而家D小朋友小學真係咁辛苦

G-Ma

所以如果讀開活動教學既幼稚園最好讀返同類既小學, 咁樣銜接上會好D.

原帖由 loklok0104 於 09-10-8 17:03 發表


我當初都係好似你咁諗，直到升小學才知真係錯晒囉！

由於幼稚園時太過放鬆，唔洗溫書，唔多功課，無默寫，到升小學就Ｃ火囉，一開始時真係追得好辛苦，雖然成績我覺得ＯＫ，但原來係班既名次都係好後，即差零點幾已好大分別。

所以到而家細 ...

happyvalley

原帖由 G-Ma 於 09-10-8 19:53 發表
所以如果讀開活動教學既幼稚園最好讀返同類既小學, 咁樣銜接上會好D.

同類中學及要出國讀大學，我同學已經 plan 好左，個囡讀緊國際小學，都唸住出國讀大學，佢個女還成日笑我地傳統小學生，話佢地放學時，個個好似木頭公仔。

黃巴士

原帖由 happyvalley 於 09-10-8 21:40 發表


同類中學及要出國讀大學，我同學已經 plan 好左，個囡讀緊國際小學，都唸住出國讀大學，佢個女還成日笑我地傳統小學生，話佢地放學時，個個好似木頭公仔。 ...

傳統小學生似木頭公仔??
我唸佢未見個兩個面孔的傳統小學生了, 傳統村校小學生的靈考機智.
返學一個樣, 放學一個樣. 校門前後兩個樣.

黃巴士

ydoris

吾止學生辛苦,家長一樣辛苦.開學好似上戰場,阿女一埋欄就開波默書,仲要中英文連續2日.結果慘敗,食蛋兼自信心低落.我苦無對策....因為暑假已經備晒課都吾得..經過1個月回魂,昨天派回默書,有90幾分...一天都光晒...好慘,差不多連WEEKEND所有活動都CUT晒...吾知為咩野...
呢D日子,有排我嘆啦..大家要努力~

happyvalley

原帖由 ydoris 於 09-10-9 09:15 發表
吾止學生辛苦,家長一樣辛苦.開學好似上戰場,阿女一埋欄就開波默書,仲要中英文連續2日.結果慘敗,食蛋兼自信心低落.我苦無對策....因為暑假已經備晒課都吾得..經過1個月回魂,昨天派回默書,有90幾分...一天都光晒...好 ...

妳講呢句，令我唸到，而家D小朋友小學默書真係好辛苦

G-Ma

放鬆d, 唔好太緊張個分數, 大家都會好d. (食蛋就梗係唔好啦)

原帖由 ydoris 於 09-10-9 09:15 發表
吾止學生辛苦,家長一樣辛苦.開學好似上戰場,阿女一埋欄就開波默書,仲要中英文連續2日.結果慘敗,食蛋兼自信心低落.我苦無對策....因為暑假已經備晒課都吾得..經過1個月回魂,昨天派回默書,有90幾分...一天都光晒...好 ...

Kanba

傳統小學好難無操練，小朋友要適應、習慣。當遊戲玩囉。

苦中作樂

ron106

睇完之後好驚呀~~我小朋友今年K3~~下年先小一，但佢讀O既幼稚園就正正係O個D超超超活動教學，冇默書、功課唔多，到時實吃力死。

yovin

我有工作 + 兩個仔 = 沒有私人時間（每天也好像參加三項鐵人耐力賽）
自己跟貼D ，我們感情會深厚D。讀書 + BADMINTON TEAM(4 DAYS　a week) + piano (GRADE 4)是他迫我陪伴他，有時自己出現情緒低落（太累太累），便上嚟看看其他人。有同病相憐的感覺，人人都一樣，｛我都可以的｝去鼓勵自己。

我成日都同自己講 : 放心啦!仔仔去到中二，你要幫他，他
也不用亞媽了!所以即使有辛苦時，也要享受和記念這些苦，它也是我們美好的回憶之一。
大家努力！

happyvalley

原帖由 ron106 於 09-10-9 17:04 發表
睇完之後好驚呀~~我小朋友今年K3~~下年先小一，但佢讀O既幼稚園就正正係O個D超超超活動教學，冇默書、功課唔多，到時實吃力死。

搵間直資小學，比較輕鬆點，如果傳統小學，就要家長一齊讀書。

stephanieching

見到的的默書測驗我都怕, 囡囡幼稚園 (普通幼稚園一間)K3 是每星期都要默中文10個字英文6個字, 個個星期所有時間就只有鬥耐力同佢溫默書, 但又點轉頭未唔記得哂  !

