剛開學我已經覺得好忟憎啦！(小一家長加油站)

starfishting

今日我個女都攪到亂晒！首先，誤取同學仔的通告袋回家，另外，自己的英文功課，又忘了有沒有帶回家，揾左成晚也找不到！不知是否被其他同學仔誤取了，明天手冊上又多了欠交功課一項。她又向我訴苦，今天上堂時，坐隔離的男同學，搶了她的手冊，我個女叫個同學俾番佢的時候，被老師話他們上堂玩，要他們兩個罰企兼拉耳仔。以前，在幼稚園 從未試過。我也向我的女兒發了一陣脾氣，話她大意及不向老師講清楚事情的經過，無辜被罰！令到我們都不開心，但當我發現她在英文書上用 I like 作句，她寫了 I like my mother 的時候，我突然對之前所發的脾氣，深感內疚，唯有向她解釋我生氣的原因！經過此事，可以提醒我，不要因兒女的學業，而影響一家人的感情及和諧氣氛！

MMMi

各位小一mummy,

真係唔好咁緊張, 因為我地d情緒會影響小朋友. 大家要relax....

我舊年同你地一樣, 比個囝激到死 返咗大半年學都仲發夢, 十問9唔知, 成日漏"野"響學校, 唔記得寫手冊, 帶咗功課返學又冇交, 仲要面對老師d complaint... 種知唔應該發生都發生, 我覺得個考驗好似比我咁.

同佢傾, 解釋比佢聽, 佢又好似明白, 但做又做唔到. 不過響下學期真係有進步, 大家一齊努力! 比多d信心佢, 鼓勵佢真係好d, 大家都要適應, 比d時間佢同自己. 其實小朋友會知道邊個最錫佢...
  

雪文

麟媽媽, 講到好好呀.

麟媽媽 寫道:
小傑媽媽,

唔係你地有問題，亦唔係學校問題，需要既係適應期。
由幼稚園上到小學，小學同幼稚園好唔同架！
剩係師生比例已經差得遠，上堂排排坐咁，
小學老師同學生好少身體接觸，唔同幼稚園時，
小學老師上堂講課，除非小朋友嘔或者肚痾，
如果唔係，個學生唔出聲，係無人知佢發燒的。
所以我教我個仔，有咩唔舒服便要舉手，
話比老師知，其實好多小學都係學生自己去校務處，
由D 書記姐姐照顧同打比家長，唔好以為老師會跟進，
因為仲有成班同學係班房，佢要睇住其他學生，
所以，小學生係要學得獨立一D 咁囉，
唔同幼稚園時上堂有起碼2個老師，一個行開都得。

仲有同老師溝通你都要搵啱時間，
返學時候打去未必搵到，因為老師唔多空堂的，
另外唔好放學打去，因為安排緊放學，又係搵唔到既。
如果功課上只問班主任，佢真係會唔知架，
好似我仔班主任只教英文一科，其他科目佢未必知既。
所以最好搵日陪個仔返學，識多幾個家長拎埋電話，
小一抄手冊好多時抄到甩甩漏，咁一人抄漏一D，
打去問多兩個家長，夾埋咪知做咩功課囉！

你唔好咁炆，呢個階段好快大家都會適應，
尤其是唔好係小朋友面前表現煩燥不安，
咁樣佢地亦會對升上小學感到焦慮不安的！
而家只係返左學一星期多D 啫，慢慢黎喇。

eddie503

真的是大人, 細路都要適應.  

話說9月1 日, 我跟各家長, 一樣緊張, 怕學校管理不善, 怕班主任好像是女王的教室.....
好好彩, 自己諗清楚: 大人的忟憎, 小孩是知道的; 大人越忟憎, 小孩會越來越對學校無歸屬感, 讀書又點會開心呢!!
之後的一個星期, 我每日跟他說說上堂的趣事, 鼓勵他結識多些新的同學, 小息時, 與同學分享小食,....可能, 小朋友開心上學, 特別記得上堂的一點一滴, 一字一句, 做起功課也特別積極, 盡算, 我的小朋友平平安安適應了.

希望各家長努力!!

hoho123

我個仔同你個仔一樣不想做功課，真是         

Leolonglongma

小傑媽媽:

我個仔都有類似帶書的問題, 但老師話係小朋友聽唔清楚, 唔專心, 佢地已經三番四次指著某本書, 某一頁....佢地又唔想小朋友寫咁多字;係手冊內寫太多而倚賴; (其實真正倚賴手冊
o既係家長!), 所以要求小朋友專心, 聽清楚.  問題係:唔係每個小朋友都咁成熟, 佢要咁講, 家長又有咩辦法呢, 唯有讓小朋友錯誤中學習.  做功課一事, 俾多o的鼓勵啦, 我最近用excel 印一些公仔在方格紙上, 不填上顏色, 做到小小成績, 就俾好多印, 一晚可以有80多個印, 再同佢以此印滿無顏色的公仔方格紙玩 keroro 兵團, 以圍棋概念, 每人選一隻色, 把他取得的印填滿顏色, 個仔好開心, 又有得玩, 又有印, 玩完後還對我說:"媽咪好多謝你呀, 同我玩, 我今日好開心!" 開開心心的上床睡覺, 不過唔同方法真係要就唔同的小朋友, 做家長, 頭都大!  無計, 鬼叫個仔係自己生! :-|

