専注力不足及過度活躍症(ADHD)兒童家長站

milkpeach2003

大家好，我叫婷婷，今年已經22歲了。我患有「過度活躍症」的，可以跟大家分享一下自己的成長過程。

幼稚園至初小時，唔知點解，覺得人人都不喜歡我。媽媽打我、老師罰我、同學怕我。升上小一不到2個月已見了3次家長，主要話我駁嘴。鋼琴老師話唔知點教我，話我掛住搞佢屋企d野，叫媽媽不要再俾我跟她學。返學成日唔見d筆。學畫畫常唔見d顏色筆和畫簿要媽媽再買。....不久後，我無再學琴和畫了。

高小至初中時開始察覺到同學們都怕自己，大概是行為怪異吧。想做就去做，想講就去講，口沒遮欄。另一方面，又覺得別人都不喜歡自己，開始介意呢樣野，開始想自殺。

到中四，學d野開始深，成績大滑，於是狂補習。勉強上中六、七，再上大學。在大學一年級時，也因為上堂問太多不加思索的問題而被教授罵 "bull-shit...you are wasting my lecture time on asking such non-sense questions".....d同學也不喜歡我。每次分組做project，我都要抓破面皮求別人收留。雖然結果都有組...但自尊心嚴重受損。也因為咁，我在大學二年級時患上抑鬱症。 今年我已final year 了，在考試、presentation 時也需要服ritalin (利他能)。接受治療後，抑鬱症也很快康復了。但專注力仍比其他同學差，上堂跟不上。但我很勤力，將勤補拙，平均成績介乎B 和 B+ 之間。當然，故事還未完結...今年5月考埋畢業試我便工作了...到時告訴大家我就業的情況吧! 心理學家話出社會工作對於有過度活躍症的我是一大難關, 甚至係crisis.....Just let see...

看過外國一些資料，過度活躍女孩較易患上抑鬱症，這是由於她們的症狀可能會帶來社交或低成就問題。而女孩也比男孩介意自己有社交方面的問題。

若果大家有野想問我，或者想我同你地d小朋友傾下計，可以 send private message  給我的

[ 本文章最後由 milkpeach2003 於 08-1-26 02:41 編輯 ]

~仔仔媽咪~

查實食左葯個小朋友會變成點架?會精神呆滯?定係只會令佢好攰???

我已經頂唔順個仔!學校太多投訴,噚日校方已經強烈要求要我'搵'辦法準時三點半放學接走個仔,話學校既功課支援班已經容納唔到我個仔,就算我講左俾老師知我就係無其他方法至迫住個仔留校上功課支援班,講到明真係搵唔到其他人代我去接個仔放學,校方都係要我搵方法去接走個仔,聽到咁樣,好相信遲下我仔會俾學校'請'走,因為全校老師同學生都無法容忍同容納到我呢個仔...

我除左打未真正駛出黎外,咩教法都用盡,好好講道理同佢解釋又試過,鬧爆佢連鎚侮辱佢又試過,星巴佢又試過,但唔見效囉...佢依然故我,依然成日發脾氣情緒失控,明明無人笑佢,人地只係'唔小心'望到佢,佢都可以癲到又掟野又打人又鬧人咁話人地笑佢蝦佢...上功課支援班,初初响自己班度上,D曳同學影响佢搞到佢又係癲到上唔到堂,結果老師安排佢去六年班度上,等D哥哥姐姐教佢,上學期都叫做無咩投訴,原以為真係無事發生,點知原來係老師們一直忍住唔同我講,結果噚日爆發...原以為佢呢個星期好乖無投訴,佢放學又好無野咁開開心心又講哂笑咁,真係好似無事發生一樣,點知噚日放工行去接仔放學途中就接到訓導主任電話,我至知佢呢個星期又打人又抓傷人又連續幾日撕爛六年班哥哥姐姐D功課!聽完校方既強烈要求後,我真係好火!忍住眼淚行到學校接個仔!一去到個仔已經伏响張枱度喊,分明係俾老師鬧爆左佢,我沉着氣問佢呢幾日總共撕爛人地幾多本功課簿,佢竟然答我話佢只係同佢地(哥哥姐姐)玩下咋!我即刻打開佢書包,當住我仔面撕爛佢(我仔)三本作業!我真係崩潰喇!!!我要佢知道,自己既野俾人破壞係咩感受!之後我問佢呢個星期佢有無整親人,佢話有一次,我即刻出盡力星一大巴落佢塊面度!我當時係專登當住全校校工同學生面前羞辱佢!!!之後番到屋企,我將佢所有漫畫書當面撕爛入哂垃圾袋丟出後樓梯...如果連呢下都對佢無作用,我真係唔會再有咩方法可以教到佢...真係好想個仔立即去死!尤其依家仲見佢可以若無其事咁去睇住電視識得笑,若無其事咁睇爸爸D模型書呢一刻~!

