06年9月入讀蘇淅幼稚園K1既家長, 入唻交流下啦!

十月媽咪

CANKAN,
係呀, D耳塞唔可以循環再用架, 所以好唔環保, 同埋好貴呀, 香港食水好深, 我有FRIEND話響外國訂返唻, 連運費都平香港一半呀, 基於佢個仔有呢個耳壓問題, 所以佢會大量入定貨, 隨時可以用, 唔駛到時要飛果陣又要買對貴耳塞呀!

歡樂世界D食肆有冇冷氣呀? 我印象中...好似有啩! 總之我上次去果陣, 一路食一路無流汗, 但有冇冷氣呢? 我又真係無乜為意喎!

噚日跟左阿女返學&湊佢放學, 等放學果陣, 你地果班既老師叫左我入課室幫手呀, 因為佢地臨放學果陣響度玩呢個海棉印畫呀, 個個小朋友隻手都污糟晒, 我有幫手同佢地玩印畫, 又有幫手同佢地抹番乾淨對手, 好開心呀, 可以參與! KELLY仲有叫我添呀, 佢仲問我: 點解你會入唻我地課室既! 哈哈!

joeytcy,
噚日我同悠悠相認呀, 我話畀佢知, 我識你媽咪, 跟住佢問我: 咁你係邊個呀? 我話佢知, 我係: 十姨姨! 哈哈!

十月媽咪

保媽,
係呀, 係會同ANSON去日本呀, 我地去東京, 行程會包兩晚迪士尼酒店, 當然會去迪士尼玩喇, 又會去富士急, 滑雪場, 香草園, 台場, 新宿地下街, 銀座, 露天溫泉,  箱根平和庭園, 蘆之湖遊船等等...

我地係今個月中出發, 20-24/3, 所以阿女要做四日逃學威鳳, 其實以我D朋友既經驗, 佢地話最平應該係五月同六月, 因為五窮六絕喎, 好似我而家去呢個TRIP, 成人5299, 小童4499, 我地計過連埋導遊費, 機場稅, 燃油附加費, 保險, 已經要19000蚊喇! 都未計響果度自費既膳食, 購物等等, 我地兌換左十萬YEN, 希望呢個TRIP埋單唔超過25000呢個價錢啦! 而我個FRIEND上年五月去, 大人同小朋友大約每人平一千蚊左右, 所以感覺上, 佢個TRIP抵好多呀!

三月份既天氣平均都係十度以上, 不過一早一晚會凍D, 所以我地會帶埋羽絨畀阿女, 呢個星期日本基本上都天晴, 希望到我地去果陣, 一樣係咁好天氣啦! 有太陽始終都暖D嘛!

喂喂喂, 你又想去, 不如一齊啦, 你去旅行社睇下我地個團仲有冇位啦, 一齊去, 開心好多呀!  

CanKan

十月媽咪：

唔怪之亞女尋晚同我講你入左課室啦！我問佢點解？佢同我講話老師叫喎；原來你幫手做左禁多野，聽落都覺得好開心呀！

CANKAN

十月媽咪

cankan,
你都唔知, 可以參與真係好開心架, kelly呢班d學生真係好乖架, 我仲幫手帶左其中一個女仔去廁所呀, 佢好乖呀, 又唔該我, 好可愛的! 不過最難得都係老師咁信我, 話晒我唔係你地果班既家長嘛, 佢都畀我幫手, 真係好開心呀!

