發展遲緩B媽媽(part 1)

chingbobo

原帖由 kennistong 於 09-3-9 15:42 發表



urme1997
佢地個d收費平係因為佢地個位係E位, 叫早期訓練, 係要經過CAC 做完評估之后, 再排期先安排到既.
  

冇錯呀...我囡囡係出世6個月時因唔識反身及唔識伸手拎玩具時就發覺佢有問題...開始做評估, 評估後社工就幫我排早期及在醫院做PT.... 囡囡14個月時就排到醫院做PT...去到囡囡剛2歲先排到協康早期位.即排左年半.....

annaanna

嘩... 仲可以見心理學家添呀？咁係阿囝見or 家長見佢呢？
我上星期六open day同校長都有傾過，出年有3個位，希望可以入到學啦﹗

原帖由 kennistong 於 09-3-11 09:09 發表
Slh/weiwai
我囝囝都ok. 佢係my first step 入面有個由天花板掛落來的千秋, 冇野圍住既, 佢都好大膽, 玩得好開心, 仲有係佢入面有個好似”dum dum 轉” 既野, 佢又冇問題, 又係玩得勁開心, 不過, 一去到玩跳彈床就la ...

kennistong

Annaanna

未有得見住, 只係約了, 不過, 要去到5月呀. 佢會先見左囝囝先, 之后再見我地. 都係同一日.

有關學位,你可以去以下既網頁look look, 就會有 009/2010年度學額空缺資料

http://www.swd.gov.hk/tc/index/s ... iont/id_crsrehabwa/

valmom

kennistong,
頭先上網睇左黎緊9月有位既學校名單... 希望排到阿女喇..

slh

原帖由 kennistong 於 09-3-11 09:25 發表
Slh

Where can I buy the book??  Any Chinese version?

買唔到啦~ 因為已經斷咗市冇得賣~
你可以上呢個websit http://www.domanmama.com/ 註冊同叫樓主send 你.  
本書個中文名係 " 如何幫助腦傷兒童" , 本書主要介紹佢硏究經過, 裡面亦提過可以訓練d 小朋友e.g. "塑型訓練", 爬"crawling track" ,可幫助腦部發展同体能.  書裡面提過有例子, 有d小朋友由唔識爬/行/說話同睇唔到野, 經過一段時間的訓練後, 都有所進步.

除書籍外, 作者重係美國, 日本及星加坡等國家舉辦些seminar教d家長點訓練d小朋友, 不過1 個serminar/training 要連續上5日, 而且係用英語上堂, 有翻譯但冇廣東話, 同都幾貴, 我上次問過好以要us2k ~ 如果你有興趣可以上佢個官方網站看看: http://www.iahp.org/


關於本書中文版的問題, 我好以之前pm過你? 你check pm 啦~

urme1997

原帖由 kennistong 於 09-3-9 17:00 發表
urme1997
你有冇同時間排e位??

社工無幫我排e位喎

kennistong

slh

Thanks! I got your CD la.  thanks very much! 不過, 我仲未有時間開來看.

valmom
你幫囡囡選了那間學校?? 如果想機會大D, 不如只係選地區. 不選學校. ok ma??

annaanna
你入紙個時間咁早, 九成都ok la, 因為我估依家係學校排緊果D小朋友係07年9月入學之后先比學校發現有問題, 之后先做評估入紙既. 上次係校長講佢地有D學生都排緊, 唔明點解會比左個位我!

新手梁媽媽

我囝囝4個半月. 近日去健康院打針, 針打唔成卻被轉介入院. 原因是食得太少 + 發展慢. 入左院幾日原因未明. 治療師評估囝囝現時活動能力相等於一個半月至兩個月bb. 條頸, 手, 腳都好軟. 至於食奶方面仲未知點解唔食. 所以係星期五已經插左胃口. 插幾耐無人知, 直到囝囝可自己食番最少所需奶量才可拔走. 連日來都好擔心, 每驗一樣野等結果時我都好驚. 望住個囝會忍唔住喊. 份工我已經決定明天辭左佢. 專心照顧個囝. 雖然好唔捨得份工, 但亦無得選擇. 至於囝囝我就更加擔心....我真係好down.....我已經唔識得安慮自己....d醫生關注緊佢神經及肌肉問題, 將會有專科醫生檢查...一諗起我成個人都係度陣..... 千萬不要有事呀囝囝....
請問通常此情況係身體邊度有問題呢???

