専注力不足及過度活躍症(ADHD)兒童家長站

常在坤

剛剛食左兩日藥,醫生叫我睇下佢食左D反應點,但每日食兩次每次半粒朝早反學前食,下午係學校食,今日31號放完假開學,放學反黎好似控制唔到情水,都唔知點!要點睇反應?各位教教我應點??

Connielai

原文章由 常在坤 於 08-4-1 03:16 發表
剛剛食左兩日藥,醫生叫我睇下佢食左D反應點,但每日食兩次每次半粒朝早反學前食,下午係學校食,今日31號放完假開學,放學反黎好似控制唔到情水,都唔知點!要點睇反應?各位教教我應點?? ...

食緊邊隻藥?

常在坤

好似叫利他能

Connielai

原文章由 常在坤 於 08-4-1 14:10 發表
好似叫利他能

我個仔都食過, 不過只係無胃口, 沒有其他問題。你不如帶佢返醫生度同醫生講啦, 可能隻藥吾啱佢。

mandylung

我個女都食過 ritalin, 只是胃口差了, 醫生要佢食番多d野 ! 後來轉了concerta 每日一次, 方便返學時不用帶藥返學校食 !  我女曾經服後有些抑鬱情況, 但減了劑量後就無事了.

正如Connielai所說, 你應同醫生講清楚佢反應.  每個人對藥物反應都唔同 !

原文章由 Connielai 於 08-4-2 12:05 發表


我個仔都食過, 不過只係無胃口, 沒有其他問題。你不如帶佢返醫生度同醫生講啦, 可能隻藥吾啱佢。

~仔仔媽咪~

原文章由 Connielai 於 08-3-31 14:45 發表


轉d活動教學, 少d功課, 無咁嚴的學校。

都未必架..都好睇間學校有無方法去照顧ADHD小朋友...嗰陣我仔讀IS(幼稚園),幾個老師對住五個學生(包括我仔),都頂唔順我仔,三個半月後伸佢出校...中間未伸出校既辛酸史分分鐘仲衰過正統學校...唔理咩學校,最緊要去留意佢地點去教小朋友,如果佢一味話收,但又無實際既野去幫個小朋友,相信間學校唔捱得你個仔幾耐,情形就好似我仔依家間學校咁...對我仔處於半放棄狀態...有份教我仔既老師話搞唔掂我仔而要求我仔早D放學(呢排個仔定D,佢地至放過我地),無份教我仔既老師反而仲有心去關心我仔同我呢個家長囉...但真係好睇得出我地同學校老師兩邊都已經搞到好攰...唔知仲支持到幾耐...

jacob614

IS唔代表老師識得點照顧ADHD小朋友，我仔之前都係讀IS，但果間IS完全係見佢成績麻麻就無咩點理佢，成績越來越差....直到年半前轉另一間IS(傳統學校完全跟唔上)，比老師發現佢問題，叫我帶佢睇醫生，証實係ADD兼語言遲緩，佢幾個老師好照顧同關心佢，半年左右成績就開始有進步，個人覺得老師好唔好真係好重要！

~仔仔媽咪~

原文章由 jacob614 於 08-4-4 01:08 發表
IS唔代表老師識得點照顧ADHD小朋友，我仔之前都係讀IS，但果間IS完全係見佢成績麻麻就無咩點理佢，成績越來越差....直到年半前轉另一間IS(傳統學校完全跟唔上)，比老師發現佢問題，叫我帶佢睇醫生，証實係ADD兼語言遲緩，佢幾個 ...

係架!至緊要係睇成間學校D老師(尤其校長)係咩心態...嗰陣我仔讀IS都係諗住人少少又多老師會易照顧我仔多D,點知我仔都係發癲,結果就咁伸咗我仔出校...

