因為中文科，同個女關係好差

littlecath

我嗰個，科科都唔多掂。又鬧又鼓勵咩招數都試過。但佢係打不死的小強，呢頭鬧到世界大戰，好快就冇事，關係係就係冇影響，但永遠冇效果

babywoman

回覆 littlecath 的帖子

小朋友他日的EQ可能就此練成

Jessy

littlecath 發表於 17-5-29 18:14
我嗰個，科科都唔多掂。又鬧又鼓勵咩招數都試過。但佢係打不死的小強，呢頭鬧到世界大戰，好快就冇事，關係 ...

咁似我囝, 考幾多分合唔合格都無咩所謂, 考試卷都可為了快D做完亂填, 老師都話恨鐵不成鋼.

我在家同佢真係日日世界大戰.  

babywoman

回覆 ar_mak 的帖子

幼稚園時，我陪仔游水，踢波，捉象棋，小學時，我陪仔踩單車，打籃球。。。。。
睇落，我仔嘅老豆真係唔夠稱職

Jane1983

實在亦唔係個個爸爸適合教小朋友，有d躁狂，教兩下就發脾氣；有d要求低，覺得咁上下就得，呢d嘢遲早自然會識。所以唔係個個亞媽放心比老公負責。

littlecath

babywoman 發表於 17-5-29 19:08
回覆 littlecath 的帖子

小朋友他日的EQ可能就此練成

好處係，唔使擔心佢會做空中飛人。壞處係，唔可以有任何期望，因為唔會改。

santakit

little_yolky 發表於 17-5-26 16:08
但係我實在懶, 又易攰(可能濕重), 如果我好似級一同學仔阿媽咁勤力, 我諗阿大都唔會止係依家水平。不過, 我 ...

可以分享下級一小朋友媽咪係點架？ 做左咩會變級一架? 好奇。。。

mimi222shi

我老公教小朋友好OK, 可能親子關係好, 只係佢勁忙, 無咩時間.

MrBeast

身邊有個例子，阿爸要求高，阿媽tum 人叻，互補不足，works out v ok.

wan_sosin

家長邊個叻就教邊樣，爸爸媽媽唔會樣樣識晒，我老公對中國文化同歷史好熟，當然佢教，其餘大部份都係我一手包辦，包括體育，音樂，視藝。
老公都唔會過問我太多，因為加多把口，有時會令小朋友混亂，除非我開聲叫佢幫一下，佢先出手。

little_yolky

ar_mak 發表於 17-5-30 02:15
如果你係同意,咁我先講.
因為如果你係唔同意,而我又再去講,咁我地就好容易變成討論,咁大家都會好辛苦.

我唔想同意, 但事實正是如此。

我教兩隻嘢教到血壓高(我), 又喊晒(阿女), 但出嚟個成績, 同C6教係一樣, 但我無見佢血壓高同阿女喊喎, 佢哋溫書時仲响度笑到卡卡聲。

little_yolky

santakit 發表於 17-5-31 00:29
可以分享下級一小朋友媽咪係點架？ 做左咩會變級一架? 好奇。。。

那位媽媽真係勁勤力, 當然女女亦是勁勤力。

其實, 講到課外書閱讀量, 應該唔會有小學生超出我阿女好多。但係, 人哋就用腦袋, 阿媽會俾練習做, 科科都有(常識我唔知有無), 又有閱讀量, 又有技巧, 仲要熟能生巧, 咁又少咗不小心既錯。阿媽跟足成年, 零舎不同！


初小時, 佢阿媽係科科target 96分或以上架。

santakit

little_yolky 發表於 17-5-31 09:59
那位媽媽真係勁勤力, 當然女女亦是勁勤力。

其實, 講到課外書閱讀量, 應該唔會有小學生超出我阿女好多。但 ...

真係好欣賞人家
人地噤勤力真係冇得好講，吾只自己勁力喎，仲教到自己個小朋友都勤力，人地勁係應該既
同埋做野efficient真係都好關建!
睇啱方向搵啱方法真係吾同d . 運動員要win都要有個好教練!

唉～我而家都仲係矇剩剩。。。

不過日日都好係有dd進步既，例如我啱啱發現左溫默書要早幾日開始，日日close book寫一次，寫吾出就睇下再寫，只要一日寫一次，就默之前嗰日就會差吾多記到8899，其實吾洗溫到好辛苦。
其實是要響個腦都recall次數多d, 分散時間日日recall就記到。

我都仲摸索緊。。

不過我想家長plan好晒，會吾會其實個小朋友只是靠家長，一冇左呀媽，就handle吾到d學業? 一到中學就要真係小則友醒先得 ， 呀媽都要將嗰套武功響小學就要傳授比小朋友。。

little_yolky

santakit 發表於 17-5-31 10:25
真係好欣賞人家
人地噤勤力真係冇得好講，吾只自己勁力喎，仲教到自己個小朋友都勤力，人地勁係應該既
同 ...

咁就緊係有D既, 除非個細路好自覺, 學習咗阿媽既方法為己用。好似我大女, 成日唔用腦, 我跟貼就考1X, 唔理佢, 就考2X, 可以差咗10名。係好氣結架。

mall

我女兒小二剛中文試测只得6x分(失分最多阅讀理解)，也已專補了一年和平時做些練習。中文温的時間是四科中最多，真的很失望！  請問有冇過來人經驗分享可以令中文有大的進步。

sumsum2010

回覆 littlecath 的帖子

simonwan

wan_sosin 發表於 17-5-31 09:45
家長邊個叻就教邊樣，爸爸媽媽唔會樣樣識晒，我老公對中國文化同歷史好熟，當然佢教，其餘大部份都係我一手 ...

科科都系我教！我仲要有三個，全部學術及學校事務我負責。所有課外活動我處理，就算出去玩，打波，游水等等都系我帶！