黄埔宣小vs奉基千禧vs馬頭涌(紅磡灣)

john.ma

ckhmama 發表於 15-12-9 01:04
黃宣ー衰d講，你又知人地d刀冇張利？

奉基ー有幾多間學校話唔係重學業？

本來唔想回你，不過見你後來既回應，實在將我所寫既嘢段章取義，又曲解我既意思。證明閣下根本冇細心閱讀別人意見。

1. 如果閣下覺得我所講都係一樣人云亦云，咁請你指出淨係喺BK呢度你有見過同我仔細相同意見咩？
閣下有冇留意35網7間學校我唯獨冇講紅馬呢？點解？因為我唔認識呢間學校，冇親身去過，亦冇親人朋友子女就讀，道聽途說就有。所以避免「人云亦云」，我冇提紅馬。明未？

2. 我由頭到尾都冇表達過千禧係最好，我只係強調佢各方面比較平均。運動方面既表現係咪真係叻過其他6間學校？請你如果有機會自己去參觀一下佢哋校務處外既奬杯奬牌數目。如果你都覺得不外如是，隨便你啦。

3. 你話「仲要感覺到有d踩底別人台高自己喜愛那所學校」，係咩？對個別學校有啲意見就等如踩底別人？你係咪覺得我踩底黃宣？形容周身刀冇張利不等如負評，我已經表達係「衰啲講」，每件事都有多角度去表達。如果閣下唔喜歡，我可以修改成「參與項目種類凡多，但表現不是太突出」。又如何？

4. 講起抬高，我的而且確係想抬高返葛亮洪同聖提呢兩間經常地被人厭棄既「寶校」。人哋多新移民學生又點？人哋屋企窮、攞綜援又如何？會等如間學校好差架咩？

5. 閣下講得啱，唔會有一間學校會講自己唔重學業(你咪又係講咗等於冇講)，但凡事有priority，有輕重，有weighting factor。甚麼叫開宗明義？明嗎？

6. 其實閣下明唔明乜嘢叫「人云亦云」？乜要讀過晒啲學校先至可以評論架？如果係咁所有討論區都可以摺埋啦。重有呀，我冇講「不喜勿插」，我係叫人唔喜歡宗教氣氛濃厚學校就唔好入黃宣啫，係「不喜勿入」，咁都有問題？如果好喜歡就緊係要入啦，咁簡單都唔明。

7. 我從來只係講各校有自己特色，冇講邊間優勝過邊間，如果唔明白就算了。我已經好花時間去再表達、澄清多一次。真係要講返句不喜勿插，不喜勿回，謝謝。

ckhmama

回覆 john.ma 的帖子

多謝解說~
3) 可能就係因為你用[講衰d]令我誤會去踩底人地
4) 我冇講過學校好差和新移民,窮人等等.. 係各下既意見問寶校寶d乜, 你就答哂以上答案, 但聽外間說都如此~
其他幾點都明白哂~謝謝

jmk2012

agree

lovelinda

我已經好耐無在討論區發言了，路過想表達一下。
其實35網得7間學校，除了一間特別深，一間相對淺少少外，其他5間的教授內容其實都差不多。
另外，我亦非常反對用「寶校」這個名詞去標籤一些學校，這樣非常不尊重。儘管一些學校成績不是最好那批，學生中也有大家提及過的人，但實際上那些學校也是非常努力的，人好不好也不是分地區的。

Honeys

奉基千禧!!

josewing

Honeys 發表於 15-12-23 13:13
奉基千禧!!

三選一我都比較喜歡千，學校吾谷，運動又出眾，派位成績都見得人！

jmk2012

最緊要小孩子讀得開心！