ndw

新手梁媽媽
未有醫學報告出來，就請不要想太多，在這等待期間就養足精神來接受未來的事。
“一天的難處一天當就夠了，明天自有明天的憂慮。”
你所受的痛苦，這裡的媽媽都明白。

不要怕，不要驚慌，你和阿b一定可以一步一步走過的。

擦干眼淚後，你就會有專注去尋找合適的方法去幫助阿b。
你已經做得很好了，能立時辭工。
我們發現女女 平安 的情況，剛剛遇著老公轉工期。我和他的崗位就這樣 stuck 了。

ndw

valmom

kennistong,
我其實一直都係揀地區, 再加鄰近區域既某間學校. 今日收到信, 附有回條, 可以再更改次序. 我打算睇下可唔可以加多一間都係地鐵可以去到既. 因為阿女始終又唔識行, 又唔係好表達得到自己, 又預計唔到9月個陣會係點, 唔係好放心俾佢搭校巴. 所以點都要揀D地方就腳少少, 唔係老爺奶奶都唔知點日日帶佢返去...

slh

原帖由 valmom 於 09-3-16 22:05 發表
kennistong,
我其實一直都係揀地區, 再加鄰近區域既某間學校. 今日收到信, 附有回條, 可以再更改次序. 我打算睇下可唔可以加多一間都係地鐵可以去到既. 因為阿女始終又唔識行, 又唔係好表達得到自己, 又預計唔到9月 ...

其實你唔洗太擔心學校是否太遠要搭校車~ 因為我個case冇得揀只有心光, 學校係薄扶林,而我住係沙田, 校車係黃大仙上車, 我之前都有擔心呀囡搭校車會唔慣同扭計, 因為我地平時同佢去街座巴士同地鐵, 佢都會發脾氣. 佢初時座校巴如果塞車,架車停咗唔郁, 佢會哭, 不過比個奶嘴佢, 佢會安靜下來, 跟住就訓着覺? 因為車程要成40-50分鍾~   

過咗1個星期, 跟校車個姐姐話佢已經習慣咗, 亦唔需要食奶嘴, 只係有時無聊攞個奶嘴出呢玩/睇吓, 而我地帶佢上校車時,佢都會主動同我地揮手同講bye bye~ 直到上兩個星期, 我地同佢一齊搭校車返學開家長會, 我地至親眼睇到佢搭校車係幾安靜同合作, 我地坐咗係佢後面, 佢全程都唔知道我地係道, 坐咗一陣我見佢冇出聲以為佢訓咗, 點知姐姐話佢係玩緊自己d手指?? 我對咗佢2年, 佢從來冇試過咁安靜地搭車, 一係要人同佢一齊唱歌仔, 一係要全程要比野佢食~

我諗有d野可能我地做家長係唔洗太擔心, 小朋友的適應能力係比想像的強.

kennistong

urme1997
你再問下社工拉, 雖然排左都未必有, 好過冇拉!


新手梁媽媽
依家唔好太擔心, 盡快收集多d資料, 再安排一d training 比小朋友拉. 正如ndw 所講, 你所受的痛苦，這裡的媽媽都明白。
你已經比較好了, 可以辭工去照顧小朋友. 我就唔得拉. 再加上依家既環境….. 我們都不要想多太, 見步行步. 努力!!

valmom
agreed with slh, 唔好太擔心囡囡坐校車的問題, 我上個星期開始, 安排左囝囝坐校車 (事因天氣問題), 初初好擔心, 因為佢第一日就cry 拉, 我仲擔心到打電話返學校叫老師再看看他的情況, 但老師說冇事wor! 頭3日都勁cry, 直頭唔上車tim, 不過, 第四日已經開始習慣了. 上車前我會同佢講, 坐校車返學拉!! 今日都同我say bye bye tim. 有時就係我地unexpected 既.

atty

昨日在大口環終於做了評估第二部份---大巡(即好幾個醫生來睇亞B)

原本睇其他媽媽post，對CAC評估有d期望，但原來只有第一部份3T比較細心， 到大巡時，各位醫生就只係來"睇睇、搞搞"亞B，跟手就叫我地出院。   

可能亞B的所有測試都係negative，表面又無咩特徵，只係軟……。

依家佢地只係叫我地keep住覆診，睇下進展咁囉！而醫生就話想同亞B做多幾個test，我就問做來做咩，佢地就係咁解釋，驚死我唔做 (因為我真係想唔做，又要迫亞B食瞓覺藥。) 依家我都係15、16，仲未決定做唔做。

