學琴只操考試歌？

LeeCC

甜甜人妻 發表於 22-2-6 07:09
睇到呢個post我都想分享吓自己嘅經驗，因為我係成人學琴，亦都有去考過級（2級，5級，2 級merit, 5級pass). ...

非常認同第3點，我小朋友學琴10年，好彩自細培養到興趣，開心唔開心的時候都可以用音樂抒發感情，尤其這兩年疫情，少了課外活動，音樂就成為主要發洩情感和精力的途徑

學習音樂也是培養孩子毅力耐性的方法，曾有音樂老師朋友講過我孩子雖然有音樂天份，卻不是演奏的材料，相反是一塊做創作的材料，建議放棄學習演奏級，八級之後轉去學作曲配樂，但孩子堅持完成演奏級，所以我仍然支持，過程中佢自己發現自己學習演奏有好多不足，以前八級前睇唔到的弱項，現在要應付難度高的樂曲都浮面了，要加倍努力克服自己的弱項

Federic

香港太功利主義。家長太想威令老師都很功利要交成績。
外國鋼琴公開試只是學習過程的一個目標。
Merit, Distiction, 考幾级完全不用比較也沒意思。

ABRSM 及 Trinity 在香港平均分高過英國很多。為什麼？
一個二個小朋友只學幾首歌彈到像機械人，老師没有發掘
小朋友的獨特優點，之後在國際比賽成績麻麻因曲目repertoire
有限公司。

我十三歲到英國後中學老師才發現我的潛質，不用再填鴨式學琴。
很幸運。

LeeCC

Federic 發表於 22-2-6 14:16
香港太功利主義。家長太想威令老師都很功利要交成績。
外國鋼琴公開試只是學習過程的一個目標。
Merit, Dis ...

香港的風氣就係甘樣

過去幾年，都唔知俾幾多人話我浪費小朋友的天份，拖到中一先八級，又唔少人介紹老師俾我，又話我小朋友小學畢業前應該可以演奏級的，etc，我都聽到麻木曬

到現在，我小朋友仍然享受彈琴，會懂得對自己演奏有要求，但睇返身邊幾個同齡朋友仔過去幾年只操練考試歌，八級考試後已經無摸過部琴，我就知道我當初無選錯路

Federic

LeeCC 發表於 22-2-6 18:01
香港的風氣就係甘樣

過去幾年，都唔知俾幾多人話我浪費小朋友的天份，拖到中一先八級，又唔少人介紹老師 ...

中一先八級，怎會浪費天份？我有朋友15歲才由小提琴轉彈鋼琴，一樣考入纽約苿利亞音樂學院跟Madame Oxana Yoblonskaya 學藝，之後在NYU取得音樂博士。
最緊要不是為成年人家長的Vain Glory 學琴，而是打好基礎及培養興趣。考試是學怎樣不被扣分而合格又高分，跟藝術修養無關。

LeeCC

Federic 發表於 22-2-6 19:01
中一先八級，怎會浪費天份？我有朋友15歲才由小提琴轉彈鋼琴，一樣考入纽約苿利亞音樂學院跟Madame Oxana Y ...

現在風氣是考中學，鋼琴無八級或演奏級，都可以不提，造成家長都好心急要張八級甚至演奏級證書去報學校

Federic

乜學鋼琴入中學會計分嗎？

LeeCC

Federic 發表於 22-2-6 20:11
乜學鋼琴入中學會計分嗎？

系特異功能

Momobaba012

Federic 發表於 22-2-6 14:16
香港太功利主義。家長太想威令老師都很功利要交成績。
外國鋼琴公開試只是學習過程的一個目標。
Merit, Dis ...

據我所知，香港唔合格嘅考生多英國好多。

Federic

良莠不齊所以合格率低。在香港很多小朋友考琴試都是家長迫。

Federic

小朋友太早考演奏级琴試，技巧不夠及對曲目不理解，只是機械人式重複練習，也是合格率低的原因。

LeeCC

Federic 發表於 22-2-6 23:34
小朋友太早考演奏级琴試，技巧不夠及對曲目不理解，只是機械人式重複練習，也是合格率低的原因。 ...

