嘉諾撒聖家(九龍塘) 家長入來傾下計啦

肥肥師奶

Heidi媽 ,

真替你&你囡囡高興!真係飲得杯落....

至於我兩個囡既成績....

Heidi媽 寫道:
昨天終於派晒卷啦! 囡囡今次都考得不錯, 每料都好平均, 比起上學期還進步了, 終於可鬆一口氣 !   

Blythemia

[quote]
肥肥師奶 寫道:
至於我兩個囡既成績....
[quote]

唔駛 ．有我陪你．我個女除左常識同普通話考得比較好，其他都 如果普通話可以計埋拉分就好．可惜唔係．
唔記恭喜Heidi媽添．你三名都搞得咁妥當，你同囡囡都好叻．

肥肥師奶

Heidi媽,

我已經放得好鬆架啦!  吾係一早已經入左院啦! 唯有出年再努力!

Blythemia,

總括來說，大囡只可以叫做4科主科合格，其中中文閱讀卷同數學成績真係危危乎 ，好擔心佢遲下追吾上??? 細既成績就全線下跌 ，你話想吾想哭呀!

大囡參加風紀落選左，見佢昨日有d吾開心，我就乘機同佢講，做風紀要看成績同操行，叫佢出年比心機讀書，六年級再選過。

Blythemia

肥肥師奶:

我同你差唔多.又係閱讀卷mun,其實我都好r頭,平心而論,我女都好鍾意睇中文書,照計個賽果唔應該係咁.可能睇故事書同做閱讀理解係兩回事,又加埋太大意.結果搞成咁.我驚佢五六年都係咁,拉低成科中文咋.

數學佢一向遊魂,今次叫做多過上次三兩分,聊勝於無,不過都係低.若要同人比,簡直影都唔見....所以我只係同佢自己比.

唔好咁介懷,始終我覺得考到高分又好,低分又好,都可以話到一d野俾家長同小朋友聽.知道問題出係邊度,針對問題努力,就多少都會有進步.五年級開始成績表只有abc,唔再寫分,唔知咁樣會唔會少d壓力呢?

我女好好彩做到風紀.佢一年級開始就仰慕d風紀姐姐,後來因為看食飯個d好惡又霸道,佢又好唔滿意,成日同我投訴.我話咁第日若然你自己做風紀,就知道應該點對人.你囡囡雖然今次未可以當選,日後重有機會,又或者出年冧莊做班長呢!

肥肥師奶

Blythemia,

係呀!  見佢寫作卷完全冇問題，可以有26-27分，但閱讀卷就只係合格多小小，我都同佢傾過問題所在，佢話睇完篇文章，好似明白，但到MC就冇佢想答既答案選擇，之後，就開始驚，吾識做啦! 我都係咁唸，睇故事書同做閱讀理解係兩回事，可能佢地睇書純粹睇，根本就冇咀嚼過，而家唯有在暑假同佢操多ｄ，希望有改善啦！

真巧合! 我囡囡數學都係比上次測驗高3分，佢d 文字題真係好弱，佢可以同我講知道條文字題應該係用 乘，但又見到兩個數除得盡，佢最後決定用 除，真係比佢激死 ，亦可證明佢仲未完全明白。

可能經過4年既考驗，我對分數都冇晒感覺，只希望盡辦法協助佢地解決問題所在，吾好失去學習既興趣，我已經心滿意足了。  好多謝你呀!我都係咁安慰同支持佢，可能出年冧莊做班長呢!

Heidi媽,

好贊成你既睇法，我囡囡都係好快就睇完一本中文課外書，我有時都有問佢，明吾明書中既內容，佢就話明，唸唸下，都吾知真家假  

Blythemia

肥肥師奶：

我地兩個小朋友ｄ思路真係好相近． 希望明年大家都有進步啦．

me9an

之前問左無人答....
大家好 我初來報到 囡囡讀緊1年級
派左金禧特刊 發覺舊年d姐姐都幾叻下喎
你地有無點樣知道邊d姐姐特別叻架?'  

Blythemia

唔係好明你既問題喎：點樣知道邊ｄ特別叻？
邊一方面叻？可唔可以問得具體ｄ？

肥肥師奶

Blythemia

共勉之

係呀!  希望你地有個愉快既旅程!

Blythemia 寫道:
肥肥師奶：

我地兩個小朋友ｄ思路真係好相近． 希望明年大家都有進步啦．

jessicaching

大家好!

我小朋友今年九月選小一, 想問下你們關於這間學校的comment

Thanks a lot!
jessicaching

me9an

um
即係你地既囡囡有無話邊d既姐姐成日拎獎呀
好叻呀個d架
邊一方面都無乜所謂啦
8卦下

Yipkaman

本人女兒今年9月會選小學, 心情好緊張, 想問

Blythemia

Yipkaman,
如果你係舊生，重有宗教分，都應該十分穩陣．
咁其實你對學校有咩期望呢？雖然大家都係同一修會，始終會有唔同．

各位：
你地小朋友考得滿唔意呀？我就麻麻．名次尚可．大部分科目都退步左．平時不過不失既都出乎意料咁失左唔少分．希望出年亞女發功發奮．唯一慶幸係電腦科冇因為倉頡平時分唔合格而瓜柴，好彩有全科合格．

肥肥師奶

Heidi 媽,

考第一吾係幸運架，係你囡囡努力回來既成果，真係替你同囡囡高興。

Blythemia,

我兩個平均分都退步左，尤其妹妹，唯有下年再努力過。至於家姐總算叫做全科合格，雖然名次與上學期差不多，但成績明顯下滑，尤其中文同數學，真係要係暑假多做習作，希望可以有改善。係呢? 我囡出年去5C，你囡囡呢?

Blythemia

肥肥師奶：

我女數學起點低，所以叫做好過上次幾分咁啦．中文都係滑鐵盧．名次都差過上學期．我女５A．冇得同班o路.

Heidi
恭喜哂你兩母女！