2005年出世或~宏福幼兒園媽咪~(PART II)歡迎新朋友加入

ElainAiolia

626mama,
尋日放假咁好帶軒軒返學 ，又會比你揾到個位望入去o既 。

乜“淡豆豉”唔係收人奶時飲o既o羊 ，你問清楚婆婆再話比我o地知呀，唔該晒 ！

你亞妹部新機係o米D setting未搞掂呀？又真係幾激氣o既 。

626mama / hongmimi,
原來你o地後生有影過沙龍o架，真係好襯青春留倩影。我就唔捨得使呢D錢 ，一來我自己又唔係靚，再加上無乜錢 (因我都比好多錢家用，用o黎供樓)，但我聽到人o地影呢D相，都好開心o架 。

ElainAiolia

hongmimi,
你o地講o野都有所保留 ，子聰而家都會講「有無攪錯」、「攪乜鬼錯o者」，試過佢同我o地講「你痴線o架」，我即刻話佢細路仔唔講得呢D o野o咼 ，佢即刻扮野話「我講笑o乍，講笑都唔得o羊」 ，真係比佢激C 。

你無估錯，子聰個名後面係有個Paul字 ，我o地到時再約。

流淡汗點知，o米用脷 “lam” o下o米知o羅:;pppp: ，我o地細個阿媽都係用呢個方法o乍 。

Interview唔喊果個女仔o米就係 ………………….. 阿邊個邊個o羅 。


winterlo,
我都贊成hongmimi o既講法，而返pg對個小朋友亦有好處 。

ElainAiolia

天藍,
尋日昊藍o既生日會開唔開心呢 ？

你尋日比D o野我印印，我已幫你搞掂o左la ，唔使唔該我，我十分樂意咁做 。

聽我印印講你已諗好旅行果日帶D乜去食 ，而我仲頭痕緊，因我、印印仲有子聰都仲咳緊，而且帶熱o野去食又易凍又好似幾麻煩 ，表姐尋日發高燒，醫生要佢放2日病假係屋企好好休息 ，我諗住唔帶佢去，怕佢傳染比D小朋友 ，而聰爸果日未必去到，所以呢2個位會由婆婆及印印頂上，未知你個印印會唔會去呢 ？

pcdogxx

各位,
我好忙好忙好, 前兩日出去左做training, 下星期又要去杭州做野.. 真係冇時間上黎睇.....

鈞渝冇返三日學今日先返咋..  不過佢d痰同咳都未好晒..   但係總算好左好多喇..   

唉.. 星期日去旅行我都未得閒攪..   到時或者求其買小小野食算喇..  返黎先食下午茶..   唉.. 好想死呀..  

天藍,
我收到張邀請咭喇..  多謝晒...  我地當天會準時出席..

hongmimi

pcdogxx,
妳真係好忙喎~  原來鈞渝之前三日冇返學，而家好番就好喇~

我旅行都係咁以買左d，都諗住兩點都返青衣，費時拎餐懞~

妳咁忙邊有時間去攪呀，我預埋妳地啦~ 大家少少都夠食既~ 跟著一齊去飲下午茶好過~ 不過妳記得帶水俾鈞渝呀~

天藍,
我都收到喇.. thanks!

626mama

pcdogxx ,

嗶~~~聽妳咁講，真係好忙喎，忙中都要小心身體呀，天氣轉緊，帶多件衫係身邊，妳得閒先上來慢慢埋啦。

下...原來鈞渝冇返三日學，睇左醫生好D未呀。唔得可能要轉藥喇。我昨天仲想，唔知會唔會望學校入便，望望下有個人企我則邊添。

星期日去完旅行返青衣，食下下午茶都好喎，不過可能軒軒會好眼訓，因為平時1:00-6:00都係軒軒肚訢晏覺時間。

原文章由 pcdogxx 於 08-3-7 10:29 AM 發表
各位,
我好忙好忙好, 前兩日出去左做training, 下星期又要去杭州做野.. 真係冇時間上黎睇.....

鈞渝冇返三日學今日先返咋..  不過佢d痰同咳都未好晒..   但係總算好左好多喇..   

唉.. 星期日去旅行我都未得閒攪.. ...

626mama

ElainAiolia ,

尋日婆婆同公公都要去政府醫院睇醫生，怕趕唔切回來湊軒軒放學，咁我咪要放假接軒軒放學，我平時已經好想帶軒軒返學，咪早D起身，帶軒軒一起反學囉，我都係第二次帶軒軒返學炸。個位真係好細，只都好過望唔到，平時聽PCDOGXX望到入去睇佢地做早澡，我一D都望唔到。

