發展遲緩B媽媽(part 1)

kennistong

原帖由 icookies1 於 09-5-6 10:20 發表
想問你bb响邊到做ST呀. 因為我試過出面d st都話我個囡太細做唔到wo. Thanks!

icookie1
朗言社有個小組係比 15至24個月既小朋友既, 如果真係想上, 不過, 試下小組先!
http://www.creativepowerhk.com/course_lang_15mo.htm

kennistong

原帖由 anan3388 於 09-5-5 11:55 發表
各位媽咪,
睇左一半左右呢個 topic既內容, 真係好佩服你地既毅力同對bb既愛心, 繼續加油呀!

我有d問題想問下, 唔知你地介唔介意呢?

我囝囝岩岩歲半返健康院時, 姑娘叫我約一個 long session (6月頭)見醫生, 但就無 ...

anan3388
語言發展係同佢對認知既能力有關係, 佢到底係認知慢左, 定係語言慢, 我想, 留比專業人仕去評估會好d.
前2天同一個專業人仕傾開, 小朋友好多時係被評為遲緩先, 之后再評為自閉, 係因為自閉的小朋友好多時會有遲緩, 自閉的小朋友太自我, 令收集有問題, 自然佢既 response 都會係慢,係一環扣一環既.

如果你真係好想比training 佢, 個人意見係從認知開始, 之后先去語言, 明白左之后先會講得出!! 可以從生活細節開始, 樣樣都講多d 比佢知. 帶佢去多d 街街,一路行, 一唔講比佢知, 呢d係麥, 果d 係麥…. 我都係一樣, 我小朋友唔多有response, 不過, 我地又幾時會知佢係真吸受, 定係假吸受. 樣樣都做多d 拉!!!

kennistong

原帖由 momo_peach 於 09-5-7 09:35 發表
請問邊度有st做呀?  
我個仔而家返緊協康個別訓練同朗研社, 星期一會去政府做評估...
各位媽咪,其實, 比起政府, 私家係咪好d呢? 除左樂天, 仲有冇其他私家呀? ...

momo_peach
坊間有很多做ST 的, 但我見你已為小朋友安排了協康個別訓練同朗研社, 我想不用再加了.
做training 好在乎家長在家中的配合, 我自問都跟唔足, 所以都唔安排太多個別訓練比佢, 一來貴拉, 2來係冇太多既時間去做, 我依家都在找一些小組訓練. 一來平d 拉, 2來係佢見到其他小朋友, 融入得好d, 又有其他小朋友比版佢看. 佢會知點做.

bbsinman

icookies1,

因我女女宜家都仲等緊 PT。所以我又係幫個女參加左附近幼稚園既 sensory playgroup 先。昨日我先上完。佢上完之後, 我同佢都好攰。不過為左佢好, 辛苦d都要。

原帖由 icookies1 於 09-5-8 11:35 發表
Now she is having PT in Prince of Wales hospital once per week, OT in Heep Hong once per week. And just join sensory playgroup in the kindergarten near my home. Do you think it is enough?

cecilau

最重要都係家居訓練, 你將係pt & ot 所學的野同女女練習啦. practice 係最重要呀.

原帖由 icookies1 於 09-5-8 11:35 發表
Now she is having PT in Prince of Wales hospital once per week, OT in Heep Hong once per week. And just join sensory playgroup in the kindergarten near my home. Do you think it is enough?

anan3388

謝謝大家回覆
暫時囝囝都未正式做測試同訓練。已預約左私人既評估, 希望知多d點幫佢。

另, 有做類似行業的朋友都探過囝囝, 佢覺得囝囝都算明其他人做乜, 但係未能將音同物件連起來。另外, 佢話囝雖然無手指指, 但識伸手要都算係懂表達自己既表現。同埋雖然唔望人唔應人地既名, 但唱歌就會即時望住, 所以都算有注意其他人。當然更詳細要等評估, 但佢講左我都安心左少少。朋友都俾左D建議我可以點做, 亦同我一齊住揀左一D訓練項目同囝囝玩下(參考左自閉兒家居訓練), 同埋我都睇埋 Doman 本書, 計劃同佢玩 flash card 刺激多d佢既語言發展。希望能幫到囝囝啦~

其實最大既障礙係在自己度, 因為囝囝好多時都無乜反應又唔睬人時, 我就好容易會無心機。依家, 睇完Doman本書同埋好多人既例子, 我諗我會用"只計輸入, 不計輸出/成果"既態度, '同埋享受每一刻同囝囝一齊'既心態去同佢玩/訓練, 希望可以堅持落去啦!

