個女讀英中一，開始談戀愛，唔知點處理。

smartck

3loks 寫道:
Smartck:

好欣賞你, 相信你係一個好開明 & 關心女兒之餘 亦有不錯親子關係ge   daddy
只不過適逢女兒升中後 踏入青春期 再加上拍拖 令成績倒退
你先會有大反應

1. lee 個年代冇左 [棒打鴛鴦]
2. [伊索寓言]有個故事 -- 與其用大風強吹走人身上的衣服, 倒不如像太陽伯伯一樣, 用溫暖感動人, 人便自然脫下衣服了
3. 對比阻止佢拍拖, 不如同佢討論下  有乜planning 同 底線   (當然唔可以心急,短時間之內討論太多, 佢會覺得係 [指責]):
a.成績退步左要用幾多時間追   
b.萬一搞出人命,點樣面對家人朋友
......
4. 除左多聽囡囡心聲, 你ge心底話 佢都好想聽, 畀佢了解你多d.   (切記唔好太長氣,  年青人鍾意 [點到即止] -- 不過我老公仲未做到,  所以仔仔好怕同佢傾  )

anyway, 唔好去得太盡  太心急
免得有反效果


支持你呀

3loks，
我完全同意你嘅意見，多謝晒。
我依家似乎開始掌握到同個女溝通嘅竅門，噙晚都傾咗兩個幾鐘，個女講咗好多學校嘅嘢，等有機會我就會討論談戀愛嘅問題。
個女間學校個家教會响五月二十六日有個[我的子女談戀愛了]講座，我再去收多 D 料。

smartck

a961115 寫道:
Smartck

其實阻撓是沒可能的, 不如找個機會認識個男仔,
如果不是太差的就讓他們吧.
不過要同女兒約法三章, 不可影響讀書成績, 發展得太快和
要有底線(唔好洩底)!

Ada

Hi Ada，
我唔會擺明阻止佢哋，我知咁樣會弄巧成拙，之前有好多 post 都提點過我，thanks！不過，我會盡可能減少佢哋談戀愛嘅客觀條件。

半桶水

如有上學生封論區嘅網站.都睇到時下青年對性態度.

哩個年代點會咁"馴情"拖吓手仔,傾吓電話咁簡單(拍拖實有身體接觸),只要有發展空間點會唔再進一步 要與子女訂下規條實踐守身如玉,談何容易,又有幾多個能把持得住.

父母工作家中無人,生埋仔都無人知.只要有機會,唔係生理有問題,一男一女有愛自然就有性.子女要拍拖就預左佢地情到濃時會發生的事.

有認識嘅父母佢地子女拍拖,都係抱接受態度.只要做好避孕設施就不干涉.(子女已有超友誼關係).

面對哩D難題要子女醒悟,相信此時已係成年嘅時候!!

處理子女談戀愛我並無經驗,實屬個人睇法  

virgokaren

呢個問題永遠最辣手！

有少數人拍拖不會影響學業：
我識過一 Pair 讀Form 5 已經同居的年青人，(女的真的住進男的家裡同居，我當時也只是初中學生，也驚訝他家人的開放！)但兩人都學業成績優異，男女都順利考入大學，男的還是讀醫科呢！

其實理智上我們都知道豆芽夢通常不能發芽，但最怕是他們態度過於開放，和忽略學業。

D 心理學家、社工、教育學家等一般給家長的意見是要多些和子女溝通，大家最緊要有計傾和教識囝囡要尊重別人和保護自己。

講就幾容易，都要睇下當事人的性格，有人保守D，有人開放D，好難搞！