將軍澳宣道會茵怡 Chat Room

iwff

wpooh,

歡迎你的加入 , 我仔仔讀緊K2(am) , 我們很少 K3 家長分享的 。茵怡的老師真的很有愛心的。 你仔仔今年要選小一了 , 希望他能派到很心水的小學 , 記得入來分享呀 !

wpooh

iwff,

好多謝你呀! 有時間我一定會多啲分享

BOSKERMA

hello wpooh,

歡迎你呀 你囝囝原來同我囝囝同一個課室ga, 咁佢班主任係未林老師呀? 我囝囝都好鍾意林老師ga, 佢雖然唔係我囝囝班主任, 但佢有時都會同我傾吓計ga, 其實好多老師都好好, 我囝囝之前病咗冇返兩日學, 佢班主任陸老師兩日都打電話俾我, 重要成7點幾打嚟, 佢o地真係好細心ga。

你多d上嚟交流吓啦。

iwff

wpooh,

星期五係K3旅行 , 我仔仔好開心有假放 , 但我要返工冇特別節目安排比佢 , 等第二日星期六先同佢去BBQ (係怡心園因為我有朋友住在那裡 , 除BBQ外仲可以踩單車同有公園玩) , 又近又方便。

你咁夜才可上網 , 家庭及工作一定很忙的了 , 有時間再傾啦 !

iwff

iwff

BOSKERMA ,

你仔仔病了兩日好返哂未呀 ? 天氣轉涼小心身體 ! 遲些換季了 , 你仔仔買了冬季校服未 ?希望我仔仔可以著埋下年冬季不用買多套啦！但夏天個套唔知下年會否開始短了。

iwff

BOSKERMA

iwff,

我囝囝上個月頭病咗囉, 發咗兩日燒冇咩啦, 多謝關心先。 我琴日都見到有幾個K1學生換咗季呀, 但琴日中午時都幾熱。我買咗冬季校服la, 我都有問老師幾時會換季, 佢話睇天氣而定, 因依排天氣都幾熱喎, 我諗除時都會收到通告la。都好難著到3年呀, 我囝囝高咗好多呀, 上年買o個d長褲都唔啱la 釣晒腳la, 所以我依家買校服俾佢, 我全部都買大碼, 校褸要買XL添呀, 駁佢唔駛再買嘛, 但其實都唔係大好多, 係隻袖長小小咋。  

wpooh

BOSKERMA,

無錯呀, 我仔仔個班主任係林老師, 佢十分鐘意班裏兩位老師, 佢時時都會係屋企扮老師, 學老師咁教小朋友, 當然家中各人就變晒做學生啦.......不過我唸老師平日上堂一定好生鬼活潑, 因為佢時時都學返老師講故事時嘅內容and 表情, 連我地都覺得好攪笑。

其實我覺得仔仔自從升上K3後活潑咗, 講嘢大擔咗, 另外佢而加時時都會祈禱, 有時仲會問我有咩需要代禱, 等佢返學時同老師一齊祈禱。 後來, 仔仔話我知, 原來佢班中有位同學嘅媽媽隻手受咗傷, 老師及同學每日都會一齊祈禱, 希望嗰位Auntie 快啲好返, 這令我感到茵怡係培養小朋友關懷別人方面做得好好。


iwff,

其實平日返工的確好忙, 加上公司不便上網, 所以只係偶然係屋企上下網, 而加都係仔仔瞓左先得閒上嚟傾幾句咋

BOSKERMA

wpooh,

你囝囝都同你分享好多學校o既嘢你知喎, 你就好啦, 我囝囝都有講o既, 但講得唔夠全面, 有時諗起會講小小, 突然間諗起又講d, 不過都好過冇o既。

係呀, 我囝囝成日都會唸佢o地食茶點時禱告o個段說話我聽, 但因為我o地冇祈禱習慣, 所以佢o係學校先會祈禱咋。

iwff

BOSKERMA & wpooh,

可能因為學校最近教環保的課程 , 仔仔成日叫我去買東西要帶環保袋 , 唔好取膠袋 , 舊衫要放係環保相 , 否則地球先生會病死的。仔仔真係多左好多環保意識。

換季通告出了 , 你們幾時換呀 ? 我都係睇定D先 , 因為有時都有熱的感覺。

BOSKERMA

iwff,

係呀, 我囝囝重話要帶d膠樽同費紙返學校添呀, 佢話要分類放o係環保箱喎, 佢都有同我講d舊衫要放落粉紅色o既大箱捐俾人喎, 見到樹葉又話要執喎, 真係俾佢笑死呀。

我都係睇天氣而定啦, 可能到指定換季o個日先換都未定。

係呢, 你知唔知功課簿如果老師送夠10個貼紙有禮物ga? 我都係最近另一個同學仔個媽咪話我知先知咋, 我囝囝只係話俾我聽有禮物, 但都冇講點先有。

iwff

BOSKERMA,

我仔仔的功課部老師只係吸公仔印沒有貼紙的 , 是否個別老師的鼓勵方法呢 ?  

BOSKERMA

iwff,

我個仔都係吸公仔印o係每版功課度, 但如果佢o地d字寫得靚, 最多可以得到4個印, 如有4個印老師就會送一個貼紙, 蓄夠10個貼紙就有禮物, 就係咁喇, 你返去問吓你囝囝有冇? 我都唔知係未個別老師做法喎。

iwff

BOSKERMA ,

我冇聽仔仔講過 , 佢寫字只試過一次有4個印 , 其餘多數係兩個印 , 3個印間中都有的。好在佢都肯寫自己個名 , 要我迫佢先肯去寫 , 最初成日話好難寫 , 最後都寫得幾好 , 可能係個姓 "劉" 最難寫啦 !

iwff

Amama

好開心仔仔返咗兩個幾月學已經有幾個要好的同學仔, 佢地見到面會拖著手一齊行, 到放學時工人姐姐話佢地要等埋一齊先走, 好開心    

但係唔知到k2時佢地會唔會成班一齊升or分開哂呢???   

iwff

Amama,

放心啦 ! 如無特別原因會原班升上K2的 , 只係課室和老師不同了。 我仔仔都有幾個好朋友有男有女的。  

chitchitbb

最近派了通告訂 Magic School Bus DVD set,
請問 是否值得買?  經學校訂是否低買?

nat_natc

Hi 大家好!
我個女出年都會讀茵怡 k1下午班唔知上/下午班係唔係同一班老師教家??

BOSKERMA

G.&T.Yip

hello 你小朋友讀k幾呀? 點解PTA一年會搞兩次旅行o既? 你係未PTA委員呀? 得閒多d上嚟報料呀。