面試班的感受

haleyz

lambeanmama 發表於 21-8-24 18:35
身為過來人，我覺得面試班的作用是：
1. 俾小朋友大概知甚麼是面試；對慢熱內向小朋友尤其重要。當然有好多 ...

寫得好好呀，好認同你嘅講法！

haleyz

aiko_0428 發表於 21-8-24 18:27
回覆 yeeling0101 的帖子

我小朋友弱既點就係坐唔定，佢要我每日訓練佢有耐性咁坐得定，我覺得好似訓練緊 ...

其實就算係所謂活動教學嘅直私，都唔expect 個小朋友咁坐唔定，只係教學模式上可能無咁傳統，少啲抄寫。

我自己小朋友都係比較活潑，以前坐喺度時較多小動作，但日子有功，係可以控制到，比佢知道面試時坐好係一種禮貌，一種尊重。

TY168

lambeanmama 發表於 21-8-24 18:35
身為過來人，我覺得面試班的作用是：
1. 俾小朋友大概知甚麼是面試；對慢熱內向小朋友尤其重要。當然有好多 ...

講得好好，第二點我努力做緊

daijuju

個人經驗不要揀啲會嫌棄小朋友嘅老師，不只一次，有些老師要小朋友面試通過才能上面試班，或者上緊又話不適合，各種勸退。真正好的老師能改變小朋友，陪小朋友一起進步，而不是覺得小朋友「唔得」就放棄。小朋友自信很重要，齋批評誰不懂，性格很多時係天生但可改善，不要讓不好的老師打擊小朋友和家長的自信，充滿負面能量的面試班早日bye吧。

aiko_0428

回覆 lambeanmama 的帖子

我覺得如果以咁多小朋友比較，我小朋友相對係坐得無咁定，呢個係真實，但我相信會隨住年紀去變好，因我小朋友係細b,佢地大b,所以如果係要咁比既，我地一定輸左,我唔係話所有細b都係咁，但大部分細b係呢個年紀發展都無大b咁成熟

aiko_0428

回覆 daijuju 的帖子

無錯，仲要口講話要小朋友開心，我自己聽完成既評語真係由初初開心變到唔想再聽，好唔鍾意佢地滿口虛假說話，我黎上堂學野唔係同其他人去比較

aiko_0428

其實總結我自己覺得大家家長決定要上面試班的話要諗一諗，如果上上下發覺自己感覺唔太好就唔好再繼續，好似我自己好介意老師既評語，最後影響到親子關係就唔值得，因為我都忍左好耐先發覺自己情緒越來越唔好，好大壓力，有時聽完都老師既評語放學就會喊，最後先決定唔上，心情得到釋放，睇開d自己教，最後希望大家小朋友考到心儀既學校，加油

Chankai

如果唔train定個小朋友，到面試現場，無講答題，見到連坐都坐唔到，係相當尷尬痛苦

ipki

回覆 lambeanmama 的帖子

認同你講左個重點來
D人成日話自已小朋友坐唔定,比較合活動教學
我就O咀......連咩係活動教學都未搞清楚......

beetle910

我同樓主經歷一樣, 小朋友今年9月升小一, 當初想試試上面試理, 睇下小朋友有咩需要改善地方, 但可惜只著重學術方面, 當然呢方面對直私而言係好重要, 不過每次老師評語都差到令我懷疑人生, 當然老師唔係惡意, 只係講出我小朋友同要求距離好遠好遠, 當時小朋友K2, 我承認學術上有不足, 但在不停批判之下, 我作為家長壓力好大...小朋友亦唔開心...所以冇再上面試班, 我自己改善佢弱項...
幸好到最後, 我地可以考到諗都冇諗過會收既學校, 分別有一線直私官津offer, 倒返轉頭諗, 學校唔一定只重視學術, soft skills都好重要, 但又諗...如果唔係面試班老師既評語鞭策, 我都未必會有方向幫小朋友改善...
所以唔好灰心...

Wendy_tang

lambeanmama 發表於 21-8-24 18:35
身為過來人，我覺得面試班的作用是：
1. 俾小朋友大概知甚麼是面試；對慢熱內向小朋友尤其重要。當然有好多 ...

