大埔道崇真07年K3小朋友家長 & FRIENDS，入來啦! – Part 3

貓頭鷹3號

交通安全隊,

今個星期六, 係未都着 road safe patrol 制服補課 ?

貓頭鷹3號

save

我睇過根記的流感假期功課....有中英文閱讀理解, 寫答案係full sentence(但有少少hints). 數學係雙位+ - 要進位...當然仲有jennie 所講的串字和作句

朋友話佢囡囡基本一拿起就完全自己識做...學校會幾日突擊測驗或默書, 所以操到個個好fit

聽鄰居講我家樓下的明我同迦南幼稚園都比崇幼深, 不過英文雖然k2 已學句子, 但上英文堂就真的很少...

原文章由 Jennie 於 08-4-15 21:08 發表


到e家我覺得崇真唔算深o既學校, 因為評估都唔係好駛串字, 老馮有得抄.  根記 o個d 傳統好唔同, 一定有填充要串字, 仲要寫好多句子, 作句子. 仲要評分係比marks....比e家壓力仲大, 雖則e家阿女話佢班都即時改卷, 知 ...

朱MayMay

各位,

今朝睇返阿仔d 相, 發覺佢眼圈越來越黑, 塊面又越來越瘦 !
好似馬騮仔咁,  又咩辦法谷返肥d !
個眼圈黑係咪淨係關夜瞓事, 會唔會個腎有事呢 ?
好幾個月無食中藥, 會唔會差d, 但中藥怕唔怕keep 住食呢 ?

save

owl ~ 今星期六係補番星期三的課程, 所以應該要穿制服啦

all ~ 就快上小學啦...我都好緊張同唔捨得大家 9月開學你哋會唔會比零用錢比小朋友返學呀?

原文章由 貓頭鷹3號 於 08-4-16 06:05 發表
交通安全隊,

今個星期六, 係未都着 road safe patrol 制服補課 ?

貓頭鷹3號

save

唔駛太擔心, 未必係個腎事.

黑眼圈成因好多, 唔夠瞓係其一原因...又可能係天生, 又可能owen skin 比較白而眼肚皮薄和血液循環差都有影響....我囡囡瞓得差果排眼圈都深好多嫁

你公司近日ok 呀? 裝咗msn 未

原文章由 朱MayMay 於 08-4-16 09:38 發表
各位,

今朝睇返阿仔d 相, 發覺佢眼圈越來越黑, 塊面又越來越瘦 !
好似馬騮仔咁,  又咩辦法谷返肥d !
個眼圈黑係咪淨係關夜瞓事, 會唔會個腎有事呢 ?
好幾個月無食中藥, 會唔會差d, 但中藥怕唔怕keep 住食呢 ? ...

朱MayMay

公司剛比美國佬收購左, 睇下可以留底幾耐, 我最想係補埋錢又可留底果隻.近排要惡補英文tim....
近排自己都週身骨痛, 見阿仔面色咁差,都想去睇返中醫, 但我護士friend 又叫我阿仔唔好日日食咁多中藥. 所以我又驚.....
唔食菜, 血液循環會唔會差呢 ?
msn 公司裝唔到, 但有裝skype, 你有無呀 ?
我今年都有比零用錢owen ,(唔知岩唔岩),有時又會獎勵下, 但
佢好開心可以自己管錢及想點用, 就好少亂花,多是留來請爺爺飲茶, 間中用來扭蛋及玩機動, 因我見就黎上小學, 大個仔ma.有無人聽過d 理財talk, 指點下點比零用錢 ?

原文章由 save 於 08-4-16 09:46 發表
唔駛太擔心, 未必係個腎事.

黑眼圈成因好多, 唔夠瞓係其一原因...又可能係天生, 又可能owen skin 比較白而眼肚皮薄和血液循環差都有影響....我囡囡瞓得差果排眼圈都深好多嫁

你公司近日ok 呀? 裝咗msn 未 ...

