送自己個仔女去普教中學校究竟係咩心態？

mother904

如果真心想學好中文的人，根本無需拘泥普教中、廣教中，兩邊都有學得好和學得差的人，只要選擇最適合自己孩子的就好。

bird

我支持普教中， 支持用廣東話學文言文、學成語、學唐詩.....但不支持學簡體字！因為我 大部份簡體字都估到個意思、識睇唔識寫啫，而我啲同胞同事都係識睇唔識寫繁體字！於是我地都係各自用自己既文字嚟溝通...冇問題吖！

小女小學六年在普教中成長，普通話頂瓜瓜，經常比人讚字正腔圓！暫時我見唔到有咩唔好.....
優點︰(以佢個人嚟講...)

1. 佢成日比老師/團體揾佢做司儀仔，因為佢講野好官腔。(唔會成日呢呢呢...ER..ER..咁咁咁...)我問阿囡點解你可以一出嚟講野就好似出口成文咁? 佢話因為佢係用普通話度份稿點講既！

2.無論大家鍾意又好唔鍾意又好，但以小女經驗....升中interview好多學校都會有"語言環節"除考英文外、就係普通話。小女話好多老師都驚訝佢發音準講野自然流暢，所以成功留下好印象同埋認得佢！(咁即係話好多人都發音唔多準啦！)

3. 出外交流/獎學金選拔.....小女有幸可以參加不同的交流活動亦試過參加不同選拔活動，好多都會考語言....基本上都係用粵語同英文進行的，但佢地會
邀請你或者提醒你，以下既環節你可以用粵、英、普進行(咁就要醒目喇！我囡係三種語言都用齊....掂咗！)

4.小女 小六作文好多時都九十幾分，當然又係因為佢用普通話諗點作啦，一出嚟就係書面語嘞！

**不過由於我係一啲都唔識普通話既.....所以屋企教成語、屋企成屋人都係用廣東話溝通！我囡話作文時佢係用普通話諗野...但要高分呢就要加成語，而成語佢就係用廣東話諗既！哈哈

所以若果能集兩家大成...."普通話+廣東話"又能夠融會貫通真係好好好好的！

**我囡經驗︰佢也學校唔係班班普教中，佢話廣東話班都有好多同學成績好好，但一要佢地講普通話時，佢地普遍都不能比普教中的同學來得流利或自然流暢。(正常既...)嗱，咁當然都有個別成功例子既....我講緊既係"大多數"！

所以到我個囝，我都會希望佢能夠入到普教中既班囉！

**啊！仲有︰頭先都講咗我係一啲都唔識普通話既，所以温黙書、測驗、考試時我係用廣東話同佢地温書既！所以同一課書，佢地兩種語言都識，佢地又唔會有任何混淆喎！

ANChan59

你及囡囡覺得好才是真正的好


不過，上到中學又是另一個情況。

happybibi

阿仔阿女個都是英中英小, 大部分學科用英文教, 一個粵教中, 一個普教中, 用粵語也好, 普通話也好, 我都是平常心.  

英文是國際語言, 固然重要, 但也不能忽略普通話, 始終中國在國際上有一定的影響力.   因工作關係, 普通話與英文的使用量相當, 少了其中一樣都會減少競爭力, 另外我亦有跟日文老師學日文.

香港作為一個國際大都會, 點解要岐視其中一個語言?  現有粵教中和普教中的學校供家長學生選擇, 各取所需, 希望不要一刀切粵教中或普教中.

greivas

A-Mum 發表於 16-3-28 12:36
我大仔三年英普幼稚園，六年普教中小學，廣普英搏嘴一樣咁流利，轉去廣教中中學都無問題。
反而妹妹英普幼 ...

因為我反對犧牲母語能力嚟學外語，普教中係絕對會令學生無辦法流暢用粵語朗讀文章，我私補的時候已經遇過唔少例子。
我十二年讀書生涯都係用粵教中，去台灣國語一樣流暢，唔好覺得唔用普通話教中文就唔識普通話咁。

我見到我個學生默書要我講普通話先識默，真係好心痛。

greivas

ABC-DAD 發表於 16-3-28 22:29
帶有歧視某種語言文化的態度去討論教育，本身已經有偏頗。

之不過，與其普教中效果不章，更影響用非母語學 ...

你講得岩，咁點解呢度嘅家長要歧視粵語？
咩粵語係口語，用普通話寫作會勁啲，係一種自我矮化嘅行為。

幾十年前香港都係粵教中，但係當年香港學生中文水平比大陸學生仲高，作文好唔好真係同語言有關咩？

swater

學普通話係冇問題，但而家普通話係用黎消滅廣東話
要搞清楚廣東話先係弱勢，係比北佬歧視緊o既語言！
廣洲連係學校講廣東話都唔比，而家唔保衛廣東話，香港遲早都會行到呢一步！

有d香港人成年先學普通話都可以講得好好！以前小學生中文同普通話堂分開上同樣學到普通話又唔會影響到廣東話！

要贏在起跑線，不如由細個學德文法文之類(英文就基本一定要識)，相信去小學面試佢都會覺得家長好高膽遠矚！
留學可以去好多地方，真真正正增廣見聞，唔洗只面對住中國

greivas

bird 發表於 16-4-1 08:03
我支持普教中， 支持用廣東話學文言文、學成語、學唐詩.....但不支持學簡體字！因為我 大部份簡體字都估到 ...