同埋我仔依家嗰間,初時真係勁好,個校長係好專注同鼓勵學校所有老師去進修去聽多D關於特殊問題既講座,D老師真係好積極去幫我仔呢類小朋友,但第二年呢個校長退休,轉咗依家個校長...惡夢就黎!佢一心想將我仔呢間學校變成一間英文程度好既名校,淨係睇成績,都唔理我仔呢類學生,我仔有問題又成績唔好佢就想我仔走,我仔個老友又係亞氏保加症又係社交唔好但成績勁好佢就鐘意到暈...今年仲衰,一開學已經深深感受到好大壓力,唔止係我大壓力,我係覺得亦好感受到全校老師都勁大壓力...我閒聊咁講咗句野,佢地都好緊張好似我係話緊佢咁..但我係話我唔介意個仔跌親(我仔玩緊攀架)啫,佢地已經好大反應咁話:"我都唔係咁既意思!阿黃太!我只係關心佢啫!"搞到我都好大壓力...總之已經唔再係以前我同個仔鐘意既學校啦!我仔岩岩升小一到上年,我同個仔真係好愛好鐘意呢間學校架!

jacob614

小朋友有病，做父母可以做都會去做，但好多時來自學校同家庭其他成員壓力真係....好難頂！如果唔係而家呢幾個老師，我真係唔知點算，我而家都唔敢諗咁多野，只希望明天會更好！

~仔仔媽咪~

原文章由 jacob614 於 08-4-5 01:26 發表
小朋友有病，做父母可以做都會去做，但好多時來自學校同家庭其他成員壓力真係....好難頂！如果唔係而家呢幾個老師，我真係唔知點算，我而家都唔敢諗咁多野，只希望明天會更好！ ...

我都希望明天會更好...至少唔好好似依家咁痛苦...依家我仔學校咁樣,我好覺得自己又被掟落十八層地獄...好想死,但又唔捨得個仔又唔想個仔陪我一齊去死...但D問題又係咁黎又解決唔到好痛苦...每次諗到呢度,真係比死更難受...

當媽

各位好，我是這兒的樓主，很對不起，很久沒有發表了，但一直都有看著你們的留言，主因是：其實想答的，前文已答過了！固不想再『炒冷飯』了！

很理解你們的困擾！若太困惑時，很建議你們從頭翻看這個論題，不論在藥物上、家庭上、學校裏、社交上、訓練等…，都曾提及過。

希望重看時，能找到一些啟示或緩和、冷靜一下心情！

但要重新強調一點，我們是孩子的製造者，我們一定要理解明白他們的強項是什麼？弱項是什麼？明顯地大部分孩子，在交際和情緒上是需要調教的，而也是家長與校方的矛盾主因。

我覺得：若校方有所反影，只是說出孩子的特質與事實，通常家長會著眼於事情的結果，就是孩子又發作、發癲了。但告訴你們，這不是重點，因為，無事無幹孩子是不會有情緒，而是有誤會，才會有所反應。

所以，很建議大家：當再有類似事情發生，切忌將事件拿出來評論，一旦談論便要定對錯了。但學校有學校立場，小朋友有小朋友的觀點，而家長置身其外，不知來龍去脈，胡亂判斷，只會令人有偏幫感覺。因此，過程千萬不要理，但一定要『輕描淡寫』地否定他們的行為，要鼓勵他們有不明、不滿時，一定要表達，但不是激烈的行為。

交流一下我的經驗吧！
前幾天晚膳時，『當仔』說：媽媽你有沒有遇到不滿的事情，鬱在心中半年有多，而沒有發脾氣呀？』
我答：『尚未遇到！』
如是者，他整晚不停地說：『我很開心！』
再晚一點，他告訴我，半年前，被男同學打，他沒還手，而那天，『當仔』告知師長，老師知道後，薄責了打他的同學，如是者，他便舒暢起來了！
跟著，我對他說：『囝，我對你當時的忍耐和反應，很是欣賞，更感光榮，也感受到你的進步！但可惜的是：這事情，一直困擾著你，如果能早點告訴老師，可能可早些解決，你便可以早點開心了！』
其實，無情情、河水不犯井水，別人為何打他，事情總有因由。而事後老師如何懲罰打人者，管他罰企又好、抄書又好、吊起來打都好，切勿『諸事八掛』，追問下去，免孩子想錯隔離，反而要放大他的『好行為』，久而久之：家長與孩子能建立正面的關係，使他敢於傾吐，宣洩內心不快，排一排下毒，心情自然會好些、輕鬆些！

[ 本文章最後由 當媽 於 08-4-19 11:54 編輯 ]

smilejackie

當媽:
妳好! 很開心見到妳再與我們一起分享經驗.
前陣子, 我已經由頭開始看, 令我知道了有關adhd的很多知識, 特別是藥物方面.
希望大家再接再厲, 為了小朋友, 多分享,
多謝!

