有冇人收到體藝面試通知?

shio

想請教一下各位家長, 小兒現在6年級, 田徑方面學界有名次有証書(但不是頭幾名很高那種). 參考過以往的申請表, 好像田徑是不會有aptitude test的, 如果學校對小兒有興趣, 是否直接進行首輪面試?

bbforever

miriam 發表於 18-7-17 23:36
fencing 填係 others

Thank you

烏龍茶J

今年體藝將個成績睇到好高
上年有人中上成績，無視藝。運動更加話只可叫係識游下水。跑步體能樣樣都唔掂，照收。入到去,又要一人一校隊,又唔夠班入泳隊，學校話叫佢入D冷門運動組,實有位剩個D。

我姨甥囡上年成功入左，佢都話師兄姐話學校轉校長後變晒質。已經無左以前個種運動勁既人係度，入到黎，死讀書。個個星期測。隔個星期既測要計入考試分。人都癲。運動都係要繼續上。試問,運動最top既都去晒港九名校啦，體藝唔係收體育強勁既學生係收書生嗎？ 書係要讀,但唔係谷到扮名校囉，人地名校都會有D位係俾成績麻麻但運動top的人,體藝既學生真係運動唔係好Top班學生。只係，學校配套還好啫。
利伸,我姨甥囡今個暑假都轉返出黎九龍運動讀書都Top既女校,因為佢話要讀書唔使留係體藝,要運動出面發揮機會仲大喎！

olimo

烏龍茶J 發表於 18-7-18 23:05
今年體藝將個成績睇到好高
上年有人中上成績，無視藝。運動更加話只可叫係識游下水。跑步體能樣樣都唔掂， ...

你姨甥女真係好識諗
祝福佢在新學校如魚得水

難以相信去年那個
成績中上
"無視藝",只識少少游水的孩子
會看中體藝

烏龍茶J

olimo 發表於 18-7-19 07:15
你姨甥女真係好識諗
祝福佢在新學校如魚得水

其實每間學校同小朋友都各有所長。個個成績中上游水麻麻的同學仔，佢心態上鍾意運動,聽到體藝一星期有勁多運動堂。所以就好想讀。或許體藝會覺得佢心態鍾意運動已經係收生標準。仲記得佢話上次interview要跑800,又游水25米test,又跳遠體能,佢樣樣都唔達標😂 800米仲要最慢個個,慢過尾2個個衝線起碼150米,佢媽咪心諗:好囉，應該入唔到,咁樣可以派返出面既Band 1中學囉…點知...中左😂😂
最攪笑的是佢地朋友個囡，游水中上,運動中上,成績仲要係AABA,操行A,(小學係沙田BAND 1)面試個陣個主任都讚過下well done..點知就入唔到。
咁每間學校自行收生都有佢準則的，可能真係唔夾眼緣吧。

littletongtong

olimo 發表於 18-7-19 07:15
你姨甥女真係好識諗
祝福佢在新學校如魚得水

即係收1C2A 學生？

olimo

littletongtong 發表於 18-7-20 20:04
即係收1C2A 學生？

其實
1C / 2A
1B / 1C
差別其實唔大
都係成績中上

視藝
未必咁睇重獎項
first interview的面談和即席畫畫
最能看到孩子是否適合入讀
2月我兒子收到一張繪畫比賽冠軍獎狀
我無fax去後補資料
但最後都獲體藝取錄
應該跟interview有關

但
體育
我相信一定要求學生有一定的水平
無可能只憑 "喜歡一星期有好多體育堂"的熱誠
就過關
過了老師那關
仲有校長呢

bbforever

體藝面試PE嗰條隊要測試游水嗎 ?
完全唔識游水可以考嗎？

PandaTam123

bbforever 發表於 18-7-20 21:11
體藝面試PE嗰條隊要測試游水嗎 ?
完全唔識游水可以考嗎？

今年PE改了只考體適能測試，內容包括400米跑步，立定跳遠，坐地體前伸及對牆傳球，沒有專項測試。

littletongtong

olimo 發表於 18-7-20 20:47
其實
1C / 2A
1B / 1C

謝回覆

bbforever

PandaTam123 發表於 18-7-20 23:49
今年PE改了只考體適能測試，內容包括400米跑步，立定跳遠，坐地體前伸及對牆傳球，沒有專項測試。
...

晤該哂:donutgood:

kathywongwk

明天有人會出席親子同樂日嗎？

nillnill

烏龍茶J 發表於 18-7-18 23:05
今年體藝將個成績睇到好高
上年有人中上成績，無視藝。運動更加話只可叫係識游下水。跑步體能樣樣都唔掂， ...

不過新界區而言，體藝算係咁。上水有間鳳溪第一中學，標榜運動多，但好似係北區band3，成績好難標青。
市區當然有更多中學成績及運動都較體藝出色。
體藝，運動多，又band1，英中。已經算好賣點

bbforever

miriam 發表於 18-7-21 00:47
若果你覺得唔識游水用游水去報專項去呃學校會好心安理得既，我無野好講，你對子女「絕對係一個好榜樣」！
...

你唔係話緊我呀？?
我幾時有話過我個小朋友識游水， 我幾時有話過會用游水依個專項報體藝？ 乜你認為唔識游水報游水專項，落水試水會有點樣情況。。。

早幾日我先話用另外一個專項報體藝，你都回答咗我個喎？？

你睇返之前我喺依個post寫嗰啲乜嘢。。。。。。

bbforever

miriam 發表於 18-7-21 00:50
唔知真係到面試問到游水有咩成就或感受時會教子女點講呢？

我只覺得難為左一班真係心儀體藝，努力比賽操 ...

我只係不知道排PE嗰條隊需唔需要考核游水， 才會在此留言問。
你放心，我一定唔會阻住其他有志入體藝嘅人，我個小朋友唔識游水，我唔會填識游水。

做得運動員個個都公平較量， 呢啲係父母應該灌輸仔女嘅。

bbforever

miriam 發表於 18-7-17 23:36
fencing 填係 others

呢個係你早幾日前答我嘅問題~

我好多謝係呢個post解答過我問題嘅家長~


但我唔想俾人扭曲我既問題來屈我囉~

烏龍茶J

係呀…今年校長轉收生標準，體能係open day已講明，唔測專長，只測樓上個位家長所講個幾指定項目。即係你專項攞到全港學界第一，只要個日有個路人甲咁岩跑400／立地跳遠比你好，你已經輸左個馬鼻