日本仔mama

婷婷
我想問吓你幾歲開始食藥呀?
其實藥物對你仲有冇幫助呢?

milkpeach2003

其實我年幼時本來一直只無食藥，只見心理學家，靠認知及意志控制自己的行為和言語。但一直力不從心。上了大學後，問題依然一團糟，人際問題...上課問題....專注力差....上堂坐咁耐真係好辛苦忍不住要離位兜下...一開心忍不住大聲喧嘩不理場景...，結果俾同學覺得我不正常la......我心灰意冷，認為一輩子都是這樣，被視為異類...如果你患過度活躍症，你會知道即使你有心去控制自己的行為和言語，也是很易「失手」的。於是心想是否真的只有藥物才可改變我的人生? 吃藥後，我只要有心去做，就很易控制到自己的行為和言語，成績突飛猛進，溫書不再那麼低效率。我有d後悔，如果我早d食藥，可能可以入到好一點的大學，可以過正常的社交生活。由於對藥物的抗拒，我失去了許多!!

婷婷

perpermom

Dear 露絲,

Can you PM me or e-mail ([email protected]) me the information of the 中醫, Many thanks!

原文章由 露絲 於 06-6-29 16:16 發表
我都好辛苦呀....

個衰仔吃了7個月藥, 只是安靜小小, 便無什麼作用, 還激到我死下死下.   想他安靜多些真是很難, 我就快crazy.  連叫他做功課都勞氣.   真想有人明白我的心情.

我好想唔比藥他吃, 因為每天放學他就 ...

perpermom

萁菖媽咪,

請問你同阿仔睇邊個醫生?  我個仔有專注力不足的情況 , 真係有少少求助無門感覺.  可以PM我或 e-mail ([email protected]) 我嗎?  謝謝!

原文章由 萁菖媽咪 於 06-7-8 02:24 發表
anna_gigi,

由學童保健轉介見社工，再轉介政府機構排n個部門，每個部門又要最少排個幾兩個月，排得實在太耐終於頂唔順阿仔的行為，於是去了私家做評估，然後看過幾個醫生，從中覺得現在的醫生最有經驗和盡責，才將阿仔交給他醫。 ...

mandylung

婷婷 :
你好 ! 我女兒已經中二, 一樣係 ADHD, 五年級開始食藥. 雖然成績改善了, 但人際關係真係唔好.

正如你所講, 佢成日衝動插咀, 講野無思考過就衝口而出, 開心時大叫大笑, 好少同人傾計, 所以唔係人人接受到佢.

佢好怕面對陌生人, 唔懇參加集體活動,
小學時尚有一班同學仔, 但上咗中學就無朋友,
仲比其他人排擠佢!
今年就好d, 有一個同學接受佢.

其實我想問下你意見, 應唔應該先硬要佢參加群體活動,
等佢多d接觸唔同的人,
如果佢到最後都唔鍾意先至放棄.
因為叫佢自己去參加, 佢一定話無想去.
就小了結識朋友機會.

原文章由 milkpeach2003 於 08-1-28 00:57 發表
其實我年幼時本來一直只無食藥，只見心理學家，靠認知及意志控制自己的行為和言語。但一直力不從心。上了大學後，問題依然一團糟，人際問題...上課問題....專注力差....上堂坐咁耐真係好辛苦忍不住要離位兜下...一開心忍不住 ...

milkpeach2003

Mandylung,

她怕陌生人，是因為怕別人不接受她。由於我們的行為和言語跟其他人不同，於是在成長過程中，經常被排斥、拒絕....一刀一刀地割破我們的心靈.....所以會怕社交。如果硬要我們去社交，就要小心選擇一些會明白、體諒我們的社交場合，否則如果再次被拒絕，結果便會適得其反.....

