小一同學送什麼生日禮物

little_yolky

mermaidmama 發表於 18-2-6 11:20
回覆 IloveJJ 的帖子

好，等我考慮下書券定係書，謝謝！

唔好送書啦, 唔啱睇的。外人好難知程度同興趣。

little_yolky

greentea000 發表於 18-2-6 11:20
生日會唔會只得呢次，要諗個方法通殺，次次都咁煩惱死好多細胞。你諗下你處理書方便定書券方便？
...

說話唔可以咁講, 送禮係一種學問。我由幼稚園去生日會, 就次次教兩隻馬騮選禮注意事項, 佢哋學學埋埋, 以後有用架。無得一個方法通殺的, 每個小朋友都係獨立既個體, 要考慮周詳。

little_yolky

IloveJJ 發表於 18-2-6 11:29
而家真係無人去M記，我自己無攪過M記，主要係啲野唔好食，因為一定要食佢啲餐。不過會所又未必好貴既。
...

我去過好多次M記喎, 可能係家長考慮交通方便。同埋, 大人唔鐘意食無問題, 因為班細路好鐘意。

我仲記得幼稚園有一次, 去小朋友會所參加生日會, 得3個小朋友去, 其他小朋友唔識既。會所有好多嘢玩..........生日會完結個禮拜, 生日小朋友手足口, 我哋幾個有去生日會既小朋友其中一個賴嘢, 另兩個自動停學隔離, 全校手足口大爆發, 差D要停課................

little_yolky

IloveJJ 發表於 18-2-6 11:43
咁我有去過，不過，而家真係唔興囉！除咗野唔好食，遊戲又無聊呢！

你知我都教名幼啦！佢哋興pizza expre ...

我自己反而唔鐘意去D山卡拉, 你知啦, 我深居簡出丫嘛, 一定搵唔到地址的。

little_yolky

ar_mak 發表於 18-2-6 11:41
見你地咁多人係度又得閒，我出一條買飯情景題比你地玩下。呢件係真人真事幫人教仔系列既其中一事。

話說有 ...

唔好意思, 我真係唔知個細路做錯咩事。

不過如果係我自己, 我會諗係邊四個人食飯(我斷估佢知公司有乜人做緊嘢), 如果係同事, 平時又有一齊食開飯, 我會諗佢哋通常鐘意食乜, 因為有人唔食牛, 有人唔食豬, 有人唔食魚, 而且好忙, 忙到唔得閒出街食飯, 咁我會揀D單手可以食到既飯盒, 唔駛 lue 骨既, 例如唔同既炒飯、撈米等等。務求可以唔駛睇住盒飯, 右手做緊嘢, 左手可以食到個飯盒。

利申：我做人係成日諗好多無謂嘢既。

mermaidmama

回覆 IloveJJ 的帖子

冒險樂園包場嗎？通常幾$？

greentea000

IloveJJ 發表於 18-2-6 11:22
講真，係架!我都幫我仔開過幾次生日會，只要佢哋嚟，我都覺得好開心!因為都知啲細路都好唔得閒，肯抽空嚟 ...

我一早同人仔講左我唔去呢Ｄ活動，佢想去可以去同自己搞掂禮物。人仔去左４次，逢請必到。1次唱歌（lemon tree），1次同另一個同學牧童笛合奏，1次書法（10個唔同字體壽字），1次有一個同學仔唔記得帶禮物，人仔陪佢無送禮物，兩人改為講提升中文同英文心得。呢４次都係主角屋企，有公屋有普通私人樓。

mermaidmama

回覆 IloveJJ 的帖子

聽落幾好，我女超中意冒險樂園，下次有機會試試

greentea000

little_yolky 發表於 18-2-6 11:33
說話唔可以咁講, 送禮係一種學問。我由幼稚園去生日會, 就次次教兩隻馬騮選禮注意事項, 佢哋學學埋埋, 以後 ...

唔去都可以教架，就算唔教佢好快都領悟到有心有財呢兩大原則。

little_yolky

greentea000 發表於 18-2-6 12:14
唔去都可以教架，就算唔教佢好快都領悟到有心有財呢兩大原則。

我哋唔去都要送禮的。有次阿妹收到邀請, 但撞啱表演, 不過都有送禮物。