2009年9月決定讀禮賢, 不如過黎相認下先啦

喧嘩

二月二十 七日出了派成績表時間,我1030,通告上面寫會面時間不可以超過五分鐘, 洗唔洗禁孤寒?禁耐以來我從未同老師傾過計, 諗住一炮過果日先講個女d嘢 ,而家.....,幼稚園都有十五分鐘啦

原帖由 fi-fi 於 10-1-12 12:37 發表
亞仔k3果時都去咗海洋公園學習,果次係真係無得玩嫁...纜車都無得搭,咁又係...咁細個又真係幾危險的!

fi-fi

喧嘩,
你想同老師傾偈唔洗等家長日嫁,你平時都可以打電話比老師嘛!不過無事無幹我真係唔同佢傾呀,要傾偈通常都係唔會係好嘢...嘻~

原帖由 喧嘩 於 10-1-12 20:52 發表
二月二十 七日出了派成績表時間,我1030,通告上面寫會面時間不可以超過五分鐘, 洗唔洗禁孤寒?禁耐以來我從未同老師傾過計, 諗住一炮過果日先講個女d嘢 ,而家.....,幼稚園都有十五分鐘啦
...

喧嘩

話晒都叫小學第一次同老師接觸啦(單對單),就算我地家長冇嘢同佢講, 佢都有嘢同我地講掛, 我又從未接過佢地電話喎, 講真, 我就唔滿意啦, 咁不如派俾小朋友咪算囉, 洗乜我地特登去攞啫, 以前亞女幼稚園開頭開學, 班主任都會打黎話番俾我聽亞女喺學校情況, 果陣仲要喺家長接送到課室, 大d就冇打黎屋企, 不過又係自己接送, 有乜問題都即時問到 ,攞成績表果日都仲有充足時間俾我地, 冇乜大事發生, 我就廢時打去搵佢地啦, 就算果時有, 我都唔會主動打, 好似攪到好大件事咁, 怕佢地覺得我麻煩, 好似有人問我d老師好唔好, 我唔識答囉, 亞女話好, 我就唔知, 因為完全冇接觸
定係得我一個咁笨, 從來冇主動打俾老師呢?所以佢地大大隻寫住唔準過五分鐘呢?

原帖由 fi-fi 於 10-1-13 08:34 發表
喧嘩,
你想同老師傾偈唔洗等家長日嫁,你平時都可以打電話比老師嘛!不過無事無幹我真係唔同佢傾呀,要傾偈通常都係唔會係好嘢...嘻~

fi-fi

喧嘩,
我對"五分鐘"呢樣嘢又無乜反應,我體諒學校的安排,如果唔set時間,咁就會好麻煩,又會導致後面等果d家長不滿....你試想一下,如果你係老師,要一日內見哂三十個學生家長,真係時間無多...你見佢,都已經八點幾開波見嫁喇,老師都辛苦嘛,佢地上堂都可能無咁辛苦呀,面對家長...應該比面對學生難!

原帖由 喧嘩 於 10-1-13 10:54 發表
話晒都叫小學第一次同老師接觸啦(單對單),就算我地家長冇嘢同佢講, 佢都有嘢同我地講掛, 我又從未接過佢地電話喎, 講真, 我就唔滿意啦, 咁不如派俾小朋友咪算囉, 洗乜我地特登去攞啫, 以前亞女幼稚園開頭開學, 班主 ...

喧嘩

時間當然要set啦, 因為實有人講到唔停, 如果唔係佢都唔會大大隻字提我地, 但係對於我lee d從來冇同佢地溝通過的家長係咪少左d呢? 人地津私校都多過我地, 佢地大可以分開上下午見, 講真, 讀左半年我對學校的意見係, 俾我想像中差, fifi, 我知你好buy 學校, 不喜勿插下, 好似班主任教數學, 我諗我個女係全班最差果個, 佢都冇主動搵我傾過或者幫過佢, 雖然佢英文都唔好, 但係數係明顯係比其他小朋友差, 又好似亞女試過幾次俾我捉到佢改正改錯左, 好似串英文字, 中間錯左, 佢就只係刪左中間果個英文字再寫過, 總之花lee花碌, 我話佢佢咪改囉, 我唔話佢佢照交, 我話你咁樣好唔專重老師, 刪到花晒, 跟住我由佢, 諗住等老師話佢, 點知次次都唔話佢, 亞女欠交好似食生菜咁, 學校少少壓力都唔俾學生, 我覺得唔得囉, 佢地又叫我地俾佢地自己執書包, 執少左又唔話, 咁佢地咪日日都闊佬懶理囉, 下學期開始記缺點, 咁我咪幫佢囉, 佢都唔上心, 小朋友點知乜叫缺點, 只係知會唔會罵佢, 我覺得佢地太鬆囉, 我暫時未睇到一樣可以欣賞到老師的地方, 亞女好鐘意d老師, 係因為佢地唔會罵佢, 我自己就覺得唔罵唔緊要, 我都唔想你罵, 但係要講番俾佢地聽下次唔好啦, 咁佢地先知道原來老師唔鐘意, 先會有進步