[ 本文章最後由 朱MayMay 於 08-4-16 11:51 編輯 ]

Mrs.Yellow

owl ~ 印象中之前交安隊張通告寫左19號係補番星期三的, 所以要穿制服，今晚我再check 多次。
訓覺踢開被，夏天可以著多件睡衣，冬天著睡袋。

save ~ 禁快9月開學就比零用錢？佢都未知訂買野啦！記得有Ｄ小學初小５比買野，或用８達通，有record。

May ~ “眼圈越來越黑, 塊面又越來越瘦“ e... 我都係。

Mrs.Yellow

上次講話掘蛋雖好玩、開心，但情況有點混亂同危險，如下次再去，家長要自行做好安全裝備。真係估不到呢句說話，原來同樣都可套用在我哋學校的 :

話說今個星期一，居然有細路可以張校車有雙重保險制的滅火筒拉開， 弄到成車都係粉，部份前坐小朋友一頭都白晒外，更有幾個小朋友眼晴入到粉。亞仔單著受傷的眼晴，聽見前面有小朋友不停哭叫著好痛、好痛。想象得到當時的情景，一定係混亂同危險，好為受牽連的小朋友傷心同擔心。此事令我突然好希望快Ｄ可升小學去！還有兩個多月，我仍要擔心足足兩個多月！掘蛋都可以帶副超保護雙眼，難道要佩副平光眼鏡給小朋友上學嗎？

Jade

唔係化?

校車ee/司機有冇打嚟解釋下.....

save

yellow ~ 嘩...真係好大鑊喎 依家d 小朋友點呀? 本來唔想講太多學校的負面事...但我忍唔住啦...但講我都只敢講校車遮..

亞囡搭的校車, 係短短開學幾個月已經有3次小意外, 話就話3次...都唔知仲有無d 係我唔知的.

最離譜果次係飛車跌落坑渠...小朋友的亞媽見到就流淚

你哋係唔駛叫我投訴....我好記得第一次同學校講校車的問題...學校第一句就話...叫我自己送...第二句係...咁無辦法...第三句係...我所搭的係保母車唔係校車...第四句係...你自己搵的保母車係唔可以上山的...最後果句係...你有問題可以搵專責校車小組的sun先生..

雖然果次我唔係投訴安全的問題...但學校比我的感覺好差...我真係唔想吓吓要搵最高領導人先ok...

而同車的家長就試過幾次寫信投訴校車的安全, 有次仲聯名投訴...上星期問過她們..她們話學校無反應...無行動...今年已經最少有3個小朋友唔搭校車啦... 而9月會多一個...果個就係我囡囡啦

himbb

Mrs. Yellow,
小朋友d好奇心, 有時幾令人意想不到

Jennie

save>>投訴學校無反應, 你有冇直接e-mail 比校長講個情況? 叫佢investigate, 唔係校長咁易做呀!!:;pppp: :;pppp:

may>>黑眼圈....阿仔有冇飲涷野飲呀?? 飲涷野/ 食西藥期間/眼皮薄....都會有黑眼圈. 我由細到大都係眼黑黑呀! 同埋人大o左少運動, 筋骨一定痛呀!!同阿仔得閒跑o下郊外會好d.

ConnieBaby219

本來5想講,
講校車我又加入.......

小女在流感假期前, 同車的 A 小朋友被人推落斜路, 那A 小朋友指明是我女做的, A 小朋友的家長向班主任投訴, A 小朋友和 A 小朋友班主任去小女的班房問小女, 小女哭住否認 , 後來再找來2位同車小朋友, 他們說小女沒推人落斜路, 之後EE 來接放學, EE 亦替小女作証

當時情况小女拖住EE 和 其他小朋友, 根本沒有推A 小朋友

問題
1. 老師點解 5 分開小朋友查問?
2. 老師點解5直接問EE ?
3. 學校5 係警察局,  老師點解好似 X 犯 ?

