家有自閉傾向的小朋友......

承承媽媽

jennyho,

承少最主要o既訓練係返全日制幼兒園,雖然係正常位,不過對佢o既幫助都好大,另外因為當時承少最差係言語方面,所以我另外幫佢嚮痙攣協會搵言語治療(個別).

錫錫BB糖

唔該晒kmwun,
健康院D姑娘話BB半年後先返去睇睇喎，我認為你地講得對，今晚同老爺奶奶傾過，佢地終於都同意帶BB去做D評估！佢地話幫我問下D朋友，其他媽咪有冇提議呀？
真係好驚，好驚BB真係有問題..........佢係屋企個寶，有咩事都唔知點同老公屋企交待，點對得住BB......好辛苦！

kmwun

錫錫BB糖

當年健康院d姑娘都係叫我三歲半再返去，三歲半唔得再叫我遲三個月再返，期間因為其他發現卒之搵私家醫生寫信轉介，但都浪費咗好多寶貴時間。如果confirm到無問題就最好，所以快d行動啦！

真係要放開d，小朋友有事無人想，亦唔係可以控制到嘅，所以唔好怪自己，積極d重有用。講得唔好聽d，媽咪一個人係生唔出個BB嘅，爹d都有份架，到底要怪邊個都唔知，亦唔重要。你都要照顧吓自己嘅情緒，可以的話搵屋企人或者好朋友傾吓！

錫錫BB糖 寫道:
唔該晒kmwun,
健康院D姑娘話BB半年後先返去睇睇喎，我認為你地講得對，今晚同老爺奶奶傾過，佢地終於都同意帶BB去做D評估！佢地話幫我問下D朋友，其他媽咪有冇提議呀？
真係好驚，好驚BB真係有問題..........佢係屋企個寶，有咩事都唔知點同老公屋企交待，點對得住BB......好辛苦！

HeiMarie

錫錫BB糖 寫道:
唔該晒kmwun,
健康院D姑娘話BB半年後先返去睇睇喎，我認為你地講得對，今晚同老爺奶奶傾過，佢地終於都同意帶BB去做D評估！佢地話幫我問下D朋友，其他媽咪有冇提議呀？
真係好驚，好驚BB真係有問題..........佢係屋企個寶，有咩事都唔知點同老公屋企交待，點對得住BB......好辛苦！

咪比咁大壓力自己啦!!最緊要積極D, 盡早評估, 有需要就盡快開始同BB做訓鍊! BB有問題, 唔係父母

HeiMarie

承承媽媽 寫道:
jennyho,

承少最主要o既訓練係返全日制幼兒園,雖然係正常位,不過對佢o既幫助都好大,另外因為當時承少最差係言語方面,所以我另外幫佢嚮痙攣協會搵言語治療(個別).

承媽 : 有冇參加痙攣協會D小组?  俊熙參加

kmwun

係呀，有時我會稔小朋友唔係有問題，我都唔會學到咁多野，識到咁多BK媽咪，重有唔會用咁多時間陪仔仔。

[quote]
HeiMarie 寫道:
咪比咁大壓力自己啦!!最緊要積極D, 盡早評估, 有需要就盡快開始同BB做訓鍊! BB有問題, 唔係父母

HeiMarie

重有唔會用咁多時間陪仔仔 ===>>>絕對同意!! 仲有, 自已變得更有忍耐力, 愛心同睇事物角度更廣, 雖則辛苦但好開心, 仲enjoy tim!!   

錫錫BB糖

多謝所有BK媽媽鼓勵!
我會努力克服困難, 陪BB一起面對!!!
現在正四周圍搵d專家幫BB.......
好欣慰老公,老爺奶奶都有幫手.......
老爺的兒科朋友明天就會見bb,
總之過埋個測驗先算!
我希望可以同所有BK媽媽交換d湊仔仔心得, 請多多指教!!!

承承媽媽

講講吓~~唔記得講吓承少近來d衰o野~~

依家講多咗o野,放完個鼠假,學識駁咀:
有次佢玩時推倒小朋友,我叫佢講對唔住,佢話:唔對唔住   

近呢個零月,叫佢食飯,麵,慘過乜,勞氣到不得了,成日都話:唔食飯,唔食麵...... :tongue:  :tongue:
最慘係我已經日日放學同佢去公園玩番一粒鐘至走,返到屋企都仍舊唔肯食,真係俾佢吹漲......    今日仲由5:30玩到7:30至走,走時同佢講:返屋企食麵啦!佢居然又話唔食,原本打算切兩個蘋果俾佢食算o架啦~~好在佢爸爸煮好個麵時佢都肯吼吓,仲食完之後仲話要........真係唔知佢真唔食定假唔食......    不過如果晚晚都要8:00至俾佢食佢至肯食,我就真係死俾佢睇啦!         