各位加油

icookies1

多謝各位意見, 我個囡感統有問題, 唔肯比人捉住手仔, 所以都好難幫到佢, 其實之前都幫佢報過協康D感統PLAYGROUP, 但一要佢做時佢反應好大, 係咁扭計, 返左八堂喊足八堂, 不過無計, 都要迫佢返多D呢類既PLAYGROUP, 只係覺得好唔好意思影響到其他人.
我同老公都要返工, 同佢訓練既時間真係好少, 好想唔做野照顧佢但又唔得, 日頭只可以指意個懶鬼工人, 佢又點會同你做足訓練呀, 唯有辛苦D, 洗多少少錢幫佢報多D TRAINING. 唉, 都唔知點解個囡咁多事干, 醫生又話佢有D特性似自閉症, 真係好煩. 都唔知係咪陀佢時食錯野.

jencheng

我個囝亦是手部很敏感,唔鐘意比人拖著,捉著, 可做多些手部stimulation如刷手,冷暖水交替浸手, 用粗/滑物件交替去輕刷她手等, 有幫助的, 佢唔願意我先生都會捉住他的手說"爸爸一定要拖".. 做了一排浸手, 覺得有改善, 現在都可以捉著他的手仔摸吓擦吓

原帖由 icookies1 於 09-5-10 00:30 發表
多謝各位意見, 我個囡感統有問題, 唔肯比人捉住手仔, 所以都好難幫到佢, 其實之前都幫佢報過協康D感統PLAYGROUP, 但一要佢做時佢反應好大, 係咁扭計, 返左八堂喊足八堂, 不過無計, 都要迫佢返多D呢類既PLAYGROUP, 只 ...

slh

Hi icookies,

過咗去嘅野, 唔好諗禁多啦~ 咁你會成日怪自己~  有時間多d同呀囡囡玩同做training~  

我呀囡個case 仲煩, 因為佢係天生得一隻眼仔, 而且仲係嚴重視障, 我地同99講時, 佢仲話我緊係食錯野......... 如果我知, 我緊係唔食啦!  況且到宜家呀囡兩嵗幾, check 咗咁多野 (眼科, 兒科, 遺傳...我地兩公婆同佢都驗過幾次血), 但係都找不到原因......我諗只有神先知.....   不過時間耐咗,又或者是呀囡大咗 , 99佢地又再提, 可能係因為呀女雖然係遲, 但都已經識得叫呀嫲同呀爺爺, 有時逗得佢地好開心, 所以大家當冇事發生過一樣.......

原帖由 icookies1 於 09-5-10 00:30 發表
多謝各位意見, 我個囡感統有問題, 唔肯比人捉住手仔, 所以都好難幫到佢, 其實之前都幫佢報過協康D感統PLAYGROUP, 但一要佢做時佢反應好大, 係咁扭計, 返左八堂喊足八堂, 不過無計, 都要迫佢返多D呢類既PLAYGROUP, 只 ...

新手梁媽媽

各位:
我囝囝6個月大. 早於4個半月時已被醫院確診為發展遲緩. 佢既活動能力只有1.5-2個月. 現在他俯臥時只能微微抬起頭. 抱起佢頸仔仍然無力. 手腳同樣無咩力. 對玩具興趣不大. 眼仔對四周環境注視力不強. 醫院已做左好多檢查 (包括: 眼料, 中樞神經, 腦料, 聽力)仍未找出原因. 已排左12月照MRI. 亦已轉介到評估中心. 現在都會聽職業冶療師講多D在家做訓練. 但進展不太好.
由知道自已個BB發展遲緩, 內心很難過. 諗極都唔明點解會咁. 每一次檢查出報告. 內心好驚好驚. 無宗教信仰既我, 都好想個天能幫我既囝囝渡過難關. 每次做訓練, 佢好努力抬頭都抬唔起. 我的眼淚不禁長流. 亦覺得錯帶他來到這個世界. 好驚佢將來溶入唔到這個世界呢......
每次帶佢出街去到育嬰室, 好怕別人問佢幾大. 見到別人BB三個月都被自己果仔硬淨. 不禁心酸了.
有無媽咪能跟我分享經驗?? 係未發展遲緩只要做多D訓練就可以好番??? 好迷茫....

valmom

新手梁媽媽

我估我地呢度咁多個媽媽冇咩邊個真係完全冇喊過, 未試過人地問自己小朋友幾大既時候覺得唔知點解釋, 冇去諗點解呢樣野會發生係自己身上.

發展遲緩, 其實唔算係一種病... 所以十居其九都唔會搵到原因點解小朋友會比同齡既慢. 做檢查可以照做, 因為都明白唔做個心總會諗係唔係就係未check個方面既問題呢, 不過, 可以預計, 最後結果醫生都係話你聽冇事, 唔知點解. 就算check到話係咩問題, 都唔會係食藥就冇事呢D case...

發展遲緩既小朋友係愈早發現愈早介入處理係最好. 你小朋友依家都只係半歲, 勤力D做多D training, 佢會快D追得番上大隊~~ 不過, 要幾耐, 任何醫生治療師都答唔到你. 我地做媽媽既最緊要係真係接受小朋友依家係有問題, 因為, 只要我地肯面對問題, 搵人幫手, 我地會幫到小朋友.

