論壇新手小學老師報到

yovin

Vanadium 發表於 18-7-4 00:17
Brainstorm下....

其實牛童看牛是要做些甚麼，工作的內容如何?

我就簡單D，先讚他答得好， 再問他: 如果 你是牛童 你會怎樣做?

然後教他 要觀察牛的情況, 牛的生活習慣 和每隻牛的不同之處， 最好把他記錄下來。

伍sir

hkpapa852 發表於 18-7-3 17:36
誠意邀請閣下自薦去做教育局長

我地討論既問題, 立場不同恐怕拗同天荒地老都未有結果, 不如睇翻伍sir有冇 ...

無嚇親，佢講嘅有部份係事實，曾見到有老師自己做錯野屈學生無聽指示，有時自保真係乜都做得出。

講返而家商品化教育都真係磨走唔少老師嘅教育熱誠，老師晌教書外做埋管理、跟單、報價、會議、計畫......等。我都只能經常提自己識分事情的的緩急輕重去做。

不過最最重要都係對學生有心先得，否則都係同打其他工無分別。

judy

據考試局講，無講檸檬茶係苦澀嘅話就唔可以攞高分，並唔係只能合格。

唔係話唔信你，但真係過唔到常識、邏輯嘅關口。

judy

熟習應試技巧, 聽落好似係走小路, 但現實係, 生活/工作上, 就要識得係唔同場合, 用場合所需既相應標準處理相類事件.

懂得應試技巧, 可以係較低成本下去取得較好公開試成績, 亦可以話係執生技能既一種.

marking scheme是甚麼？marking scheme包括两方面：

1. 何為正确答案？：一般上，marking scheme會列出己知的正确答案，但未知的正确答案也是正确答案。例如，數學証明題會列出己知的証法，但學生有時會給出非常聰明或非常愚蠢的証法(未知的正确答案)，只要答對就給分。(這正如考試局說的：評卷參考並非標準答案，即使考生答案未有包括在評卷參考內，只要言之成理，符合題旨，亦可獲得分數。)

2. 答中某個point, 值幾多分。

應試技巧是甚麽？: 了解某個point佔分多少，用簡單直接方法，答中要點。以標點符号為例，阿仔學校，5分的題目，大約有10個要填。咁簡單嘅技巧，阿仔好蠢，要小四、五才知。

你說的"應試"技巧，是一種特殊功能，此功能包含两點：

1. 熟知老師有幾多料，答老師己知的正确答案，不答老師未知的正确答案。
2. 如唔覺意答中老師的未知的正确答案，要即刻自我檢討，自找不足。

技巧1代表要非常聪明，技巧2表示識時務。 我同意，如懂得"應試"技巧，前程一片美好！

judy

講返而家商品化教育都真係磨走唔少老師嘅教育熱誠，老師晌教書外做埋管理、跟單、報價、會議、計畫......等。我都只能經常提自己識分事情的的緩急輕重去做。

我想問吓，以前唔使做？

依家好多嘢都有書啇供給，練習、測驗等等，加上電腦化，小班咗，TA、行政人員多咗。

我讀書的時候，黑版抄練習、教師在膠版刻字再印刷(奇怪嘅係好少錯字)。以前教師又會冇咁忙，點會呢？

Ahbee02

伍sir 發表於 18-6-20 20:07
個人建議不需為數學作特別預備，因小一數學還是會由數數開始。如想小一入學前作點準備，強烈建議先集中培 ...

伍sir，你好。現在甘遲才看到甘好的帖子，看來要從新努力爬文至得啦！

關於閱讀，有一個問題想請教一下你。


小兒今年9月升讀小一。我在他很小的時候已經開始親子閱讀，但發現試過很多辦法，都無法提起佢的興趣。（我從沒有壓力要求他要通過看書識字，閱讀也一直在輕鬆氣氛下進行）。家裡很多不同類型的繪本，他看過一次就不再看，問原因，他說很悶。哪怕是比較搞怪的屁屁偵探，都係看2，3次就丟一邊了。我一直摸不清佢究竟喜歡看什麽類型的圖書，亦或係佢根本不愛看書。在培養佢的閱讀興趣上，我好頭痛。不知道你有沒有什麽建議呢？

eviepa

judy 發表於 18-7-4 08:54
唔係話唔信你，但真係過唔到常識、邏輯嘅關口。

考試局中文组班高薪廢物缺乏常識同邏輯就算啦，人數眾多嘅中文老師改卷員陪埋班廢柴，肯用呢種不知所謂嘅評分標準去評卷先至係最難以致信嘅事。

judy

考試局中文组班高薪廢物缺乏常識同邏輯就算啦，人數眾多嘅中文老師改卷員陪埋班廢柴，肯用呢種不知所謂嘅評分標準去評卷先至係最難以致信嘅事。

咪係。人數眾多嘅中文老師改卷員點會用呢種不知所謂嘅評分標準去評卷呢？

Ahbee02

伍sir 發表於 18-6-26 07:26
選幼稚園同小學都係交返俾老婆處理，九月返果間要搭校車，唔谷的。

我自己覺得家長遠比教師影響來得大， ...

我一直覺得，家教與學校對小朋友影響的重要程度，比例上至少係50%對50%的，甚至家教所佔的比重只會更高。
我爲小兒揀選小學也同你想法近似，功課溫書以外，還需要有時間做其他事，包括親子，閱讀，小孩自己發展其他愛好......

伍sir

judy 發表於 18-7-4 11:08
我想問吓，以前唔使做？

依家好多嘢都有書啇供給，練習、測驗等等，加上電腦化，小班咗，TA、行政人員多 ...