老師嚇親d小朋友, 小女為左此事回家哭了很久
做 mummy  更加無助, 我都
31/3 復課,
小女上校車前說： mummy 我一定會再向老師說明, 我沒有推A 小朋友.
我說 : 不用了, mummy 有向老師傾過, 已經沒事了

放學後....
小女 : mummy 我今日有向老師說明, 我沒有推A 小朋友, 老師信我的.

可想這事對小朋友心寧傷得幾深

Mrs.Yellow

當然係無校車ee/司機打嚟解釋。

小朋友有無限的好奇心，我都好了解，但大人有必要在安全同正確的情況下去滿足他們的好奇心，交托得比你就應該有責任去照顧其安全問題，否則不要叫褓母車，叫出租車便可。

我都相信有時意外是很難完全避免的，一向最令我失望的只是意外發生後，他們的處理手法，與及事後有無心去改善，減低再有發生類似情況的機會。今次又係好彩無甚大礙，難保下次都同樣好彩。最令我痛心的是小朋友可以負傷而無人處理地下車。

[ 本文章最後由 Mrs.Yellow 於 08-4-16 18:28 編輯 ]

AidanMaMa

各位k3同学mami,

有事請教,請俾d意見.  
我睇咗好多你地嘅post, 好似你哋唔係幾鍾意TT這間學校. 因小兒出年會入讀IK1,所以想了解多些. 其實除咗TT, 我都有係根德園留位, 我和我先生都比較喜歡TT, 但身邊90%媽咪級朋友都建議我選擇根德園, 她們有些女兒正在就讀, 有些已经畢業, 有些希望入讀但被取錄, 她們都覺得這是一所很好的幼稚園. 相反我們身邊冇人曾經讀過TT, 只是根據開放日時參觀及參考網上資訊來選擇, 所以很擔心會做錯決定.  希望大家俾d意見, 如果俾你再選擇一次, 你會俾你仔女讀邊間?

以下是我喜歡TT的原因:
1. 英文及普通話教學, 語言環境更好. 有Native English/Mandarin teacher
2. 活動教學 (雖然本人比較喜歡活動教學, 但不知道是否真的比較好)
3. 有各種課外活動
4. 家長參與比較多 (我是全職媽媽)
5. 可直升祟小 (進可攻,退可守)
6. 基督教學校 (我們沒有宗教信仰, 但覺得基督教學校品行培育更好)
7. 可用學卷

Could you pls advise which kindergarten you will choose? TT or KV? Do you think TT is a good kindergarten?

Thanks for your feedback in advance.

Jade

yellow太,

咁都冇打嚟解釋, 可能個司機同校車ee都諗住就咁算, 博的家長唔出聲, 講真, 要搞大佢報警都得.....見到小朋友咁嘅情況, 學校唔可能當冇事發生.

意外有時真係一瞬間, 但之後係咪應該檢討下, 例如滅火器放嘅位置, 係咪可以避免係小朋友可接觸嘅範圍. 或今次係咪真係有人為疏忽, 同點樣可以避免.....

唉....

Jade

connie,

有時老師嘅處事手法, 未必個個咁成熟, 希望hailey 快的忘記的唔開心嘅事, 或者如果佢信個班主任, 請個班主任同佢傾下謁, 表示知道佢冇做過, 希望會好的.

ConnieBaby219

yellow太

我見過校車內只得小朋友, 可能司機和EE去接其他小朋友
唉

ConnieBaby219

原文章由 Jade 於 08-4-16 21:06 發表
connie,

有時老師嘅處事手法, 未必個個咁成熟, 希望hailey 快的忘記的唔開心嘅事, 或者如果佢信個班主任, 請個班主任同佢傾下謁, 表示知道佢冇做過, 希望會好的. ...

已經同班主任傾左, 老師都好接受意見
呀女情緒 OK 多謝關心
曾經想過5 坐校車, 可惜路途太遠,
希望呢幾個月無風無浪平安渡過

Jade

connie,

hailey 心情好番就好嘞.

面對的咁情況, 家長都好被動, 唯有諗辦法將個影响減到最低.