HYS VS QES

YJWWW

Rpp 發表於 24-3-28 00:11
兩間可以用揀科條件比較嘛。

Sure. 請問QES揀科壓力係咪相對較小？即係比較容易揀到自己心水科目？我知HYS 高中揀科壓力唔小 仲未決定讀邊間

Rpp

YJWWW 發表於 24-4-2 19:00
Sure. 請問QES揀科壓力係咪相對較小？即係比較容易揀到自己心水科目？我知HYS 高中揀科壓力唔小  ...

無朋友讀過QES唔清楚。你要清楚兩間將來揀嘅科目會開幾班，都要抓緊時間了。

BB-Tiger

leeleemrs 發表於 24-3-28 01:36
除了成績, 成長支援都重要

HYS 由F.1入學就有一位mentor 老師跟到畢業, 另外F.1到F.6 每年都有不同主題的 ...

請問F. 4出去實習嘅時間安排同內容係點嘅？係根據咩目的而設計？純粹係因為想了解多啲，初次聽到呢個咁新嘅理念，多謝你嘅分享先。

JojoDad

YJWWW 發表於 24-3-27 17:29
唔考慮學費，唔考慮車程，唔考慮校服靓唔靓，一間係男女校一間係女校大家會D揀？女女係比較positive同activ ...

我女兒已經S4 16歲了，用一個過耒人份分享下。我身邊不乏親朋輩女兒在名女校 SPCS, 德望或協恩，我其實當時也積極安排報名。在獲派一間BlC男女校後，仍然嘗試叩門甚至插班，但剛與其中一間的校監有默契後，就因BNO批出而要動身了。
想講嘅係，我班朋友成日都分享佢哋個女喺學校裏邊啲女同學好小氣，成日小圈子搞到佢哋好煩，佢話其實你睇落男女校成績又唔錯，其實可以繼續讀落去。而家我個女由小學到中學、香港到英國，而家咁多年都係男女校，每次都分享佢學校裏邊開心與唔開心嘅嘢，喺香港僥倖精英班，在英國state school又差啲做咗head girl，其實都係睇吓家長俾幾多心機，點樣專注重心培養，同灌輸正確價值觀俾佢啫。

我兩公婆好好彩個女青春期開始到而家，偶然情緒上有啲高低，基本上都平穩過渡，可能係我遲小都陪住佢做功課，會俾到一個安全感佢，唔會咁外驁之余，亦唔會成日覺得同朋友分享好過同父母分享，唯一而家比較擔心嘅係佢對自己嘅成績要求太高，俾咗自己不少壓力，我哋兩個做成日要同佢減辦壓。

最後，我承認我都係人有虛榮心，暗地裡都係想個女入啲名校，既然而家佢係男女校讀得咁開心，我自己係男校出身，老婆係女校，絕對都知道single sex學校缺點，而家俾我揀多次我都會俾返佢讀男女校。

zebrama

HYS女仔出名捱得，女校要接受相處問題比較多

catf2

我女都是讀女校，從來冇講過同學小氣，有小圈子或唔開心，相反經常分享同學間相處點滴，和同學感情很好，話女校女仔多小氣小圈子，其都是個人問題，見過男女校啲男仔恥笑女仔，蝦女仔例子不小啲人又唔會講喎，都是看自己小朋友性格選擇吧！

PTL_L

catf2 發表於 24-6-22 22:15
我女都是讀女校，從來冇講過同學小氣，有小圈子或唔開心，相反經常分享同學間相處點滴，和同學感情很好，話 ...

認同，個性問題多啲，兩種性別我都有小朋友讀過，男女校亦讀過，暫時未發現有以上問題出現。

Greylay

Prefer QES

Vana

JojoDad 發表於 24-6-22 15:29
我女兒已經S4 16歲了，用一個過耒人份分享下。我身邊不乏親朋輩女兒在名女校 SPCS, 德望或協恩，我其實當時 ...

