家有自閉傾向的小朋友......

HeiMarie

承媽 : 一班幾多人,係咪謝老師?? 俊熙上個course 係佢帶, 俊

承承媽媽

MARIE,

阿仔o個班係吳老師   

承承媽媽

chr336,

依家個心定d無?   

承承媽媽

各位,

我近來忙於同承少d同學仔攪約會,令承少嚮19號開始o既鼠假唔會俾佢玩死我,所以好忙......,不過亦因為多同阿仔同學o既家長聯絡,所以承少亦多咗節目......
最近見阿仔又有d進步,上個禮拜六同佢返教會,承少見到兩個大佢一年同兩年o既哥哥仔一齊玩,於是走埋去同佢地講:同旨承一齊玩.......跟住禮拜日,我同朋友一齊飲完茶,諗緊之後去邊之際,承少忽然講咗句o野,於是我叫佢對住我其中一個fd講,就係:一齊走呀!
尋日仲攪笑,阿仔有個同學仔去我屋企玩,臨走個小朋友扭計喊喊,我叫承少拎張紙巾俾佢個同學,佢居然先拎一張幫自己抹鼻,跟住拎一張紙巾走埋去同學仔身邊------幫佢抹眼淚,個情境好好笑o架!之後佢個同學走,承少唔捨得喊喊,今次就到佢個同學幫佢抹眼淚......     

我好開心,因為覺得佢唔再自己獨家村,而係佢開始有想同朋友一齊玩同一齊去做d o野o既想法.另一樣最開心o既,就係佢嚮學校裡面遇到一班喜歡他的同學,令他十分享受和同輩之間的相處.

另外上個禮拜六去學校接佢份小報告,老師全部都係俾正面o既評語俾佢(可能因為我多去學校,所以佢d衰o野都唔使嚮份小報告裡面提lu......    ),希望佢在九月入埋兼收位會有更好的進步.   

HeiMarie

   承少進步承媽

前日daddy 同俊熙上語言治療, 其實係聽評估報告, 俊熙都有好大進步, 上次半年前佢理解同表達能力都比同齡慢大慨一年, 屬中度障礙. 今次理解能力3:1 (3yr1mth)屬正常與輕度障礙之間, 表達就2:10屬輕度障礙. 另外治療師都話佢進展好!!

佢家陣都會主動同人分享,又會關心其他小朋友, 同學仔喊佢會走埋去拍膊頭叫人唔好喊添!!       

各位 : 大家一齊努力呀!!!!!   

小孩子的天空

各位爸爸媽媽:

有野想請教你們.......

我姐的孩子(4.5yr)在gov確認了有自閉傾向..........之前一直都有到協康做言語治療, 有很大的進步.

但上星期她去了一星期旅遊, 是老人家跟工人看着孩子..........回來之後, 孩子就不停的自言自語, 不受控制, 有惡化的表現,她很內疚......不知你們有沒有經驗呢? 或有沒有提意呢?

不好意思, 我因替她擔心睡不到, 才來煩一下你們

kmwun

承媽

承少   

HeiMarie

俊熙    (我仔仔都係叫俊希！)

kmwun

小孩子的天空

小朋友的發展會有高低，就算父母一路陪住都唔代表小朋友會一定無問題，有好多情形小朋友都會受影響，最普通的例如環境轉變，生病等。你姐姐的小朋友好可能係這段時間比較清閒，所以多咗啲自我嘅行為，加上老人家同工人一般會比較縱小朋友，所以會唔聽話。我仔仔放暑假都攪到日中啲情緒好high。父母雖然緊張小朋友但都需要照顧自己，可以安排去旅行放鬆吓，唔係罪過，差好電返嚟再努力過！

小孩子的天空 寫道:
各位爸爸媽媽:

有野想請教你們.......

我姐的孩子(4.5yr)在gov確認了有自閉傾向..........之前一直都有到協康做言語治療, 有很大的進步.

但上星期她去了一星期旅遊, 是老人家跟工人看着孩子..........回來之後, 孩子就不停的自言自語, 不受控制, 有惡化的表現,她很內疚......不知你們有沒有經驗呢? 或有沒有提意呢?