好怕呢種生活, 所以同囡囡選咗間較興鬆的活動直資小學, 中文創意默書, 開學成個月從來無同佢溫習每次都有100分或200分 (是加分制不是扣分制), 數學堂會一齊玩遊戲去學習, 英文堂就暫未見到什麼特別 (不過暫都未默過書), 無測驗, 囡囡每日返學都好開心, 仲話時常舉手答問題和要有禮貌要乖 (因學校的老師見同學乖和懂會獎印仔, 儲夠印仔換小禮物), 囡囡時常好開心同我展示老師送給她的小禮物, 仲話講每日返學發生的開心事, 老師講的笑話 !!

雖然他不是名校, 我覺得這就是我希望囡囡所過的學習生活 !

[ 本帖最後由 stephanieching 於 09-10-10 09:24 編輯 ]

ydoris

我個人BUY傳統學校有默書,測驗同考試.過往經驗,小朋友吾多讀多寫,是會執筆忘字架WOR~又會2個英文字母掉轉架WOR~,呢D都係默書裡表露無遺.你吾睇佢寫,亦吾知佢筆順吾對,文字,穿同吾穿係2個字WOR~我已經練到好高深啦...所謂自由發揮既默書,曾經試過WOR~真係輕易有高分.不過家長不妨留意,小朋友捨難取易,靠容易既字去攞分,真正要讀既就會錯好多..小女既學校默書,將內容自己排過,試過死記,結果慘敗..有左經驗,默書更留心..佢話有位同學.全文都聽少左S音,結果錯好多,自己好彩聽得到,所以很開心...小朋友平日吾默書,試卷上錯字既比例會很多.試過連數學科,計對答案但錯左字,一樣要扣分.見到呢個情況下家長既心情真是難以形容..

do-re-me

test and test, again and again. 昨天才測完, 回家打開書包又有通告下星期又測驗, 各科都不停地測, 沒完沒了. 每個星期六, 日如果唔洗去奶奶家, 就係留係屋係溫書. 去奶奶家都要帶埋d書去. 連課外書都無時間睇. 好彩我個小朋友都肯合作, 否則大家hug住一齊死...

do-re-me

原帖由 stephanieching 於 09-10-10 09:23 發表
見到的的默書測驗我都怕, 囡囡幼稚園 (普通幼稚園一間)K3 是每星期都要默中文10個字英文6個字, 個個星期所有時間就只有鬥耐力同佢溫默書, 但又點轉頭未唔記得哂  !

好怕呢種生活, 所以同囡囡選咗間較興鬆的活動直資 ...

我好有興趣, 可否講我知邊間? or 你可pm我, thx.
讀直資怕唔怕難考入大學? 我擔心這個.

[ 本帖最後由 do-re-me 於 09-10-31 18:26 編輯 ]

happyvalley

原帖由 do-re-me 於 09-10-31 18:19 發表
test and test, again and again. 昨天才測完, 回家打開書包又有通告下星期又測驗, 各科都不停地測, 沒完沒了. 每個星期六, 日如果唔洗去奶奶家, 就係留係屋係溫書. 去奶奶家都要帶埋d書去. 連課外書都無時間睇. 好 ...

我囡都要測驗考試，我地咪一樣去行山，成績都達八十分左右，對於其他人來說是好低分，但我地都好滿足，所以只視附妳地要幾多分，如果要九十分以上，真係邊到都唔洗去，每日讀讀讀…。