中文學習：慳水慳力而但卻非常有效的培養方法

little_yolky

judy 發表於 17-11-8 09:08
唔覺。有一排睇最强大腦，初初覺得好勁，但看了十多集，幾乎一模一樣，雜耍技能而己。十三億一個諾獎科學 ...

這個我不宜公開批評, 好似不太好咁........但我亦有同感............我個人認為, 好既文章, 必須要情感自然, 渾然天成。不過, 呢個係我自己喜好啫。不過, 無論如何, 國內叻個D學生, 寫D文章文句係流暢就是真的。只係香港尖子轉寫英文啫。

little_yolky

judy 發表於 17-11-8 09:13
唔會呱！呢啲係思想控制。

教局冇可能控制到教師改作文的尺寸，教師更無可能遵從呢啲向痴指引。 ...

驚同學仔有負面思想, 做出不當行為丫嘛。

little_yolky

MrBeast 發表於 17-11-8 09:35
not convinced，我小朋友小一二時作文作左個好得意的故事，grammar 各樣冇乜錯但分數不高老師亦冇cmt讚佢創 ...

我家姐仔仔間學校反而唔同喎。佢小二時看圖作文, 肯定係離題, 因為小朋友理解錯咗D圖畫, 但作得好有創意兼搞笑, 老師俾咗82分, 我覺得呢D老師好好。

judy

not convinced，我小朋友小一二時作文作左個好得意的故事，grammar 各樣冇乜錯但分數不高老師亦冇cmt讚佢創意，只能說傳統教育比分好死板

只能說教師唔够"鬼佬"冇讚到而己，"鬼佬"真係咩都讚。這教師尺寸和水平有關，和傳統和非傳統有何關係？

作文，不是抄冩，創意是基本要求。依家講嘅所謂"創意"冩作，簡直是除褲放屁。

little_yolky

judy 發表於 17-11-8 08:57
一口氣睇了Evie小六至中三之作文，全部都是項級作品。eviepa當時也當担心DSE作文會被判離題，現在睇來担心 ...

離題易架。好似上面JM囡囡篇作文, 明顯地老師係批佢離題。因為話要寫自己既過錯, 但老師認為同學在學校唔聽手機係無過錯, 而且家長知道同學上堂, 本來有急事就不應直接致電同學, 應該由校務處轉駁, 仲要打咗一次同學仔手機被cut, 仲要繼續打, 唔聯絡學校, 就顯得唔合理, 所以原則上學生無明顯做錯事, 因此同題目不乎, 批離題。雖然同學仔個故事都寫得好好。

judy

驚同學仔有負面思想, 做出不當行為丫嘛。

好似唔係驚同學仔有負面思想,而係驚同學仔表達咗負面思想，教師如冇跟進，将來要負責多啲！

little_yolky

judy 發表於 17-11-8 10:07
只能說教師唔够"鬼佬"冇讚到而己，"鬼佬"真係咩都讚。這教師尺寸和水平有關，和傳統和非傳統有何關係？

...

依家小學作文, 要求修辭、成語堆砌, 句式運用, 我覺得有D造作。不過用得好, 就可以突圍而出了。家姐鐘意用, 用咗3年至掌握到個竅門。阿妹就唔鐘意用, 佢鐘意用自己語言表達, 情感比較自然實在, 但修辭手法欠奉, 所以唔荒高分。

little_yolky

judy 發表於 17-11-8 10:14
好似唔係驚同學仔有負面思想,而係驚同學仔表達咗負面思想，教師如冇跟進，将來要負責多啲！ ...

就係咁。

YolandaTam

little_yolky 發表於 17-11-8 10:11
離題易架。好似上面JM囡囡篇作文, 明顯地老師係批佢離題。因為話要寫自己既過錯, 但老師認為同學在學校唔聽 ...

其實呢，文中主人翁喺學校熄手機只係序幕，後面嫌煩三番四次當急call係垃圾電話先係真正嘅“錯”，所以我真心懷疑老師只睇頭嗰版已經俾分，無心機改文。人哋成篇文夾埋先至鑄成大錯，佢就執著喺開頭嗰少少，完全無理會嗰件小事嘅作用係鋪排點解主人翁會覺得反感，進而後來唔理三七廿一拒拒接所有來電。
用個天方夜譚嘅譬喻（小女水準實無資格同專業作家相提並論）：如果俾呢位老師睇金庸，衛斯理嘅作品，佢可能會評金庸：你見過人喺天空飛嗎？輕功真的存在嗎？評衛斯理：這世上沒有外星人，宜解釋文中情節只是夢境。

judy

離題易架。好似上面JM囡囡篇作文, 明顯地老師係批佢離題。因為話要寫自己既過錯, 但老師認為同學在學校唔聽手機係無過錯, 而且家長知道同學上堂, 本來有急事就不應直接致電同學, 應該由校務處轉駁, 仲要打咗一次同學仔手機被cut, 仲要繼續打, 唔聯絡學校, 就顯得唔合理, 所以原則上學生無明顯做錯事, 因此同題目不乎, 批離題。雖然同學仔個故事都寫得好好。

我冇睇到圖，好象是教師冇睇埋下一頁而俾分，如果係咁，呢個教師都少見。

易唔易離題，依常理來說，唔易。我從來冇提過孩子作文不可離題。

little_yolky

YolandaTam 發表於 17-11-8 10:35
其實呢，文中主人翁喺學校熄手機只係序幕，後面嫌煩三番四次當急call係垃圾電話先係真正嘅“錯”，所以我 ...

