請問如讀緊兩間幼稚園…

fruitfulsnoopy

我識人自己住新市鎮區,返二間,一間在香港,一間在九龍,然後放了下午學在參加課外活動.星期六,日再學嘢.我覺得好恐怖,其實變相即自製埋夜校.
但個小朋友又唔係特別叻.
可能就係因為小朋友唔叻,家長更加為他做更多嘢彌補.

我覺得好可憐,而且覺得小朋友的天份如果唔得迫又冇用.但朋友講左一次已唔可以再講第二次.總之,覺得小朋友好慘.

Jane1983

fruitfulsnoopy 發表於 13-3-18 10:30
我識人自己住新市鎮區,返二間,一間在香港,一間在九龍,然後放了下午學在參加課外活動.星期六,日再學嘢.我覺 ...

無得教人教仔，實反面，不過佢地上來EK看到其他家長意見，可能會反思吓。

112200

其實我不明白為何這麼多家長用自己的感覺去狠批那班有能耐和又考到兩間滿意幼稚園的家長。可能我真的認識一些很好的例子所以想代抱不平。為什麼你們會assume讀兩間的小朋友一定係叻？一定係考到好小學？其實那些家長真的是想小朋友在較不須要左撲右撲的情況下上英普班，加上他們的英普幼稚園係有口碑的， why not？我又想問吓各位有比子女放學下午四圍學嘢的家長，你們會不會assume你子女可以考到很滿意的小一？考唔到便話四圍學嘢是不應該的，小朋友真妻涼四圍學嘢最後得個吉？如果你係一些家長跟本反對放學去學嘢的，你便當沒看過吧，或你應該開個題目：有沒有子女放學後，下午不去學嘢的家長？

Christi

我從不認為讀兩間的小朋友一定叻,也不認為一定考到好小學,我只覺得佢地一定很累.

放學後去學嘢很少人會一周五天,每天三小時,同時又有功課帶回家.若是如此,我也反對.

luluhaha

就算只學一样，有家长在小朋友面前抱怨，小朋友也会抵触話自己辛苦或悶。學十幾樣的，家长從不提忙，辛苦，錢。不比较，當常態來正面實行.小朋友也會平常心來上課。—------親眼所見。

kwansara

Irismammy 發表於 13-3-17 22:29
同意番兩間辛苦過番全日！

但我識得幼稚園老師竟勸我番兩間幼稚園！

佢點解勸你番兩間幼稚園?

lestat

112200 發表於 13-3-20 00:45
其實我不明白為何這麼多家長用自己的感覺去狠批那班有能耐和又考到兩間滿意幼稚園的家長。可能我真的認識一 ...

只係想問兩個問題, 你認識番兩間幼稚園既小朋友, 每日瞓幾多個鐘?  每日有幾多時間係完全RELAX咁去玩/HEA?  如果答案係滿意既, 咁咪係家長本事, 可以安排得好好, 當然冇問題啦, 但如果唔滿意既, 即使讀果兩間幼稚園係幾有口碑, 小朋友英普有幾叻, 又如何?  

Christi

不在乎小朋友的主觀感覺,而是事實上真的太累. 小朋友像海棉,給什麼吸什麼,你比鹹食物但告訴他這味道叫甜,他就覺得那叫甜.但家長應當知道什麼對他的成長最好. 好似小朋友成日看電腦,一樣可以學到好多野,但應知道這樣對他的眼睛不好而有所節制.

112200

其實大家身邊小朋友有幾多到要午睡到k3? 大部份k1 下學期已經不須要午睡。如我所見他們下午放學三点幾四点回到家。休息一陣然後用大約半小時做功課。五至七点休息玩耍時間。晚上九点半睡覺。但如果小朋友還要睡覺，或做功課比較慢，就不在討論範圍啦。

jeremyphlam

112200 發表於 13-3-20 00:45
其實我不明白為何這麼多家長用自己的感覺去狠批那班有能耐和又考到兩間滿意幼稚園的家長。可能我真的認識一 ...

對唔住，考到兩間幼稚園絕不是甚麼了不起。小兒同時考進根德及國際亦沒有兩間都走去讀。至於話另外半日四圍學嘢的家長唔啱我亦認同。但點解要轉移視線？佢地唔啱唔代表返兩間幼稚園啱。

歪理就係歪理！

loveDD

回復 jeremyphlam 的帖子

同意，根本是歪理!

