家有自閉傾向的小朋友......

小新媽媽

今日係星島報紙睇到, 有興趣去了解下:

香港痙攣協會

本會承蒙 香港賽馬會慈善信託基金贊助，剛剛出版了一套專為訓練自閉症兒童而設的教材套，名為《社交故事及視覺教具教材套》。「社交故事」及「視覺策略」是近年備受推崇的自閉症兒童教學方法，對訓練自閉症兒童確有成效，大部分兒童都能在不同程度上得益。本教材套是香港首套有關「社交故事」及「視覺策略」的教學套件，提供一百個本地編寫的社交故事、一系列的視覺策略配套教具，以及三本訓練手冊。詳情請參考以下的單張。

《社交故事及視覺教具教材套》是由資深言語治療師及心理學家撰寫，內容深入淺出地介紹社交故事和視覺策略的應用方法、訓練原則、施行心得和成效評估，並提供清晰的理論基礎和個案參考，讓家長和教育工作者可以更有效地運用此等教學方法來幫助自閉症兒童學習，促進他們的社交和溝通能力。與此同時，亦可大大減省製作的教材功夫和時間。


社交故事及視覺教具教材套》可供全套購買，或按需要選購當中的配件。整套教材套每套售價港幣 $2200元，家長特價港幣 $1700元。而配件的售價請參考表格內的價目。有興趣的人士，可填寫合適的表格，到下列地點購買。

n                香港灣仔皇后大道東43-59號東美中心2501室「總辦事處行政部」；

            查詢電話：2527 8978

n                九龍橫頭磡

tracymama

承承媽媽,
多謝您的回應和建議.我想還是去安排他評估吧.
仔仔是年頭出世.

kmwun

fairy_hk

『心橋計畫』是一項由香港基督教服務處提供自負盈虧的服務計畫，目標是透過一站式專業服務，為懷疑或已評估有發展障礙的兒童及早提供訓練及治療。有評估及訓練，服務初生至十一歲的小朋友。因為仔仔o係香港基督教服務處屯門中心上早期所以知道這個服務，詳情可以到『心橋計畫』網址睇下

<click here>

fairy_hk 寫道:
請問咩嘢係心橋計劃

fairy_hk

kmwun

謝謝回覆,而家己經排緊青蔥

Moonloh

我好唔開心, 想係呢度講幾句...

我個仔剛剛兩歲, 兩個月前經評語後懷疑有自閉傾向, 正排緊政府早期訓練, 依家係協康上緊幼兒訓練, 今日係第三堂 ...

尋晚我帶個仔去一間幼稚園面試, 其實我之前都爭扎佐好耐究竟去定唔去, 因為佢呢排行為非常差, 經常郁手打人, 尤其是我與工人。不過呢間係我心儀幼稚園之一, 身邊朋友話去下都無防當欏經驗, 結果我同阿B就開心咁去, 而我就喊住咁番屋企。

事原一到幼稚園就去操場比小朋友玩一陣, 而家長就去壁報板找出小朋友稍后進行面試之課室。跟住所有家長同小朋友就要一齊去到大禮堂聽校長講半小時學校簡介, 阿B入到禮堂見到咁多人(我估果度有3-400人)就開始不耐煩, 周身郁, 大聲喧嘩, 不斷連環打我工人塊面, 當時我係隔離不斷唱歌企圖轉移阿B視線, 結果不成功。我就同工人/阿B行出禮堂外面嘗試令阿Ｂ冷靜, 但我越講阿Ｂ越叫得大聲, 雙手不停拍打我工人塊面, 當時好多家長及幼稚園的工作人員用好奇怪的眼光望住我地三個。而當時禮堂門口剛剛有個爸爸抱住個仔, 他用好嚴厲的語調同我講 : 你個仔咁頑皮, 你真係要好好咁教訓佢, 同佢講有鬼用咩, 要打!細路點頑皮都唔能夠打人, 你點可以由得佢!!

