専注力不足及過度活躍症(ADHD)兒童家長站

當媽

我和你的情況很類似，一樣有家庭問題的親人，一樣有痛惜孫兒的長輩。卻有點意見。


生理方面：公車上、食肆裏…到處是人；甚至小朋友的照顧者，都有機會潛藏病毒，來傳染孩子，若“當仔”有病，我真是不能確定誰是罪魁禍首？而實不相瞞，當“當仔”病後，特別是發熱後，我都會想：呀！囝囝又增添抵抗力了！


心理方面：稚子無知，孩子只會不懂禮儀，絕不會特意搗蛋。而感情是有親疏之別，給孩子看在眼內，能讓他懂得關心嗎？更何況對自己的家人，應更加多給體諒和包容。


老人家方面：其實遇有病毒，老年人是很易感染和難治瘉，即是話他們是要冒生命危險去接觸生病的孫兒。其實，他們無非是為了爭取時間，享受兒孫一堂的快樂情境！

再強調一點是『爭取時間』！

原文章由 See 於 07-10-22 22:16 硐表
當媽，
其實，之前未有畯畯我也是經常帶姪仔去玩的。但有了畯畯後我要出來工作，老公也一個月才兩日假，實在好難再去照顧他。也有是因為佢地3姐弟都被我老62.99等人不同程度的寵壞，還有就是他們經常生病，我同老公怕影響到畯畯 ...

當媽

真的!控制飲食不但一家人健康，而配搭得宜、配合氣節、以中西醫的觀點來闡釋......，可肯定的確信，能改善情緒、達到養生等裨益。看見“當媽”一家，特別是“當仔”和“當爸”，有見成效，有時都很想把所知，與人分享或研究，但因不是專家，不想只憑看了一些書籍或資料而多言，免誤了別人！所以，終於都認手不寫了！

有時，都想約你們出來聚會，但曾發生一些不愉快的經驗:cry: :cry: ，令我打消念頭了！

始終，都是籍文字來交流，會順暢些、安心些、坦白些！     :

原文章由 blesshim 於 07-10-23 09:30 硐表
對, 我相信佢地成熟左, 認知能力高左, 加上父母的轉變, 所以佢地亦開始明白到我們的出發點是為他們好, 願所有現在有困難的父母, 明白現在只是過渡期, 只要不放棄, 孩子長大後, 一定會明白的.

當媽, 亦高興聽到你同 ...

See

當媽，

多謝你的意見呀 不過家家有本難念的經，但我會對你的話作參考。不過可能我係比較''偏見'' 同''強硬''的人，所以可能會比人覺得我惡 ......

原文章由 當媽 於 07-10-23 22:23 硐表
我和你的情況很類似，一樣有家庭問題的親人，一樣有痛惜孫兒的長輩。卻有點意見。


生理方面：公車上、食肆裏…到處是人；甚至小朋友的照顧者，都有機會潛藏病毒，來傳染孩子，若“當仔”有病，我真是不能確定誰是罪魁禍首？而實不相 ...

timcathymama

當媽，

你好，我的仔仔今年9歲及確診為專注力不足，請問有冇聽過杜耳學習發展中心, 即Dore Centre, 不知它那套訓練小腦的運動programme 對純專注力不足的孩子有沒有幫助？請指教。

Timama

原文章由 See 於 07-10-24 13:36 硐表
當媽，

多謝你的意見呀 不過家家有本難念的經，但我會對你的話作參考。不過可能我係比較''偏見'' 同''強硬''的人，所以可能會比人覺得我惡 ......