[ 本帖最後由 atty 於 09-3-17 10:35 編輯 ]

adamok

我之前有個朋友. 佢個BB由出生開始就唔肯食奶。後來佢嫲嫲煲雞湯比ＢＢ飲。唔知點解ＢＢ只飲雞湯。不過尼樣野。　你最好問下醫生比唔比得你個ＢＢ飲先。　因為每個人身體唔同。　我只係將我所知告訴你。　希望幫到你啦。　

原帖由 新手梁媽媽 於 09-3-16 13:56 發表
我囝囝4個半月. 近日去健康院打針, 針打唔成卻被轉介入院. 原因是食得太少 + 發展慢. 入左院幾日原因未明. 治療師評估囝囝現時活動能力相等於一個半月至兩個月bb. 條頸, 手, 腳都好軟. 至於食奶方面仲未知點解唔食.  ...

adamok

你最好同小朋友做評估。　無謂估估下。　搵專業人員比意見會比較好。　如果你個小朋友仲要去健康院驗查。　你可以同醫生或護士講。　佢地會同你小朋友安排到評估中心測試。　

原帖由 icookies1 於 09-3-7 02:16 發表
你地好，想問下如果有發展遲緩既小朋友係咪好大機會會有自閉証架，我點樣先知ＢＢ有無自閉証呀，佢而家只係１７個月，如果有咁咁早發現係咪會好Ｄ架，唔好意思咁多問題，謝謝。 ...

kennistong

Atty
3T 其實先係重點, 其實果d醫生, 似學術研究多d.

佢叫你做就做拉, 我地係無選擇既, 因為如果你唔做, 第日有事, 佢地又話唔負責, 因為你唔根佢地既建議去做, 死未??  雖然明知係做白老鼠…..sigh.

Dear all

今日有d唔開心, 因為學校老師打電話來, 說囝囝在學校自己搖來搖去既情況嚴重左, 佢地話可能係感統方面, 叫我地多d 同佢做exercise. 其實我都覺得係既, 不過, 真係冇法拉control 去唔搖 wor!

valmom

kennistong,
可能你同slh都講得岩... 點都要放手俾阿女一個人去返學既..

同老公商量下, 睇下可唔可以揀多一個地區...

至於仔仔搖搖下... 個陣上感統個課程講過, 如果個小朋友係追求搖個個感覺, 可以俾一D訓練佢... 個陣個導師俾左個例子我地聽, 話有個小朋友好鍾意玩韆鞦, 咁初初阿媽就覺得要做完功課先玩, 不過, 咁樣, 個小朋友就點都坐唔定做功課... 有一次, 佢俾左個小朋友玩左半個鐘. 跟住, 小朋友出奇地好乖好安靜咁自己坐定定做功課. 有時小朋友會做一D野出黎去表達佢好想要個種既刺激. 如果係適量既刺激, 其實有時係一件好事, 當然, 過多會危險.. 至於點為之多, 都係有OT去俾意見. 你試下問下阿仔既OT.

[ 本帖最後由 valmom 於 09-3-17 22:48 編輯 ]

slh

我呀囡都係幾鍾意搖搖吓, 不過唔係全身而係隻手? 佢好鬼鍾意將隻手放在眼附近, 跟住搖吓睇吓個影, 好以好好玩 ? 不過呀囡係有嚴重視障, 我問過老師佢話大部分嚴障的小朋友都係咁, 鍾意玩手同卒/擦眼, 因為佢地睇到隻手個影覺得好得意!  不過我地呢排見佢聽多咗指令, 見到佢搖隻手, 我地會叫佢做其他動作代替, eg. 合埋雙手請請, 點虫虫, 舉起大拇指/食指等.  


不過我呀囡到而家26個月都唔係成日用隻手指野? 淨係有時用隻手指公去指?? 而想要嘅/食野, 佢會講"我要"或者做手勢叫我地俾, 但係點都唔用隻手守去指?

annaanna

唔好唔開心啦﹗感統出左問題，去上多d 感統訓練就ok喇，我聽學校個ot講，如果配合到適量o既感統訓練就ok喇﹗

原帖由 kennistong 於 09-3-17 14:22 發表
Atty
3T 其實先係重點, 其實果d醫生, 似學術研究多d.

佢叫你做就做拉, 我地係無選擇既, 因為如果你唔做, 第日有事, 佢地又話唔負責, 因為你唔根佢地既建議去做, 死未??  雖然明知係做白老鼠…..sigh.

Dear all

...

新手梁媽媽

多謝大家關心. 我們一家會努力努力.....