你個女presentable係因為你個女叻，或者你train得好，唔關普通話事，大陸13億人都用普通話，係咪13億人都講野好叻？

作文叻亦都唔係因為普通話，係你個女叻，本身唔睇書唔識多啲詞彙，你作文都係唔會叻，唔好將普通話作文神化。(例子：http://news.mingpao.com/ins/inst ... 00001/1452389123230)

大家著名香港小說家都係粵語教學成長，上一定

你話interview有幫助，或者係有少少，但係我粵教中出身，國語溝通都係冇問題，為左咁marginal嘅advantage嚟破壞我地嘅文化根基，值唔值得？

我知你係為你個女好，但係你不斷咁向佢灌輸中文等於普通話嘅思想，神化普通話作用，呢種思想一代傳一代，咪會令下一代唔重視廣東話囉。

我唔知你有冇聽過"salami slicing"，原理就好似打美式足球咁，對手未必一下達陣，但係10碼10碼咁推進緊，最後達陣。係啊，普教中唔會令廣東話消失，但係普通話會蠶食你思維，好似你個囡咁，閱讀同寫作都已經用左普通話思維，而你就好似溫水入面嘅青蛙咁，一啲反應都冇，仲自我感覺良好。

到一日大家都習以為常，普通話仲會唔會剩係局限廣東話？澳門有版你睇，已經有唔少學校普通話全科教育，我澳門朋友話我聽，已經開始出現喺澳門長大但係廣東話唔靈光嘅學生。

普通話唔係喺中文堂學嘅，係普通語堂學嘅，我果代人全部都係粵教中出身，我完全唔覺我我地普通話差，我上大學compulsory普通話堂，個tutor都話我地水平唔錯。

香港人，唔該比D pride嚟睇下，點解要犧牲自己文化？英文夠實用喇掛，但係係咪全歐洲都係英文教學？唔係，大家都係母語教學，有冇人話佢地會比人邊緣化？

最後我想推介大家睇下百度粵語吧，果度好多廣州人，深受普通語教學所害，大家都覺得好絕望同無奈。今日廣州，可能就係明日香港，我地今時今日嘅粵語氛圍失去左就唔會再返嚟。

http://tieba.baidu.com/p/4304360394
http://tieba.baidu.com/p/4378868155

greivas

swater 發表於 16-4-1 23:03
學普通話係冇問題，但而家普通話係用黎消滅廣東話
要搞清楚廣東話先係弱勢，係比北佬歧視緊o既語言！
廣洲 ...

沒錯，我去台灣佢地都話我國話不錯

ABC-DAD

多講無謂，路人皆見就好明顯

ABC-DAD

活左幾十年，香港成功在上進心，唔係攪抗爭。北方已視如草芥，南方反當成楷模

ABC-DAD

greivas 發表於 16-4-1 22:57
你講得岩，咁點解呢度嘅家長要歧視粵語？
咩粵語係口語，用普通話寫作會勁啲，係一種自我矮化嘅行為。

我見唔到有岐視或矮化粵語。
口語入文並非主流，在粵教中嘅年代已經係咁啦。

再者，我唔認同閣下嘅標題及論調，不熬

Yanamami

點解問家長送仔女去普教中學校係乜心態，而唔係問：點解HK有禁多普教中學校？點解面試時要考埋煲冬瓜，而且仲要係考小—已係禁？

MrBeast

相信冇人會質疑pth的重要性，問題是普教中，當然lang是越多exposure越好，but for what price? 我都是指for普羅大眾

greivas

ABC-DAD 發表於 16-4-2 01:08
活左幾十年，香港成功在上進心，唔係攪抗爭。北方已視如草芥，南方反當成楷模 ...

你咁擁護北方價值，不如搬埋上去住添喇，北人視人命如草芥添呀，毒疫苗打到人地個BB痴痴呆呆，第一件事唔係追究製造商，而係拉左嚟上訪嘅家長封鎖消息。
口口聲聲為下一代好，你係咪想下一代活喺一個充滿謊言嘅世界，一個只係掛住搵錢但係冇靈魂冇良心嘅世界？

greivas

ABC-DAD 發表於 16-4-2 01:21
我見唔到有岐視或矮化粵語。
口語入文並非主流，在粵教中嘅年代已經係咁啦。

自知理虧就走人

greivas

Yanamami 發表於 16-4-2 07:28
點解問家長送仔女去普教中學校係乜心態，而唔係問：點解HK有禁多普教中學校？點解面試時要考埋煲冬瓜，而且 ...

因為試行普教中就有extra funding，家長又羊群心理驚蝕底

Yanamami

知道嗎？再有道理，再理直氣壯，這種語氣，這樣的用詞，在EK這邊並不受落~

A-Mum

未有普教中之前，我地已經有英小、英中，家長都係趨之若騖，好多 terms 學生都只係識英文，唔知中文點講。我認自己都係咁，唔係我覺得中英夾雜叻D，事實係我講唔到全中文。
咁點解到我幫小朋友揀學校，依然看重英文教學？因為香港係一個小城市，無能力同小城以外溝通，就只能做井底之蛙。能夠溝通嘅，就係有用、值得學嘅話言，係香港咁好嘅環境都唔學好兩文三語，未免太浪費。