青春期的魔咒

Jane1983

回覆 IloveJJ 的帖子

有工人，咪大家都唔使做。無工人，就大家分擔，共渡時艱。

鍾意做家務的人真係少，呢d唔等於佢人格有問題。唔鍾意而已。

YmOra

little_yolky 發表於 18-10-4 12:21
問題係出咗响C6度。我平時好多嘢都係唔叫 or 只講一次, 但C6就係咁鵝, 佢既邏輯係：
見你做錯唔同你講, 咁 ...

唔知係咪全世界嘅Ｃ６都係喜歡用"鵝功"嚟教子女呢？！其實，我同阿女有時都會認為老公Ｄ所謂理由全屬"砌詞"，目的只係為咗要拗贏。

Jane1983

回覆 IloveJJ 的帖子

你所講的無錯。你的解決方法係寧願唔請工人，一家人一齊做，一齊「受罪」。好多人會選擇請工人，一家人都唔需要做佢地唔鍾意做，又覺得無value-added的事。

Yanamami

YmOra 發表於 20-3-19 08:45
八掛一問，你細女是初中或高中？我印象是初中？！

今年中四~時間飛逝，好似升中無耐~

MrBeast

little_yolky 發表於 20-3-18 20:05
問題係，佢唔係唔識做，係唔做！屋企無工人姐姐，家務當然要大家分擔。阿妹期間一個人煮咗餐三餸飯、吸塵 ...

有冇試過一起做？較易受落，不過青春期avoid conflicts 可能好d，但亦要make sure 妹唔覺得唔公平。
時世做英雄，細路開始大，會否考慮唔請工人？

YmOra

Yanamami 發表於 20-3-19 10:17
今年中四~時間飛逝，好似升中無耐~

係呀！我真係以為仲係初中。咁！預祝佢學業有成。

YmOra

MrBeast 發表於 20-3-19 10:21
有冇試過一起做？較易受落，不過青春期avoid conflicts 可能好d，但亦要make sure 妹唔覺得唔公平。
時世做 ...

阿妹應該唔會覺得唔公平，ｊｍ佢分享過阿妹對讀書以外嘅嘢好快手好鍾意做。

YmOra

little_yolky 發表於 20-3-18 20:05
問題係，佢唔係唔識做，係唔做！屋企無工人姐姐，家務當然要大家分擔。阿妹期間一個人煮咗餐三餸飯、吸塵 ...

"阿妹期間一個人煮咗餐三餸飯、吸塵、拖地、洗碗、晾衫、燙衫、摺衫"，你阿細佢勁過我Ｃ６。尤其煮到餐三餸飯，好叻呀！咩餸？

Yanamami

MrBeast 發表於 20-3-19 10:21
有冇試過一起做？較易受落，不過青春期avoid conflicts 可能好d，但亦要make sure 妹唔覺得唔公平。
時世做 ...

我想講，仔同女係青春期係好唔同｡唔好忘記仔比女遲發育，女係12至14歲变到你驚，仔仲或者会戇居居听下你支笛，女人都真係……女变得有幾狠毒就幾狠毒｡

正所謂最佳時机已过……如果唔係小时訓練开(好似我禁失敗，从小只將重点擺係培養英語、学习同体艺、自理上……时间已用盡，大女又慢世魔王托世，功課都要趕緊做，点会有时间訓練做家務？)，实在想係青春期既佢先开始做有d妙想天开｡叫倒垃圾，叫三五七次唔啋你，－次比一次黑面，禁点？打佢嗎？日日為倒垃圾家嘈屋闭？為求自保唔爆血管，自己用三十秒倒左佢好过拉剧成晚，最终可能第二朝包垃圾仲係度｡女人，係特别难搞｡

b3410

Jane1983 發表於 20-3-19 09:41
回覆 IloveJJ 的帖子

有工人，咪大家都唔使做。無工人，就大家分擔，共渡時艱。

我都唔再請工人。而且覺得依家好彩冇工人，唔使擔心假期佢四圍去，惹病毒返來。

一旦發現冇了依賴，咩都要自己做，人就開始識諗辦法。而且依家科技先進，好多家務可以用電子產品來減輕負擔。當然人手都係必須的，因為好多家務還是要靠人手。

就需要家庭成員分工合作。儘量揀自己鐘意做，又擅長的。不過一定會有“厭惡性”家務，例如清理寵物糞便，洗廁所，倒垃圾等等。唯有大家輪流。


做下做下，也覺得好似唔係咁“厭惡性”


daily routine 家務，我覺得自己做okay.

