04年9月入讀小一家長請進！

Edithma

咁你囡囡有冇帶眼鏡? 見到你留言你囡囡成績好好! 使埋惊! 應該是開心至o岩:

carollam310 寫道:
"驗眼驚魂記"?真係咁驚?講黎聽下~~ 講到驗眼我好有經驗.我女三歲時我就發覺佢睇野唔清楚.之後去驗眼驗出有近視.醫生話係遺傳,由三歲到依家6歲.每3.4個月就覆一次診.我住藍田架,o個時係健康院寫信先可以去醫院睇架.
明天係家長日,一早要去學校拎成績表.依家有D緊張添 :

麟媽媽

點解你地咁快有成績表既？你地只是測驗還是已經大考左？
我仔測晒驗，放完聖誕假一月中才中期考，咁2月25日先派上學期的成績表。咁你地一年有幾多次派成績表的？我仔學校一年兩次。

carollam310

有呀.有近視梗係帶眼鏡啦.三歲已經帶啦    .我尋晚已經目訓唔著啦,成績好唔等於名次好.好擔心呢?

carollam310

我女學校有三測三考架.P1第一次就唔駛測.11月尾考左第一次試.明天派成績表.尋日收到第二次大測範圍,評估範圍.默書範圍.1月5日就中文評估.1月6日就英文默書.1月11至14日就大測.,其實都排得幾密.3月就二考.5月就第三次大測.6月就三考.    三次考試都會派成績表.會排全班同全級名次架

麟媽媽

三測三考？！嘩~~咪好迫！咁會唔會每次範圍少D？我剛收了中期考範圍，中文兩本考晒共二十幾課！仲要考埋補充練習，默書都要考，十幾課喇，但唔使背默喎，我細個好似成日背默的，而家唔使咩？聖誕假要去少D街lu…
我仔學校只排全班10名內，之後無名次亦無排全級名次的。

evelyn317

以下只係我個人經驗，希望唔會嚇親各位。

當日(約一星期前)阿女係間驗檢視力o既房逗留

豬地

我係妳，I will keep my mouth shut. Keep and go for the ”弱視”檢驗.  No need to 反映 for wasting your time.   Wait to see the 檢驗 result.  If no problem is identified, congratulations!  That is the End.

However, if their doctor still consider your child has problem, ensure you continue the checking until you get the result.

As simple as that.....

carollam310

evelyn317
唔好cancel 個弱視檢驗,驗多次都唔緊要啦,求安心嘛,咪比佢驗下睇下個結果係點o羅.我女除左o係醫院驗.仲o係理工大學視光學診所再驗架.弱視唔講得笑架,細過唔矯正大左好難矯正架.眼睛好緊要的.我個女雙眼都好多問題.我都會keep住同佢兩頭驗架,今日家長日都有同老師傾過我女雙眼既問題,想叫老師調下我女個位,想阿女坐前D.但老師話阿女係全班最高既女仔,冇辦法,班上有學生矮我女一半喎
.老師話會盡量留意佢,協助佢.

QQTT

Hi all mum,
As my girl hv some eye problelm and I definitely don't want her to wear glasses, so I search on the web and found the below:

http://www.chinamyopia.org/fogging.htm
There are also many article about not buy the myopia glasses if your kids got myopia.
Any mum try this and pls advise yr comment, thks.

cindyma

evelyn317,

我朋友好似你的情況咁, 又係轉介再檢查眼睛, 最初又係話佢可能有近視, 點知檢驗結果係色弱, 即是對睇顏色有問題, 例如分唔清紅色等。所以, 既然佢轉介你去檢查, 不妨去檢查下, 但求安心。  

小米雪

Hi Evelyn:
    睇完妳的經歷之後,個人覺得純粹係個接待員同人溝通的手法有問題,不過,學佢自己話齋,佢只係負責同妳確認個檢驗日期,根本佢就乜都唔知嘅,所以都唔使理佢所講的說話.
    近視,遠視同散光係屬於屈光偏差,患者可通過配戴眼鏡達至影像清晰,但弱視眼(俗稱懶隋眼,lazy eyes),假若在八歲前無法得到適當冶療,則可能無法得到医冶,後果都頗嚴重.而屈光偏差及弱視在初部驗查時,是很難分辨的,所以我想,医生才會建議再作進一步詳細驗查,未必代表一定有問題的.
     雖然知道妳囡囡巳找了合格驗眼師作檢查,但總覺得,既然都排了期,就當買多個保險,聽多些

Vin

hello各位~~~~
唉,我覺得自己真係好失敗呀~__~"
嗰時未開學,就計劃定第時每日都會同個女溫習~
同佢共同進退~
但係而家結果係....我做唔到囉~~
我覺得自己好似越來越提唔起興趣去理個女~
覺得每日去睇佢啲功課有冇做哂,有冇做錯~
又要同佢執書包,又要留意佢幾時默書,測驗,
唉~~真係越來越覺得好煩厭呀......
點算好!?見到個女啲表現好似越來越差,
做功課成日好求其,又成日都做錯一啲簡單嘅題目...
佢越係咁,我就越唔想再理佢,費事自己咁勞氣~~
唉~~真係好煩呀~~~

evelyn317

多謝各位

肥仔媽咪

Vin,

其實我們好多媽咪都一樣諗讀書係佢地自己的事情, 但現在好似要跟他/她們一起讀, 有時真會提不起勁, 不過你要安慰自己這只是最多六年時間, 到中學你想理都唔到你理, 而且小一是引領他/她們上軌道的重要時刻, 所以唔好放棄呀! 教得個囡好嗰種開心無嘢代替到的, 我們一起互相鼓勵吧.