fi-fi

喧嘩,
其實如果你有咁多"疑問",真係可以打個電話比老師尋求答案嫁,如果自我推測欠缺溝通,你只會越諗越轉手角尖嫁咋,咁樣對你對你囡都唔太好!(以我所知,老師係會鬧會罰嫁....我仔果班有兩個小朋友要見訓導主任添)

小一上學期係比家長/小朋友作適應期,所以老師係容許小朋友甩漏,就好似我咁...原來呢兩日我無放常識書入書包(以為常識作業係常識書...so stupid),但老師無任何訓誡,我當執身彩囉!

以高年級家長所言,成績稍差的話係一定收到該科老師的電話嫁,仲可以密到上午一個,晚上一個添....你未收過電話,你大可放心,你囡都唔係太差啫!

原帖由 喧嘩 於 10-1-14 00:08 發表
時間當然要set啦, 因為實有人講到唔停, 如果唔係佢都唔會大大隻字提我地, 但係對於我lee d從來冇同佢地溝通過的家長係咪少左d呢? 人地津私校都多過我地, 佢地大可以分開上下午見, 講真, 讀左半年我對學校的意見係,  ...

medeajason

唔好意思, 我是路過的, 一向有留意這個專欄, 因為我也是禮賢家長一份子, 請容我也分享一些心情, 好嗎?

我也明白喧嘩的心情, 但你們是否也有同感, 禮賢的課程和對學生的要求均很高?  小朋友由幼稚園跨過來小學, 中間的距離, 真係好大!  小朋友巳經很努力適應, 若果連老師也不愛錫他們, 他們仲邊會覺得努力係值得的呢? 我承認我最欣賞和覺得最可取的地方, 就是老師對他們的關愛, 亦係在這不容易的學習路途中, 對小朋友最大的倚靠。 我的小朋友每朝天未光就願意起牀上學, 都係因為老師們!  

喧嘩, 我想你可能未讀過一些老師鬧學生鬧到飛起的學校, 課程又深, 老師又惡, 仲要係嗰度足足六年, 真係好想死, 阿爸阿媽又唔會同你轉校, 你唯有死頂, 這些經歷, 唔通你想你的寶貝囡嘗試咩?

依間學校我最欣賞的, 不是老師同我的關係, 係同我小朋友的關係, 係佢哋令佢不怕辛苦晨咁早返學, 有動力去做功課、溫習, 測驗、默書無有怕, 想成績好D好D再好D, 如果剩係靠我哋父母, 邊會成事呢? 你試諗吓, 你囡囡成日讚佢D老師, 即係佢哋用咗好多時間係佢哋身上, 未必係鬧係指正, 可能依D要靠我哋家長, 但關懷鼓勵一定有; 小朋友好直接, 佢講得俾你聽, 實唔會假。

D老師都會罰人的, 但要係影響到其他人時才會罰, 例如上堂騷擾到其他人, 就一定罰硬企, 係出去企。

所以, 請你欣賞他們的付出, 唔係用係我哋家長身上, 而係用係小朋友身上, 呢樣嘢係我最欣賞的地方, 那是他們學習的動力。

喧嘩

可能我真係要主動少少啦, 我會電話再同老師聯絡, 因為我實在太多問題, 亞女之前俾phonic老師話佢唔集中, 班都唔俾佢升, 只係lee個問題我都要向老師再了解, 同埋我問過亞女英文堂明唔明老師講乜, 佢到而家都唔係好明喎, 唉, 如果我個女好似佢個friend咁叻, 我就真係無需同學校溝通, 但係佢連人地一半都不如呢

原帖由 fi-fi 於 10-1-14 08:26 發表
喧嘩,
其實如果你有咁多"疑問",真係可以打個電話比老師尋求答案嫁,如果自我推測欠缺溝通,你只會越諗越轉手角尖嫁咋,咁樣對你對你囡都唔太好!(以我所知,老師係會鬧會罰嫁....我仔果班有兩個小朋友要見訓導主任添)

小 ...

