開學出出post：有關小學生功課量

Elenalan

IloveJJ 發表於 18-10-28 20:59
我的確對「死記硬背」不喜歡，但卻認同古文古詩要死記硬背，我也曾經請教過你怎樣教古文。
我仔沒有這功夫 ...

我女都好鍾意背誦詩詞，學校嘅古詩未教已經背哂，佢係鍾意誦詩時嘅音韻，覺得好聽就背，但我又覺得唔係死記硬背，佢會想知點解，會睇註釋，佢喜歡七言律詩嘅節奏感。由於佢學校果本已經背哂，我早幾日又買了2本厚厚的學童版古詩俾佢睇，全彩圖又有漢語拼音(順便學埋PTH)，註釋簡單易明，好吸引，其實當消閒讀物都幾好。

18-10-28 21:44 上傳

下載附件 (239.27 KB)

Elenalan

IloveJJ 發表於 18-10-28 22:14
你女語文好，數學又好?咁好既!

我唔覺得佢係好，或我仲未見到佢有咩特別天賦，佢最好嘅地方係好享受返學，對佢黎講升上小一有好多嘢學，令佢興奮和期待。我地學校暫時功課量適中，課程亦冇教快教深，我甚至覺得略淺。但咁都好，佢有充足時間適應，有空閒去睇佢仲意嘅書。

Elenalan

IloveJJ 發表於 18-10-28 22:14
你女語文好，數學又好?咁好既!

我冇刻意買d咩課外讀物去薰陶佢，都係買佢有興趣睇嘅書。但作為呀媽我有私心嘅，我自己鍾意嘅野都想同個女分享，所以閱讀上我覺得我嘅喜好係影響緊佢。例如古典文學，我欣賞文字之美奔放情感。例如我鍾意亡國前嘅李後主筆下嘅華麗綺妮風花雪月，都唔會鍾意睇佢亡國後沉重嘅國愁家恨。我膚淺，道德經呢d連我自己都唔會睇嘅，都好難感染阿女去欣賞和領受到咩智慧。又例如我好鍾意畫公仔睇漫畫，我會買漫畫畫佢睇，又會同佢討論下漫畫嘅分格，點樣做分格線和破格效果。我希望佢做任何事都搵到樂趣，有學習動力。

Elenalan

IloveJJ 發表於 18-10-28 22:51
無教深又無教快，但仍然有好既升中派位成績，點樣做到既呢？

小一咋，我覺得學校做好調適幫助學生適應係最重要。如果小一已經怕左返學做功課測考默，咪有排捱到畢業?!

asweetmom

請教功課量的客觀標準是甚麼？現在校本政策，還跟以前教育署那套嗎，還是校方可以自由決定？

伍sir

IloveJJ 發表於 18-10-28 20:40
那我想知貴校的學生，成績是怎樣?難道個個100分?

你指校內成績？其實無出得深又唔代表出得淺，一份試卷應該有深有淺，一線學校可能深的題目比例較多吧。
我觀察到學生需要經常重溫已有知識，考試表現要相對好一點。

伍sir

ABC-DAD 發表於 18-10-28 20:51
邊使操練再操練呀？學你話，識少少答題技巧，熟能生巧。

有d學生要操練多少少先；有d就答題技巧問題，個個不同，因人而異。最怕有學生放棄學習，呢類我都束手無策，只有鼓勵再鼓勵。

伍sir

asweetmom 發表於 18-10-29 00:27
請教功課量的客觀標準是甚麼？現在校本政策，還跟以前教育署那套嗎，還是校方可以自由決定？
...

校本政策，但一線學校通常多一點，數學來說會有2-3本補充，而我校只有1本。

伍sir

ABC-DAD 發表於 18-10-28 19:41
小學數嘅測考，識做都要習慣爭取時間對卷，對曰後有一定幫助。

呢方面一定係，不過較少學生會這樣做，依我觀察，約只有5%左右學生會自行核對試卷到時間完結，通常都停哂手

伍sir

Elenalan 發表於 18-10-28 22:34
我唔覺得佢係好，或我仲未見到佢有咩特別天賦，佢最好嘅地方係好享受返學，對佢黎講升上小一有好多嘢學， ...

一個很好的開始，小朋友能自己主動閱讀課外讀物也十分不錯，不過每個功課班完成功課的學生都這樣做，背後家長功勞不少。

YolandaTam

MNIF 發表於 18-10-29 09:38
嘅然妳㗕開，就按你仔性格固執，喜歡成日問點解，不善於與人別人交往，不善於表達自己所想。我感覺真像有點 ...

咦？乜 A 仔唔係好似我老公咁：
1)成日當人哋講晦氣說話係講真
2)永遠唔明字底弦外之音
3)無法體會情感描寫   
嗎？
IloveJJ 嘅大公子既然鍾意得中文小說，唔似喎。 (我老公係由細到大都睇唔明中文小說，佢試過睇金庸，捱唔過一版，話不知所云，劇集呢，幾好睇嘅劇例如"我本善良"，佢眼中只係一堆人行嚟行去，只喜歡"大時代"同"誓不低頭",但只記得"股票必勝法",對人物之間恩怨情仇無感)