carollam310

Vin
       唔好咁易放棄呀!o岩o岩開始之嘛.咁快就想放棄.肥仔媽咪講得好o岩,教得個囡好嗰種開心無嘢代替到架,好似我咁,上星期六去拎成績表,女女成績好好.我真係開心到喊架.好有成功感架,其實我同你唔單止年齡一樣,連性格都好似.我都係比較易勞氣,又容易放棄既人,好彩阿女生性咋.可惜比較蠢, : o係溫習方面真係要下好多功夫,但我都冇放棄過,就算阿女教極都唔識.我都冇發脾氣.自己收埋自已嬲.仲開口讚佢o力,其實都幾難做得到架,呢幾個月我忍得幾辛苦呀, :evil: 但辛苦完係有回報既.今次考試出黎既成績好好就乜野都唔記得晒~~~你唔好咁易放棄呀!我地要繼續努力作戰落去呀~~加油~~

Vin

carollam310 & 肥仔媽咪,
好多謝你哋嘅鼓勵呀~我會努力架喇~
不過我覺得我個女真係太依賴我呀,完全唔可以自發性咁完成啲功課~
有時佢話已經做哂功課,但係我攞佢本手冊嚟睇~
至知道未做哂~~
今日佢班主任同我講,我個女掛住想快啲去玩就唔抄手冊~
原來佢覺得橫掂返到屋企都可以上網睇得返個家課冊,所以唔抄~你話激唔激死丫~:evil:
佢仲要日日返嚟個書包都亂到死~~求其將啲嘢"質"哂落去就算.
成日搞到啲工作紙同書都"巢"哂~~啲筆又唔放返入筆袋~
件外套摺都唔摺就"質"埋入個書包度
佢老師仲話今日行過佢個位,見到佢將啲書擺到一地都係~
你哋話丫~~女仔之家點可以咁架~
已經話咗佢好多次都係咁~:cry:我真係覺得佢好煩呀~

我個女放完假返去就考試架喇~
我諗呢個假期一定唔可以浪費啲時間~
不過希望啲天氣唔好咁凍啦~~
如果唔係我就會好想成日暱喺個被竇入面架喇~haha

katiema

carollam,

恭喜~~~恭喜~~~, "拎成績表,女女成績好好"
"阿女教極都唔識.我都冇發脾氣"~~你真有耐心, 偉大的媽媽

Vin,

唔好放棄, 我女之前都有咁情況(書周地都係, 筆左一枝右一枝), 女女都要成年先開始好d(k3已係咁), 初初入小一又係未習慣(不跑得), 我要日日在校門口講一次, 現在先有d成果, 我女1月尾先有家長日, 但試已經考完, e + 我好鬼緊張呀!!!

希望我地再努力, 令仔女能在愉快的環境下, 得到好成績啦!!

katiema

小米雪

Hi Evelyn:
    不用客氣!日後大家多些交流,交流啦,不過,今個假期就冇得休息,因為囝囝跟住要考試,學校每個學期一測一考,所以今次考試泛圍都幾廣泛,唔知又要嘔幾多血至得,因為我個囝囝好"正"架!




Hi Vin:
      睇完妳講妳囡囡嘅嘢,好大感觸,因為直情好似講緊我囝囝咁,簡直一模一樣,特別是以下這段:
佢仲要日日返嚟個書包都亂到死~~求其將啲嘢"質"哂落去就算.
成日搞到啲工作紙同書都"巢"哂~~啲筆又唔放返入筆袋~
件外套摺都唔摺就"質"埋入個書包度
佢老師仲話今日行過佢個位,見到佢將啲書擺到一地都係~
      囝囝由開學至今,已經損耗/不見了三打鉛筆,四舊擦膠,四個鉛筆鉋,外套漏了在學校三次,(好彩搵得番)仲有久唔久就俾老師(非班主任)投訴上堂離位,(班主任冇投訴,因為佢話佢已經比學期初進步喎),其實我都好懊惱,啲EQ不斷下降(對住囝囝嗰陣),不過都冇辦法,鬼叫佢係我個仔咩,尤幸佢讀書

Edithma

聖誕快樂各位靚媽!

好耐冇入過來! 囡囡今日終於考完! hehe ..!
Vin,
唔好咁唔開心la, 我囡囡又咪系咁! 成日忘記拎呢樣拎果樣返來, 結果冇得做功課! 搞到成本手冊都比老師寫滿晒  !
  
evelyn317,
我囡囡約1月21日反政府覆check 眼睛! 之前忙住考試冇同囡囡去私家check. 我想請問你囡囡系去邊間驗? 系咪去d 眼科專科診所好d?

karencircle

Vin,
我看完你個post，好似幫我寫晒出來。唉！見到囡囡咁真係火都變晒灰。阿囡本手冊就快被佢攪到五馬分屍。我同佢講，本手冊被我發現無放落手冊袋就罰貼紙20個，每次加10個，她罰左100個貼紙給我後，情況有改善，見佢數貼紙給我個心痛樣就知她會記到實。但又唔想樣樣都罰，所以她書包內那些癈紙、四散的文具就 :evil:  日日講都真係無氣