嘉諾撒聖家(九龍塘) 家長入來傾下計啦

Edithma

Heidi媽,
我囡囡無份表演, 不過她好落力為D同學打氣. 她話今晚好開心   她都好希望有份參與演出, 我趁機叫她努力發揮個人所長 我最意體操(室外)個項目, 好高難度.

傻妹,
小朋友適應能力好強ka, 唔使咁擔心  

傻妹

K1,

我搵到賴太,不過要7月尾再CALL佢覆實,你有無其他保姆車資料呢?佢之前叫我係聖芳濟各落車,我要問下補習社得唔得!
你要邊度落車?

傻妹

Heidi媽,

thanks, 咁我要叫亞女大膽d問人喇!希望每個老師都會咁安排啦.

Heidi媽 寫道:
到了開學, 老師會請個班內同學帶新同學四周圍介紹, 不過我記得呀女同我講, 那個同學仔只是帶我女介紹左個自動售賣零食機, 接着個同學仔就去左玩, 呀女開頭連洗手間都唔知係邊, 好彩佢夠胆搵左個老師問, 於是個老師就帶左佢去看周圍環境啦!

傻妹

Edithma,

多謝你.請問鼓舞飛揚係咪所以家長及學生都可以參加?咁多人咪會迫爆學校? 同埋係咪年年都會搞一個咁類型既晚會呢?
所有學生自由參加演出嗎? 唔該你.

K1

傻妹:

你可否PM賴太的電話比我，至於其他保姆車資料，我其實都係問緊人，若有的話，我再send 比你，你是否只搭放學一程。(係邊度落車? 我希望在基隆街口或太子地鐵附近啦!)

傻妹

K1,

太子地鐵站都OK,不過上次問過賴太,因為佢接完聖家會去崇真接放學,所以佢問我係聖芳濟各落車得唔得. 我只搭一程.

請查PM.

K1

傻妹:

Thanks a lot !

Edithma

鼓舞飛揚係由D 學生表演, 好有鼓勵性質, 我諗應由她們校內課外活導師挑選出來表演, 其實我不太清楚 上年我囡囡因健康問題學期尾差唔多成個月冇返到學, 我印象中好像無. 今年一共舉辦2晚, 需買飛. 聽囡囡說表演者不用買飛

傻妹 寫道:
Edithma,

多謝你.請問鼓舞飛揚係咪所以家長及學生都可以參加?咁多人咪會迫爆學校? 同埋係咪年年都會搞一個咁類型既晚會呢?
所有學生自由參加演出嗎? 唔該你.

傻妹

Edithma,

原來係咁既.如果買票應該人人有份.搞兩晚都好盛大喎.好似人地結婚擺兩日酒咁.

你女女現在身體如何?祝健康快樂!

Blythemia

等我補充下啦.其實每年暑假開始前,學校都會有兩晚既晚會表演.俾同學踏下台板.如果大家有興趣,可以報名親子表演架.兩晚節目有少少出入.順便同學校籌下款添置下d用品.表演既同學當然唔駛買飛,不過家長係要買既.

粵劇幾好架,有板有眼有台型.做花旦個位同學除左細聲左少少外,唱功做手都好專業,真係唔似得六年級(佢去年做華山聖母,我真係有眼前一亮既感覺).節奏樂我就覺得差過舊年.英語演出既小莎翁都相當出色.特別係幾位主角咬字同演技都唔錯.非洲鼓因為係一年級同學演出,比較平淡,年年都一樣.

傻妹

Blythemia,

咁即係只要參與都可以有出場機會.咁公平都唔錯;上台表現可以訓練膽色,係一個好好既安排.

買飛都應該既,相信呢d係學校自己安排唔係教統局指定動作,所以未必有金錢上資助.

傻妹

Heidi媽,

校際朗誦節要自己去報名嗎?

另外,睇返你地d message,二年級一開學就要背乘數表嗎?好似快左d. 係咪學校寄望升小二前個暑假要背識?

唔該.

pui5867

我是一位數學科教師,有7年的教學經驗,而且有多年補習經驗,曾經教過喇吵小學,德望小學,循道小學嘉諾撒等,短時間內就能看到效果.......
我想打發一下時間(所以很便宜)及籍這個假期開一個數學小組.幫助小朋友學習數學及培養他們對數學的興趣?如有興趣,可e-mail給我,也可來信交流,分享一下教學心得:[email protected],我的經驗告訴我,小孩的每一學習階段是很重要的,錯過了,就很難補回.

傻妹

Heidi媽,

咁我到時要留意了!你女女係咪參加左d數學班教左你唔知?咁都好好,唔使自己教佢都搞掂.

傻妹

Heidi媽,

我都會咁做,如果佢應付到就唔學,相反,未如理想既科目就要補下囉. 樣樣學都好辛苦,時間又唔夠.

咁你女女學琴之餘,有無係學其他野?

我女學grammar, 畫班,遲下想報中國舞(聖家好似無呢個興趣活動).

另外,我想問多幾樣野,希望你地唔介意!

1. 我睇書單,無英文故事書,係咪無用故事書教呢?
2. 普通話自學, 點自學法?使唔使出去學?有咩要做?
3. 每日一篇計入成績嗎?
4. 睇返之前既message,好似話無小食部,呢個真係少有.我自己咁耐以前既小學都有;萬一肚餓點算?
5. 學校有無講明幾年級先可以帶零用錢呢?如果無小食部都唔使俾啦.   
6. 功課會否上載入內聯網?小二有無呢?至到幾年級?
7. 學校旅行係咪有兩次?一次係親子旅行,家長可參加;另一次家長可以參加嗎?
8. 視藝通行証是什麼?
9. 中文科考聆聽,似乎好難咁.你地知道點考嗎?係咪=閱讀理解,不過係聽唔係睇?一不留神就會唔識答.
10. 中文科既會話又係點考?普通話及英文會話就可以考佢地發音, 中文都要?
11. 今年升中情況如何? 學校網未有公報.

唔好意思太多問題,不過我唔想分10個message問,重麻煩你地添!多謝