忙唔忙要經歷過先知，不過大家忙嘅野唔同。不過書商d野都係揀過改過先用好。

伍sir

Ahbee02 發表於 18-7-4 14:34
伍sir，你好。現在甘遲才看到甘好的帖子，看來要從新努力爬文至得啦！

關於閱讀，有一個問題想請教一下你 ...

總有呢d情況，但你已做得好好，先唔好放棄，繼續保持有親子閱讀習慣。
不喜歡閱讀有好多原因，好多時都係未培養到「主動」啫，佢平日最喜歡做什麼多？

Vanadium

yovin 發表於 18-7-4 04:42
我就簡單D，先讚他答得好， 再問他: 如果 你是牛童 你會怎樣做?

然後教他 要觀察牛的情況, 牛的生活習慣  ...

我小學時假期常常到內地鄉村陪爺爺，家人經常讓我放牛，是很好玩的，但無論當時之回憶，及大個後在內地旅行見部落小朋友放牧生活，小朋友當牛童主要是帶牛羊到一個新鮮草地吃草(每日要去不同地方，因吃過的草地要時間讓草再生長回來)，適時帶回他們返家。當牛羊吃草時，應可以在樹下看書。

當然，我不確定你當年小朋友閱讀文章的牛童，是否我經驗過的牛童。

你這個題目真是一個很好的教育場所，我想到若小朋友一說看牛，便當成大廈管理員去想的話，便是教育上常講的prior knowledge及導致的misconception，如我們只欣賞小朋友用prior knowledge去做判斷，而沒有引導他們想想prior knowledge做的判斷是否有機會出錯，如何驗証判斷是否正確等，我感覺往後或會做成學習其他東西的難點，特別在科學的學習。

人先入為主的觀念或習慣，特別小朋友，未必容易改變，甚至有些長大後，腦內積壓錯誤的東西堅固到近乎動不得，對學習產生嚴重影響，作為教師或家長，其實也有責任從小幫小朋友建立良好的思考習慣。

伍sir

Ahbee02 發表於 18-7-4 15:19
我一直覺得，家教與學校對小朋友影響的重要程度，比例上至少係50%對50%的，甚至家教所佔的比重只會更高。
...

接觸得小朋友同學生多，就會知家教影響有幾俱大，所以各位家長真係要努力(包括我自己)。

judy

忙唔忙要經歷過先知，不過大家忙嘅野唔同。不過書商d野都係揀過改過先用好。

同意你的說法，書商d野都係揀過改過先用好。

shadeslayer

Vanadium 發表於 18-7-4 17:30
我小學時假期常常到內地鄉村陪爺爺，家人經常讓我放牛，是很好玩的，但無論當時之回憶，及大個後在內地旅 ...

乜看牛得你的一個解釋，其他解釋係「錯」？

haihaimom

shadeslayer 發表於 18-7-4 19:42
乜看牛得你的一個解釋，其他解釋係「錯」？

原來看牛是解看着，不是解看管，那麼「狼來了」的故事就完全唔成立了，看羊的孩子見到狼來了，緊張什麼？

yovin

eviepa 發表於 18-7-4 14:47
考試局中文组班高薪廢物缺乏常識同邏輯就算啦，人數眾多嘅中文老師改卷員陪埋班廢柴，肯用呢種不知所謂嘅評 ...

以我的理解你的意思係→ 人數眾多嘅中文老師改卷員「會」陪埋班廢柴， 用呢種不知所謂嘅評分標準去評卷。

請問對對？

yovin

Vanadium 發表於 18-7-4 17:30
我小學時假期常常到內地鄉村陪爺爺，家人經常讓我放牛，是很好玩的，但無論當時之回憶，及大個後在內地旅 ...

大仔當時二年級(8年前)， 文章並沒有太過迂迴曲折， 我估計: 7歲小朋友， 會誤以為D牛會走失呱！又或者真係想起《 狼來了》的故事呢！

眨下眼， 佢而家升中五了！ 所以直接screencap 你段文字whatsapp畀佢。

吃飯時大家討論一下: 佢話都唔係好記得《牛童》， 不過大仔補充說， 好多事都分「恰當好處」和「 過咗火位」， 變成後果正反兩面。 而佢好細個已經存在這個觀念。

little_yolky

shadeslayer 發表於 18-7-3 08:46
有遍BK文章啱啱講中文填充的標準答案。

http://www.baby-kingdom.com/article/mobile/content_page.php?p ...

好彩我哋學校中文老師水平心較高(唔怪得我哋小朋友中文水平都唔錯), 寫宣揚一定有分, 而且, 宣揚一詞比宣傳更為恰當。我哋學校填充題, 都講明唔需要一定寫課文詞語, 通就得。

yovin

haihaimom 發表於 18-7-5 10:20
原來看牛是解看着，不是解看管，那麼「狼來了」的故事就完全唔成立了，看羊的孩子見到狼來了，緊張什麼？
...

我同意看牛→解釋看管着牛。

不過即使解看着牛， 牛童的眼睛在看著書， 也是不負責任呀！

我反而覺得 : 老師或學校要強加爭取機會閱讀， 就等於勤奮好學的觀念， 於小朋友身上。
反而沒有理會環境、工作身份、 危機意識等 。

這就等於我們兒時所讀的「鑿壁偷光」一樣， 明明係壞事→ 對眼睛、 建築物結構、 鄰居的私隱來說。 但因為目的是爭取閱讀機會 ，就係都要變成一件好事，只著眼於好處， 而忽略其他壞處。