不好意思, 我因替她擔心睡不到, 才來煩一下你們

jennyho

各位媽咪,

你地好呀!唔知你地仲記唔記得我呢?今日我同我個仔去了恊康做評估了, 個姑娘都叫我去智能中心度做多一次評估及join早期訓綀或其他,個姑娘話我個仔就算係自閉症都唔係好嚴重,但理解同埋語言都比同年齡的小朋友慢,所以都唔好再拖.

唔知你地有無小朋友讀過ｉ位呢？個情況係點架？

希望大家都繼續努力啦!

HeiMarie

jennyho : 智能中心排

kmwun

jennyho

你去智能中心做完評估，醫生就會建議小朋友應該接受的服務，例如I位或早期。會有醫務社工跟進。不過排服務都要等一段時間，期間做住其他訓練都會幫到小朋友。希望小朋友進步神速啦！

jennyho 寫道:
各位媽咪,

你地好呀!唔知你地仲記唔記得我呢?今日我同我個仔去了恊康做評估了, 個姑娘都叫我去智能中心度做多一次評估及join早期訓綀或其他,個姑娘話我個仔就算係自閉症都唔係好嚴重,但理解同埋語言都比同年齡的小朋友慢,所以都唔好再拖.

唔知你地有無小朋友讀過ｉ位呢？個情況係點架？

希望大家都繼續努力啦!

jennyho

HeiMarie:

我仍未排期呀,因為我星期六先去恊康,最快都要星期一先攞到醫生紙,我囝囝21個月大了,一粒字都未講.  我想問下你俊熙幾大讀 i 位架?排了幾耐呀?讀 i 位係咪全日制(朝八晚六)架?.  

其實我係全職主婦,如果要我個仔讀全日制,我驚我唔捨得,及勁掛住呀!

承承媽媽

jennyho,

你係全職媽咪的話,我就最適合答你o既問題啦!
如果你依家排 I 位,咁你有可能要等一年至有位(視乎你揀邊區同邊間學校,同埋佢地依家仲有無 I 位),不過如果你仔仔依家只得21個月,咁你有可能要06年才有位,因為所有幼兒園最早入學年齡是足了24個月--即係兩歲.
I 位是全日制的幼兒園,不過不是朝八晚六,這個時間是指最早開門同最遲去接小朋友的時間,一般是朝九晏四點半.
我個仔由舊年九月開始返幼兒園,不過未入I 位,因為承少是九月中做評估,所以承少足足等了一年才有 I 位,不過雖然佢入的是正常位,但他因為返全日,所以學校所教的常規和與人相處的社交亦開始建立.
阿仔返了一年學,我覺得最大的好處是除了有20個小朋友每日可以一齊上課,一齊遊戲之外,最重要的,是讓小孩子有長時間的相處,建立關係,我們有自閉傾向的小朋友,對他們來說,最困難的事,是明白身邊的人和他們是有關係,有感情交流的.承少返了一年學,也是在下半學年才和同學之間有明顯的互動.
另外一點我覺得也是很重要的,我的小朋友返了全日制的幼兒園,相對上我其實也有充裕的時間來做家務之外,我還有時間可以想想在他放學後如何安排TRAINING給他,又或者和他玩甚麼遊戲.另外又可以給自己一些休息放鬆的時間--老實講,如果屋企的小朋友有事,其實大人要放鬆心情才更能面對佢地千其百怪的問題.
你想想,如果佢只返上午,你湊得佢去學校,買完餸整少少o野,跟手就要去學校接番佢,仲要煮飯,食完一陣又要喊打喊殺咁叫佢瞓晏覺,如果佢肯瞓你才可以做家務,掃吓地洗吓衫吸吓塵佢就要起身,你陪佢玩一陣又要煮晚飯,食完又要洗碗又要同佢做training,你自己諗吓:你咁樣o既日子可以頂幾耐先?我由承少兩歲開始頂到佢2歲4個月佢開始返學,我才有好日子過......(不過佢剛開始放暑假呀!)
如果你見到小朋友返學之後的好處和進步,相對地你亦會少去掛念他.

