迦南K1會

TIFFANYC

JOYCE,

你搵番D字卡啦,我到現在都搵唔番.....唔知放係迓 好彩有ANNIE 印影比我.

明日你就去日本旅行,執好行理未呀!不過, 日本什麼都有得買無帶就係日本買啦    玩得開心D  :wink:

TIFFANYC

annie,

你做嘢真係快,轉頭冬冬已經上緊畫班.聽你咁講佢哋真係一般,咁我唔考慮佢哋啦!

你見到我果日係屋企"做工人"執屋,所以無帶眼鏡.我真係瘦咗係真唔係呀....    開心死我啦. 講真近日真係好辛苦,公司又忙屋企又多事, 上個月尾老公因為唔舒服入醫院住幾日,可能咁樣所以瘦咗啦 .

BNTYA01

謙媽，

你老公冇事嗎？希望佢冇嘢，身体健康啦。

執屋揾個鍾點啦，唔駛自己咁辛苦。

BNTYA01

謙媽：

joyce去咗日本啦，宜家剩噃你同我，你得閑多啲上嚟啦！謙謙瞓咗，你夜晚都可以上嚟，咪剩係掛住睇電視先得架！

近派隻脚好痛，我右腳腳趾公對落嗰舊骨痛，叫做bunion，中文好似係什麼腳骨外翻，腳板又起腳枕，行路有時要就住,我又冇恒生用bunion的腳托，我可能有些少偏平足，冬冬都有少少扁平足，所以我好多時係Dr. Hong買鞋比佢。

BNTYA01

謙媽：

今日放學，見到謙謙喊噃，係咪佢少行路，好tired，所以喊呢？今日公公揍謙謙，又幾好噃，兩个老人家挾手挾脚揍孫。

TIFFANYC

annie,

老公好番好多,多謝關心!佢係因為甲型肝炎入院,住浸會幾日.知道佢有肝炎,我就立即走去抽血,得出結果係乙型有抗體,只要打甲型針.(好彩無中招) 謙謙因為光光打"肺炎煉球菌", 要等下月只可以打針,啊...... 小朋友要抽血嗎....好痛苦.....

我都有請鐘點幫手執屋,不過,佢做得真係一般 ,而且很多事係要親自做好d,所以星期六係最煩忙日子....

TIFFANYC

annie,

好心你啦, 自己係醫護人員就要好好照顧自己啦,要有恒心用bunion的腳托. 你要記得要有好的身體生第3個小朋友呀!    (轉到我可以扮嘢教訓吓你  
正經d講!聽說腳骨外翻可以做手術嗎 ?
我有個朋友佢係扁平足，佢就辛苦呀好多靚靚高跟鞋都唔穿得,又唔可以行得多. 你工作要長期站立起來,要買護士專用鞋.
我都好似你咁怕小朋友有扁平足, 所以貴d度係買Dr. Hong鞋比佢。  

TIFFANYC

annie,

好心你啦, 自己係醫護人員就要好好照顧自己啦,要有恒心用bunion的腳托. 你要記得要有好的身體生第3個小朋友呀!    (轉到我可以扮嘢教訓吓你  
正經d講!聽說腳骨外翻可以做手術嗎 ?
我有個朋友佢係扁平足，佢就辛苦呀好多靚靚高跟鞋都唔穿得,又唔可以行得多. 你工作要長期站立起來,要買護士專用鞋.
我都好似你咁怕小朋友有扁平足, 所以貴d度係買Dr. Hong鞋比佢。  

TIFFANYC

annie,

講起來真醜怪 謙謙因為唔喜歡公公打斜過條馬路咁小事就喊.. 喊度返屋企 ,我知道冬冬講話拖佢,叫佢唔好喊,都唔理冬冬....真係好硬脛 .我即晚要佢對公公道歉 ,下次唔可以咁樣  

BNTYA01

謙媽：
甲型肝炎，食嘢小心啲噃，你老公食咗咩？好彩都係小事，唔駛咁担心。

講話拖謙謙,叫佢唔好喊係我講，我叫極冬冬都唔肯講，一舊飯咁，好似見到人喊，冬冬仲好興奮，激 C我，佢返到屋企，又話比姐姐聽，話謙謙喊，冬冬都冇咩愛心。

嘩！嘜joyce去日本去咁多日重未返？！会唔会今日返，去5日都夠啦，去耐啲，流血多啲！

BNTYA01

謙媽：

我平時對你都好好架，做咩要教訓我呢？唉！真可憐！
嘩！應該唔駛做手術咁嚴重，得閒借啲椅攞吓sick leave咪好囉，   

話時話你哋班C嘢，個個都生仔，又唔教噃我2度散手點樣易啲中仔，快啲過2招！

TIFFANYC

annie,

冬冬咁細點知咩叫"愛心", 我係冬冬都唔拖個係街喊男仔啦.   

都唔知道老公食咩嘢,攪度有肝炎. 你話謙謙應該打肝炎針嗎   

有機會去旅行,當然會玩多幾日啦....我估佢未返h.k., 上次我去日本都玩7日啦.幾時到你去旅行呀! 我老公今年要讀書,應該無得去旅行

TIFFANYC

annie,

要"生仔"真係唔識教你,生謙謙係意料之外,原本計畫結婚第3年至有小朋友,點知第2年就有謙謙.

另外,我估遺傳都有d關係,我老爺奶奶有9個孫:7個男孫(包括1個未出世),2個女孫.所以我未生謙謙之前,都估佢係男仔.而奶奶就鍾意女孫多d,呀..........

TIFFANYC

annie,

你收到學卷嗎,我收到啦要幾時比學校呢!

BNTYA01

謙媽：

謙謙細個咪打咗乙型肝炎針囉，你唔記得咩？睇噃張針咭先。至於甲型肝炎唔駛打啦，平時小心飲食咪得囉。

嘩！你老公咁勤力，謙謙讀書，爸爸又讀書，一定令謙謙好有讀書風氣。

去旅行？睇下點先，睇下有冇空先。

BNTYA01

学卷制一早收到，學校会通知我哋啦，臨上k2一定收，記得對清楚学卷上啲資料啱唔啱。

TIFFANYC

annie,

上次醫生都有講謙謙已經打乙型肝炎針,只要打甲型肝炎針.不過,聽你咁講真係不一定要打甲型肝炎針 等我再問吓老公意見.  

TIFFANYC

annie,

其實我夜晚都有返學讀書，不過, 因為份工要增值自己而去讀. 可以選擇當然想放工之後,返屋企休息吓啦. 唉....好失望...屋企d讀書風氣,完全無影響度謙謙喜歡讀書.   

學卷對過無問題,唔知道k2每月學費幾多錢呢

TIFFANYC

annie,

衰鬼...., 你放枝枝坐"痰罐 "張相上綱,真係底死     你有問吓枝枝同意嗎 枝枝係位靚女,點可以咁做......醜死怪啦     (不過張相真係影得幾靚.)

BNTYA01

謙媽：

芝芝就快1歲半，5月尾我將会訂6合1比芝芝，肺炎鏈球針及輪狀病毒口服液比2个女，我有1個同事6月生都叠單訂２個月大的針，我訂針幫佢哋打，慳少少啦！
謙謙要打可打甲型肝炎針和肺炎鏈球。