...

win-baby-2003

各位媽咪, 我仔仔現年讀K2(約4-1/2 YEARS), 我唔知仔仔是否真的是過度活躍, 由於我在其他綱站看到有關一些過度活躍症的象徵, 我覺得仔仔有幾樣都跟這病徵相似, 希望各位過來人媽咪幫幫我.  小兒都是經常周身動, 但又不至於每分鐘都要動不停, 在搭電梯時雙腳及手都唔定, 排隊企唔定, 另外經常攪商店的東西, 見到什麼都要模吓, 很多手, 又多咀, 經常不聽指令-例如:叫他起身,洗牙, 洗面, 換衣,叫人早晨, 總之叫他做的事, 他都不合作, 每次都要用很多時間及精力才可以叫得他做(除了你跟他說, 如果你肯馬上做, 我會有獎品或帶他去喜歡的地方, 等等....) 一些生活上的事, 他都很不願自行做, 每次都要花很多時間又吵又鬧才肯聽話去做, 在家時經常要我們陪他玩, 每分鐘他都要在玩或做東西的, 他很少會自行坐定靜下來.  至於專注力, 暫時覺得他好似無問題, 因為我跟他講故事, 畫圖畫, 做功課, 暫時仍未覺得他分心, 他每次都很專心地完成, 但是如果做一些他無興趣的或講一些英文故事(因為英文故事他唔明), 他便表現得無心聽及叫我停止.  另外他記憶力都OK, 因為跟他去陌生地方, 他都記得方向點行, 另外如果之前去過一次的地方, 他都會記得自己有去過或這地方名, 有時我叫他明天提我的事, 他又會記得提我, 有時教他英文或中文, 他都懂得.  在記憶及學習方面暫無問題.  請問如果經常周身動, 很多事及多咀, 不聽指令(有時他會跟我理論自己無錯), 請問這些是否都是過度活躍症的徵狀呢?  請問年齡再大些, 或上小學時, 是否會更嚴重呢?

mrsphcheung

Hi! Chanchanboy,
Glad to see you once again.  My son's case is the same as your son.  He attends primary school now.  Poor me.  I have to 'STUDY' primary school once again.

Dear everybody,
The same as Chanchanboy, my son has visited a government psychiatrist but I want to seek advice about taking ADHD medicine from some private psychiatrists.  Please PM  some information to me.  Thanks a lot.

原文章由 chanchanboy 於 07-5-8 23:40 硐表
各位家長, 你地好,

我囝囝本身係自閉症, 但同時可能係ADHD, 雖然睇緊政府, 但我想再睇私家醫生, 請問各位有無介紹呢? 如有, 請PM我.

謝謝!

  

~仔仔媽咪~

我想問大家既小朋友平時番學會吾會成日發脾氣整親人?你地會點處理...我仔呢期又成日俾學校投訴佢發脾氣整親同學...佢本身又有學障,我搞得佢功課黎,佢又成日俾埋呢d野我哽...我就黎癲喇...由個仔兩歲出現問題係咁打人開始到依家九歲,日日無時無刻係咁教佢鬧佢叫佢吾好再整親人又發脾氣,俾埋方法佢(叫佢如果俾同學蝦就即刻同老師講),佢都係係咁俾人投訴佢成日發好大脾氣失控整親人,但又見個仔有好努力去忍自己d脾氣吾好發出黎,但又同時見到d同學好似挑戰我仔極限咁係咁激佢...搞到我都吾知點教...頭先我教教下個仔,個仔都話同學係咁笑佢講野激嬲佢,佢自己都忍吾到吾嬲,我都同個仔講埋:"咁下次如果你又嬲想打人就打自己啦!總之就吾好整親人!"呢句都講埋...佢再黎料,我都吾知仲可以點教...:cry: :cry: :cry:

~仔仔媽咪~

原文章由 77777 於 07-10-29 11:25 硐表
仔仔媽咪,

我都有睇你d post, 我都明你的難處, 出面係有d壓力球賣, 如果佢好嬲, 可唔可以叫佢用力鍊住來發泄, 都唔係佢錯, 你叫佢打自己會好慘.....亦會傷害倒佢自己.....
...

