發展遲緩B媽媽(part 1)

weiwai

siukei
屯門佳寶聽聞不錯的。
我想講, 你要S位才會沒收你現在的E位
但排S位(即未排到)是不會沒收你現在的E位的

原帖由 siukei17 於 09-2-17 14:27 發表
收左阿b既學校係屯門佳寶
佢間學校應該無i位....
不過我面試時亦已經清楚交代晒阿仔既發展問題

其實我唔會考慮i位...
因為我依家返緊政府資助既訓練中心
每星期都有治療c見佢一次,
另外再每個月都會獨立再見言語治 ...

kennistong

原帖由 weiwai 於 09-2-17 23:25 發表
我62,99都好多難聽說話，又辱我
但冇野可以阻止我去幫我個女的
一定要堅持帶小朋友去做訓練呀

weiwai
how are u??

valmom

dear all
S位唔係話你一排就即刻9月入學, 所以屋企人接受如否, 其實點解都唔幫個小朋友排左先呢? 到時真係收到電話, 再睇情況喇...
我個女就醫生一開始做評估已經排除左去i位既建議. 佢地一開始就建議阿女讀s位. 係好難受, 尤其睇下個名叫特殊幼兒中心. 坦白講, 我都問左自己好多次係咪真係冇其他選擇. 我擔心既係小朋友第日大個, 讀小學, 同學仔問佢讀邊間幼稚園.. 佢答左人地, 咁佢會唔會因為咁俾人笑? 但理性地睇, 小朋友如果真係被轉介得去S位, 即係佢真係好需要個度既一D特別訓練同環境. 如果係佢6歲前呢個黃金期唔幫佢訓練多D, 唔好話要追番大隊, 將來照顧自己都可能係一個問題. 諗長遠D既話, 我寧願面對呢D相對無咁影響大既奇異目光.
係我依家既處境, 我不知幾想快D排到S位, 否則, 到阿女真係識行 (阿女已經26個月), 我就要幫佢係屋企附近搵間容忍度高D既幼稚園讀住先... 但係, 咁就會少左好多訓練時間...  

可能我好彩, 阿女既情況其實比好多小朋友都唔好. 不過, 同佢做訓練既, 無論政府既, 私家既, 定係協康會既therapists都好好, 好有心, 亦好錫阿女. 我老公亦都算係好快接受個現實.

當初我個女6個月大既時候, 健康院同我地講阿女發展慢左D, 我地都以為係正常, 個個小朋友發展都唔同. 不過, 依家有時都會有少少怪自己當初唔早D發現早D開始同佢做training... 所以黃金期係非常重要, 一分一秒都要爭取到底.... 淨等唔一定幫到小朋友...

kennistong,
乜可以扣咁多稅架咩??? 真係唔知添.. 我地舊年4月尾開始有傷殘津貼喇...

我都好想要多一個小朋友, 不過, 阿女既情況, 再要多一個, 我奶奶唔知搞唔搞得掂... 而且.. 點都有少少陰影... 好驚第二個又係咁, 我唔係真係tough得咁緊要可以咁撐落去.. 不過, 我估我同老公都會生多一個, 但係可能唔係呢一兩年既事... 本來都好想細個個同阿女近D年齡, 不過, 諗深一層, 阿女已經俾人慢左成年多D, 生多一個, 如果無事, 會唔會細個個進度爬左佢頭, 對大個個既心理影響會點呢?... 可能係我諗得多左.. 係呢方面, 我同老公想要多個之餘都有好多野考慮緊...

kennistong

原帖由 weiwai 於 09-2-17 23:21 發表
我都報左4月的my first step
你讀完記得上來分享下

4月?? 你係邊個center??

weiwai

好似係太子大坑東，好似得個到才有my first step上
同陳姑娘報的

原帖由 kennistong 於 09-2-18 00:03 發表


4月?? 你係邊個center??

[ 本帖最後由 weiwai 於 09-2-18 00:09 編輯 ]

weiwai

好好，有心

係同呀女做家居訓練做到炆

原帖由 kennistong 於 09-2-17 23:57 發表


weiwai
how are u??

kennistong

原帖由 weiwai 於 09-2-18 00:05 發表
好似係太子大坑東，好似得個到才有my first step上
同陳姑娘報的

weiwai
你會唔會攪錯了,太子同大坑東係唔同地方, 而且, my first step 係由2月至5月尾wor, 你check check 呀!! 我怕係miss 左D 堂!

weiwai

咁6月了, 總知唔米2月呢次
唔記得太子定大坑東，陳姑娘話只有佢個度才有my first step
當陳姑娘話2月冇位叫我排下期個時，我都冇心机聽了，淨知道留左下期位

原帖由 kennistong 於 09-2-18 00:14 發表


weiwai
你會唔會攪錯了,太子同大坑東係唔同地方, 而且, my first step 係由2月至5月尾wor, 你check check 呀!! 我怕係miss 左D 堂!