喧嘩

medeajason首先多謝你個意見, 最好多d入黎, 幫下我地lee d新丁, 交流下你d心得俾我地, 講真, 我選lee間學校都係因為你地d家長好評如潮, 被你地感動到, 但係lee半年黎我未感受到幫到小女的事, 例如小女在外被老師發現上堂不集中, (仲大班個佢地學校), 佢地都話返我知, 教我點點點, 我真係想知亞女學校d老師有冇發現, 如果有, 有冇幫過佢呢? 如果冇, 係因為佢真係冇定係點呢? 我都想得個知字, lee半年黎我半個電話都冇打過俾老師, 亞女一開學俾人蝦, 數學奇差, 俾出面老師話佢上堂唔集中, 英文堂好多都聽唔明......, 我全部自己先去解決, 我怕我打俾老師佢會覺得我好麻煩, 所以諗住佢地偏排我地見家長的時間先講, 以及到時先了解小女在校情況
我唔係想要好惡的老師, 成日板起塊面, 郁d就丙果d 老師, 我都同意會攪到小朋友唔鐘意返學, 不過你真係唔知我亞女d 求其事, 我身為家長都睇唔過眼, 我叫佢係冇用, 老師對佢都冇要求, 我叫佢佢咪做囉, 只係應酬我, 其實lee樣嘢我想同老師講好耐, 睇下佢可以用d乜嘢方法去改善我個女d學習態度, 認真d對佢d功課, 認真d去執佢個書包, 寫好d佢本手冊, lee d基本嘢, 我唔想佢有交又得唔交又得的思想, 佢有一次上左床準備訓先記得唔記得做某某功課, 佢真係夠胆話唔緊要啦, 欠交一次先啦, eg有一次我唔記得同亞女默書, miss問佢點解咁差, 亞女話媽咪唔記得同佢溫書, miss就話, 默書係你的事, 唔可以話媽咪, 亞女返黎話我知, 跟住佢先知原來真係唔係媽咪的事囉, (老師果次冇罵佢, 不過同番佢講個責任問題) 我想要lee d囉
我諗我會喺家長日同老師傾, 我諗佢見我講唔晒都會再同我電話聯絡掛, 等我第一次接觸老師後能否改觀啦, 或者佢地真係有喺我背後做過嘢我唔知呢, 又或者佢地有計劃地做緊d嘢而我唔知掛, 我都希望係咁, 希望我了解後可以好開心咁話番俾你地聽我冇選錯學校啦 , 我而家最重要係攪掂佢個考試, 佢已經唔係好追得上, d嘢同我抄埋一碟

原帖由 medeajason 於 10-1-14 09:27 發表
唔好意思, 我是路過的, 一向有留意這個專欄, 因為我也是禮賢家長一份子, 請容我也分享一些心情, 好嗎?

我也明白喧嘩的心情, 但你們是否也有同感, 禮賢的課程和對學生的要求均很高?  小朋友由幼稚園跨過來小學, 中間 ...

medeajason

喧嘩, 我都係新丁, 我小朋友都係讀一年級, 我都同你一樣係因為好評如潮先至讀依間學校, 有一樣嘢啱咗, 就係小朋友讀得開心, 依個係事實; 其他方面, 唯有努力適應, 我都好明白你的心情, 不如你咁諗啦, 先至開學4個半月, 佢個要求咁高, 對幼稚園啱啱畢業的小朋友嚟講, 攪得掂真係托頼! 你仲有時間去追, 你唔好亂, 咁先至幫到你囡囡, 唔好咁緊張, 因為我相信你唔係唯一一個, 不過你會出聲, 其他人未必會講出嚟咁解啫!

