Super 教育乜都 talk!!

moondream3003

你地就好啦, 我隻左腳根膜炎, 痛左好耐,

danniewo

J&Amom , goodboy

多謝關心,個仔今日發埋燒,無得去觀禮...交比我亞媽睇住...頭先返來退o左燒o羅.....
J&Amom,唔好客氣,我地都係夠八掛嗟...hehehe.....
我老婆琴日係穿著一件大褸,長頭髮大肚子,佢話因為好凍一早就入場啦..佢話又無興趣望出便d o野,費事係出便吹風....佢坐係前便呀?你地坐係邊面呀...佢話都係同鄭太講o左幾句就入o左去,中場都無出去,佢話有幾個媽咪都同佢笑,佢仲以為有你地其中d人添,佢真係好怕吹風同好多人,調巷咁鬼迫,唔想比人撞親無仇報...係散場有好多人圍住個講者,佢就快快咁走啦,因怕多人搶唔到的士....所以唔係答巴士...佢唔係幾搭得巴士,因為佢耳水唔平衡呀....佢話現場仲有一個好大個肚o既女士,唔係佢呀!你地唔好搞錯呀!我老婆唔係咁樣o架.佢都唔係好巨型o架詐...仲有佢話個talk 真係好好...不過我朋友話今日就悶到嘔,佢話佢睇o左一半就走o左,見到鄭太鬼咁唔好意思話走先....話時話第二場真係咁差o羊....佢話好彩我無去,唔係一定媽媽聲,有無咁嚴重呀???定我朋友誇o左呀???

心心

有冇人可能介紹鄭太過我識?

danniewo

心心,

唔洗介紹o架,佢係gc個會員服務部經理,係家長都搵得o架...不過你躂我個跺...可能有10分人情分加掛....講下笑詐,我`無咁大面...你打去 22433911搵佢啦...

danniewo

moondream3003,

你無事嗎?要休息多d啦...琴晚我老婆出去聽講座,我都鬼咁擔心,佢d排隔兩三晚就抽筋,上次臨生個仔個排佢都係咁,真係唔知會唔會早o左生... 我要下月尾先放假 ,一陣早o左生都唔知幾煩,不過唔夠一個月就到預產期,咁係咪唔算早產o架..

你真係講得無錯,鄭太唔單只忙,連seminar 都要親身出動...真係服務週到..不過我真係覺得佢似乎忙o左d播,我老婆話鄭太瘦o左好多..我個日去o羅飛到望到好似係,但係有無正面望真,佢成十個家長係到,都費事阻鬼住其他人啦...

ZoeTse

danniewo :

第二場真係好悶,唔去絕對無損失,個題目應改為"XX產品介紹",咁會貼題D!!   
我睇到一半都想走 :cry:  :cry:

moondream3003

danniewo,

唔夠一個月就到預產期,當然唔算早產o拉. 放心0拉.

+MaMiAKiRA+

Hi Every body~~~~

星期六真係.............   :      
        
我哩牌咁唔得閒.. 都抽時間出去聽............  

好失望ar~~~~~~~
學 zoe ma話齋........個題目應改為"XX產品介紹"!!!!!!!
如果要聽產品o既介紹, 倒不如聽鄭太講! 鄭太仲 pro 啦!
        



最終都係見唔到zoe ma添~~~~~  

twchung

Danniewo

I only went to the first seminar, it's very good and wonderful.  I went there late, so  I sit at the back.

"話時話第二場真係咁差o羊", 我都無去.

I saw a long hair and a beautiful 大肚婆 at the washroom.  I did not talk to her because I'm not sure she is Mrs danniewo. At the end of the seminar, I've talked to Mrs Cheng and  I've just know who is Mrs Danniewo. She is really tall and thin.

For wwc and who didn't go last friday,

You can click the following websites which are provided by Catherine, there are some resources for story telling etc.

http://www.catsschool.com.tw/
http://www.catstw.com.tw/

+MaMiAKiRA+

Hi twchung,

唔該晒你ar!!! 一陣去睇o下先~~~

真係好悶o架~~~~ 上半場好悶, 下半場o係度介紹o的
產品仲悶!! 唔好話"大部分都已經買o左"...... 而覺得悶.
而係講得太悶~~~~      

好羨慕你o地聽o左星期五個 talk!!!  

wwc

twchung:
thanks so much for your information.
可唔可以分享少少d內容來聽聽,得個正字真是引死人,
這個星期做到死下死下,朝9:30晚11,做到亞囡都唔記得要玩什麼.

下個月個菲傭放假三個星期,所以到時我要做全職媽媽一個月,到時都唔知仲上唔上到bk.因為亞囡對著我就會失常..如唔食唔瞓..一定比佢完死.

wwc

danniewo,
你個囝囝好d未呀天氣真是好鬼凍,所以現在日日比冬蟲夏草比亞囡食,日日飲橙汁,食奇異果,有時一日會食幾仲生果,呀囡介人奶後最好記錄兩個月未探過醫生,希望可以keep著,
這個星期忙到暈,但亞囡自動波學野,今日總結本星期佢識得講全句句字表達自己的需要,仲識得講要坐前面,樹葉在樹上面,最好笑有次佢要我'long'起隻腳爬過去,一路爬一路講'yan yuet under the feel.'比佢笑死,今晚食完飯後佢仲'口皂皂'daddy問佢口入面有什麼?你估都估唔到佢的答案:'有牙齒'笑到我們死下.

moondream3003:
大肚婆要小心d呀!今天好d未呀!