我都知我同個仔講呢句負面野唔岩,但嗰刻真係好擔心同好唔開心,有好多時我都問自己點解生到個仔咁,查實我係知個仔都知自己有問題,佢本身已經無自信,呢樣唔單只係我有咁覺得,連學校老師們都有咁既認為,查實學校有好多老師都好關心我仔好鍚我仔,但我仔成日咁失控發脾氣又成日整親人...講真,就算我地作為佢父母係理解到佢既問題,知道呢d佢自己都唔想,係控制唔到自己,但外間既人呢?無可能要求人地完全理解諒解同明白囉!

查實前晚我臨訓又再問我仔究竟件事係點,原來個版本係:

我仔個班主任叫左一個同學仔教我仔做數學功課...(已經係一個錯誤的決定黎,我仔係學障仲要係數學障礙,大人都未必教得掂,更何況一個八歲細路教我仔...)

跟住嗰位同學仔真係唔識去教我仔,結果我仔題題都做錯,個同學仔題題都話我仔做錯哂,結果我仔自卑心加自尊心作崇,又以為個同學仔笑佢(我估咋,我吾肯定d小朋友有無笑佢,我唔在場),例牌發脾氣,跟手就用枱撞傷嗰位同學仔隻手...

跟住個同學即刻離位向女班主任投訴(我仔嗰班係有兩位班主任),跟住班主任叫我仔出嚟,鬧左我仔一大餐,咁我仔自辨,同個班主任講話個同學笑佢,咁岩呢個班主任不嬲情緒唔係太好,即刻好惡好大聲咁答我仔:"笑你又點呀?"跟住我仔話聽到班主任講呢句好嬲,即刻同老師鬥大聲擘大喉嚨同班主任嘈交~!事後吾知係咪個班主任意識到佢自己同我仔d情緒都一齊越嚟越失控,就要求我仔即刻番埋位然後伏低,咁就無左下文...

我聽完之後,我都同個仔講道理,我叫我仔第二日番到學校要同呢個班主任道歉,要佢氹番班主任開心,唔好再激嬲班主任喇...唔知我仔係咪真係有做,第二日番學全日都無投訴電話黎,反而兩位班主任都各自打嚟讚我仔乖,又借數粒佢番屋企玩,放學問番我仔,我仔又無答我有無向班主任道歉,只係我仔話今日個女班主任正常番(呢個字眼真係從我仔口中講出...),話班主任無再鬧佢,仲好好咁批准我仔去高年班課室度搵姐姐教佢做數學功課...算係叫做舒左一口氣...

但係呢次無事,吾代表之後都可以咁好彩,再者,我仔一路係咁,真係好難有正常既社交生活,依家keep住都有一位有亞氏保加症既同學同我仔好好朋友,好鐘意同我仔玩又好保護我仔,但係其他同學仔就好抗拒我仔,甚至話佢係傻仔又當正佢有麻瘋病咁叫佢死開吾願意俾我仔加入一齊玩...我仔查實都好在意呢樣野,有時佢同我傾心事或者講番學校既事,佢一講到呢d就會好嬲又好唔開心...成日話好悶...

依家我只係想佢唔好再整親人啫,只要佢解決到呢個問題,就算佢讀書唔叻都唔太重要,只要佢唔好影响到人就得喇.

~仔仔媽咪~

原文章由 77777 於 07-10-31 11:07 硐表
其實你個仔的班主任真係唔太細心, 小朋友有數學困難, 數學老師應親自為他補課, 而不是找其他同學仔幫忙, 因他們講解能力真的不會及老師那麼好, 而你仔仔聽唔明亦會傷了佢的自尊, 你可否打電話給數學老師講明你仔仔的 ...

其實我諗佢地都知衰左架喇!所以星期一佢地又批准我仔上去六年級班房搵番教開我仔做功課嗰位姐姐嚟教我仔做數學,查實佢地係呢樹吾小心囉,佢地都有做d野黎build up番班小朋友既自信,星期一定係噚日就俾我仔做小老師,教番其他同學仔做數學,我雖則覺有d怪,質疑我仔能力可吾可以教番人地轉頭,但係我仔真係好開心囉!放學我問番佢,佢都成晚係咁同我同爸爸講番佢今日做小老師教小朋友數學(數學老師教左我仔先,跟住我仔就跟住老師指示去教番同學)...都ok既...