我女都係由細到大名女校，佢學校出名友愛 nice, 佢真係由小學到中學無預過任何小圈子事件, 佢既朋友真係多到暈，大家都好 supportive

睇學校又睇性格吧，佢地一班教唔切書，另一班即刻盡力幫忙，又學校notes 又自己筆記

考試前後各種鼓勵字條小禮物，由小一到而家中學都係咁，佢地個 bonding 我覺得男女校好難有

黎緊佢都應該自己去英國讀書，初步都係 in 左 d 名女校，佢一真係女校接收左好多關愛，所以 prefer 都係女校，不過佢有講其他女校未必有佢學校咁好 所以要睇定d

Rpp

情商比較低的女孩可能真係不太適合讀女校，但係，男女校都會有同樣面對的困難問題，男女校中意搞事的女仔帶頭同男仔杯葛更可怕。

gracelam

Rpp 發表於 24-6-25 07:28
情商比較低的女孩可能真係不太適合讀女校，但係，男女校都會有同樣面對的困難問題，男女校中意搞事的女仔帶 ...

呢啲情況B3中學可能發生， 我2個讀B1男女校冇聽過！ 大嗰個畢業2年一得閑就相約食飯／回校探老師，情誼深厚，男女同學都有！

leeleemrs

BB-Tiger 發表於 24-6-20 02:56
請問F. 4出去實習嘅時間安排同內容係點嘅？係根據咩目的而設計？純粹係因為想了解多啲，初次聽到呢個咁新嘅 ...

通常每年一月第二定第三個星期
全校每級有不同主題, 有啲級去義教, 有啲去外國交流, 去到F4 就全部人按自己preference獲安排去公司或機構做幾日實習,目的就係比班女仔體驗職場.

好多時係師姐們提供不同類型既實習空缺. 醫院, 律師行, 建築師樓, 大學, NGO, 私人公司咩都有.

學校有briefing, 有師姐返黎做workshop 教佢地返工dos and donts 等等配套

Rpp

gracelam 發表於 24-6-25 07:52
呢啲情況B3中學可能發生， 我2個讀B1男女校冇聽過！ 大嗰個畢業2年一得閑就相約食飯／回校探老師，情誼深 ...

你錯了，B1A一樣有此情況，你小朋友冇遇上，唔代表沒有，我都有仔讀B1A男女校的，所以知道很清楚。

kiwi2007

官校一出，多數要仆，除左QC。
我一家三口，男女校、女校、男校各一，路過講番三句。
男女校(官)的我，好享受當年男女校男女生共融的薰陶，所以對齋校仍有一定介蒂&戒心，比較能成熟地處理對異性的溝通和處事。
女校(傳統&名)的她，深切地傳承了母校純樸、敬主愛人的言行舉止&處世做人，有時比較執著&堅持，偶爾亦會慨嘆當年中學生涯學習壓力不輕。
男校(傳統&名)的他，標準讀書型&得過且過的個性，升左 Sen 後開始滲透及傳承母校簡樸、斯文、勤奮、謙遜的XX仔特質，典型機痴。齋校的確無乜是非圈或高調的愛情故事。
直女 vs 官男女，賠率多數偏向直，好睇父母您們能否清醒地/客觀地徵詢用家意願後才落注。都係嗰句，條路自己揀，衰左唔好喊 provided that the final choice is genuinely finalized by himself.

jiljill

接受女兒中學拍拖？

0030

回覆 jiljill 的帖子

拍唔拍拖，我個人覺得無關男女校/女校/男校事，男女校也有人無拍拖，女校/男校也有人拍拖

jiljill

機會率問題

hugub

BB-Tiger 發表於 24-6-20 02:56
請問F. 4出去實習嘅時間安排同內容係點嘅？係根據咩目的而設計？純粹係因為想了解多啲，初次聽到呢個咁新嘅 ...

我女果時係4月復活節假去做,她elective 有科同酒店有關,學校安排左她去如心酒店做左2日, 酒店安排她做接待處,都係一個體驗

BB-Tiger

hugub 發表於 24-7-2 16:11
我女果時係4月復活節假去做,她elective 有科同酒店有關,學校安排左她去如心酒店做左2日, 酒店安排她做接待 ...

多謝分享

aaqq_mom

Vote for HYS!