我好鼓勵你同老師聯絡, 厘個世界溝通係好緊要, 有咩唔清楚唔明白, 最緊要問到明, 你可以打電話去同老師約個時間係電話度傾, 我相信佢哋唔係咁無人情味的!

下星期便考試了, 我們一齊加油吧, 係自己範圍內做到最好!

carcar

喧嘩:
我覺得你有問題真係要主動d搵老師, 我兩次中文測驗後, 都有主動打比中文老師了解亞仔的情況, 佢真係好好, 每次都講好耐, 仲會安慰埋我. 班主任我都有打比佢, 佢都係好好, 好有耐性. 所以我到而家都覺得我無揀錯學校.

你主動d就ok嫁喇

大家溫書溫成點? 我都係溫中英數, 常識就星期二先開始.

fi-fi

carcar,

我今日溫中/數...其實主打中文,比咗d自家製填充題佢做,做咗1本tsa練習+1份模擬考試卷+3次聆聽練習!數學只係用咗1.5小時,唉...呢科其實對我仔嚟講應該係最無難度,但就係我最擔心的一科.....上次失手真係全是粗心大意,我覺似考佢careless mistake囉.

GS,我出咗D題目比佢,諗住星期二下午等佢自己做
英文....真係要同佢重復做多幾次,尤其是comprehension.....最弱!

大家努力吧!

原帖由 carcar 於 10-1-17 00:10 發表
喧嘩:
我覺得你有問題真係要主動d搵老師, 我兩次中文測驗後, 都有主動打比中文老師了解亞仔的情況, 佢真係好好, 每次都講好耐, 仲會安慰埋我. 班主任我都有打比佢, 佢都係好好, 好有耐性. 所以我到而家都覺得我無揀 ...

carcar

亞仔話中文唔夠時間喎,.,,,唉,.,.,,好驚呀....

fi-fi

carcar,

唔夠時間呀!?識都無計喎!

我仔呢....唉!時間多得滯喇....數學佢話佢係第一個完全喎,我已經講到口臭叫佢慢慢做,逐隻字睇清楚題目唔好懶叻起勢寫寫寫......好明顯,今日無記住我D說話喇!

中文呢,佢話有兩篇閱解(關於生日/風箏),有標點,有改寫句子,三個看圖作句.....佢話好容易喎,哼...聽住先,下星期二先知是龍是鳳!

還有兩科呀...大家繼續努力呀!

原帖由 carcar 於 10-1-19 12:06 發表
亞仔話中文唔夠時間喎,.,,,唉,.,.,,好驚呀....

喧嘩

依, 咁奇怪, 我琴日打左果d嘢唔見晒, car, 我第日有乜事會主動d啦, 我都想我冇選錯學校

原帖由 carcar 於 10-1-17 00:10 發表
喧嘩:
我覺得你有問題真係要主動d搵老師, 我兩次中文測驗後, 都有主動打比中文老師了解亞仔的情況, 佢真係好好, 每次都講好耐, 仲會安慰埋我. 班主任我都有打比佢, 佢都係好好, 好有耐性. 所以我到而家都覺得我無揀 ...

喧嘩

中文佢好似好多時都唔夠時間, 你有冇了解過點解? 喺邊一part做慢左? 因為而家都係老師讀題目, 如果跟唔切就慘, 下面果d追唔到, 不過我個女仲攪笑, 佢話佢冇時間, 肯定扣左一分, 我問邊度, 原來佢寫佢個名只係寫左頭果兩個字, 見到想補返老師就唔俾, 佢唔係第一次啦, 上次已經試過一次, 佢返黎仲話俾我知俾同學笑, 叫佢做xx(個名頭果兩個字), 我話, 我都笑啦, 邊有人好似你咁傻, 我個女個人好急, 見佢彈琴就知, 我成日都問佢係咪急住去廁所
我今次考試都係平常心, 話晒第一次, 費時俾咁大壓力佢地, 驚左點算, 我都係考試前一日先溫書. 英文同常識睇日先開始溫, 其實之前都測過, 應該ok掛, 頭先諗住同佢溫, 叫佢攞書出黎睇住先, 點知唔洗兩分鐘, 訓着左, 真係似足我, 算啦, 叉足電, 聽日作戰

原帖由 carcar 於 10-1-19 12:06 發表
亞仔話中文唔夠時間喎,.,,,唉,.,.,,好驚呀....