不過我諗係因為今年既班主任唔太了解我地呢類小朋友既特性同需要,而且個女班主任又真係幾易有情緒黎(之前嗰d驚人野吾再講喇,至緊要依家佢真係好過之前,無之前咁勁脾氣同負面),變左我同個仔同埋學校都好緊張囉!今年學校又改到嚴左,因為校長想將呢間學校變成名校(聽上年個班主任講),==|||變左我地同我仔都好大壓力,我仔乜都有問題,行為情緒已經惡搞,又吾係讀書掂嗰隻仲要係學障...基本上學校都吾會buy我仔呢類小朋友响佢地學校生存...所以依家又要催谷我仔讀書d野,但同時又要搞掂佢情緒同行為,做得呢樣又顧吾掂嗰樣,依家我日日放工接仔番屋企又要好俾心機去教識佢d功課,吾似得以前,見佢做哂就算,依家真係要教到佢明白至得囉...搞到我日日真係無咩時間係可以真正休息/做番自己鐘意做既野,有時真係幾想喊,,,係大壓力到想喊又攰到好想喊囉!!!反而依家變左係番工時間我係無壓力係開心過响屋企,因為响屋企簡直成個人同精神都要同個仔一齊作戰....真係吾可以放鬆...我怕一放鬆我同個仔又要前功盡廢,打回原形...

~仔仔媽咪~

原文章由 77777 於 07-10-31 21:50 硐表
你唔好唔開心啦, 我都好明白要照顧有學障的小朋友係十分吃力, 因我自己個仔都係, 同埋你又要返工, 不過其實聽返你講, 學校都好想幫你個小朋友, 佢地找數學老師教識你個仔, 然后叫佢教返同學, 其實係幫佢build up返自 ...

查實依家我地同老師既關係已經好左好多架喇!可能我太後生生我仔出嚟,依家併埋去佢地覺得我呢個亞媽仲細唔識教仔卦,初頭佢地d態度真係俾我覺得佢地唔太尊重我架!但另一方面佢地有部份老師又成日以為我地個個家長都係睇衰佢地,個仔又成日响學校反斗鑊鑊新鮮鑊鑊金...早輪真係搞到大家都好唔開心關係又好差囉!結果早排我老公就响電話度同個女班主任嘈囉...嗰陣我真係好灰架!講真我地又唔係跟埋個仔上堂,個仔淨係識得揀响學校曳,屋企正常番,嗰下真係惡教囉!最後我又係好語重深長咁同個仔講,你再係咁整親人又搞人又成日發脾氣掟野又唔聽老師話,人地會覺得媽咪唔教你由得你去壞,到時你出左事,真係有好大可能人地唔俾媽咪再照顧你同你一齊生活架!我問佢想唔想去到咁既地步,我諗個仔真係開始識驚卦,講完第二日同之後嗰個星期日日都有老師讚佢好乖上堂又合作又主動答問題...嗰個星期真係好似由十八層地獄彈番上天堂咁開心咁驚喜!就係嗰個星期我同學校既老師主任互相鼓勵大家,咁大家知道大家都好正面,大家都係一齊努力去幫我仔.

我都諗呢次我仔整親人又無手尾要跟,最主要係老師開始理解到我仔同我既難處卦,我諗佢地都學緊/嘗試去包容我仔呢d缺點,,,希望個仔快d'好番'啦,佢無左呢d情緒行為問題,已經唔駛我再去掛心...咁我都可以全心全意去幫佢執好學障既問題啦...真係希望會有咁好既一日....

~仔仔媽咪~

原文章由 77777 於 07-11-1 10:01 硐表
其實唔關細唔細個生佢出來, 我地都係第一次做人媽咪, 有時打打鬧鬧都係想佢乖d, 但其實打鬧係最無效的方法, 呢d係我個仔俾一間幼稚圜趕左出來, 去到另一間好有愛心的幼稚園, 我個仔真係乖左好多的體會, 有時鼓勵, 讚 ...

