叩門心情

dayedaye

我其實一直唔係好明，點解呢度部分家長，似乎假定其他家庭都一定有錢讀私小／直資咁.......
我家庭月入5萬，但其實計埋供樓等等一切開支，都有壓力，如果加埋讀直私，真係清袋。
想讀官津校，有錯嗎？派左寶校＋叩門唔得，等於無為孩子準備過嗎？　
當然，原來直私面試係要嚟warm up，咁我明左，即係搵學校＝自己搵工咁，漁翁撒網式，有啲工作面試去之前已經知道係要嚟warm up咁，重點其實係喺隨後才去的那份工作面試。我從來無認為過天生天養，只係覺得培養孩子都要量力而為。
不過算了吧，經過派位，我明左個遊戲點玩。

其實係成件事去到好盡先得，仲盡過去搵工。

Binlojai

twlo 發表於 17-6-30 11:21
我就是那個認為天生天養的家長，沒有報考直私，讀happy 幼稚園，沒有參加面試班，相信小孩讀中小學有十二年 ...

你小朋友資質好高呀~ 叩門應該好難, 比考直私更難~

我仔都係讀HAPPY幼稚園, 無參加面試班, 但我清楚佢性格同資質, 所以都要考直私來俾佢經驗下... 如果唔係, 將來真係要叩門, 我估佢唔會有你小朋友咁叻可以叩到...

又... 如果我有信心我仔可以應付任何一間官津學校嘅教學法兼功課量, 我都真係疊埋心水俾佢12年免費就算...

唔想為左讀書同功課破壞親子關係, 我唯有勤力做資料搜集同預備, 希望佢下年入到一間適合佢嘅學校~~

Binlojai

chrischo2002 發表於 17-6-30 11:32
你小朋友無喊係唔明點解會有返左k1,k2同返緊k3都仲會喊，而我小朋友就是這種，我都唔明，只能說我仔有問題 ...

你可以試下俾多D心理準備佢, 早D同佢講定果日去邊, 會做咩, 有咩玩, 然後媽媽會係邊度接返佢... 同埋提返佢以前嘅"成功經驗", i.e. 媽媽每次都接返你無丟低過你etc...

我半年前同阿仔去參觀小學, 佢死都唔肯離開我去參加模擬課堂... 之後我就同佢間唔時滲下升小學要獨立D嘅訊息, 去面試前又提早話定俾佢聽要做咩... 佢最後都可以笑住咁自己去面試... 我覺得佢已經表現好好嘞, 有無offer都真係其次~~

HK-MAN

dayedaye 發表於 17-6-30 11:34
我其實一直唔係好明，點解呢度部分家長，似乎假定其他家庭都一定有錢讀私小／直資咁.......
我家 ...

我真係報兩間近近地當warmup及比自己見識下其他家長,學生既情況...

dayedaye

Charlotte_mom 發表於 17-6-30 11:49
仲盡過去搵工--事實係
份工唔鐘意捱住先又得，裸辭再搵又得。學校係統一時間表。唔係隨時有機會
裝備左幾 ...

其實........ 我諗搵工點都重要過搵學校.......
而學習任何嘢的目的，變成去考學校，以及與別人比拼，實屬悲哀。我並不同意呢個做法，但被咁去玩呢個遊戲，令人無奈。

dayedaye

HK-MAN 發表於 17-6-30 11:52
我真係報兩間近近地當warmup及比自己見識下其他家長,學生既情況...

當時係無諗住讀直私，而我就近直私亦好少，所以無諗過報。但我依家明直私作用係要嚟warm up。

HK-MAN

dayedaye 發表於 17-6-30 11:55
其實........ 我諗搵工點都重要過搵學校.......
而學習任何嘢的目的，變成去考學校，以及與別人比拼，實屬 ...

係,可以唔認同,但事實係悲哀..

Binlojai

dayedaye 發表於 17-6-30 11:34
我其實一直唔係好明，點解呢度部分家長，似乎假定其他家庭都一定有錢讀私小／直資咁.......
我家 ...

其實都真係盡過去搵工...

想當年搵第一份工都唔會早兩三年開始預備定... 但為左小朋友, 我會~

至於讀唔讀直私, 個個家庭要考慮嘅野唔同, 量力而為就好, 畢竟小朋友資質性格家長培育可能比讀邊間學校嘅影響力更大~

如果要打幾份工先供到小朋友讀書(學前排某BK紅人咁), 就真係無謂... 再者, 官津都有好多好學校, 只係睇適唔適合自己小朋友啫~~

HK-MAN

dayedaye 發表於 17-6-30 11:56
當時係無諗住讀直私，而我就近直私亦好少，所以無諗過報。但我依家明直私作用係要嚟warm up。

...

咁你遲咗明了...

dayedaye

但上面幅圖，原意好似係想表達，單一的標準，否定左每個人的不同才能喎........

但我明白左成件事係做緊乜，亦明白點解咁多人唔想生小朋友了。

但已經生左，又走唔甩要留喺香港，唯有繼續玩呢個遊戲.......

dayedaye

HK-MAN 發表於 17-6-30 11:59
咁你遲咗明了...

係遲左，亦不情願地明，對個制度呢刻係怨氣幾大。我自己都係津校大，一直競爭到大學畢業，然後出社會繼續同人競爭到60歲........

實在唔明由細爭到老所為何事............

另外有樣嘢唔明，寶校係點出現？我派嗰間係因為重點數跨境學童，所以不受歡迎。如果政府真係想比跨境學童嚟讀書，而又真係有學校需要佢地先生存到，何不喺不同區整幾間專門收跨境囉..........

dayedaye

Charlotte_mom 發表於 17-6-30 12:04
「而學習任何嘢的目的，變成去考學校，以及與別人比拼，實屬悲哀。」
唔同意亦無咁講過。學野幾時都係為自 ...

大概係因為呢排成日睇呢版，而呢版係講緊考學校，所以會有學嘢似乎係為考學校的感覺。
無話逃避，只係覺得咁樣的社會有問題啫，覺得有問題亦唔代表唔做。

YUET7

玩完個小一遊戲，真係唔敢生第二個。

gwenstephen

dayedaye 發表於 17-6-30 11:34
我其實一直唔係好明，點解呢度部分家長，似乎假定其他家庭都一定有錢讀私小／直資咁.......
我家 ...

找學校一定盡过揾工，你仲未接受即仲未入局。
家家環境不同，但食得咸魚抵得喝;
冇去考直、私，一心抽獎，No problem, 这些人必佔大多數。
但政府最後比乜學校你，有幾宝，里面有幾多非香港人士，你也要樂意接受，咁就可以了