(新手一問 )請問直資小學優點?(甚麼比津校吸引)

ok3

hha 發表於 22-8-26 18:05
咁就會變咗有錢有得揀，有錢嘅人可以隨時搬屋貼近心儀名校入學。

咁幾時都係有錢就多選擇啦，外國你有錢一樣可以讀私校或IS. 如果可以做到全部就近入學，久而久之每間學校嘅成績就會拉返平均啦。到時何來有名校/名校區？你估住九龍塘嘅學生真係會聰明啲咩？！

lot888

我有唔同睇法，這只會增加搬屋率，大家衝去名校區入讀當區名小。益咗地産經紀。這假設其實跟政府政策類似，希望各區有私樓公屋，拉近各區財富距離，但成果不理想。現實是有錢都想住半山，追求優悅感。

hha

ok3 發表於 22-8-26 21:22
咁幾時都係有錢就多選擇啦，外國你有錢一樣可以讀私校或IS. 如果可以做到全部就近入學，久而久之每間學校嘅 ...

英國政府中小學就係就近入學，咁係咪冇名校區？你嘅假設係認為學校唔會為小朋友增值，依家香港官津小學七成學位都係同區就學，跟random次序優先入讀，以你理論應該全部官津小六學生都係一樣水平，結果呢？！點解有一二三線學校分咗出嚟？！家長自己有冇分名校區？！

另外，九龍塘比起天水圍上水d學生未必聰明d，但我相信普遍會醒目d叻d，係因為家長背景/成長環境質素/朋輩等一定有影響，唔係單單住入去就聰明d。

ok3

hha 發表於 22-8-27 10:01
英國政府中小學就係就近入學，咁係咪冇名校區？你嘅假設係認為學校唔會為小朋友增值，依家香港官津小學七 ...

其實去返問題嘅核心，咪就係家長囉。如果大家要追名校，莫講話7成，就算10成就近入學又如何，家長一樣會搬去該區。不過你講出個重點，就係九龍塘啲學生比起天水圍嘅點解會叻啲醒目啲，咪就係因為住九龍塘嘅人普遍較富有，多資源培育個小朋友囉。