俾心機~~~

icookies..
slh講得岩~~~ 小朋友都出左世, 陀住個陣既野都已經過左去, 而且都冇醫學根據話發展遲緩既小朋友同媽媽陀住時既生活有關. 所以唔好再諗, 亦唔好怪自己~~ 將呢D情緒心思轉到做D實際行動幫小朋友去做training/ follow-up會更加有用~~ 無論小朋友發展係點, 佢地都係我地陀40週生出黎, 我地就係小朋友既最親密既隊友~~

[ 本帖最後由 valmom 於 09-5-10 22:36 編輯 ]

anan3388

Dear 新手梁媽媽:
要堅持訓練佢呀, 訓練未必好快有成果, 但係唔訓練就無/少成果。bb係靠哂您同您家人, 有唔開心多d同人傾下, 搵多d支持您既人, 希望在明天呀!依家bb仲細, 佢又咁可愛, 佢有好大既潛力等住發出黎既, 加油!

介紹您睇一本書: 杜曼的"如何幫助腦傷兒童成長" How to teach your brain-injured child, 看到好多人一齊努力同埋佢地既成果, 令人覺得堅持下去是有希望的! 希望幫到您.

babylove88

Quote from another member :

參加左Dr. Poon  4月嘅發展遲緩講座，感受到家長們培育 BB 都承受很多不同壓力，講到大家都眼濕濕........
現在有 一 個 在 5月開始的促進兒童發展小組, 可以上www.eicare.net 的最新活動睇睇，加油ah, 家長們!

slh

Hi,

呢兩日呀囡都要返pwh覆診冇返學, 我發覺佢古或咗, 同長氣咗, 好像昨晚咁, 唔知係咪熱, 訓到半夜2點幾醒咗, 跟住唔肯訓, 我訓係佢隔離背住佢扮訓覺, 佢就自己坐起身, 跟住不停拍我個背脊仲係咁叫"呀咪" , 直至我應佢, 都叫咗好幾分鐘~  

今天同佢去完e院, 就去咗玩具x城, 買咗個好以超市手推車比佢學行同試吓扶住d郁得嘅野企, 等佢練吓平衡力, 點知佢論論盡盡咁推到電視機前就企咗係度唔郁??? 原來係度睇電視, 仲企到好近tim, 跟住我地唔比佢睇, 佢就即刻扮好攰, 坐係地下唔肯行/企, 婆婆問佢係咪好攰, 佢即刻答"係呀",
佢真係越來越叻, 知道對住邊個扭計就可以得丞.....

icookies1

你個小朋友都幾叻WO, 係呢,你威記係邊個姑娘幫佢做TRAINING架? 佢而家返緊咩學呀?

bbsinman

我岩岩都買左部學步車(推車)俾女女。初初佢都唔係好識用, 成日向前行大好大步, 攪到成日好似就跌就跌咁，宜家用左幾日就好左d, 開始識推住轉彎。有時仲想拉部車向後。不過佢都仲係唔肯自己試下企。我昨日帶佢去公園, d人先問我佢係唔係得10個月大。唉!

原帖由 slh 於 09-5-13 23:06 發表
Hi,

呢兩日呀囡都要返pwh覆診冇返學, 我發覺佢古或咗, 同長氣咗, 好像昨晚咁, 唔知係咪熱, 訓到半夜2點幾醒咗, 跟住唔肯訓, 我訓係佢隔離背住佢扮訓覺, 佢就自己坐起身, 跟住不停拍我個背脊仲係咁叫"呀咪" , 直至我 ...

sze0830

其實脫離奶類食品是很困難的 ....
因為有很多食物都是奶類製造的 ....
大家可以看看此間食物公司的資料 ....

http://www.littlegianthk.com/productdetail.php?AssVersion=chi&detailtype=Food&subcat=Cereal%20%26%20grains&all=y&PHPSESSID=d58e82bcd81e7414fe2842270c850485

原帖由 atty 於 09-4-28 15:12 發表
轉豆奶, 邊隻好??

仲有,亞仔食緊森永,大便去得好好, 如果轉了,好驚腸胃唔好喎??!!

bbsinman

hi, 你女女係唔係都係沙田上 sensory playgroup ？

原帖由 icookies1 於 09-5-8 11:35 發表
Now she is having PT in Prince of Wales hospital once per week, OT in Heep Hong once per week. And just join sensory playgroup in the kindergarten near my home. Do you think it is enough?

valmom

bbsinman
你小朋友都好叻喇~ 都肯行~~
我個女個陣都搞左半年多D先肯用walker行.... 不過真係好好既, 可以訓練到佢地平衡, 慢慢黎~~~

weiwai

hi all

我今日好開心呀。
呢排做緊各樣評估，今日就做大肌。pt話呀女進步左好多好多，佢都估唔到咁多
雖然仲未知整体評估結果係點，但今日真係好開心安慰