完全同意. 家姐當年無參加面試班, 佢有考到不錯的學校.但細佬我有報, 為的就係因為佢係慢熱同稍為欠缺自信心型, 讓佢熟習咩叫面試對佢來講比較重要..否則佢可能一句都唔出聲.
對於老師的建議, 真的不要太上心, 小朋友性格同能力各異, 只要明白係咩地方可以盡量幫下佢, 盡了力, 無悔了.
大家努力!

darkgard

恕我孤陋寡聞，我未見過好嘅小一班。

大部分嘅小一班，只係俾一個模擬環境小朋友，等小朋友適應一下，又俾家長預早知道小朋友有咩隱藏行為問題。佢地係唔會抖正問題架。又咁講，一星期一堂，每堂一小時，真係做唔得咁多。

我女內向，都係上左成年面試班。因為佢太怕羞，面試時面都青，手又震，得一間waiting 中。
我得出個結論：小朋友得就得，唔得的話，就好難變到得。因為佢地仲好細，性格主導左表現。
我好明你感受。我當年都經歷過。小一過程好漫長，無忘初心，要相信佢嘅能力。人人都只係用十分鐘去考你小朋友，而你先係最了解佢嘅媽媽，唔好灰心。

rsx

我依家先知面試會早一年不斷咁上，唔怪之得咁多家長懷疑人生！
我覺得面試班唔適宜上太多，最多十堂八堂，糾正吓惡習、了解一下一般問題、適應一下面試個mood就夠吧！長期訓練面試我估真係會弄巧反絕！

kytso

yeeling0101 發表於 21-8-24 16:09
我自己係buy面試班，但我認同一星期一日一小時，唔好淨係靠佢，所以我定位面試班老師要做到教練，第一教到 ...

可以介紹是哪一間嗎?自己都搵緊面試班, 謝謝.

Jean1769

面試班唔係包生仔，我小朋友無上面試班都好多offer. 自己俾人機訓練小朋友表達能力好過

yukili1111

其實我真係完全理解你嘅感受，既然穩唔到一個好而且岩自己嘅老師不如換第二個啦，後尾我發覺請私人老師1對1學得更快

yukili1111

kytso 發表於 21-8-25 19:06
可以介紹是哪一間嗎?自己都搵緊面試班, 謝謝.

我覺得坊間面試班嘅模式和類型林林總總，不如穩一個私人老師針對某一個學校去訓練好過啦，我以前上面試班都上到懷疑人生

mumumma

回覆 beetle910 的帖子

睇完就諗到我個女既狀況，之前又係join左好岀名既面試班，本身好活潑，但係俾老師踩到佢唔敢講嘢，之後仲唔肯去上堂。好彩我即刻幫佢轉老師，而家先上到開心，仲成日話掛住老師😂

Dybala

要睇間面試班好唔好係咪有心教
我個女上年去咗間都幾出名嘅, 但每堂完咗連見老師嘅機會都冇, 淨係喺手冊寫低有咩做得好做得唔好, 同埋最初有份野叫我地填幾間小朋友target學校, 諗住都會比啲意見我地, 分析吓啱唔啱小朋友讀/小朋友表現足唔足夠攞offer, 但一直乜feedback都冇, 而到咗最後有個mock interview, 因為疫情關係係用zoom做, 個mock interview考果啲野係深到我之後真正in小學都冇遇過, 而mock interview嘅成績出咗佢係排到尾十咁上下, 果吓真係有絕望嘅感覺

不過到之後真係in小學, 當然完全係兩回事, 心儀嘅都順利攞到direct offer, 係幾間熱門嘅先reject

所以去著間唔好嘅interview class, 一味單向不斷打沉你嚇你, 只會製造不必要嘅恐慌!

Dybala

bkin1025 發表於 21-8-23 19:27
面試班D老師好多都好嚴格, assume 你係要報神校咁勁操你個仔/女, 但係太嚴好多時反而有反效果, 特別係對嗰D ...

係嚴格到過火, 果陣幫個女draft咗個self introduction上堂用, 第一句係Hello, my name is Mary. 個老師comment話唔得, 一定要講清楚全名, 即係Hello, my name is Chan Siu Ting Mary. 之後啲內容諗住唔好咁公式化, 講啲唔同嘅嘢, 點知個老師就喺手冊mark低個self introduction冇講乜乜冇講物物, 好似一定要跟足佢先啱