J&Amom
long time no see.....

danniewo

ZoeTse,
我今日再打電話比我朋友,佢真係彈到鬼殺咁嘈,佢話天寒地凍去聽d咁o既o野,佢話走o個陣撞到鄭太,佢話唔好意思走先,佢話鄭太竟然無怪佢, 仲竟然話我明o架啦,我明o架啦...我聽到我估鄭太都真係明白點解要走先咁...我朋友話好似鄭太都係係出面,唔知係咪佢都頂唔順呢?hehehehehehe^^聽日都要打最搵佢say sorry,因為Friday無去到 ,不過聽你地咁講真係大話夾好彩啦....hahahaha.....以後d條友再講我都唔洗報名啦...   

moondream3003,
照計都唔算早,但係個胎醫生話應該暫時得五磅12到,如果可以耐d足月,應該有接近七磅,咁緊係想佢大隻d, 我亞媽話齋好湊d....

+MaMiAKiRA+
我都係咁話..個間xx好似out o左d,我聽我朋友講佢話講埋d九十幾年o既topic,同埋佢話個個張XX好似係大陸人多d,佢話聞名不如見面,見面尤如去死(屎),其實我就感受唔到,不過原來個個都媽媽聲,我諗真係好唔掂播...點解兩日會差咁遠,係咪個間xx圖書專登咁架...聽你地講到咁hardsale,鄭太仲話佢地係台灣成日都係咁做好多d d talk ...照計無理由咁喳o架,唔通台灣興係咁,不過張xx真係好出名個播,原來名實虛傳.....我睇到你咁多個            我無去都可以想像到.....不過我絕對同意你o既講法,如果鄭太開talk仲多人捧場啦...我第一個報名.....第二個我老婆...hehehehe.......     

twchung,
我老婆話有去過洗手間,不過就無好留意周圍,佢都唔魏o架,不過家陣大o左肚就唔係好瘦,佢問你幾時去過廁所喎,佢話佢去個陣唔算太多人,唔知同唔同你個陣,佢著件大樓同有頸巾...係咪你見到o個個呢?

wwc,
我個囝囝今日好好多啦,成個醒晒啦...多謝關心,其實佢都係差o左d,可能係佢成日個樣又唔食o個樣又唔要, 所以D抵抗力真係差o左d...我叫o左我亞媽去南北行買冬蟲草同煲比我老婆同個仔吃啦....

moondream3003

danniewo,

今日原本好D,但今日返工落車後行完一段路就.......又痛過 :cry:  :cry: .  好痛呀 :cry:  :cry:

goodboy

moondream3003,
真係同病相憐, 我隻腳又係筋膜炎, 我陀住阿囝時唔知佢係咪壓住我隻腳d神經線, 已經跛跛下, 生完之後好o左, 但到佢大個d體重增加, 但成日要抱, 結果變成筋膜炎, 醫生話一係打針o係隻腳度,我唔敢呀  :cry: , 你揀鞋時最好揀d 腳內側有承托o既會舒服 d

goodboy

danniewo,
36週已經足月唔算早產, 不過就梗係等佢大隻d易湊d出世好,b女出o左世記得通知我o地恭喜你,係呢, 你請個工人到
o左未呀 ?? 早d o黎到方便照顧 mrs. danniewo 麻

goodboy

wwc,
第一場講座o既講者係將佢o既教學經驗同大家分享, 大家好似上o左一個3個鐘o既 playgroup 咁,佢同大家講故事,唱歌,玩遊戲等等,然後再從中帶出教導小朋友o既重點,大家o係個 hall 度同佢一齊跳舞添,幾壯觀 !!  

twchung 之前提供o既網址入面有講者o既經驗分享同佢用
o既教材, 入去睇睇啦 !!

hinhinmummy

好耐無入黎, mrs danniewo 甘快就生啦? 軒軒都係未夠36周就出世, 可以遲d就遲d啦, 軒軒出世的時侯得5磅鬆d咋.

wwc

個女d咳好返未? 我個女好左d, 尋日行開教協見到d冬蟲草258元一盒咋, 即刻買左4盒, 比係位x堂買, 平左60幾70元一盒呀!

j&a mom

好耐無見!

danniewo

hinhinmummy,

真係好耐無見.....我都係咁諗,遲得一日得一日。咁軒軒出世難唔難湊呀!

moondream3003,

小心保重,大肚真係好鬼辛苦...我有時睇到我老婆咁辛苦真係無晒辦法...只好安慰佢好快就過啦....

goodboy,

36週的確唔算早,不過磅數真係差o左d.....

moondream3003

各位,

我今日又放病假lu, 昨天番工隻腳更痛.  留在家中好過.

goodboy,
醫生都話打針會立刻好, 不過我大肚, 唔同我打, 所以唔知何時好.