查實噚日番到學校睇佢地開早會,淨係睇到個女班主任好溫柔咁走埋去我仔度摸摸我仔個頭,我已經好開心好滿足架喇!始終我都希望老師真係關心同愛鍚我仔仔,俾我仔知道,查實真係有好多老師好愛鍚佢同關心佢,我相信呢d係俾小朋友最大動力嚟!可能我細個嗰代d老師個個都好冷漠又成日郁d下就屈d學生係壞學生,對學生態度好差,關係吾太好,嗰陣我屋企又係淨係鬧住打住叫我死讀書,連課外活動都吾俾我去參加(學校搞嗰d劇社請我去參加,我媽咪都話驚我學壞,我老豆話吾俾,因為佢話我只可以係讀書),結果嗰陣我成日都覺得唔開心,好似兩邊既人都吾顧我感受又得唔到尊重同愛護咁...淨係自己咁收收埋埋去諗,已經無心機去讀書...所以依家有好多人都覺得我太鍚個仔,個仔要乜有乜咁,實情都係因為唔想個仔過我以前既生活,我依家都係吾聽我老豆點嘈我(佢都係鬧我做乜俾個仔去學野,都係嗰句:"讀書最重要,淨係讀書就得喇!"),我照樣都係俾我仔去學下跆拳道(俾佢fing下d精力,學下守規矩),之前佢話鐘意鋼琴,我都俾佢學,佢依家想養貓,我要求佢乖同有進步我就俾佢養,佢鐘意影相,我就買部相機俾佢任影...講真,我地真係唔會知個小朋友叻响邊度,日後會响邊方面發展,所以我至係咁俾佢咩都接觸下,等佢有番d自信...而唔係好似我以前咁,咩都吾掂得,但眼見其他小朋友咩都有得學又識好多野,自己都會好自卑覺得自己好無用...基本上,我都係想個仔有番d自信,俾佢知道,佢都係一個正常小朋友嚟.

離左題添!不過都希望我地d仔女會開心健康咁成長啦!呻左幾日,依家我又正常番架喇!放心!我一定會俾心機同個仔打勝仗既~~~~

~仔仔媽咪~

原文章由 77777 於 07-11-1 22:57 硐表
仔仔媽咪,

你真係一個好好的媽咪, 好識去栽陪小朋友, 其實尊重小朋友的感受係好重要架, 佢一樣會學識尊重你(身教), 你如果俾佢自己去選d不同類型的活動, 可以知道佢有邊方面興趣, 長處, 從佢的長處陪養佢的自信,  ...

如果屋企d貓貓狗狗識得讀書就驚喇~~~

實情我真係唔識教仔,我已經碰過好多次釘架喇!搞到自己同個仔煩眾憎,朋友都試過一夜之間唔見哂,因為就係我唔識得教仔,整親人地小朋友,自己又處理唔到自己情緒,實情教我地呢類小朋友真係要好小心咁去諗方法至有機會教好佢地...如果唔係就會好似我咁失敗.

依家都好,個仔明顯進步左,我d朋友(未反面同新識既)都好鐘意我仔又讚我仔乖,唔知係咪佢地想氹我至話我仔乖甚至係正常呢...anyway,聽到人地讚自己個仔又鐘意自己個仔都開心既~

你囝囝幾大呀?我仔都九歲仔喇...講真,到依家我同出面d朋友都覺得我仔仲好似五六歲大bb,唔似九歲,有時都幾矛盾,又鐘意佢份單純,但同時又感嘆佢點解仲可以咁幼稚...有時睇到佢俾同學排擠笑佢係傻仔,會特別有呢種感受...你囝囝社交ok嘛?同小朋友同學相處如何?