當媽

smilejackie:

你的回應，使我感到：『我的心意，終於有你明白了！』
真的！我所知的，很有限！固很希望，大家能發揮互助、分享、扶持的精神！
風水輪流轉，如果有心看全部回應的人，可能都會感受到我的轉變是正面的！
但別只看我表面，處理孩子的問題，仍有悲傷、失控、無助…的時候，但當失手後，我會檢討和安撫自己！
因我明白到：我是『當仔』的榜樣，我想他如何如何，首先，我都要做到，才可說服他！

思想熟練的大人做到了，
才可期望心智不成熟的小朋友做到！
因此，父母的情緒控制很重要，要潛移默化地影響他們！

原文章由 smilejackie 於 08-4-8 14:41 發表
當媽:
妳好! 很開心見到妳再與我們一起分享經驗.
前陣子, 我已經由頭開始看, 令我知道了有關adhd的很多知識, 特別是藥物方面.
希望大家再接再厲, 為了小朋友, 多分享,
多謝! ...

[ 本文章最後由 當媽 於 08-4-8 22:28 編輯 ]

lawsyfamily

這裡遇到你地都是ADHD 的父母真好，我兒子已經P5了，食了一年多藥，現在已經好好多了，但當然仍然會有ADD的徵狀，特別是默書及做考試卷，已經有調適，但中文默書就唔可以抽出來(都唔明點解英文可以，中文唔可以)。

有時老師會說，他很正常，看不到有甚麼特別，覺得他可以不用特別處理，但他們不知道我們做父母的下了多少功夫，也不知道他們一些表現(如默書經常不合格，寫字經常打大風，幾乎睇唔到寫甚麼)，是因為他們的障礙做成，總說他們可以做到，為甚麼不能？

他讀的是傳統小學，算是名校，現在因為要交分升中學，加上每天功課量多，通常都要做到晚上11時，有時覺得對不起他，不能找到一間合適他的學校。不過學校的數學程度高，他很喜歡，(遇到文字題時會差D，因為字寫唔好)。其實他的求知慾很高，程度也不差(這是我們父母眼中看的)，常識勁哂叻，只是腦袋記不起字怎樣寫，怎樣串。現在都唔知幫他報甚麼中學好呢？(我家在東區)

原文章由 當媽 於 08-4-8 17:54 發表
smilejackie:

你的回應，使我感到：『我的心意，終於有你明白了！』
真的！我所知的，很有限！固很希望，大家能發揮互助、分享、扶持的精神！
風水輪流轉，如果有心看全部回應的人，可能都會感受到我的轉變是正面的！
但別只看我表面，處理孩 ...

mandylung

中華基金中學, 在小西灣, 英中, 學校有心理學家註校, 可以提供輔導比學生.

原文章由 lawsyfamily 於 08-4-9 11:27 發表
這裡遇到你地都是ADHD 的父母真好，我兒子已經P5了，食了一年多藥，現在已經好好多了，但當然仍然會有ADD的徵狀，特別是默書及做考試卷，已經有調適，但中文默書就唔可以抽出來(都唔明點解英文可以，中文唔可以)。

有時老師會說，他很 ...

naughtlytiger

原文章由 當媽 於 08-4-8 17:54 發表
smilejackie:

你的回應，使我感到：『我的心意，終於有你明白了！』
真的！我所知的，很有限！固很希望，大家能發揮互助、分享、扶持的精神！
風水輪流轉，如果有心看全部回應的人，可能都會感受到我的轉變是正面的！
但別只看我表面，處理孩 ...

