發展遲緩B媽媽(part 1)

chingbobo

梁姑娘

原帖由 urme1997 於 09-4-24 16:21 發表



chingbobo
你囡囡都係威院做物理治療架, 邊個姑娘跟呀, 我囡囡一見姑娘就cry不停

bbsinman

chingbobo,

謝謝你的資料。

你囡囡都算排得快, 我女女係4個月大時私家醫生已發現有問題, 話頸部軟, 唔合付年齡。經私家醫生寫紙去威院兒科，再由兒科轉介去尤德評估, 宜家又由尤德排返威院既物理治療，轉來轉去, 宜家已經用左10個月既時間。都仲未知幾時有期做物理治療。

呢段時間我真係覺好辛苦。明知小朋友有問題, 但都成日只係等。

想請問威院果邊教咩多, 可唔可以講我知, 等我係呢段時間, 睇下可唔可以係屋企幫下佢。

係呢, 另外想請問你有無留意你女女的腳較位置會唔會好似偏軟(唔夠硬正)好似成日歪腳咁？我女女係咁, 呢d係唔係就叫做肌肉張力差?

請問咩叫3T?我已經問左沙角村/秦石村的協康, 不過佢地話無野岩1-2y咁細既bb。

其實我都有俾女女爬，而昨日開始我聽完尤德物理治療師講完, 我仲要多d陪佢, 等佢行多d，至少迫佢扶住野行, 希望佢隻腳硬正d啦。 女女宜家最多都只可以係sofa 頭行去sofa 尾, 多d都唔得, 佢一定要爬。真係唔知點算。

原帖由 chingbobo 於 09-4-24 15:56 發表
bbsinman,

我囡囡情況同你都差不多, 現在28個月在協康早期訓練, 在她6個月時發現不會反身, 開始去尤德, 之後排了半年到1歲開始去威院做物理治療, 囡囡未夠1歲時已經懂扶住行, 但就不會爬,不會由訓自己坐起身, 在威 ...

PAKYINGMA

chingbobo,
其實亞妹肯爬其實係一件好事, 佢愛爬既話, 你比佢爬多d, 因為爬行對小朋友利多於弊, 尤其對腦部係好架o 試下用做多d fitball, 沖完涼做massage, 得閒坐係度都同佢"lin"下腳仔, 手仔, 同物件刺激下佢手腳, 當然物件唔好太硬, 其實最注要係物件既質地黎刺激下手腳!

原帖由 bbsinman 於 09-4-24 17:49 發表
chingbobo,

謝謝你的資料。

你囡囡都算排得快, 我女女係4個月大時私家醫生已發現有問題, 話頸部軟, 唔合付年齡。經私家醫生寫紙去威院兒科，再由兒科轉介去尤德評估, 宜家又由尤德排返威院既物理治療，轉來轉去, 宜家 ...

lmc640

我個女今年3yrs, 在2.5yrs被評估為發展遲緩. 佢當時語言能力勁差, 約識講5-6個生字(爸, 媽, 車...)其他時間淨係E.... E.... R.... ....R....。仲有小肌肉, 自理能力又唔得, 醫生仲話佢無"象徵性的語言"，而我女的眼神接觸又差.......這一切都令我很担心，簡直覺得人生無希望。

lmc640

但我傷心了一天，我就立刻替我個女找出路, 找私人訓練中心，再加埋協康會菁葱計劃的幼兒導師務服。
真的很幸運, 我等了個多星期私人訓練中心就有位給我女兒就讀，而我個女入讀後真的很有進步，宜家佢仲識講句子，雖然表達不是勁流暢，至少佢願意學習，有時佢的回答仲出乎意外。
所以希望其他媽媽若發現小朋友有問題，請盡早介入去幫助他

slh

Hi~

冇上呢一個星期, 多咗好多message wor~ 等我報告吓呀囡這幾個星期的情況, 佢都仍然戒片中, 未成功~ 但唔係日日都賴, 通常相隔日賴??? 不過如果星期六日, 我地湊, 我地定時帶佢去坐 PO PO , 都可以成日冇賴, 可以係 po po 度柯便便 同 尿尿.  

不過今日就有小小失策, 原先上午同中午都OK, 但當同佢食晚飯時諗住食完飯至同佢柯.....點知佢用手指下條褲仔依依呵呵... 就賴咗啦.....  

佢嘅問題係唔會自己示意去便便或尿尿, 又或者好急至指下條褲仔, 仲依依呵呵~  要我地問佢係唔係要尿尿, 佢至話"係呀" .....