我孩子雖然不是小學生了，但可能性格問題，對某些感情複雜的樂曲都表達不到，所以我難想像小學生如何了解曲目再表現感情出來

LeeCC

Federic 發表於 22-2-6 23:34
小朋友太早考演奏级琴試，技巧不夠及對曲目不理解，只是機械人式重複練習，也是合格率低的原因。 ...

這令我想起孩子6歲時參加校際，比賽前有鋼琴老師朋友聽過他練習，評語是樂曲需要的技巧已做到，但6歲人仔表達不到感情，這首歌起碼要11,12歲才會掌握到個感情的，唔緊要啦，比賽都係去取經驗和觀摩，俾佢去見識下啦。

Federic

鋼琴技巧不是只彈準音及準拍子。踏板技巧，連音phrasing技巧，突顯 melodic line 技巧及各種音色轉變技巧都能提升一首歌的感情層次。
像烹飪一樣，煑簡單蝦仁炒蛋，食得落同好好味係兩個不同的技巧層次。希望我的比喻可以令你明白鋼琴技巧上的分別。

LeeCC

Federic 發表於 22-2-7 13:47
鋼琴技巧不是只彈準音及準拍子。踏板技巧，連音phrasing技巧，突顯 melodic line 技巧及各種音色轉變技巧都 ...

不錯，彈完首歌和彈好首歌，好大分別，需要下苦功

honeybibibibi

眼見某家長囡囡6歲話考5級，依家仲準備緊5級樂理。
聽我就未聽過佢彈，但見佢份譜，畫到七彩顏色，都好明顯就為考而考啦！
正常小朋友如果佢視譜好，邊洗畫到花le碌？

Momobaba012

honeybibibibi 發表於 22-3-18 01:44
眼見某家長囡囡6歲話考5級，依家仲準備緊5級樂理。
聽我就未聽過佢彈，但見佢份譜，畫到七彩顏色，都好明顯 ...

學校無理要求，家長要求快啲考級，老師偷工減料，三方面都有問題。

Cindycatcat^^

我都唔贊成只練考試歌，太悶會失興趣。

lovelysnake

wlmingbb 發表於 22-1-22 06:52
最終同老師溝通了，3月會考，現在開始拍，得唔得都好，考咗佢。

你老師想小朋友攞distinction? 我小朋友每堂教新歌及考試歌，如果全部考試歌，自己都悶。我女考級学半年就考，錄影比較容易，而且本人只求pass.

lambeanmama

我覺得教琴的其實都好無奈；因為香港大部分家長都睇「進度」及「ROI」，學咗咗耐都未考級？有啲家長就會不滿。所以我覺得如果家長目標不同，我會建議同琴老師講清楚。

我仔四歲開始學琴；今年八歲，未考過級；識彈三級考試歌；也會彈天空之城、Avengers主題曲同PinkPantha 呢啲卡通歌。佢好開心。我哋主攻另一樂器，琴，是Keep住培養音樂興趣為主。就算主攻嘅樂器，我們也不會只為考級而練；會吹吓Jurassic Park主題曲。練樂器個陣，阿媽我也覺得幾享受。(emoji)(emoji)

LeeCC

lambeanmama 發表於 22-5-10 08:17
我覺得教琴的其實都好無奈；因為香港大部分家長都睇「進度」及「ROI」，學咗咗耐都未考級？有啲家長就會不 ...

我小朋友學琴10年，什麼”學咗幾年先三級？”，“下？小學畢業都未八級？”，“你個老師梗係搵你笨，拖你時間，有咩理由小六只係考七級？點解唔直接考八級？”

這些說話我已經聽到無感覺

考完八級，轉老師學AT，新老師非常欣賞舊老師對小朋友的sightreading和樂理的訓練，她說無幾多個半路轉來跟她的學生，睇譜和自學能力咁好，好多考完八級的新學生係唔識睇譜

假期日日就自己彈流行曲，開mirror, 林家謙，日本歌etc的音樂會，自得其樂