喧嘩

我個女考完已經唔記得晒lu, 佢都廢時再提, 你個仔西利喎, 仲記得咁多嘢, 亞女唔想講, 我都廢時問, 乜下星期二派卷咩? 咁快? 唔知會唔會俾佢地帶番黎呢?

原帖由 fi-fi 於 10-1-19 12:42 發表
carcar,

唔夠時間呀!?識都無計喎!

我仔呢....唉!時間多得滯喇....數學佢話佢係第一個完全喎,我已經講到口臭叫佢慢慢做,逐隻字睇清楚題目唔好懶叻起勢寫寫寫......好明顯,今日無記住我D說話喇!

中文呢,佢話有兩篇 ...

喧嘩

fifi,
我咪話搵隔離幫亞女補英文(有幫明星補開果個), 我搵左啦, 補左兩次, 第一次上佢屋企, 一返落黎就話我知我個女同佢隻狗玩成點點點, 完全冇講過教過佢d乜, 仲sent左兩張亞女同隻狗影的相, 我睇完, 好驚, 有d後悔, (我叫佢唔洗教功課)主要教佢phonic, 聽同講就得, 點知除左狗相, 就帶左張a4紙落黎, 上面串左d字, 有1-10, 生果名, colour咁, 亞女仲話如果日日去補就好啦, 我知佢當左去玩囉, 跟住我前日攞左亞女d書俾佢睇, 話想俾睇下佢個程度, (因為我見佢默d字較低能), 同埋順便再同佢講我想要d乜, 今日就叫佢黎左我屋企. 我叫亞女俾以前phonic d note佢, 咁佢就教左入面d字, 但好攪笑, 佢寫左d中文解釋喺隔離, 但係d中文字錯晒, 有d又寫簡體字, 好似wig假發, crook坏人, vest貝心咁囉, 佢好似冇乜方向感, 唔知教個女乜好, 成日叫我可以問佢功課, 測驗可以改期幫佢溫, 其實功課同考試我冇諗過要補習, 我一心自己溫, 搵佢主要係想提升佢聽講能力(因為佢話上堂聽唔明), 我今次俾d note佢都係怕佢唔知教乜, 有冇意見俾到我? 你果個姐姐教個仔d 乜?     
或者有冇其他心俾到意見我, 我同個姐姐都好似大家唔知大家想點咁

fi-fi

喧嘩,
我仔咁多次測驗都未試過講得返d嘢我聽嫁,可能今次考完就返屋企,無再上堂...所以d嘢仲好清晰囉!

下星期二"對卷日"嘛!咁仲唔係知結果....我估張卷唔會好似某d"名校"咁巴之閉唔派返屋企呀!

原帖由 喧嘩 於 10-1-19 21:16 發表
我個女考完已經唔記得晒lu, 佢都廢時再提, 你個仔西利喎, 仲記得咁多嘢, 亞女唔想講, 我都廢時問, 乜下星期二派卷咩? 咁快? 唔知會唔會俾佢地帶番黎呢?
...

fi-fi

喧嘩,
如果你覺得果個姐姐做唔到你要求...或者你跟一次上堂昅住,如果都唔滿意就無謂嘥錢...cut!

我果個姐姐好幫到我手,佢每堂都會話我知做咗d乜,覺得我仔有咩弱項要留意,佢會advise我平日可以做d乜嘢幫佢,我第2次測驗同今次考試都放心好多,因為好似有明燈指引咁....我記得第一次測驗溫習時亳無頭緒,亂咁嚟...溫完都好似都唔係好踏實咁....但呢個姐姐幫手後,佢會話我知,學校係會咁出題目,呢d字一定要識因為題目會有,佢以家幫我個仔build-in緊個字庫(每堂都要默書),咁對佢測驗考試好有用!

原帖由 喧嘩 於 10-1-19 21:37 發表
fifi,
我咪話搵隔離幫亞女補英文(有幫明星補開果個), 我搵左啦, 補左兩次, 第一次上佢屋企, 一返落黎就話我知我個女同佢隻狗玩成點點點, 完全冇講過教過佢d乜, 仲sent左兩張亞女同隻狗影的相, 我睇完, 好驚, 有d後 ...