食淡汗"北奇 加 紅棗煮水飲都得喎。或用金銀花煮水洗澡！

我亞妹部新機係o米D setting未搞掂呀？就係唔係，我仲想昨天上網上足一日嫁嗎，點知，係個網路商("CCW")唔好，我以前係度主冇咁差嫁喎。

妳靚，點會唔靚，每一個女都靚嫁，冇人唔靚嫁。我都好唔捨得D錢嫁，所以影完就會好貧嫁喇，我都係貧等人家，又係長女，我都令好多家用回家，以前得爸爸一個人做野，6個人食飯，我成日都話我妹佢地好，以家拎小小錢回家，自已就大花筒。

原來天藍已經諗好旅行果日帶D乜去食，我都仲想緊帶咩去好，
出來才食大人得，細路呂仔唔得喎。好煩惱。表姐發高燒，祝佢早日好返‧去唔到真係好可惜。聰爸果日未必去到，都冇計啦，不過妳都搵得切婆婆及印印頂上，好過浪費左個位。如果天藍個印印都去，佢兩個就有可以傾下計，應該都會幾開心。

原文章由 ElainAiolia 於 08-3-7 10:00 AM 發表
626mama,
尋日放假咁好帶軒軒返學 ，又會比你揾到個位望入去o既 。

乜“淡豆豉”唔係收人奶時飲o既o羊 ，你問清楚婆婆再話比我o地知呀，唔該晒 ！

你亞妹部新機係o米D setting未 ...

626mama

hongmimi ,

講起下午餐，好想食咖喱角，
唔知點解，通常餐牌有，
叫親多數都話冇。
可能係我黑仔。

原文章由 hongmimi 於 08-3-7 10:56 AM 發表
pcdogxx,
我旅行都係咁以買左d，都諗住兩點都返青衣，費時拎餐懞~
妳咁忙邊有時間去攪呀，我預埋妳地啦~ 大家少少都夠食既~ 跟著一齊去飲下午茶好過~ 不過妳記得 ...

whatever

各位，
份通告話兩點由農場返。我諗到了青衣約三點。
我跟住要返屋企沖涼換袗，因為我六點要去飲呀。
Join唔到你地High Tea lah...
星期日見你地啦。

pcdogxx

好野.. 天文台冇寫話落雨喇.. 仲部份時間有陽光, 16-21度都幾好, 唔太凍.. 好期待呀....

626mama,
每日9:00做早操時間, 佢先會開大晒個窗簾架..  大約5-10分鐘到啦.. 跟住做完拜拜就拉返埋架喇..  

我上個禮拜都中左招啦.  一覺得喉嚨痛即食藥點知都唔得.. 不過好彩病左一日咋..  返工做做下發燒..  做完晒走人返屋企瞓左一晚就冇野喇..  

唔驚啦, 可能搭車返出黎佢地會係車瞓左架..  有時間一齊食埋個 "high" tea, 傾多一陣都好呀..  

Hongmimi,
其實星期六我都有時間去準備既, 不過呢排忙到都冇時間諗... 所以等放假先黎慢慢諗..

ElainAiolia,
唔該你拎張生日邀請咭俾我呀..  尋日你打俾我仲上梗training, 所以好鬼崇...

唉.. 呢家d人病到五顏六色..  真係煩到嘔...   表姐仔冇得去真係唔抵..  佢有冇好唔開心呀??

winterlo,
你好, 歡迎你入黎傾偈...    Hongmimi 梗係講梗我個女喇..  哈哈.. 其實如果你可以訓練到囡囡唔怕陌生人, 我覺得自己一個帶佢去in係最好架..  因為出面d老師幫手你睇住, 如果佢唔喊又玩得開心, 印象一定會好好..  所以你而家開始訓練下佢既社交.. 等佢唔好咁怕陌生人..   至於playgroup, 我個人認為都有少少幫助既, 不過咁既價錢就唔係好抵囉..  唔知玩得d乜.. 同埋咁細唔識同其他小朋友玩, 至在幫下手見多d人咋..   

天藍,
21號爸爸拎唔到假, 所以join唔到你果邊喇..    下次有幾會再一齊去..  

追到最update果d message咋.. 遲d先慢慢睇返後面果d..  做野喇.. 拜拜..

[ 本文章最後由 pcdogxx 於 08-3-7 13:57 編輯 ]

626mama

whatever ,

原來9號係好日子，咁妳都好趕喎。
無所為啦，都唔知去唔去得成，
來日方長，大把日子啦。

原文章由 whatever 於 08-3-7 01:41 PM 發表
各位，
份通告話兩點由農場返。我諗到了青衣約三點。
我跟住要返屋企沖涼換袗，因為我六點要去飲呀。
Join唔到你地High Tea lah...
星期日見你地啦。   ...

hongmimi

626mama,
原來因為咁妳要請假接送軒軒，又咁岩鈞渝無番學，撞唔到pcdogxx添~
咁會唔會用金銀花煮水洗澡好d呢!?