kennistong

valmom

I totally agreed with you, 當初醫生叫我地排I位, 我地都接受唔到, 更何況你既係S位. 不過, 係為左小朋友同埋唔想拖, 我地都係排左先, 等到時再想想! 真係唔係你想要就立即有. 我都擔心其他人既目光, 就好似依家有朋友問我, 小朋友讀邊間學校, 我答左之后, 佢地會好奇怪問我, 點解要呢間, 如果係好friend 既朋友, 我會直接講, 如果唔係, 我就會話”平+好”, 有d人會覺得我好cheap, 慳係小朋友既education 上, 不過, 人地點諗我唔理得太多, 我會問自己, 自已都係街坊學校出來的, 都唔會冇野做呀, 假假地都係半個專業人士(自己認為 only, 千其唔好笑我)!!!  另一方面, 好似你所講, “唔好話要追番大隊, 將來照顧自己都可能係一個問題”. 要train 唔係唔得, 不過, 會好難law.

你依家選那一間的S位, 最好打電話去問下佢地有冇位, 我之前只係要location, 所以就好快有位, 另外, 你有冇排協康既私人S位, 可以一路等既時候, 囡囡都可以有training! 如果依家呢個情況, 我會建議你係未有政府S位的時候, 去私人的S位, 協康同樂天都有, 你都知拉, 小朋友係導師面前既performance 係好過係屋企做既, 如果佢日日都係甘做, 一定好快有進步, 而且可以停左D 私人training 比佢. Or如果真係唔想, 你搵下屋企附近有冇d 幼稚園本身係有I 位既, 我估佢地既接受情度會高d, 好似我囝囝依家的學校, 佢地本身都有d小朋友排緊i位, 仲係排返呢間既, 佢地由於唔係i位既學生, 佢地理應係唔會有訓練, 但兼收老師都好好, 佢地如果有時間多, 佢地都會同呢d小朋友做下, 兼收老師話唔想浪費左佢地既時間, 唔想”晒” 左佢地.
我自已因為有幫囝囝安排幼潛既playgroup, 八個月已經返playgroup, 一路都見佢同大隊有小小跟唔上, 一直都覺得係小朋友發展都唔同, 有快有慢, 直至16個月見佢都未識行, 即刻去搵人做評估.

subject to 你本身要交幾多稅, 如果你既收入已經去到要交最高果個rate, 咁你就可以扣多d.  最高個rate 係17%. 舊年4月尾開始有傷殘津貼, 即表示你於08/09 呢個期度已經可以有多50,000扣. 你有冇申報暫緩預緻08/09 既稅, 如果冇, 你就要快d 去申請, 你可能趕得切唔洗交預繳, 如果趕唔到, 佢地之后都會快d refund 返比你.  呢d係我地既福利, 唔好益政府呀.


陰影+對囝囝既影響, 呢個都係我地擔心, 也是遲遲都唔行動既原因, 想再諗諗先.

一起努力吧!!

siukei17

其實,我小朋友睇落去係完全無問題...
行得走得食得,仲識鬧人,心情好時又會同其他小朋友分享野食
佢既問題係佢死都唔肯講野,一味講bb話....
話佢認知唔得...我其實抱住懷疑態度...
因為佢生活上既野佢已經好識照顧自己...
佢自己會去倒水落杯度飲,依家3歲已經唔駛用片,就算佢急都唔會話我知,自己閂埋門去.....
食飯啦,又會企向廚房門口1幫我手拎碗放向台度,食完又會自己岆返隻碗去洗碗盆......
訓覺之前又會自己熄電視熄燈上床琴被訓....
基本上佢生活上既野完全自動波...
但上堂時佢唔肯做就唔肯做....
就算向屋企識做既野,佢都唔肯做.....
向佢既世界係無指令喱樣野
有時我向屋企要佢拎一樣野比我,我要花時間同佢講數.....
就好似我叫佢幫我拎隻杯比我,我就要用佢鍾意架車同佢講數,一手交一手先拎比我= =

但佢講野真係唔得.......
就算上言語治療c既堂,其實都做唔到d咩,
因為上左4-5次堂,治療c都只係叫我不停咁向佢身邊講野,
引佢望住我個咀...阿仔係唔會理我架= =
但向屋企時你叫佢,佢又會應你"係".......
有時你問佢d野,佢又識答你"無所謂"...
但你再叫佢講多次,佢又同你講bb話.....

就算去到同其他已經識講野既小朋友玩,佢都係講bb話,仲會令其他小朋友都無意中會跟佢講bb話= =

但我就會唸,係咪因為咁樣,所以就有需要讀s位呢?

喱個亦係我2公婆最大既疑問......

我成日都問我老公...如果佢向屋企識既野
又或者我地知佢識既野,但佢向中心唔做,or向評估既過程入面唔做,就等於阿b有問題呢?

就等於之前有個媽媽既爸爸話,係咪所有小朋友發展都要以同一準則呢?