我要訓喇..聽日仲要番工...聽日番工再入黎傾啦~~~ 我份工真係好free!

jacob614

我有個問題想問下各位媽咪，我仔今年9歲，ADD和語言發展遲緩，係7月開始食concerta，而家食到36mg,暫時就無副作用出現，但我發覺佢食藥之後，體重一直都無增加，食量無減，佢本身只係30kg,130cm,有人同我講話食concerta係唔會長肉，唔知係米真？有咩方法可以令佢肥d呢？我好怕影響發育,請多指教！

garytai

我囝囝現在三歲, 越來越多人覺得佢有過度活躍, 我都覺得佢無時停, 但係個個都話佢唔算好嚴重, 現在佢讀緊兼收位+綜合訓練+靈實攪的社交playgroup, 可以係用好多資源幫佢, 佢份人好性急, eq好低, 一唔鍾意就會打人, 有時好狠咁打人, 有時又好似知道打人唔啱輕輕掃下人, 佢好鍾意全屋走黎走去, 成日都冇時停, 以前果個年代叫做百厭星, 其實佢年尾會做多一次評估, 我都預左佢會係專注力不足加過度活躍, 想問下大家如果有呢類型的小朋友應該點樣處理同埋同佢相處, 日常生活應該要留意d咩呢? 因為佢有時真係百厭到要打佢, 但係我就覺得成日打佢唔係咁好, 有冇d好的方法呢? 唔該大家, 因為我對呢個症狀知道很少, 而且唔知點算好! 謝謝大家!

Mcdull

各位,

我間唔中都有入黎同睇大家的留言的。可否讓我在這裏說一說我的不開心事呢。

我大囝今年九歲，七歲時被確診是輕度ADHD及專注力失調。一直我都沒有給囝囝食藥 (retalin)，因為我囝囝本身後腦有水瘤，亦有抽筋底，所以擔心藥物的副作用。而深覺得睇瑪迦烈的精神科醫生又好求祈，由第一次睇就自係問下症，跟住就話要食藥，所以我都不是好有信心。

但是自囝囝昨天又在學校裏所作的事情，恐怕真係要讓他食藥了。我個心真係好痛，好痛。其實呢年多我地用了好多方法去教導及幫助孩子，有見到他進步。但是近期他在學校又作出種種的搗蛋事情，完全不顧後果，又用種種的借口佢解釋自己做錯的事情，對自己的事情又唔認錯。我真係唔知點做。比佢食藥，又怕副作用對他將來的影響。但唔比佢食，校方亦已確得他近來的行為，對別人做成有很大的影響。我覺得好無助，我想死（當然只是一殺那間的想法，不會真的去死），點解好像沒出路，我真係唔識得教我個囝，我唔知點教佢，點幫佢！！！！！我真覺得好辛苦，好”支力”啦！！！

~仔仔媽咪~

原文章由 garytai 於 07-11-6 10:32 硐表
我囝囝現在三歲, 越來越多人覺得佢有過度活躍, 我都覺得佢無時停, 但係個個都話佢唔算好嚴重, 現在佢讀緊兼收位+綜合訓練+靈實攪的社交playgroup, 可以係用好多資源幫佢, 佢份人好性急, eq好低, 一唔鍾意就會打人,  ...

以我過往經驗,打同埋好惡咁鬧佢係唔work囉!反而仲衰多兩錢...所以我都唔prefer大家用呢種負面態度同一般傳統父母對仔女既管教方式去對待我地班曳貓仔.我依家都係同個仔平起平坐,做佢個好朋友,用番多d同理心同佢相處,不過真係唔可以縱佢地,佢地有錯有唔妥當既地方要即刻同佢地講,同佢地講野真係要快靚正,吾可以長氣同惡囉,佢地因為無專注力,真係唔會聽到幾多,所以佢地一有錯就要直接話俾佢地知呢d野係唔可以做,同佢地講道理唔可以太抽象太複雜,有好多野我地都要同佢地鬥直接咁去講,即係咩都要'即食',因為佢地唔等得.