雪文

死囉, 我同你一樣呀

[quote]
小傑媽媽 寫道:

講起帶書，都唔明點解佢d老師成日都唔講明要帶乜野書既，好似今日咁，佢有常識課，正常我係會帶第一冊既書比佢既，但佢上一堂無端端話要帶第二冊，咁今日呢堂呢？到底帶第一冊定第二冊呀？ 問我個仔佢就乜都唔知，咁唯有兩冊都帶晒囉，加埋兩本作業，個書包真係好重呀！但冇計呀，]

LeBlue

"LeBlue , 對不起先… 我不多讚成 成日勁"產"個女 ，對個女不公平 的 … 反而令個女不開心… 自己又難過… 何必呢。"
所以我已經再無"產"個女啦....(你估我想既咩...只係一時情急lor...)
因為開學混亂, 根本唔關個女事....
而家only關心個女開唔開心, 同埋鼓勵佢多d...
等佢慢慢適應咁lor..
老實說, 真係預左要適應半年tim gar.....
大家努力啦....

lou

小傑媽媽,

我好明白你既心情,簡直感同身受      

點間我個仔既老師同你個個咁似既,佢都係教第二冊先架,之前咪又係咁,只係話帶b1 作業,大佬鬼知呢本係咩野咩 ~~     

你有時間去我個邊睇下呀 ,有個好似係老師黎架,你睇下幫唔幫到你呀 !! but有另一d回覆都幾偏激架,你可以不理的,但都幾好笑的,講講下學校,會變左係你同你個仔有問題的 ~~     

lou

小傑媽媽,

pls check pm ~~

羊咩咩太太

小一家長加油站,這個topic真係好合心意,我早幾天仲叫緊d媽咪慢慢來,遊戲剛開始;真係講就易,做就難啦!    

又唔想迫得亞囡咁緊,但係又無可能唔迫,細路點識自動自覺     ；每日放工接亞囡返９９到食飯，check功課，比佢睇下電視，再返到自己屋企，溫習，預備第二天默書，有時間既就備課 ，真係無時間剩；再同佢玩下，聽到亞囡仲識得笑都無咁驚；    ，老公叫話唔使咁兇tim，    ，叫我relax　d,唔好比咁大壓力亞囡同自己；唉．．我都想，而家上黎同d媽咪傾計我已經覺得好relax 啦   

Leolonglongma

小傑媽媽:

相信你我小朋友彼此彼此啦! 領教過我個仔的老師家長都話佢難教, 好彩佢仍然好純, 心地好, 如果唔係真係睇住佢大, 睇住佢壞! 所以老師勸我地一定要keep 住佢果份純真o既心, 但係點keep, 就真係無人話倒俾我知.  我個仔現在遇到唔合心水o既事, 已經會作無聲抗議; 同我地講:"唉!算啦! 我無野講!" 然後走咗去.......  我地要做o既, 係趁佢重肯聽, 氹佢講多d, 唔係真係唔駛教! 好多方法都係不斷睇, 不斷問(老師/家長/書), 錯誤中學習, 大家努力啦!  唔敢奢望佢有大成就, 起碼唔會為社會帶多一個壞人出來, (這是我的基本宗旨).  大家努力!  (要不時提醒自己, 父母係幫助小朋友的, 學業/其他才是我們的共同敵人, 少D打罵, 係有幫助o架!- 我仍在努力學習中, 共勉之.)

迪迪洛洛媽媽

羊咩咩太太:

我都好明白, 但無辦法啦! 學校的功課, 默書, 測驗接踵而來! 我個仔日日都同我講, 希望我放工返

羊咩咩太太

迪迪洛洛媽媽:

謝謝你

今日星期五,接左亞囡放學,真係要開開心心同佢玩番一晚,明天又有明天忙,希望磨合階段快快過去.如果日日都係咁,真係頂唔緊呀. [quote]
迪迪洛洛媽媽 寫道:
羊咩咩太太:

我都好明白, 但無辦法啦! 學校的功課, 默書, 測驗接踵而來! 我個仔日日都同我講, 希望我放工返

鄧太

見到各位的情況,都明白大家既心痛,好彩我個小朋友返咗咁耐,適應得幾好,暑假既時候,學校已經有小一適應日,未開學就有班主任主動打電話俾我,下個星期再會開家長會添。留言俾老師,d老師雖未至於即刻覆我,起碼放學之後,老師都會覆番我解答我d問題,所以,我都覺得我個小朋友呢幾個星期返學都返得ok呀!

鄧太

迪迪洛洛媽媽:
放鬆d啦!小朋友好快適應架啦!只要你開開心心,你既小朋友好快做得好好架!唔好俾咁大壓力自己啦!你諗下佢地啱啱返幼稚園個陣仲大件事啦,轉眼佢地都好快適應到啦!