因為現實係上學時間有咁急既事家長唔會不斷只打小朋友電話, 一定直接同學校聯絡。生死猶關, 家長由上午打電話到午飯都無人接, 仲等埋放學小朋友返埋屋企, 都唔嘗試同學校聯絡。囡囡應該無試過任何突發事件, 所以唔知家長會咁做, 因此整篇文章既中心已經係立足於不合理既地方。咁樣, 文章會極易被批離題。

不過, 囡囡既文筆寫得很好, 中文根底堅固, 呢點係必須要讚賞既地方。

YolandaTam

judy 發表於 17-11-8 10:43
我冇睇到圖，好象是教師冇睇埋下一頁而俾分，如果係咁，呢個教師都少見。

易唔易離題，依常理來說，唔易 ...

不幸地，呢啲情況喺小女學校司空見慣：試過老師影印同學佳作俾大家參考，俾我發現後面兩版近乎全無批改，有好幾個明顯錯字 文句不通同前後矛盾嘅內容。

YolandaTam

little_yolky 發表於 17-11-8 10:46
因為現實係上學時間有咁急既事家長唔會不斷只打小朋友電話, 一定直接同學校聯絡。生死猶關, 家長由上午打電 ...

多謝你咁有耐性，我開始明啦。咁小女表達得真係差差差，因為佢心目中成篇文夾埋先係個“錯”，等我同佢講返先。係咪即係話，一般讀者會認為頭一版已是正題，即使喺作者心中只係引子㗎？我又真係冇咁諗過喎，個女一派篇文返嚟，佢一句未講我已經 get 到佢學校事件只是序幕而已，原來我哋思想同其他人唔同……要諗諗點教佢顧吓讀者感受先，希望佢聽啦（佢份人幾固執吓），唔，要諗諗用乜理據說服佢，佢一向認為寫啱就得，冇諗過人哋點睇㗎。

little_yolky

judy 發表於 17-11-8 10:43
我冇睇到圖，好象是教師冇睇埋下一頁而俾分，如果係咁，呢個教師都少見。

易唔易離題，依常理來說，唔易 ...

因為我阿大試過離題, 仲要係考試, 所以我印象深刻。舊年都試過作文功課全班得一個同學無離題, 全班重作。

little_yolky

YolandaTam 發表於 17-11-8 11:00
多謝你咁有耐性，我開始明啦。咁小女表達得真係差差差，因為佢心目中成篇文夾埋先係個“錯”，等我同佢講 ...

作文如果係講現實故事(就算係作都好), 必須要合乎常理同邏輯。作科幻故事當然可以天馬行空。而女女作文派既題目, 話要第一段寫XXXX有乜錯, 又, 如果係短文, 第一段必須點題, 咪等到總結前一段先講, 中間段落只係加強情節, 引出總結既情感。

不過, 如果阿女stubborn就唔好理佢, 由得佢自己撞下板, 咁先學到嘢, 有D細路你講佢唔聽的。升中反叛期, 由得佢。

little_yolky

YolandaTam 發表於 17-11-8 10:48
不幸地，呢啲情況喺小女學校司空見慣：試過老師影印同學佳作俾大家參考，俾我發現後面兩版近乎全無批改， ...

忍一忍, 出年老師可能好D。

YolandaTam

little_yolky 發表於 17-11-8 11:15
作文如果係講現實故事(就算係作都好), 必須要合乎常理同邏輯。作科幻故事當然可以天馬行空。而女女作文派既 ...

多謝晒你鼓勵同解釋呀！佢已經撞咗一年板啦，作為一個本身鍾意寫作嘅阿媽，我心裏面嘅焦急真係難以用筆墨形容啊！

October.

YolandaTam 發表於 17-11-8 11:20
多謝晒你鼓勵同解釋呀！佢已經撞咗一年板啦，作為一個本身鍾意寫作嘅阿媽，我心裏面嘅焦急真係難以用筆墨 ...

你囡囡底好又肯閲讀, 唔駛擔心既, 有冇諗過去補下作文技巧?

little_yolky

YolandaTam 發表於 17-11-8 11:20
多謝晒你鼓勵同解釋呀！佢已經撞咗一年板啦，作為一個本身鍾意寫作嘅阿媽，我心裏面嘅焦急真係難以用筆墨 ...

忍耐係兵家必學既心法, 你只需要鼓勵支持佢, 讓佢繼續喜歡寫作, 其他就等佢自己摸索, 等待適當時機再發功。畢竟中學了, 學術上佢哋唔會咁相信父母, 縱然父母既學問可能好過佢哋老師。

little_yolky

October. 發表於 17-11-8 11:24
你囡囡底好又肯閲讀, 唔駛擔心既, 有冇諗過去補下作文技巧?

補完, 就只會寫樣板戲。你問下Eviepa Evie有無去補過中作。