週期性徹底大清潔，可以考慮請鐘點。
不過依家D仔女情願佢哋自己做，請鐘點的錢直接俾佢哋。（我會加倍俾人工）

JJDBB

Yanamami 發表於 20-3-19 10:34
我想講，仔同女係青春期係好唔同｡唔好忘記仔比女遲發育，女你12至14歲变到你驚，仔仲或者会戇居居听下你支 ...

我想時光倒流，由頭教起！

Yanamami

JJDBB 發表於 20-3-19 11:05
我想時光倒流，由頭教起！

人人都係边做边学，有早知無乞兒~

YmOra

Yanamami 發表於 20-3-19 10:34
我想講，仔同女係青春期係好唔同｡唔好忘記仔比女遲發育，女你12至14歲变到你驚，仔仲或者会戇居居听下你支 ...

ｅ＋佢哋出晒國點都要自己自理番晒！現在學都ＯＫ未算遲。至於，仔大女大開始識飛，慢慢離我們而去都無辦法，我們倆老開始有定心理準備了。

小時了了

Yanamami 發表於 20-3-19 10:34
我想講，仔同女係青春期係好唔同｡唔好忘記仔比女遲發育，女你12至14歲变到你驚，仔仲或者会戇居居听下你支笛，女人都真係……女变得有幾狠毒就幾狠毒｡
正所謂最佳時机已过……如果唔係小时訓練开(好似我禁失敗，从小只將重点擺係培養英語、学习同体艺、自理上……时间已用盡，大女又慢世魔王托世，功課都要趕緊做，点会有时间訓練做家務？)，实在想係青春期既佢先开始做有d妙想天开｡叫倒垃圾，叫三五七次唔啋你，－次比一次黑面，禁点？打佢嗎？日日為倒垃圾家嘈屋闭？為求自保唔爆血管，自己用三十秒倒左佢好过拉剧成晚，最终可能第二朝包垃圾仲係度｡女人，係特别难搞｡

感同身受, 亦係我嘅想法. 阿女幼稚園+小學 ~十年係 99 家被照顧, 我收工先到99家接女回家瞓, 99 唔會叫阿女做家務, 而我自己屋企嘅家務我一星期才做一次, 所以阿女家務呢方面自幼較少操練

中一開始我先至接返阿女返屋企開始煮食&洗澡, 阿女青春期我又想減少衝突, 唔想每日再為做家務、早啲瞓、快啲去沖涼等事情日日家嘈屋閉. 最近停學, 阿女係屋企自己一個照顧自己中午嗰餐, 有時佢會 foodpanda 外賣, 有時會自己炒蛋煮面食, 但煮完後攪到廚房亂晒籠, 好幾次等我放工返屋企我要趕煮晚飯時我清理咗就算, 費時嘈. 上兩星期我總於按捺不住同阿女講, 我每晚返屋企前廚房佢要清潔返我先至有空間煮到晚飯, 否則我唔煮了, 大家唔好食. 阿女呢個星期效果OK, 希望阿女 keep 住自己煮野食自己清潔廚房

YmOra

b3410 發表於 20-3-19 11:03
我都唔再請工人。而且覺得依家好彩冇工人，唔使擔心假期佢四圍去，惹病毒返來。

一旦發現冇了依賴，咩都 ...

我哋分好晒工，厭惡性由老公負責，其他清潔由我做，阿女只負責自己間房，佢間房係禁地。

Yanamami

YmOra 發表於 20-3-19 11:13
ｅ＋佢哋出晒國點都要自己自理番晒！現在學都ＯＫ未算遲。至於，仔大女大開始識飛，慢慢離我們而去都無辦法 ...

学yolky話齋，唔係唔识，係唔做。而家佢地係出边样样皆能，我未担心过，不过－踏入家门，我仍是阿四｡

b3410

YmOra 發表於 20-3-19 11:24
我哋分好晒工，厭惡性由老公負責，其他清潔由我做，阿女只負責自己間房，佢間房係禁地。
...

你老公真係有擔當我要洗廁所  初初洗廁所，之前的工人姐姐唔做之後結婚嫁鬼佬，日日send 出去飲飲食食d相俾我。一路洗，一路睇，真係哭笑不得。

之後學阿女，音樂播到震天響，一路洗，一路唱，開心好多。而且技術越來越嫺熟，可以好快做完。