HeiMarie

Jenny : 俊熙係差不多兩歲先開始講第一個有意義的字, 兩歲時講约10個字/詞!

兩歲3個月做政府評估, 排早期. 3個月后改排早期加I 位, 2個月后confirm 有I 位 (即由04/09 開始 I 位).  但佢兩歲兩個月巳開始返半曰N1, 而且老師知道佢係AF!!

返幼兒園唔駛唔捨得,

承承媽媽

Marie,

幾時得閒,一齊放仔呀?

HeiMarie

[img align=left]http://home.so-net.net.tw/pennywu6699/images/17text/A7-035.gif[/img]

sunday before 4:00pm / after 5;30  or  public holiday!
你要反教會wow? sunday morning 唔得!!

jennyho

HeiMarie & 承承媽:

多謝你地既意見呀,明天我會去攞醫生紙同埋去排架啦,希望唔洗等一年啦,我希望可以排早期,因為我覺得比較適合我,期實係屋企我唔唔知可以做到咩訓練,因為最大問題係我個仔,叫極都唔多采你,又唔多合作,不過如果返 幼兒園可以幫到,我都會忍心d,但最麻煩就係我個99,我之前都有探過佢口風,點知係話,全日硬係唔得啦,暈住一日邊得架,其實可能你地會覺得,個仔係你既,關佢咩事即,但係佢係老佛爺,今次去排期既長細情況,我都係婉婉轉轉咁講下,廢時佢又唔知講咩出黎,睇下聽日點先算啦!

承承媽媽

jennyho,

之前唔知你屋企有一寶同住,我都會覺得返早期無乜所謂,不過依家知道,我就覺得你最好俾你個小朋友返全日制o既幼兒園啦~!唔係話老人家唔錫小朋友,就係因為佢地錫,所以佢地對於訓練小朋友的常規會比較寬鬆,但對於a仔,說一就一,不能有二,如果唔係,你想佢睬你都難.同埋好多時老人家服侍週到,飯到嘴邊,衣在手邊,呢d係佢表示對兒孫的愛錫方式,但對不喜表達的小朋友只會百害而無一利.再者,好多時一寶對小朋友的準則是海鮮價,不同於學校,說一不二,亦不會因小朋友發脾氣而就範,這是一件非常重要的事,亦是幫助有自閉傾向的小朋友慢慢學習常規的方式.另外一寶的底線是沒有底線,但我們作為父母的,就不容許小朋友胡亂發脾氣,想要乜就有乜,因為我們有一定的底線給小朋友,但與一寶同住的話,小朋友會不斷去挑戰父母的底線如何,有甚麼是能做,有甚麼是不能做.此情此境,你自己可以想像一下......
仲有,如果你勉強你的小朋友去做訓練,而小朋友哭喊時,一寶會不會插手話下次再做先........!好老實,對付A仔一定唔可以咁,要佢知道做訓練就一定要做,唔想做都要做才可以幫到佢地(某些技能操作上的訓練),如果屋企的一寶會插手插口,我就寧願你俾小朋友返 I 位好了.
如果你真係揀 I 位,你唔需要同一寶講可以揀返早期定 I 位,只需要告訴佢醫生話最好入幼兒園就夠了.

gigi2

Agree.  I came across some I-seat teachers who were impatient, too subjective and unprofessional manner.  I wonder how come they could be the I-seat teacher.




[quote]此觀點乃係一些過來人同我講, 論据係I 位訓練成效取決於個別學校/I 位老師的能力, 經驗, 有些好有些幫助不大,

mickeyma

totally agree. it depends on the experience and how devoted the I teacher is towards her job.
Yu has a very good one, experienced and we communicate by a 家校通訊錄 every day regarding Yu's performance in the school. From there, I know a lot of the school life of Yu and I can do something at home as well to assist teacher.
I did not expect them (I 位老師&班主任) to spend so much time in writing me Yu's life in school.But they did. And now 1/3 of the books are finished when 20 days passed for this month... 好感動啊!    :