讀國際學校一定要去外國讀書嗎？

poonseelai

yianleen 發表於 21-10-18 09:49
回覆 ckmammy 的帖子

起碼IB Chinese A先夠用, Chinese B其實係俾鬼佬學中文

睇 EK 家長意見，中文 B SL 都 OK, 我都想知是否 ok

yianleen

回覆 poonseelai 的帖子

Syl B即係當second language, 你學法文、德文, language B就算好。
但你係華人, 父母都係香港/ 大陸人, 讀language B等於本地小學程度, 你話夠唔夠用呢?

不如話俾人聽你唔識中文算啦。

Star.Star

yianleen 發表於 21-10-18 10:09
回覆 poonseelai 的帖子

Syl B即係當second language, 你學法文、德文, language B就算好。

係。國際學校讀外語，個個畢業之後都唔識講識聽識讀寫法文德文。
中文？用來響十幾年後既香港返工？自己諗。

Radiomama

poonseelai 發表於 21-10-18 09:59
睇 EK 家長意見，中文 B SL 都 OK, 我都想知是否 ok

中文B SL 我諗用嚟維持在香港生活、讀大學、工作都係OK嘅，至少我身邊的年輕人都馬馬虎虎過到関。

不過他們一直又不會好融入廣東話社群，在香港讀醫科的幾年都沒有住hall, 談得上是好朋友的都講英語。

但工作上無需要寫中文，所以能「講」已解決大部份情況。

至於日後，我擔心的不是語言能力的問題，而是context的差異。我仔讀Chi A SL, 最近一份中文功課是分析微博及微訊在傳播力上的差別；我們發現，在分析之先，要先理解微博和微訊的操作，但可惜嘅係，我們不懂。

因此，十年後要繼續留喺香港發展的話，我哋唔止在語言上要學好中文，更要理解中国社會和生活，基本的国情是不可能不知，大灣区是不可不上。香港人應做好心理準備，第一份工作應放眼国家。

miffy_peach

我有兩位年輕同事，一個讀完ESF 去加拿大讀大學，另一個本地學校畢業之後香港讀大學，當然本地那位的中文的確比較好，但ESF 個位絕非文盲，一般工作文件其實完全無問題，並非我之前想像咁差。咁當然人人唔同啦。

佢都話當年父母其實有迫佢睇書睇報紙，所以我諗父母有幾著緊真係好有影響。

Star.Star

Radiomama 發表於 21-10-18 13:21
中文B SL 我諗用嚟維持在香港生活、讀大學、工作都係OK嘅，至少我身邊的年輕人都馬馬虎虎過到関。

不過他 ...

非常同意。
所以我一開始話讀啲簡體字國際（特別係多啲外國人同學），
又唔移民，又唔去外國升學，朋輩同生活文化完全唔本土，甚至個個未畢業就移左民/返自己國家，
等於玩自己個細路

Radiomama

Star.Star 發表於 21-10-18 14:20
非常同意。
所以我一開始話讀啲簡體字國際（特別係多啲外國人同學），
又唔移民，又唔去外國升學，朋輩同生 ...

咁話又得説回來，有能力的家庭，如果可以讓孩子快樂地在香港讀書成長，又有咩唔好呢？

另外，橫掂日後都係放眼中国的話，local sch 唔見得俾Int’l sch贏好多，一樣都不懂国情，但至少如ESF 的學生會一點簡體字、也會用普通話，當然流利英語更是在本土之上。結合來看，不是有賺嗎？！

Star.Star

Radiomama 發表於 21-10-18 14:46
咁話又得説回來，有能力的家庭，如果可以讓孩子快樂地在香港讀書成長，又有咩唔好呢？

另外，橫掂日後都 ...

本地學校學生點會唔識國情？大把新香港人同學，一齊用微信玩抖音。好多本地中小學生連校外都講普通話啦

ckmammy

Radiomama 發表於 21-10-18 13:21
中文B SL 我諗用嚟維持在香港生活、讀大學、工作都係OK嘅，至少我身邊的年輕人都馬馬虎虎過到関。

不過他 ...

咁你個仔讀 CHI A SL, 即係佢英文讀 ENG B? 可唔可以中文同英文都選A?

hello_go

只要有足夠經濟能力，讀IS絶對無問題。讀完中學，到時想去外國或留港讀大學就由佢決定架啦
到時唔洗家人陪架啦, 就算香港讀大學都住HALL啦, 到時去外國都不用擔心

kinder.bb

ckmammy 發表於 21-10-18 16:36
咁你個仔讀 CHI A SL, 即係佢英文讀 ENG B? 可唔可以中文同英文都選A?