無架,有時我真係好覺得我地d ADHD仔真係同貓無分別!同對D曳貓仔一樣,要有無比既耐性,要包容佢地D搗蛋野,要有耐心去不斷重複又重複去教佢地亦要無限次去原諒體諒佢地,你要知道,佢有呢種症狀,佢地因為ADHD搞到社交唔好成日俾人投訴,佢地自己都好唔想自己係咁!佢地都需要我地父母既體諒同全力既幫助,幫助佢地去衝破呢D困難,所以做得佢地父母一定唔可以比佢地弱.

既然佢地係ADHD仔已經係成定局,還掂我地係咪都要教佢地,點解唔開開心心樂觀D去面對,諗多D實際方法去解決問題...呢樣我都成日咁提住自己架...我好多時都俾個仔搞到好DOWN,好似早前咁,我真係辛苦到喊埋出黎啦...依家又暫時未有新投訴,我同個仔都係長時期無時無刻去備戰,因為真係唔知幾時又黎LAI鑊金過我地嘆,又是吾知會有D咩投訴要我去哽嘛...所以我都吾可以鬆懈架....

jacob614

我都好明果種苦況，真係付出幾倍心機，都未必會有一半成果，激氣激到喊，(仲要比人話我EQ低)為小朋友，唯有喊完再教過。

jacob614

McDull
如果小朋友有抽筋底，真係要好小心副作用，妳有冇諗過睇下其他醫生？聽下意見都好，我仔睇果個係私家醫生，我個人覺得佢好細心，如果有需要你可以pm我！
我仔都係九歲，食藥真係同以前差好遠，讀書積極，雖然成績唔係好標青，但最少見佢肯盡力有進步，我都好滿足。
仲有，以前佢成日覺得自已無用架，而家佢對自已有番自信心，我真係相信，只要唔放棄，就一定有希望!
你千其唔好放棄呀，小朋友好需要你。

Mcdull

jacob614,

多謝你的回應。 我同丈夫都諗住搵個私家醫生睇下囝囝。因為瑪加烈個醫生真係好求祈，我每次同囝囝覆診見佢，佢只會問幾句，食藥後有無好d呀! 我話差不多，咁佢就話加藥，佢每次同我地gei眼神接觸數埋都唔夠10分鍾呀!  其實我只是比囝囝食過一次藥咋! 但囝囝在場，我跟本唔方便係囝囝面前話過醫生無心機睇症。連我丈夫都有帶過囝囝見醫生，亦有問醫生囝囝食了藥個人好depress，小小挫折就話想c，醫生只係回應一句食藥反應係敢喎!   你話我地邊有信心比佢繼續醫囝囝呢?

你囝囝睇那位醫生呢?  麻煩你可以比資料我嗎?

原文章由 jacob614 於 11/9/07 01:12 AM 硐表
McDull
如果小朋友有抽筋底，真係要好小心副作用，妳有冇諗過睇下其他醫生？聽下意見都好，我仔睇果個係私家醫生，我個人覺得佢好細心，如果有需要你可以pm我！
我仔都係九歲，食藥真係同以前差好遠，讀書積極，雖然成績唔係好標青，但 ...

mrsphcheung

jacob614,
我也有相同的問題，呀仔在學校的生活祗可用糊塗和混亂來形容，老師衹會指出問題，但絕不會幫他改善，我唯有盡量在家教導行為及學業兩方面，但礙於他與生俱來的障礙，成效往往是事倍功半，全家人的生活為了他弄致苦不堪言的地步。食藥似乎是唯一可行的方法，可否PM你仔仔睇果個係私家醫生的資料給我？謝謝你！

原文章由 jacob614 於 07-11-9 01:12 硐表
McDull
如果小朋友有抽筋底，真係要好小心副作用，妳有冇諗過睇下其他醫生？聽下意見都好，我仔睇果個係私家醫生，我個人覺得佢好細心，如果有需要你可以pm我！
我仔都係九歲，食藥真係同以前差好遠，讀書積極，雖然成績唔係好標青，但 ...