迦南幼稚園 家長分享

法子

Fionyiu,
我前排都喝過紅棗水,但好似冇咩用..
我真係好唔開心,我今日下午又入急証,事原係我係學校lunch,只係食左2淡,就覺得喉嚨有野唔上唔落,想喝水沖落去又唔得;覺得舊野頂住個位好痛,咳又咳唔出,嘔又嘔唔到佢出黎....唉...攪到我好驚,最後就入左急証..........依家個喉嚨好痛,硬係覺得唔舒服!!講起真係又想喊....      嗚嗚嗚.......

法子

emily,
你近來如何呀~好小見你上黎~~~~

Fionyiu

法子:

你近排攪咩呀? 好似咁黑仔既. 食野時不要說話呀.  你睇左中醫未呀?  take care.

法子

Fionyiu,
我近來面青青,又怕凍,身又震,又失眠,都唔知仲乜~~ :cry:  :cry: 我之前看過浸大中醫,但好似唔係咁夾...依家冇睇了.家人就煲"北旗,擋參"比我飲,不過近日有d鼻水&打乞嗤,好似唔飲得住~
唉~~~真係唔開心呀~!
我做埋今個月就可以做番full time mama ,我都想抖下先,遲d再打算.不過就冇$$洗~好窮呀~~~     

Fionyiu

法子:

你養好身子先la, 你身子都幾差喎, 身體唔好有多多錢都無用.  仲好la, 做 full time mama, 我都好想, 你個囡都大個女啦, 唔洗點揍. 所以做full time mama有著數.   

法子

Fion,
唉...係呀,我身子真係幾差      有冇中醫介紹下?我都唔知點樣身子至會好>_<
做full time mama係好,可以多d陪囡囡,不過呢...冇錢0羅.....     :wink: 好窮呀~~~

BNTYA01

我小女現讀黃埔迦南N1，都想繼續升讀K1，不知有什麼課程？金巴倫幼稚園也收了她，不知那間好些？也想知它們多派往那間小學？   

Fionyiu

法子:

中醫我就介紹唔到俾你啦, 因為我真係極少睇中醫.  但點樣身體好d, 我諗你要有充足既睡眠, 飲多d水, 吃多些蔬果, 做下運動, 食下補品, 我諗會好d掛.

法子

fion,
家下我又失眠la...唉....好累但又訓唔到~~日日如是....... :cry:  :cry:  :cry:
唔知點算好..........   

Fionyiu

法子:

吓.. 你真係財多身子弱, 你d去睇西醫啦. 失眠好辛苦架.   

法子

fion,
我都覺得身子弱,不過我就冇財0羅...
唉,依個世界真係蝦窮人架~~~

Fionyiu

法子:

不如你去做詳細既全身檢查la, 你身子好虛喎, 好似好多病痛.  係呢? bovie, 最近係學校學左d咩呀? 可否分享一下.

謝謝.

法子

fion,
我2月係挪打素做過個基本的身檢,報告又冇咩問題~    可能要做個詳細d...
bovie近來都係寫中英文句字,橫直式,作句,週記等..類似P1的程度咁....

BNTYA01

我喺護士嚟，体吓有咩幫到你。
你時常覺得凍，還有什麽不舒服，M come準唔準？

Fionyiu

法子:

迦南d程度真係都幾高. 咁bovie追得上嗎?  

喂. 你成日都唔舒服, 你快d問下護士媽媽啦.  睇下佢幫唔幫到你?

Fionyiu

bntya01,

hello.  真係開心有個護士媽媽入黎我地呢個topic.  thank you.  如果d m 每個月都會遲來數天屬正常嗎? 因為我個個月都會遲4-5天先黎. 有d worry. :cry:

法子

bntya,
我00年生完女女,就發現有甲抗(我mama & grandma都有),依5,6年斷斷續續地食藥(因番發),依家都食緊(隔天1粒).04年尾試過呼吸困難,入過2次急証住過2,3天院,但check唔到咩.之後身子好似差左,成日覺得唔夠氣.但so far都冇咩.上年05年尾開始又覺得呼吸困難.之後情況好似仲差左咁,心又跳得快,又全身震,手&腳心出汗.今個月頭有晚好差好震(唔係甲抗手震,而係由頭,身,手,腳,口都震,腳的肌肉都抽抽下,連自已個名都震到講唔到)又入左急証,約45mins好左d,醫生又係check唔到咩..上個月遲左10日來M.2月時做過一個簡單bady check又check唔到有咩,只係check到有念珠菌,dr.比左藥我塞.但塞完都好似未好得曬...
依家我都係震,又成日覺得暈(直頭見到d物件2邊擺),又失眠,有時會心翳作痛,難呼吸,怕冷..依2個星期有d感冒,流鼻水....
我真係好驚,好擔心,真係唔知點算好....
pls help~~~:cry:  :cry:  :cry:

BNTYA01

法子：
好多人生完BB才發現有問題，即是話pregnancy 令身体啲hormone改变，可能唔生，啲問題唔会咁快走出嚟，不過既然有問題，就要解決。
你可能是遺傳，不過緊張都会令病情惡化，而你所有覺得唔舒服的症狀，包括覺心跳、手震、冰冷、呼吸困難等都是甲狀腺有問題所致，全身震是因為身体不懂調節体温；
現在你要做的事情如下：
1.  定期覆診
2.  定期抽血，以知甲狀腺水平而調整藥做份量
3.  跟据指示，準時服藥
4.  不要看中医，因恐怕中藥和西藥会產生副作用或令病
      情更壞
而你m come不準，都是甲狀腺所致，所以定期抽血覆診是好緊要，過高变過低或過低变過高都唔得，因此服藥的份量要好準確，聽医生話。   

BNTYA01

Fion,
遲4-5日冇緊要啦，最重要是有冇量多？
大概28至35天一次都ok。

Fionyiu

BNTYA01,

次次既量都差唔多. 第一,二天多, 第三天開始少,直至第六天才完全清潔.  ok嗎?  仲有, 如果間唔中有一個月d m是啡色, 好似好dirty咁, 但d量又好少, 但到下一個月又正常番, 其實代表d 咩呀? 正不正常呀? thanks.