阿女果班...唉...莫講話幫手呀, 真係連望一眼都無機會呀!      

joeytcy

我曾經同阿女講過話識你地架.....總同佢講我知到你係學校做d咩添......佢初初重覺得好奇怪成日問我點會識..hehe

joeytcy

唉.....我發覺來唔中阿女有獲結達達.....昨日又有大獲野啦....重好大獲添呀........
今朝我老公打電話比我.....話姑媽等阿女番左學先打電話比佢.....昨曰下午約5/6點到...當時姑媽到有人送金沙比阿女.....阿女想食...但姑媽話你咳呀.....(再續)

carolhym

十月媽咪:
其實團費唔算貴啦! 我暑假一家去沙巴五日都要2萬幾，仲唔係咁好玩，不過保保都好開心。

睇你行程咁緊密，咁我建議你帶bb車去好似穩陣d，大人小朋友都舒服，玩到累有可以比anson睡覺。

我都想一齊去，不過我隻佬冇假期，遲一排又要忙搬屋，都係等暑假。保保自從去玩旅行，成日都問幾時再去，又經常放d野落佢0既旅行0急，真係好好笑

咁你去海洋/舊迪士尼? 不過好多人，日本佢地本地市場好大，只係日本人係迪士尼都好多人，有定心理準備玩遊戲要大排長龍。

joeytcy

叫阿 女好番先食呀....跟住姑媽走左入廚房煑飯....姑仗去左冲涼.....點知悠悠走入房到拿兒童幸福傷風素黎食...無來姑媽行出來發現佢係間房到食藥....重食左成10粒....嚇到即刻大叫.....姑仗即刻出來灌佢飲水及扣喉.....跟住阿女就嘔左一petpet野出黎.....唉....    雖然話無事....我知道後都非常擔心.....阿女重掹甘叫佢地唔好話比我同我老公知......所以姑媽今朝先講......我聽完之後...同老公分析...阿女不嬲都知d藥唔可以亂食....佢緊係唸住食左就可以好蹯就可以食朱古力啦........

十月媽咪

悠悠媽,
嘩, 畀你嚇C我喇, 十粒咁多? 畀著我, 實嚇到得番半條命, 唔知點算好! 咁姑媽同姑丈點應付呀? 你同你佬有冇同佢解釋呀?

保保媽,
唔係下嘛? 暑假去沙巴五日都要二萬幾...OH NO, 好貴啊! 咁相比下, 我今次個TRIP都唔算貴咯!

BB車我地一定會帶架, 因為阿女唔係果種可以撐足全日既人唻, 加上佢好懶自己行, 唔帶車仔, 真係盞隻佬辛苦架咋, 所以煩D都要帶車仔呀!

我地係去舊迪士尼, 希望我地去果日係平日, 會少人D啦, 不過我都知, 日本迪士尼幾時都係咁多人架喇! 所以都預左要排隊同埋等!

joeytcy

於是我下午打電話比佢...(其實上午我同d同事講..個個叫我唔好鬧個女...不過我唸深一層都係ger)所以我慢慢吐佢講出黎.....我問佢你係唔係唔舒服呀....佢就即刻問...姑仗同你講架...(因我唔想攪到姑媽佢地變成無義氣)所以我就話我尋晚打電話比你痳...話你訓左....所以我估到你有野....中間唔講啦...總知佢最後講左出黎...話自己食左好多藥落肚....我問點解你要食藥.....佢話佢想食藥快d好番可以食糖喎....當然我係甘同佢講耶穌啦......唉...以為自己係醫生咩.......     

joeytcy

姑媽姑仗即刻灌水佢飲....扣喉...姑仗話跟住比d黃糖水佢飲...有咩作用我就唔知...跟住無來阿女話眼訓...食左兩淡飯就去訓....但係姑媽姑仗就成晚唔甘訓...得閒就拱下佢...驚佢唔醒......阿女今朝一訓醒就無事好精神...重不知幾口乖...緊係...衰左痳.......(不過就唔知點解重比佢番學 )...下午姑媽要佢訓晏攪....我係上午個時...已經問左人(做護士的)..佢地話阿女昨晚嘔ger已經嘔左...吸收個d就已經吸收左....如果佢無暈舵舵..正正常常就ok.....不過今日要佢飲多d水..等佢去多d廁所清清佢.......

joeytcy

唉...唉...唉....唉...............<<<<

joeytcy

去沙巴....都要成5仟多元...一個...