跟住我抱番阿B, 同工人講番屋企喇。沿途我好嬲, 好大力打佐阿B幾下。上到的士我忍唔住喊佐出來, 覺得自己好過份, 竟然拿阿B出氣。阿Ｂ一直伏係我心口, 郁都冇郁過, 耐不耐望下我, 又摸下我塊面。個剎那我好內疚, 阿B係無辜, 係我自己仲未接受事實, 勉強要試。其實阿Ｂ能感受到媽咪唔開心, 或者作為呢類小朋友的家長, 真係要比多雙倍甚至三倍耐性去教導他們。

其實協康導師話我個仔最差就係"行為"呢一部份, 所以依家訓練以"行為"改正為主。阿B溝通/表達比較差, 佢唔識得用"好"或"唔好", "要"或"唔要"去表達所需, 下意識用佐"打人"來發淹不滿。有時候佢想要我幫佢達成一D事, 都會用"打"來表達。所以我理解果個男人點解咁嚴厲話我, 可能佢以為我縱容阿B打工人。只不過比人兜口兜面咁話, 況且事實亦非佢諗咁樣, 個心真係好唔舒服...

fairy_hk 寫道:
kmwun

謝謝回覆,而家己經排緊青蔥

HeiMarie

Moonloh : 好明白, 好理解你

Moonloh

Hi HeiMarie,

阿B排梗政府早期及I位, 我知一般早期都要排起碼半年, 所以之前已經報佐青蔥, 唔想浪費時間。

由於阿B平時大部份時間只對住工人, 所以我都好想比佢去讀幼兒園, 希望有機會聽多D講多D。其實一般的幼兒園, 老師可唔可以處理到呢類小朋友呢? 我屋企附近有間幼兒園, 佢地有兼收位的。我估D老師平時都見慣呢類小朋友, 包容程度會比一般幼稚/幼兒園大。可 惜N1巳經full晒, 我有諗過暫托服務, 但又唔係好清楚性質, BK媽咪有冇意見可以比到我呢? 我剛搬來荃灣區, 不太熟悉呢邊, 呢頭有冇其它幼兒園我可以考慮呢?? 謝謝!

kmwun

Moonloh

我們都好明白你的感受。我仔仔小一開學之前去學校簡介會，在禮堂因為人太多，仔仔亦不清楚發生甚麼事，平日好脾氣的仔仔，用紙蓋著面用手捂住耳朵爬在地上。亦曾經在街上聽到其他人發表的"意見"。我想小朋友有更多社交機會當然好，但亦要改善一下他表達情緒的方法，無論打的是誰也不可以，亦要小心我們的小朋友一旦養成習慣並不容易改變，所以壞的習慣要盡快改掉。而情緒亦會影響他入讀幼兒園。相信他打人好可能要表達不滿，你要教他用別的方法去表達，例如教他搖頭或搖手，做得到要誇張一點的去讚/獎。甚至一段時間無打人都可以讚/獎，相反打人亦要有懲罰，例如攞走喜歡的玩具。大人要堅持，你同家人要統一以免小朋友混淆。加油啦！

Moonloh 寫道:
我好唔開心, 想係呢度講幾句...

承承媽媽

今日承少見學校 I 位o既 OT, 咁啱俾我尋日知道佢會今日出現,於是我同兼收老師講我都想見見佢,又咁啱可以見到佢同承少做評估,又可以傾吓承少o既問題:小肌控制,協調和專注.
我原本覺得承少都可能有d o野會做得唔好,但係個ot見完佢之後,話覺得佢個問題都唔算嚴重,反而仲覺得佢o既專注都唔係咁差......,又讚佢好肯合作,又好肯玩,又肯聽指令,都叫唔錯(比起有d自閉傾向o既小朋友).
同埋呢個ot都好有經驗,因為佢話我知,覺得承少o既左手有力過右手,但係承少隻左手又比右手敏感,所以承少唔係好肯玩玩具都可能有關.......(我又無諗過喎    )無論點,起碼今日ot都教到承少玩d泥膠,係我平時教極佢都唔肯做,但今日終於肯做o既動作,就係放舊膠嚮兩隻手o既手心度,兩隻手一齊磋.     

HeiMarie

俊熙學校無ot??!!點解, 只有心理學家 + st!
承少表現好       

俊熙病

承承媽媽

Marie,

熙仔好番未?承少上個week都作病,不過都ok~~唔太差,仲可以返學同玩,係d脾氣就差小小,最衰係叫佢食o野時添~~

承承媽媽

Marie,

依家開始涼,有無興趣遲d去bb招呀?搵日一齊去呀!
另外你有無興趣買羽絨背心俾仔返學著呀?有人舊年介紹我,135一件,都ok喎~~同埋佢話佢地係95%  goose down,都叫抵買.