至於大小肌肉, 就冇嘜進展, 仍然要扶住野行同唔識爬..... 淨係之前係pwh 做了對腳托, 用來矯正佢右腳腳板向內側的情況, 帶咗兩個星期, 帶住時係有改善. 但除咗就又有內側, PT哥哥話可能要帶一段長時間???

而ST方面, 叫做講多咗野 同多咗唔同音, 但都係唔係好清楚, 不過就多咗跟我地口水尾講, 但有時我地叫佢跟住我地講, 佢又唔講..... 不過佢成日講"AB", 因為想我地唱"ABC", 又會講"打打" , 其實係想我地唱 "TWINKLE, TWINKLE LITTLE STAR" , 仲要我地留返每句最後個字(音) 比佢唱?? 有時我地講1, 佢會講 2 , 我地講3,4, 佢會講5, 我地講9, 佢就講10... 真係唔知佢真係識定好彩撞正.

雖然佢應該比同年齡(28個月)的小朋友遲咗好多, 但比佢自己之前已經叫做有進步啦..... 我真係有呀Q精神~

atty

昨天亞仔咳咳去睇醫生,順便同醫生講,亞仔遲了10個月....醫生話如果醫院無晒辦法,就去搵佢,佢可以幫到亞仔,只要同亞仔驗大小便就可以找到辦法幫到亞仔。

費用大概萬幾二萬元, 大家覺得可信嗎?? 個醫生都幾出名,經常上電視、報紙、雜誌架!!

chingbobo

依個o羊醫生黎架??  小心被騙呀!

原帖由 atty 於 09-4-27 10:53 發表
昨天亞仔咳咳去睇醫生,順便同醫生講,亞仔遲了10個月....醫生話如果醫院無晒辦法,就去搵佢,佢可以幫到亞仔,只要同亞仔驗大小便就可以找到辦法幫到亞仔。

費用大概萬幾二萬元, 大家覺得可信嗎?? 個醫生都幾出名,經常 ...

kennistong

valmom
石圍角幼兒中心近嗎?? 希望兩老帶她返學可以 handle 到, 仲有係希望佢返左學之后會有進步拉!!

Siukei17
返左學之后就係有明顯既進步既!!
至於你講既問題, 一定會, 以我所知, 一般會係由s位出返去I 位先, 之后會再去返normal 位, 等佢地適應既. ST話係一個月2次, 不過, 其他跟佢既老師會日日同佢做exercise 既. 唔好太擔心!! 如果真係安排到, 就讀拉, 呢d 資源太少, 要好好珍惜!!  學校會安排心理學家既, 所以到時你可以再問下心理學家.

Atty
小朋友既進步既唔係1日2日就可以看見, 你唔好放棄, 如果連你都放棄, 小朋友都係一樣, 我相信佢係會知道我地點諗既.  我係過來人, 我train 左我既小朋友行半年都冇麥成效, 最后, 突然有一天佢自己行到, 你話係唔係好神奇?? 不要看小他, 其實佢都再一起努力的.

Bbsinman你囡囡為什麼等了10個月, 你有冇去投訢佢地?? 你有冇搵社工幫下手?? 尤德評估會有社工幫手既, 你叫佢快d 幫你攪, 你大下佢拉! 我之前遇到d 地區社工, 唔識handle 我地呢d case, 差d 連我小朋友個位都冇埋. 我大完佢地之后就ok.佢地做野好官腔既, 最怕係背鍋, 只要你知道佢地怕麥, 就針對佢地既死”月”.
好多呢d private training 都係Jordan or Central, 沙田區都係少d, 不過, 如果係左小朋友, 唔好介意拉, 我之前去太子中心同長沙灣, 要坐一個小時都車, 我都照去, 只要你個心係為左小朋友, 再辛苦都會去試既. Btw, 你可以去掛左waiting list 先, 因為位置ok都未必有位既.

Imc640
Thanks for your sharing and supporting!
我都希望有更3既mama 可以share 佢地既case, 等我地唔洗甘灰.

chingbobo

bbsinman

3T即係, OT(職業治療),ST(言語治療), PT(物理治療)
其實我囡囡肌肉比較軟, 行路時條腰唔夠力會左搖右擺, 但依家大左佢d肌肉都硬左, 我囡囡大小肌肉差d, 用手指拎野都唔係咁有力, 言語就ok, 只係口肌差成日流口水...