當媽，
我兒也是ADHD已2年，所以一直都有看這網頁，你是我的明燈，剛剛又發現可能是ODD，今早去了醫院排期，請問你有否此方面資料可指引，因為ODD比ADHD更麻煩。

yoko-ma

我想問有過渡活躣症的小朋友在bb時期的表現會有咩特別?例如睡得差等等問題。

Skywan

請問各位 ADHD 的媽咪好, 什么時候知道佢是ADHD?
因為小朋友是讀存統小學於 小一 及 小二時沒什么大問題(不知是校方沒有留意還是什么, 但小一及小二活動教學)成績是中上, 去到小三(開始轉為存統教學)近上學期完結時才不段收到校方告知小兒在校有很多問題.......我問佢系吾系ADHD, 佢又話吾似因在校有几名是ADHD 是學生, 問題是佢的兩倍, 所以話佢應該吾系。

EP (教育心理學家) 話佢有社交行為問題, 己寫轉介信叫佢排期, 將於今年年尾才接受治療 (我想是治療吧)

不過我已幫小朋友轉校到較為活動式的學校, 又有帶佢到政府評估中心做評, 但結果佢是邊緣人(專注力及過度活躍), 不須作任何治療將來(即大D) 會有改善, 請問現在可以怎麼辦? 有沒有私家醫生可以做相同評估呢?

因為佢現在的學校老師話佢的專注力比上學期還差, 那又可以怎麼辦呢?

因佢已經是 P.4  下年是 P.5 要面對升中問題。

請各位家長幫忙指教下.....

當媽

ODD=對立性反叛行為?

原文章由 naughtlytiger 於 08-4-10 13:45 發表


當媽，
我兒也是ADHD已2年，所以一直都有看這網頁，你是我的明燈，剛剛又發現可能是ODD，今早去了醫院排期，請問你有否此方面資料可指引，因為ODD比ADHD更麻煩。 ...

當媽

看了以下的引文，特別是紅色部分，可有啟示？

其實，adhd或讀障的人，有統計顯示腦部某地方體積較細或腦含血量較少。這是現代醫學的研究結果。

而中醫則覺得是瘀血積聚，即濃而稠難以流動，血液循環自然不好，影響到內臟機能，特別是肝、腎和腦，因缺血而沒滋養，固得不到好的發展，而導致專注和自控差.....。

講一大片，只想告訴你們:
1.當仔食omega3。是因為它的功效可使腦體積大些，有薄血(使血液變稀易流動)功效，令多些血液運到腦部。
2.做運動(包括感統)是想他血液循環和肢體協調好些。
3.經絡推拿也是要他有較好的血液循環和滋養內臟機能。
4.盡量吃有機、無添加或小添加的食物，目的都是希望血液乾淨一點。盡量在血液循環時，傳遞好的有益的元素。

不過，再強調一點，我樂意告訴大家方法，但懇請大家切莫要求介紹什麼牌子好、那位中醫了得、那間中心訓練成效大.......。

真不想涉及商品推銷！

請尊重我的立場！

都市日報2008年 04月 09日
港大研究揭示為探索閱讀障礙成因提供啟示
跟據港大語言學系助理教授蕭慧婷博士的研究「中文閱讀障礙患者大腦皮層的結構與功能基礎」中，首次發現閱讀障礙患者的大腦結構出現異常，而使用不同語言者的大腦病變部位，受語言特點影響。這一重要發現，提供了腦科學的依據，大大有助為在不同文化下成長的閱讀障礙兒童，度身設計不同的治療方法。蕭博士的研究結果顯示，患有閱讀障礙兒童的左腦前部的額中回區(left middle frontal gyrus)的灰質體積，顯著小於正常學童。蕭博士解釋謂：左腦額中回區主管工作記憶，並與負責動作的大腦運動皮層位置相近；而左腦後部則關乎字母與聲音的轉換，並與負責聲音的大腦聽覺皮層位置相近。她說：「我們的研究顯示，對患有閱讀障礙的華人兒童而言，側重於工作記憶和感覺運動機能的訓練，可能是更有效的矯正治療方法。而現時普遍應用於英文閱讀障礙兒童的治療策略，已經集中在字母與聲音的轉換、和提升聲音辨識方面。」

[ 本文章最後由 當媽 於 08-4-12 10:31 編輯 ]