承承媽媽

錫錫BB糖,

小朋友有事,不論係身體或智能上都不是我們所願,
但既然有這個可能甚至是已成事實,
我就覺得努力去學習面對,與及愛心包容指教,
比起自埋自艾,找出誰對誰錯更有用,
和對小朋友更有好處.
如果小朋友真係有事,切記不要將他們和其他人比,
就好似我家承少,同MARIE家的熙熙,或精叻個仔都有分別(雖然都係自閉傾向),
反而用多D心機時間,發掘佢地o既優點同短處,
唔得o既就訓練多d,好o既就多d讚賞,
d小朋友都會有好大進步o架!

錫錫BB糖

今日仔仔見完兒科醫生啦！話佢整體上的發展都比一般同齡小朋友低九個月，聽到佢句說話，簡直想喊出來(雖然一早有心理預備！
醫生仲話仔仔有自閉傾向，提議儘早比d訓練佢！
我巳經打電話去健康院，都係得個等字........我唔想再等，我想比仔仔去私人機構做評估同訓練，你地覺得點呀？
同埋，......真係覺得好心亂如麻........唔知仲應唔應比佢讀呢間幼園(都幾demanding !)

承承媽媽

錫錫BB糖,

如果仔仔俾醫生check過係有自閉傾向,不如你直接請呢位醫生幫你寫一封轉介信,證明醫生有呢個懷疑需要轉介,然後你拎住封信打去你屋企附近一間兒童體能智能評估中心預約見姑娘吧!無需再去等見健康院的醫生,因為你只需拿著醫生/學校的轉介信就可以去評估中心約期的.(如果你返健康院等見醫生,醫生就算覺得有需要,都係寫轉介信俾你去約評估中心,步驟多了,亦更浪費時間)
另外你仔仔依家係讀幼稚園還是幼兒園?我估你地一家大細都好錫個小朋友,可能會唔捨得俾佢讀全日制的幼兒園,但如果你仔仔係讀幼稚園的話,最好幫他轉讀全日制幼兒園,因為幼兒園傾向小組教學,而且幼兒園的教育方式不單只是教知識,更著重教小朋友的常規,對有自閉傾向的小朋友來說,好處比較多.你不妨考慮.

kmwun

錫錫BB糖

你見的是私家兒科醫生？咁你有無攞轉介信？有轉介信就可以直接打電話到你果區嘅兒童體能智力測驗中心約時間，無需經健康院。<兒童體能智力測驗中心click here>亦可以去私人機構做評估，但可能要過千元。協康會青蔥計劃都有評估服務。

錫錫BB糖 寫道:
今日仔仔見完兒科醫生啦！話佢整體上的發展都比一般同齡小朋友低九個月，聽到佢句說話，簡直想喊出來(雖然一早有心理預備！
醫生仲話仔仔有自閉傾向，提議儘早比d訓練佢！
我巳經打電話去健康院，都係得個等字........我唔想再等，我想比仔仔去私人機構做評估同訓練，你地覺得點呀？
同埋，......真係覺得好心亂如麻........唔知仲應唔應比佢讀呢間幼園(都幾demanding !)

HeiMarie

錫錫BB糖 :唔駛心亂如麻! 呢道有好多人support 你! 睇下承媽同kmwun 幾快有回應, 有advice!!多D上

HeiMarie

承媽:

俊熙又係成日唔要呢樣, 唔要果樣.  叫佢乖乖做XX, 佢就話唔要"乖乖", 同佢講俊熙叻叻做XX, 佢就話唔要"叻叻"    包拗頸!!   

kmwun

"殊"！唔好俾我老細知呀！  

[quote]
HeiMarie 寫道:
錫錫BB糖 :唔駛心亂如麻! 呢道有好多人support 你! 睇下承媽同kmwun 幾快有回應, 有advice!!多D上

jennyho

各位:

今日同我個仔去左社區中心度玩,唸住佢可以同其他小朋友玩下,開頭玩玩具個時都無咩野,但正式開始個時佢又叫又典,又唔肯坐定定,成日走去開門想走,導師叫佢又唔采,周圍走黎走去,係個刻我真係好唔開心,點解佢會咁架,所以我決定同佢報青蔥做個別訓練,再等佢足兩歲就報幼兒園,我都fax左報名表去架啦，佢地都有覆番我，但又係要等佢地安排，都唔知幾時先可以正式有得做訓練！

jennyho

承媽：

我想問下你，仲有咩機構有個別訓練（語言、社交）做呢？我都係網上搵了好多，但總係找不到的！

HeiMarie

jennyho :

私人or 資助訓練都要排架!! 除非比較貴

HinMa

請問有無小朋友已經係讀小學,校方對自閉傾向小朋友有沒有特別支持呢?