威院訓練...
跳彈彈(用條彈弓吊住佢,讓佢自己跳上跳下, 訓練腳力)
跑步機(o係部機上面行)
跨欄 (學舉高腳,及學平衡)
行平衡木
行斜路上下

你可以試下多d拖住佢蹲下起身, 比佢爬多d, 在家扶住牆行(如果未夠力,可以扶住佢條腰幫佢,),帶佢去多d打鞦韆及sir滑梯(可幫助前庭感覺) 扶住行樓梯,

其實你囡囡情況都不是太差, 因為都會爬及扶住行, 試下鼓勵佢多d啦.

原帖由 bbsinman 於 09-4-24 17:49 發表
chingbobo,

謝謝你的資料。

你囡囡都算排得快, 我女女係4個月大時私家醫生已發現有問題, 話頸部軟, 唔合付年齡。經私家醫生寫紙去威院兒科，再由兒科轉介去尤德評估, 宜家又由尤德排返威院既物理治療，轉來轉去, 宜家 ...

kennistong

原帖由 atty 於 09-4-27 10:53 發表
昨天亞仔咳咳去睇醫生,順便同醫生講,亞仔遲了10個月....醫生話如果醫院無晒辦法,就去搵佢,佢可以幫到亞仔,只要同亞仔驗大小便就可以找到辦法幫到亞仔。

費用大概萬幾二萬元, 大家覺得可信嗎?? 個醫生都幾出名,經常 ...

Atty
那個醫生? if 佢肯定可以找到辦法幫到亞仔, 我都想去, please advise!
我個人覺得, 費用大概萬幾二萬元唔係一個太大既數目, 問題係, 花左之后, 有冇幫助先?? 花完二萬元之后, 佢所講找到辦法幫到亞仔, 是不是又要比$$, 比幾多??
你可唔可以講係邊個醫生??
可以我地都有人去過, 可以分享一下!!

bbsinman

kennistong

我無投訢呀，我以為係要排咁耐。我一直都無搵社工。我女係9個月大時因尿道炎入院, 同我醫生講佢發展有問題, 又無人理我, 到近1y時因要返威院兒科回覆診睇尿道報告, 我又問多次威院兒科有無得快d, 我可以點做，佢又話尤德都排緊, 叫我等下。足1y又同下健康院姑娘講, 佢又係話你等下啦, 仲要話我女女因已排左尤德, 所以佢地就連正常既評估都唔再做，話唔會重複做野wor。

而private training, 我只係驚如果太遠, 因車程太耐, 佢會發脾氣, 去到都唔合作都會無用。講真如果幫到佢, 我辛苦有咩所謂。我宜家精神上其實都好受困擾。

原帖由 kennistong 於 09-4-27 12:05 發表
valmom
石圍角幼兒中心近嗎?? 希望兩老帶她返學可以 handle 到, 仲有係希望佢返左學之后會有進步拉!!

Siukei17
返左學之后就係有明顯既進步既!!
至於你講既問題, 一定會, 以我所知, 一般會係由s位出返去I 位先, 之 ...

bbsinman

chingbobo,

謝謝﹗明白了。謝謝提供資料。我會試下多d帶佢去公園。

我都有鼓勵佢架, 佢都有時一邊行, 一邊跟我講 1 , 2 。不過都係得幾步。真係行多幾步都無唔得。

係呢，講起扶佢行, 請問物理治療師有無提議肌肉張力差既小朋友著咩鞋好？因我見女女好似係唔可以著d好軟"爭"既鞋。係唔係著 "爭" 硬d 既會好d?

原帖由 chingbobo 於 09-4-27 12:12 發表
bbsinman

3T即係, OT(職業治療),ST(言語治療), PT(物理治療)
其實我囡囡肌肉比較軟, 行路時條腰唔夠力會左搖右擺, 但依家大左佢d肌肉都硬左, 我囡囡大小肌肉差d, 用手指拎野都唔係咁有力, 言語就ok, 只係口肌差成日 ...

kennistong

Chingbobo/bbsinman
要小肌做得好, 就先要大肌成熟. 係九龍醫院既OT 同我講既!
你多d 同佢行樓梯拉, 好有幫助既, 至於流口水既問題, 你有冇比d “bb” 佢吹下, 對口肌有幫助既!!
Train 腰力, 我個人覺得最work 係fitball!
我都有同小朋友行平衡木既, 不過, 係屋企樓下既花槽邊行!! 好多時唔一定要有個件物件,可以就地取材.
跳彈彈(用條彈弓吊住佢,讓佢自己跳上跳下, 訓練腳力)—> 呢個exercise very good, 我小朋友係醫院玩左2次, 已經有jump 既 intention, 最起碼, 佢知道jump 係點既.
跨欄 (學舉高腳,及學平衡)  -> 其實可以係屋企放d 障礙物, 等佢行既時候提高腳的.

