的豬肉獎, 係實至名歸的獎.

我地老師都有提過, 今屆同學的數學水平唔係好好, 要多些練習...  中英文方面, 老師亦勸籲要睇多d書... 佢亦好老實咁講, 要趁低年班睇多d, 否則到高年班, 真係好忙, 好難有時間睇...

原帖由 fi-fi 於 10-3-22 08:37 AM 發表
暄嘩/龍柱,

我佬寫咗一張密麻麻的A4紙返嚟,全部都係老師講的"各科重點",郭老師四月開始放產假,所以交底咗好多嘢比家長做....佢話個個家長聽完都覺得好大壓力,有家長仲話以家已經好辛苦喇,仲要......做多D....我佬話 ...

龍柱

跟據天文台網頁預報, 果日會會有陽光, 19-23度.  天氣真的不錯!!  照計應該唔洗著短衫短褲, 所以無防蚊帶, 都唔係大問題.  多數人有防蚊帶, 咁我個就更加唔洗帶啦!  haha!!

原帖由 fi-fi 於 10-3-23 08:25 AM 發表
各位,

上次訓練營家長會咪話最好買"防蚊帶"比小朋友用....我去過幾間萬寧都無得買喇,最後比我喺藥房度買咗一隻....韓國貨,都幾貴呀...$25/條(話長達百幾小時喎!?),而我朋友喺citysuper見到另一牌子,$29/2條! ...

yvonnebaby77

人地有防蚊帶,同你個冇防蚊帶乜有關係咩,我又多事啦..因為吾明掟係你寫錯呢?

yvonnebaby77

講開就講,有帶好過冇帶,星期日,去拜山時阿仔比蚊針好多粒.好可憐呀!所以我都係買掟防蚊帶先,等佢吾好再比蚊針.

yvonnebaby77

你講間藥房係邊,因為city好遠唔知其他藥房係吾係都應該有呢?

maggie2008

yvonnebaby77,

我幫細佬訂奶粉間shop都有韓國防蚊帶，我上年都有買過，效果都ＯＫ，而家買緊＄100 六條。

原帖由 yvonnebaby77 於 10-3-23 14:37 發表
你講間藥房係邊,因為city好遠唔知其他藥房係吾係都應該有呢?

yvonnebaby77

你會唔會再去買呀!如果買開可否幫我買多六條呀!

fi-fi

yvonnebaby77,

我試吓解讀一下龍柱果句的意思....佢意思,佢仔周圍咁多同學你有帶,咁d蚊都走哂喇,咁咪唔會咬佢個仔囉!

原帖由 yvonnebaby77 於 10-3-23 14:21 發表
人地有防蚊帶,同你個冇防蚊帶乜有關係咩,我又多事啦..因為吾明掟係你寫錯呢?

yvonnebaby77

多謝你解釋比我知.其實我後來都明佢意思...不過我個仔比蚊針得太可憐所以我諗都係做足防蚊工作好,例如帶手帶外其實面面有冇好方法呢??

fi-fi

yvonnebaby77,

我仔都好野蚊嫁,好地地...無那那就被嘢咬咗一啖!
我平日就同佢噴lemon grass香薰油,但果日...我唔放心比佢帶返學,我驚佢唔小心噴到眼(自己or同學都唔好嘛),所以唯有手一條防蚊帶,腳加多條...另外衫尾,都加多2塊蚊貼囉...希望頂得住!
面,我用開 Fruits & Passion果隻蚊膏(planPassion - Protective Body & Face Cream),有防蚊止痕作用,最頂癮有防晒功能添,呢隻嘢可搽面嫁!

原帖由 yvonnebaby77 於 10-3-23 21:47 發表
多謝你解釋比我知.其實我後來都明佢意思...不過我個仔比蚊針得太可憐所以我諗都係做足防蚊工作好,例如帶手帶外其實面面有冇好方法呢??

yvonnebaby77

係吾係這幅圖入面支呀!謝謝!我個仔皮膚好敏感,所以我諗可以用你支示.因為佢個樣都幾掂喎!感覺幾天然喎!係咪M&S可以買到呀?

fi-fi

yvonnebaby77

要去Fruits & Passion專門店買啊!

原帖由 yvonnebaby77 於 10-3-24 15:42 發表
係吾係這幅圖入面支呀!謝謝!我個仔皮膚好敏感,所以我諗可以用你支示.因為佢個樣都幾掂喎!感覺幾天然喎!係咪M&S可以買到呀?

龍柱

fi-fi,

我頭先lunch去將軍奧分店買左喇! 依家有7折, 可能清舊年貨, 所以有7折!

原帖由 fi-fi 於 10-3-24 07:47 PM 發表
yvonnebaby77

要去Fruits & Passion專門店買啊!

yvonnebaby77

你真好!我又可以吾駛煩.謝謝你呀!

yvonnebaby77

我已經話比XX媽咪知,佢都話你個提意非常好照顧好周到.不過佢未知得吾得.

maggie2008

yvonnebaby

你仔點呀？ 唔係好嚴重嗎？
Ｄ蛟帶如果龍柱仔無搵我仔，就要聽日至可以交收啦！

原帖由 yvonnebaby77 於 10-3-25 14:29 發表
我已經話比XX媽咪知,佢都話你個提意非常好照顧好周到.不過佢未知得吾得.