不如我地呢度舉行一d聯誼活動，bbq、行山、旅行等，讓大家adhd 青少年互相認識、建立友好，建立社交圈子，大家是同路人，會明白彼此的難處。

婷婷

原文章由 mandylung 於 08-1-28 23:29 發表
婷婷 :
你好 ! 我女兒已經中二, 一樣係 ADHD, 五年級開始食藥. 雖然成績改善了, 但人際關係真係唔好.

正如你所講, 佢成日衝動插咀, 講野無思考過就衝口而出, 開心時大叫大笑, 好少同人傾計, 所以唔係人人接受到佢.
...

mandylung

Good idea !
有無其他媽媽都想呢 ?

原文章由 milkpeach2003 於 08-1-29 00:21 發表
Mandylung,

她怕陌生人，是因為怕別人不接受她。由於我們的行為和言語跟其他人不同，於是在成長過程中，經常被排斥、拒絕....一刀一刀地割破我們的心靈.....所以會怕社交。如果硬要我們去社交，就要小心選擇一些會明白、體 ...

mercy_mama

Hi every mama,
I just conirm my son (11 yrs)have this problem last Sat. I still consider whether he take the medicine or not.
好頭痛!

tmho

請問有誰知道什麼藥房比較便宜可以買到concerta,我剛和兒子看完醫生并拿到藥方,多謝回應

naughtlytiger

医生應有提供，我是在油麻地和平藥房買，上海街三五二号地下（近窩打老道）电話２３８４０４２２

小白427

農曆年後加了價, 我在沙田藥房要72x(36mg), 一粒藥貴了大約$2。

milkpeach2003

政府醫院沒有提供嗎? 你看私家的?

原文章由 小白427 於 08-2-19 21:57 發表
農曆年後加了價, 我在沙田藥房要72x(36mg), 一粒藥貴了大約$2。

naughtlytiger

你可以試吓check和平問價，因為我最初問過有此藥賣的藥房，油麻地和平最平，中環勝利最貴（相差 50%)，我兒是睇私家的，你是嗎？

kk42479

我仔有讀寫礙,專注力差,左政府無支援,唯有私家,我都好矛盾同埋擔心,始終係精神科,無耐他己十歲了,再不入腦大d怎么辨呀?大個做セ?好煩..到原來有這麽多媽媽和一樣......

mandylung

我囡囡都係5年級開始食藥, 而家都中二啦 !
食咗藥之後成績好咗, 但依然成日唔見野, 衝動, 會插咀, 同你講野隻眼望咗去第到噤囉 !!

原文章由 mercy_mama 於 08-2-4 00:22 發表
Hi every mama,
I just conirm my son (11 yrs)have this problem last Sat. I still consider whether he take the medicine or not.
好頭痛!

Connielai

原文章由 mandylung 於 08-2-27 22:37 發表
我囡囡都係5年級開始食藥, 而家都中二啦 !
食咗藥之後成績好咗, 但依然成日唔見野, 衝動, 會插咀, 同你講野隻眼望咗去第到噤囉 !!

係咪食佐藥都係會成日唔見野, 衝動, 會插咀?我個仔食住藥都係咁, d老師又吾明白呢d係佢地既症狀, 一味掛住罰。

mandylung

d老師跟本就唔明有呢d病既小朋友, 缺乏自控能力, 唔可以用一般人的教法 ! 有時仲以為家長唔管教子女. 有苦自己知 !!

原文章由 Connielai 於 08-2-28 12:54 發表


係咪食佐藥都係會成日唔見野, 衝動, 會插咀?我個仔食住藥都係咁, d老師又吾明白呢d係佢地既症狀, 一味掛住罰。

Connielai

原文章由 mandylung 於 08-2-28 22:34 發表
d老師跟本就唔明有呢d病既小朋友, 缺乏自控能力, 唔可以用一般人的教法 ! 有時仲以為家長唔管教子女. 有苦自己知 !!

我個仔咪係囉, 由1年級開始就不停比老師罰. 日日罰企, 罰小息, 寫手冊, 見家長。到4年級我同個仔去睇醫生, 先知道所有呢d病既小朋友個個都係咁, 我個仔都吾係特別頑皮, 只不過係d老師吾識去體諒佢地, 總之你多手,多腳,多咀既就要罰。我自從叫醫生寫佐封信交比學校,話我個仔係過度活躍+專注力缺乏後,間學校先少佐罰佢。個老師仲要日日搵個同學幫我個仔對手冊,先無再欠功課。