bbsinman

kennistong,

我都有教佢行樓梯, 你地係扶腰, 定係扶手拖佢架？

其實我以前都有用過fitball, 我係聽朋友講, 佢仔仔個物理治療師教佢返屋企做, 咁我又試下。另外, 係女女未識坐時, 我都有同佢玩瞓係度, 拉佢雙手坐係度, 每次玩幾次。我覺得咁玩都有幫助, 就算宜家, 我都有時同佢玩搖小船。女女都好開心。

請問平衡木點玩？我女女未識企, 係唔係應該未玩得住？

跳彈彈(用條彈弓吊住佢,讓佢自己跳上跳下, 訓練腳力)—> 唉, 我女女出世到宜家, 都唔會好似其他小朋友咁, 隻腳彈彈下或 "un" patpat 既動作。我都想佢快d玩下呢個訓練。

原帖由 kennistong 於 09-4-27 14:38 發表
Chingbobo/bbsinman
要小肌做得好, 就先要大肌成熟. 係九龍醫院既OT 同我講既!
你多d 同佢行樓梯拉, 好有幫助既, 至於流口水既問題, 你有冇比d “bb” 佢吹下, 對口肌有幫助既!!
Train 腰力, 我個人覺得最work 係fi ...

kennistong

Bbsinman
我明白, 講真, 每次去做training, 其實唔係train 小朋友, 係train 家長, 因為訓練係要長期既, 如果想一星期做一次, 就有成效, 根本就冇可能!
唔好為少少野就覺得好困擾, 我們未來還有很長的路. 努力!!

kennistong

Bbsinman
我係拖手既, 不過, 我唔會提高對手, 因為一提高, 佢就會張d力去晒我到, 盡量低d. 至於平時行, 就係扶腰!
跳彈彈好難在家中做的!!! Sigh……
佢可唔可以扶sofa 企?? 如果可以, 你叫佢扶住sofa, 趷(我唔識寫) 低拾玩具, 呢個動作都係d PTS 教我既!!

等我再想想有什麼動作可以比你同個囡玩下先!

bbsinman

kennistong,

謝謝你的資料。我會儘量多d陪小朋友做。
係呀佢以扶sofa 企，我見佢都有想扶sofa 執地下既玩具, 不過好多時佢都唔成功, 成個dun係地下。想請問下係唔係要練到執完都識企返起扶住sofa先叫完成一個動作？

我其實都想再有多d時間陪女女, 不過我另一方面亦都要抽時間照顧大女(宜家大女只係得3.5y)。所以精神上, 我好攰。

原帖由 kennistong 於 09-4-27 15:16 發表
Bbsinman
我係拖手既, 不過, 我唔會提高對手, 因為一提高, 佢就會張d力去晒我到, 盡量低d. 至於平時行, 就係扶腰!
跳彈彈好難在家中做的!!! Sigh……
佢可唔可以扶sofa 企?? 如果可以, 你叫佢扶住sofa, 趷(我唔識寫 ...

chingbobo

bbsinman

物理治療師都有建議我要買d 鞋個腳跟位要硬d架...

原帖由 bbsinman 於 09-4-27 14:29 發表
chingbobo,

謝謝﹗明白了。謝謝提供資料。我會試下多d帶佢去公園。

我都有鼓勵佢架, 佢都有時一邊行, 一邊跟我講 1 , 2 。不過都係得幾步。真係行多幾步都無唔得。

係呢，講起扶佢行, 請問物理治療師有無提議肌肉張力 ...

chingbobo

你試下打電話去尤德 問下睇下仲要排幾耐, 我以前都有打去催架..再唔係就搵社工幫手問下啦...  

原帖由 bbsinman 於 09-4-27 14:21 發表
kennistong

我無投訢呀，我以為係要排咁耐。我一直都無搵社工。我女係9個月大時因尿道炎入院, 同我醫生講佢發展有問題, 又無人理我, 到近1y時因要返威院兒科回覆診睇尿道報告, 我又問多次威院兒科有無得快d, 我可以 ...