Chr336

承承媽媽 寫道:
Marie,

依家開始涼,有無興趣遲d去bb招呀?搵日一齊去呀!
另外你有無興趣買羽絨背心俾仔返學著呀?有人舊年介紹我,135一件,都ok喎~~同埋佢話佢地係95%  goose down,都叫抵買.

承承媽媽,
我都想買一件比我仔仔呀!  另外我想問吓你今個星期五會唔會去旅行呀?
Chr336.

HeiMarie

承媽,

BB 蕉? 好丫! when? where? sat 要返小組! sun 下午得唔得?? 有得玩有得食我至鐘意!

down vest 諗下先, 要check 下有乜存貨先決定! 我巳經留

anhemama

我個19個月都可能是係自閉,下星期已經約了時間去tuenmunhosp見姑娘,果日健康院評了佢學的

jennyho

各位:

亞仔岩岩開始左係恊康會度做訓練了,但我又想請教下各位,唔知係我心急定係咩原因,我覺得有小小唔係好對路咁,事原係係兩個多月前去青蔥計劃做了一次綜合測試,係同仔仔玩下玩具又同我傾下咁,個姑娘都好好,又建議我去智能評估中心度做詳細評估,好勒我又即刻攞醫生紙去啦,原來要排一段時間,咁我又周圍搵,又去埋健康院,係健康院見第一次醫生,個醫生又係同亞仔玩下玩具,又係同我傾下,就叫我兩個月後去多次健康院見醫生,睇下有無進展先,好勒去埋第二次見醫生,今次個醫生就好好多,細心好多,又有耐性好多,個醫生就唸住寫紙比我去排政府智能評估中心,咁我就講晒個情況比佢聽,我話有得排既,我都排緊架啦,個醫生又話,恊康會都有訓練,我答佢等緊,個醫生見我好心急咁,就話幫我正接問下恊康會,點知就個零星期就可以開始訓練了,我真係好多謝呢位何醫生.

好靱成個過程就係咁,但我而家有d問題:

當恊康會比電話我個時,問我有無同個仔去做過評估,"咁我就話之前做過一次綜合測驗囉"  但我認為唔係正式評估囉,咁到正式去做訓練個日,就即刻做訓練,無睇下亞仔需要咩訓練囉,其實係咪咁架,定係要做一次評估先呢?

承承媽媽

璟媽,
你放心啦!我預咗幫學校d同學一齊訂,115個家長會會講埋同訂埋,實有你o個份.

marie,
你阿仔學校有無規定著咩顏色?
佢地有寶藍,紅,綠同卡其色,睇吓你想要邊隻色.

four44

jennyho

我試下答你啦 有錯麻煩各位媽咪指正

1. 你去左協康綜合測試，佢會有一張紙比番你 要你留意or 加強訓練邊方面比你小朋友
2. 排期政府既評估中心先係排2星期至1個月不等先見姑娘，再排2個月至6個月不等見醫生  (呢個時間係好難過，不過都唔好浪費錢出去搵私家醫院做 4000 至10000不等, 因為d錢可以做好多訓練)

事到如今 你小朋友相對一般小朋友 必定有唔同or 差d ，唔好理係唔係自閉, 佢都一定有不足，家長只可以用錢同心機去幫小朋友 心急評估都冇用

3. 你報左協康幼兒訓練 拎番 綜合測試果張紙去 or 先fax 去 同小朋友做訓練既姑娘會識準備，當然第一堂 姑娘都要先摸清你小朋友先  未必第一堂就會學到好多野囉!

協康會係非常之好既 機構 , 佢地幫到你架!

加油啦!  

kmwun

jennyho

同意four44的意見。同時要明白評估就算幾詳細都只有兩個三個鐘，重要睇嗰日小朋友狀態同反應，我地答唔答到D問卷。一路上堂姑娘會慢慢跟小朋友情況調節，不妨多D同姑娘溝通小朋友的表現。政府評估見完醫生之後，如果有需要會安排再見個別的治療師再做進一步評估，當年仔仔就有見ST，PT同OT，有需要政府都會有轉介服務。

jennyho

多謝你地既意見,因為上次係第一次去做訓練,我老公都有一齊去,做完訓練番到屋企,我老公同我講,佢心目中既訓練唔係咁,咁我問佢,咁應該係點呢,佢又講唔出,之後我又睇番d資料,原來恊康都仲有其他訓練,所以我同老公想睇下邊個訓練先最岩我個仔囉!不過我都會問下個d姑娘既!