可以咖
如果2 Lang A, 畢業可有Bilingual Diploma

ckmammy

kinder.bb 發表於 21-10-18 17:20
可以咖
如果2 Lang A, 畢業可有Bilingual Diploma

原來 Bilingual diploma 就係咁解, 不過唔知讀到咩程度先可以 讀到 Chinese A SL。 一直都聽到話 Chinese A 係比大陸人讀， 讀國際學校又唔係大陸人去讀實爭唔赢

Radiomama

ckmammy 發表於 21-10-18 17:30
原來 Bilingual diploma 就係咁解, 不過唔知讀到咩程度先可以 讀到 Chinese A SL。 一直都聽到話 Chinese A ...

小兒學校只有ENG A, 至於Chi 也不是學生「覺得」難，就可以揀去讀Chi B; 其實都是要看老師決定。如我的孩子，從Y1開始中文成績都不差，到Y7之後又一直在stream A, 所以老早有心理準備要継續讀Chi A; 有些中文程度更好的同學，為了在IB公開試上考取頂級的成績，因而改修Spanish ab initio。

ckmammy

Radiomama 發表於 21-10-18 17:50
小兒學校只有ENG A, 至於Chi 也不是學生「覺得」難，就可以揀去讀Chi B; 其實都是要看老師決定。如我的孩 ...

呢個都係一個值得考慮嘅問題。 會唔會為咗攞高啲分，就算讀到chinese A SL 都特登降一級讀 chinese B HL。 唔知大學 prefer bilingual diploma 多啲定分數多啲。

poonseelai

ckmammy 發表於 21-10-18 17:30
原來 Bilingual diploma 就係咁解, 不過唔知讀到咩程度先可以 讀到 Chinese A SL。 一直都聽到話 Chinese A ...

考中文 A high level，對手係國內生，standard level 會係香港和東南亞學生，除非大學選修中文相關學科，否則唔會考慮High level, standard level 已經好有挑戰性

Radiomama

ckmammy 發表於 21-10-18 17:59
呢個都係一個值得考慮嘅問題。 會唔會為咗攞高啲分，就算讀到chinese A SL 都特登降一級讀 chinese B HL。 ...

我哋學校唔會俾學生「特登降一級讀chinese B」。

呢個係學校老師的専業判斷。

Radiomama

對不起樓主，我們拉扯談遠了，交番個埸俾你。
有興趣談IB language情況的朋友，我們另開一題吧。

barque

我認識不少從小讀國際學校大的學生。按我觀察所見，那些本身家中英文是母語的學生，雖然本身是華人，但是中文真的可以好差。其他不少讀Chinese b的同學又未至於好差。好多都能說流利的廣東話和普通話都不差。閲讀中文報紙絕對冇問題。唯一的是寫作較弱。

當中不少人Chinese B HL都能夠拿到7。

想知多些的，可以自己下載Chinese B HL的考試卷看看去了解當中的程度。據我所知香港有些名校都好多人讀English B HL.

mindfulmom

同意大家所講，父母對仔女要求好影響小朋友的中文程度。我個女讀那些簡體字教中文又比較多外國人的IS，雖然喺native班，但作為港人家長，真心覺得太淺，所以對中文有要求的家長都會外補。我自己就只係要求小朋友每日都要做一頁中文練習，平時閱讀會睇中文書，在家講廣東話，so far我覺得要keep到中文程度唔算太難。

同意樓上提到，如果要留港生活，識中文係需要的。但個人認為呢個需要同入讀IS唔一定有抵觸，視乎你同仔女肯唔肯花咁既心機

964000

mindfulmom 發表於 21-10-18 21:40
同意大家所講，父母對仔女要求好影響小朋友的中文程度。我個女讀那些簡體字教中文又比較多外國人的IS，雖然 ...

同意，第一步一定要在家說中文，製造語境，説中文時不要故意把深字弄淺或轉英文，要照講成語諺語和俚語，其實學好口語巳可一般融入80%。   

正如讀local school其實好多咪又屋企夾硬說英文，又請NET補習（佢地話增潤），又睇英文台，自己看英文課外書，甚至早啲出國順便學英文，大家都知道只靠學校的英文課程不夠。

又以local中中學習英語為例（因為和IS學中文比較），大家都是考那個second language 的英語課程，都有不同的效果，一樣有好多人英文差到不得了，亦有人學得不錯，視乎興趣和你願意花多少努力，咁我寧願在IS可以自己選擇學多少中文，好過在LS一味谷D文言文又冇興趣又考試靠佢定生死。其實在IS的中文係淺，我女都要測驗默書寫下短文，又不至於咁差，樓上話是否接受到小朋友中文只有local小學程度，咁好多local讀完小學便出國咪又接受到個中文程度。
而且上到IS中學如果入native steam 的中文一點都不淺，功課又多，local生都不輕鬆，老實講我地冇打算入，不過萬一老師派到都會讀但就不會考ChiA，但我知有local 生轉來IS都仲要避中文故意唔take中文，咁我小朋友奇就奇在咁渣都仲喜歡學中文喎。

最後，其實學中文最需做的一樣野，就是閱讀，如果小朋友自己不讀，大人就盡量伴讀，才能有語感去學習。