十月媽咪

joeytcy,
聽到你咁講, 我第一時間check下自己d葯有冇收起, 我唔係驚阿女"懶"醒,以為自己係醫生,而係驚佢當d葯係糖咁拎唻食, 咁就真係出事喇!

final悠悠有冇向你認錯呀? 佢知唔知自己咁做係唔啱呀? 佢有冇promise你, 以後都唔會咁做呀? 你有冇話佢知, 媽咪會好擔心同埋會嚇親媽咪呀?

唉...我就咁睇都戥你驚呀, 好似食緊驚風散咁呀, 嚇c我喇!     而家悠悠無事就好喇, 最緊要佢瞓醒之後精神爽利, 咪就真係擔心c人喇!

我都知去沙巴好貴呀, 不過沙巴就陽光與海灘, 如果自己兩公婆去渡下假我諗幾好的, 又可以做下spa之類, 但同阿女去幾日沙巴, 日日都係沙同水, 會唔會悶左少少呢? 我之前都諗過帶佢去沙巴架, 其實係因為我自己未去過, 好想去享受下, 但一諗到咁貴之餘, 又無乜野啱阿女玩, 所以...轉軚去日本囉!   

carolhym

十月媽咪:

沙巴其實唔係想像中咁好玩，但行程唔緊密，帶住小朋友唔係太辛苦，不過唔係日日陽光與海灘，五日行程只得一日去海灘，又要搭車又要坐船，拎住d行李好似走難，沖涼地方又污漕又唔方便，絕對唔係想像中酒店前面就有海灘，酒店游泳池又好多人，所以唔係想像中咁陽光與海灘。

如果經濟許可，加多少少去馬爾代夫就完全可以感受陽光與海灘。我隻佬唔鍾意周圍走，所以我地都係選擇d唔係太多行程的旅行團。

你記得帶d看門口0既藥，以防萬一。

joeytcy

我雖然係事後先知...但整日心情都痳痳.....個心跳下跳下.......不過今日好d囉.....我有同佢講唔可甘做...佢話知道...總話姑媽姑仗同佢講左好多次....
我昨日同同事講知後...個個返到屋企都即刻將d藥擺高晒....

十月媽咪

保媽,
馬x代夫都係陽光與海灘, 其實對阿女唻講, 可能都係悶左小小, 呢d地方, 我諗要佢再大個少少, 我至會帶佢去!

我已經去醫生度拎左平安葯喇, 傍下身嘛!

joeytcy,
其實個個家長都知道要將d葯遠離小朋友, 但好多時無乜問題果陣, 我地又真係會將d葯亂咁放, 好多時仲要係放響d小朋友好容易拎到既地方添, 所以悠悠呢件事, 都提醒下我地, 唔好以為平時佢地唔會亂咁唻, 就一定無事, 佢地"醒"起上唻, 真係會做出好多出人意表既事呀!

CanKan

十月媽咪：

唔緊要啦！而家都3月中，話禁快k1就讀完，可能到k2既時候，睇到你唔願睇添！

不過話時話，而家亞女搭校車返學，我亦偷懶冇點上學校睇佢，感覺都唔係幾踏實，唔知佢係學校點，亦唔認識佢 d 同學仔，長遠黎講係溝通上可能冇禁容易有共鳴，你話係唔係？

cankan

CanKan

十月媽咪：

anson 去到日本 disneyland，實會好開心！唉！我到而家都未帶亞女去香港果個，我知佢好想去，已經同我地講左不下數次，不過我始終都未同佢去，我諗我都要積極d安排下係夏天來臨前同佢了左依個心願，你地估4月會唔會好熱？

cankan

CanKan

joeytcy,

如果係我實嚇到腳都軟埋 + 即刻帶佢睇醫生。

聽完你依個 case，我都即刻返屋企擺番好 d藥，事關有時我都係放係枱度，諗住亞女知道藥唔可以亂食，而家都唔夠膽啦

cankan