妳唔好咁啦! 舊時個年代個個都唔係富裕，我屋企夠一個人搵錢，六個人開飯。一家人健康、和氣就好幸福! 而家個個親戚都話，見我地長大成人，又乖又顧家，阿爸阿媽當年幾辛苦都藉得。

ElainAiolia,
妳都識講啦! “好襯青春留倩影”嘛! 係青春就靚架喇~ 心境青春大家可以繼續靚，妳靚我靚個個靚~

我阿媽無用過呢個方法我唔知完來係用條脷“lam”~~~

估唔到子聰都會講「痴線」果d野，平時睇佢好文靜下，俾妳話仲扮野話「講笑都唔得咩」咁抵死。

626mama

hongmimi,

昨天已經用金銀花煮水洗澡了!


我都係講下傘，我妹仲話唔夠洗。

之前影低D相瘦，第時比軒軒睇下，媽媽唔係成日都係肥嫁，都瘦過嫁。

原文章由 hongmimi 於 08-3-7 02:06 PM 發表
626mama,
原來因為咁妳要請假接送軒軒，又咁岩鈞渝無番學，撞唔到pcdogxx添~
咁會唔會用金銀花煮水洗澡好d呢!?

妳唔好咁啦! 舊時個年代個個都唔係富裕，我屋企夠一個人搵錢，六個人開飯。一家人健康、和氣就好幸福! 而家個 ...

hongmimi

whatever,
星期日見~

原文章由 whatever 於 08-3-7 13:41 發表
各位，
份通告話兩點由農場返。我諗到了青衣約三點。
我跟住要返屋企沖涼換袗，因為我六點要去飲呀。
Join唔到你地High Tea lah...
星期日見你地啦。 ...

hongmimi

626mama,
好在匡匡而家睇我後生d相都仲認得係我~

不過佢睇我大肚時同岩岩生完時個樣就話係「肥豬豬」~

626mama

hongmimi ,

下...叫妳「肥豬豬」

我仲滲，可能妳地都聽過，軒軒成日叫我阿肥(軒爸教佢)

原文章由 hongmimi 於 08-3-7 03:40 PM 發表
626mama,
好在匡匡而家睇我後生d相都仲認得係我~

不過佢睇我大肚時同岩岩生完時個樣就話係「肥豬豬」~

626mama

各位,

星期日見喇，
GOOD BYE ~~AND SEE YOU LATRE。
電聯啦各位。

626mama

天藍,

兩天不見妳，妳係咪好忙呀?

天藍

all mama,

真的不好意思, 近來比較忙, 及我昨天放咗假同
仔仔返學開生日會, 今天返到公司又好忙, 所以
兩日都無時間上網回覆。
昨天我回校開生日會好開心, 首先返到學Miss Wai
帶住昊藍出校門接我地入去課室, 跟住入到課室同
學仔歡迎我地, 再由班主任Miss Gloria問仔仔我地
係邊個, 叫仔仔介紹我地比同學仔識, 跟住就問同學
仔今日邊個生日, 同學仔一個個咁出來送上心意咭,
學校亦有一份禮物送比仔仔, 係盒仔連毛巾仔, 一齊
開始唱生日歌, 同影相,  跟住食蛋糕生果...., 到差唔
多時間, 老師就多謝我地出席, 跟住我地要走小朋友
唱goodbye song, Miss Wai送我地出去, 仔仔就
留係到繼續上堂, 生日會程序好簡單, 但好開心見
到咁多同學仔~~
昊藍係學校生日會d相遲d我整好再send比你地睇,
我旅行都係叫工人整迷里糯米雞咋! 都唔知仲整d
乜, 因近來我都好忙, 個人成日好攰, 都唔知再整d
乜??? 明天仲有一天再諗下~~
因近來成日好攰, 唔好意思咁遲先上來, 遲d再回覆
大家, 因年紀大明天要返工, 我都要早d訓。
星期日旅行見~~
好開心旅行日見面日!!!


626mama,

琴日學校開生日會我見係食蛋糕同生果時, 我見到
軒軒都食得好快, 無你所講係屋企唔肯"不"來食,
好ok 喎! 唔使老師幫, 我見軒軒自己不到來食, 同
食士多啤梨時都食得好快, 識自己用义拮來食, 仲唔
係最慢個個, 反而有個女仔同學食得好慢, 老師要幫
一幫佢, 軒軒進步咗, 叻仔~~
你可以返到屋企比仔仔自己試下不飯食!

原文章由 626mama 於 08-3-7 17:46 發表
天藍,

兩天不見妳，妳係咪好忙呀?

pcdogxx

各位,
今日玩得好開心呀..   不過我原來影得好少相咋..  video就拍左好多, 我拍左好多老師跳舞果度, 如果你地有興趣想要, 我燒返隻碟俾你地吖..   

今日佢地唔跳都唔知原來佢地學左咁多隻舞, 我影低左鈞渝跳呀..  你地睇下..  哈哈..
http://www.youtube.com/watch?v=ypLw6WtmQEY
http://www.youtube.com/watch?v=AGv5twEsqRU

仲有子聰好大膽既滑桶.
http://www.youtube.com/watch?v=i036yfM2Je0