112200

錦。。其實你係反對小朋友下午去學嘢。明白了。從來無人話考到兩間好叻，係反而有幾個人常提出，識小朋友讀兩間但未見好叻。因為大家已經盲目地標籤了這些家長和小朋友。但當所有facts 放出來分享和討論時，你卻說其實你係反對一個更大的題目： 反對小朋友下午去學嘢。

MrBeast

112200 發表於 13-3-20 00:45
其實我不明白為何這麼多家長用自己的感覺去狠批那班有能耐和又考到兩間滿意幼稚園的家長。可能我真的認識一 ...

咁不如你講下你認識的好例子，雖然in principle我不同意讀兩間，但如是因為不想工人仲壞孩子，這我可理解。

喵媽

我以為一般下午班係4:30放學, 返到屋企應該差不多5點了...唔知有無特別放得早既學校呢?!

rabbitsheasl

我以前都好唔明點解要返2間幼稚園, 但當我仔仔有2個k1 offer 喺手上時, 真喺閃過讀2間, 只喺閃過幾秒,  因一間喺名幼, 一間喺2線龍校, 我真喺唔識幫佢揀, 名幼喺好多人想讀, 唔捨得放棄, 龍校喺有保障, 見小一的戰況就怕怕, 所以大家唔好一面倒批抨要小朋友返2間幼稚園的父母, 其實可能喺佢哋的內心深處都好心疼, 好自責.

cinderellasnow

不如咁講丫，如果一間係local, 主攻中數；另一間係國際學校，冇功課，淨去玩，為左個語言環境。
兩間放學同返學時間相距差不多2小時，那樣如何呢?

lestat

rabbitsheasl 發表於 13-3-20 16:45
我以前都好唔明點解要返2間幼稚園, 但當我仔仔有2個k1 offer 喺手上時, 真喺閃過讀2間, 只喺閃過幾秒,  因 ...

你講呢個CASE有D似.....有兩個男人同時追一個女, 一個好有錢, 一個好有才華, 但一個女又點可配二夫?  入番正題, 其實講來講去都係opportunity cost問題, 即使好難決擇, 但都要懂取捨, 如果取捨唔到讀兩間, 最後捨棄既就係小朋友休息同玩樂時間,

lestat

cinderellasnow 發表於 13-3-20 17:02
不如咁講丫，如果一間係local, 主攻中數；另一間係國際學校，冇功課，淨去玩，為左個語言環境。
兩間放學同 ...

仲要兩間距離屋企都好近, 阿媽唔使番工自己接送, 中午可以番屋企換衫食飯, 再加上可以負擔兩間學費,每日有十個鐘瞓覺時間,  如果可以配合得咁perfect, 我諗好多人都唔會反對仲好願意讀兩間.

oooasis

112200 發表於 13-3-20 00:45
其實我不明白為何這麼多家長用自己的感覺去狠批那班有能耐和又考到兩間滿意幼稚園的家長。可能我真的認識一 ...

無錯，我覺得可以反對，但唔需要一面倒。可以講出理據同意見，但不需要出口傷人。每次一講到這話題，一班家長就狂鬧狂插。
搞到現實中明明有好多返緊两間，但係網上就絕跡。
無人夠膽講，連討論分享的空間亦沒有，又是否健康呢？
有些家長雖沒有返两間，但每日放學後都有密密麻麻的興趣活動，補習，練琴，難道不辛苦？
有幾多小朋友每日放學後可以安心係家中玩耍，去公園沙灘？
好多家長自制“返两間”而不自知，反而上網指責別人。
豈不是五十步笑百步？

我個人覺得返两間的利弊是好個人的，每個小朋友的情況都不同。
但最大的缺點是佔用了兩個名校學位。

cinderellasnow

原帖由 lestat 於 13-03-20 發表
仲要兩間距離屋企都好近, 阿媽唔使番工自己接送, 中午可以番屋企換衫食飯, 再加上可以負擔兩間學費,每日有 ...

如果真係要讀2間，一係家長有車，唔洗日曬雨淋；
又或者兩間都近，就算唔近屋企，都要近商場，唔洗當街換衫食飯，可以坐BB車瞓覺。當然兩間放返學至少1.5至2個小時啦。
其中一間唔洗做功課，又冇壓力，當英文pg淨玩的話，我覺得ok的，你地覺得呢?