普教中 會有什麼問題呢??

twinsprimary

孩子幼稚園好少普通話學，只係K2才開始每週一次普通話堂，所以K1開始自行課外安排每週上一次普通話，上左一年都冇乜效果，所以冇上課外普通話，早幾個月開始請左個只懂普通話的印印在家，講普通話的機會變左日日都有，而家D變得頗流利，相信升小普教中一定冇問題

Jessy

twinsprimary 發表於 13-5-12 23:50
孩子幼稚園好少普通話學，只係K2才開始每週一次普通話堂，所以K1開始自行課外安排每週上一次普通話，上左一 ...

正!! 請工人免費教埋普通話!!!

Jessy

siumi 發表於 13-5-12 22:17
我亞女今年小一,都係讀普教中小學,小朋友真係學野好快,好多小朋友入去時完成唔識講普通話, 一個學期後, 全 ...

GOOD!!!!

HKTHK

回復 Yanamami 的帖子

I have not done research on this but I asked them to read in PTH since I think it would be easier for their writing.  By reading in PTH, they can think in PTH as well.  So when they write, they can think in the language as well and also use the vocabulary that they learn in class and from reading.  No idea if this works though.

Charlotte_mom

nkpa 發表於 13-5-12 23:37
港校課上接觸國語機會已經少，課外用國語更少，個個學生學國語好像學外語那般。兩文三語，學得好的只有粵語 ...

所以普教中就有呢個優勢
(BTW, 利申, 我小朋友都係港同, 我真係覺得學校教PTH教得好好)

小朋友日日都有中文, 而學校中文100%普通話, 學校老師校內連廣東話都唔會講, 即係學生每日都有機會講普通話, 亦唔會嘗試"傻"到同中文老師講廣東話, 任何一間學校中文老師不嬲都多, 港同亦唔例外, 所以都幾多PTH老師做班主任, 進步一定快

而且港同知道學PTH, 拼音係基本, 所以小一一開學已經學拼音, 11月左右已經要學生master晒拼音, 識既程度係睇見任何PTH拼音都識讀出黎, 咁至會學得有進步(最緊要識自己知識幾時叫錯)

twinsprimary

回復 Pertra 的帖子

她在台灣做左6年,普通話真係幾好,用的詞彙仲多過我,記得我試過想講"粥",她起初聽不明,後來明白時說: 你的意思是稀飯嗎?

oooasis

我贊成普教中。（小學開始，幼稚園不贊成）
因普通話比較接近書面語。絕大部分文學作品都是以普通話寫成或譯成，孩子再學習過程中用普通話輸入，以後用普通話輸出（寫作，表達），就會順暢好多。
廣東話比較口語化，我們好少會用廣東話講書面語，語法，用詞，都唔同。
就算所謂“母語教學”，用粵語教中文，但其實同我們平時所講的廣東話，都已經有好大分別。
例如“你食左飯先喇”，同“你先把飯給吃了”已經是兩種完全唔同的句型，就算都是用粵語發音來教，但其實小朋友係腦入面都係要學兩次（詞彙，語法），佢本身的母語基礎，並不會有多大幫助，不如直接用普通話教。

Charlotte_mom

咁又係, 唔記得左呢樣咁重要既野TIM

KK07

我係小眾,比較喜歡用母語(我既母語係廣東話)教中文. 我既睇法係: 學好中文不等於學好講普通話, 正於精於講普通話既人不一定中文好. 所以北京本地人可以是中文水準低劣, 漢學大師饒宗頤老師是用廣東話學好中文, 佢亦是在香港用廣東話教授中文.  所以中文可以分開口語(普通話)及中國語文來學.   

JL3

原帖由 KK07 於 13-05-13 發表
我係小眾,比較喜歡用母語(我既母語係廣東話)教中文. 我既睇法係: 學好中文不等於學好講普通話, 正於精於講 ...

你話你係小眾係乜意思呢？我十分明白小學採用「普教中」似乎是大勢所向，根本原因只是現在已經回歸了！

KK07

JL3 發表於 13-5-13 15:21
你話你係小眾係乜意思呢？我十分明白小學採用「普教中」似乎是大勢所向，根本原因只是現在已經回歸了！:fun ...

我真係覺得我係另類. 其實"普教中"既實行一定係回歸之後既大勢,但係好多人會把它與中文水準掛鈞,我是不同意的. 而我亦認為保留廣東話教學從另一層面來看是保留香港一些本土文化,香港由1845年割讓英國至1997年回歸,百多年的發展歷史,又怎可當成全無意義而拋棄?

JL3

原帖由 KK07 於 13-05-13 發表
我真係覺得我係另類. 其實"普教中"既實行一定係回歸之後既大勢,但係好多人會把它與中文水準掛鈞,我是不同意 ...

你另類不另類，我無資格講！我自己十分不喜歡「普教中」！

Charlotte_mom

KK07 發表於 13-5-13 17:32
我真係覺得我係另類. 其實"普教中"既實行一定係回歸之後既大勢,但係好多人會把它與中文水準掛鈞,我是不同意 ...

其實你留意下, 家長係在乎普教中之後"普通話學成點", 而唔係普教中之後"中文學成點", 至少我係咁唸, 夠用就好了

講真丫, 廣東話教中文教左幾十年啦, 成效好嗎? 有幾多個饒宗頤丫

如果遲多幾年當普教中果班長大左, 公開試成績又明顯比廣較中弱, 到時就值得REVIEW了

qwe2132007

原帖由 Charlotte_mom 於 13-05-13 發表
其實你留意下, 家長係在乎普教中之後"普通話學成點", 而唔係普教中之後"中文學成點", 至少我係咁唸, 夠用 ...

其實我去年在係播道聽入學簡介時，聽過校長引用港大謝錫金教授的研究報告，發現廣教中的小學生比普教中的中文成績較好；另在北角循道小學也聽過校長如此說過。
但我沒有看過有關的報告，未知詳情，願有識之士指教。
（利申：本人小學是英文科以外, 全部國語教學，但是支持廣教中）

dannyyau302

原帖由 Charlotte_mom 於 13-05-13 發表
其實你留意下, 家長係在乎普教中之後"普通話學成點", 而唔係普教中之後"中文學成點", 至少我係咁唸, 夠用 ...

我亦同意普教是有需要的，促進本港語言能力是無可厚非。母語就交由父母去管教和閱讀參考書來取得平衡。

我們選擇心儀小學的同時，亦要體恤學校配合教育制度而作出轉變。從報讀那一刻，家長已有心理準備前路崎嶇；想要克服這座山丘，是不折不扣三方都要下點功夫。收成期若廿年，總好過初中才面對普教授課，從寫作技巧一面看，基礎是要由淺入深，不能一步登天。

魚王

原帖由 Charlotte_mom 於 13-05-13 發表
其實你留意下, 家長係在乎普教中之後"普通話學成點", 而唔係普教中之後"中文學成點", 至少我係咁唸, 夠用 ...

Good. My target is fluent pth but not superior chinese. Just enough for use and enough for university but not a scholar.

HKTHK

回復 KK07 的帖子

I think many parents' objective is not for better Chinese?  I am not sure teaching in Cantonese help either.  Would you say HK, China or Taiwan has the worst Chinese standards?

ami607

我個人支持廣教中，尤其是初小階段。我覺得這階段的小孩言語都尚在發展階段，語言的目的都是為溝通。所以小朋友最好先教懂運用自己的"mother tongue"來表達自己的意思，要清楚表達都要思路清淅先得，如果呢d基本功都未manage就要佢學用另一種語言表達，會阻慢思路發展。當然果d "我好肚餓"，"我好想玩"之類的單簡意思當然會表達啦，但係深層一些如分析能力就會減弱。
其實學語言不難，而且大部分家長都多是注重發音正不正確。但要知道發音正確並不代表語言運用得好(老外都不會笑我們發音不準，只是我們自己介意)﹔遲起步也不代表會比人差(以前認識一些國內來港插班的同學，初來時英語水平是零，數年後竟可名列前茅，有心不怕遲) 。語言的最終目的都只在溝通。

KK07

「其實你留意下, 家長係在乎普教中之後"普通話學成點", 而唔係普教中之後"中文學成點", 至少我係咁唸, 夠用就好了」

我用唔到"回覆"function. 唯有咁樣回覆幾位媽咪.  

我係明白「家長在乎普教中之後"普通話學成點", 而唔係普教中之後"中文學成點」,但我不同意. 所以我係另類. 學中國語文係文化學習,唔係職業先修. 普通話係大勢所趨,係需要學,但有好多方法學好普通話,包括加強會話課程. 我自己就係學校學懂漢語併音,但講得唔好,後來出差北京多,一樣講得比很多香港人都流利既普通話,包括聽得懂有哈爾濱, 四川,西安,上海口音既普通話,我甚至一聽就聽出廣東口音既普通話. 自小就普教中就當然會很早就懂說普通話,但那重要嗎? 遲數年學不行嗎?
我心目中的中國語文係學中文,包括文化,中國,香港及廣東文化,用母語學語習係最有效,我母語係廣東話,就用廣東話學,那是最容易吸修的方法,有何不好? 我絕對不是比較用廣東話vs普通話學中文的成效,用饒宗頤老師作例子是說出母語學中文亦可學得很好,因饒老師是廣東人.  我亦無奢望自己子女有咁既成就.

有家長話學好普通話就夠,咁請睇睇DSE既中文paper,你會知道能我手寫我口係唔夠取得好既中文成績, 當加上文言文範文時,你哋或者會覺得用廣東話學會更得心應手.

難道說廣東話的小朋友就不懂寫出一篇白話文章? 是否我們太低估了孩子?還記得我們是怎樣走過來的嗎?