我唔知我自己個小朋友同依家排緊s位既小朋友一唔一樣,但我自己又覺得佢又乎去到要讀s位.......
再加埋治療c一句,返學時有機會會改善到...
所以我先心大心細.....
排就一定排左先,我只係向度唸緊,點樣比半年時間佢返正規學校再決定.......又比唔比我咁樣做呢?
因為我聽講s位都幾緊湊下......
其實我係想等佢9月至12月喱段時間返正規學校,睇下佢行為同聽指令方面會唔會改善到...如果係no既,再1月(下學期)時再入返s位.....唔知咁樣得唔得呢?政府會唔會比我咁樣安排?

siukei17

hi
其實我想問問,有無邊dplaygroup係啱我地喱d發展遲緩既小朋友玩既呢?
我想搵好耐,但我又怕佢返到去唔坐定定反而影響到其他人.......

原帖由 kennistong 於 09-2-18 10:04 發表
valmom

I totally agreed with you, 當初醫生叫我地排I位, 我地都接受唔到, 更何況你既係S位. 不過, 係為左小朋友同埋唔想拖, 我地都係排左先, 等到時再想想! 真係唔係你想要就立即有. 我都擔心其他人既目光, 就好 ...

kennistong

siukei17

你小朋友依家返左學未先?? 因為2歲已經可以返幼兒班, 如果你相信返學時有機會會改善, 點解唔比佢返幼兒班先??如果你依家去搵, 3月入學, 有成6個月去決定, 又可以真係知道佢係唔係要s位. 幼兒班返學都好多野要學, 唔係玩玩下既. 有好多自理既野要做. 你要知道, s位派左比你之后, even 你唔要, 連e位都唔可以再有. 仲有呀, s位唔係你想幾時要都得, 如果政府派左比你,而你果一刻又唔想要住, 佢係唔會理你既, 佢會close 你個 file, 如果你想再要, 要用一個within 半年既medical report  去再排過.
我唔係專業, 我唔識講你個小朋友既情況, 不過, 如果好似你咁講, 真係唔需要s位, 但又咁講拉, 如果你真係去左s位, 佢地都會有專家再評估你小朋友既情況, 如果有好轉, 佢都唔會比你再留係s位. 因為s位好少位, 唔係你想要就有.

kennistong

siukei17

「細說細聽」為就讀於普通幼稚園/幼兒中心並有語言障礙的K1兒童而設的語言訓練小組
「小嘴巴Friend Club」為2歲半至4歲有語言障礙之兒童而設的社交溝通小組

http://www.heephong.org/chi/slp/slp_activity.php?id_postitem=1898

annaanna

hi，你小朋友幾多歲？協康有好多小組適合唔同年齡o既小朋友，平日又有，星期六都有o架﹗

不過我阿仔就夾o係中間，3-4歲冇咩適合o既小組訓練lu~ sad﹗

其實我都有同感，阿仔o係評估果陣做唔到or 唔做o既係咪真係代表唔識？而我地迫小朋友去做，只係為左配合評估中心要求？何必呢？
但係我地始終生活o係一個注重考試o既香港，依家唔配合，大個d 小學、中學、大學都係一樣﹗

原帖由 siukei17 於 09-2-18 14:48 發表
hi
其實我想問問,有無邊dplaygroup係啱我地喱d發展遲緩既小朋友玩既呢?
我想搵好耐,但我又怕佢返到去唔坐定定反而影響到其他人.......

valmom

kennistong,
多謝你既資料. 你絕對係一個專業人士, 唔好咁謙~

我一開始其實就已經係揀地區, 唔係揀學校. 我住青衣既, 青衣係冇咩選擇... 無理由叫一個兩歲既小朋友日日花來回兩小時去返學, 太辛苦. 湊佢返學個個, 即係我奶奶, 仲辛苦.. 所以樂天我都冇考慮. 搬屋亦唔係一個可行既做法. 因為一搬就要兩家一齊搬... (阿女係奶奶湊)

搵i位既可能都係一個出路. 不過一切我都想等阿女最基本識行先. 真係等到頸都長...

siukei,
聽你講, 你小朋友係言語發展遲緩... 有冇嘗試搵唔同既人幫佢做一個評估, 睇下佢係唔識定係唔做. 如果係唔識既, 就係發展遲緩喇, 唔肯聽同唔肯做就可能係第二D問題... 可能處理方法會唔同. 正如kennistong所講, 就算入左咩位都好喇, 係要定期做評估既, 只要評估報告認為小朋友已經ok, 你想讀e/ i/ s位都冇得讀. 真係可以先試一般幼兒班, 同期照排政府個個, 到時9月先再睇喇. 排緊隊既期間, 你報咩其他既學校, 政府係唔理. 唔會因為你已經讀緊一般既學校就唔俾你排. 因為, 好似我個女既例子, 分分鐘4歲都冇, 唔同真係唔俾佢返學咩...

siukei17

其實佢歲半時向政府評估中心做評估已經建議佢返n1
但因為經濟關係我比唔到,就無讀到........
到2歲半去到訓練中心,佢都同我講阿b其實返下n1就應該會改善到...但又係因為經濟關係....我又無讀到.....
我都想比佢讀...但條數左計右計都計唔到......
剩係等訓練中心有位個成年時間已經浪費左....
又無錢同佢向出面做評估..........
唉.....

個時我既能力只係可以比佢返下playgroup..
但我又怕佢影響到其他人.....又唔知去邊度搵啱佢既playgroup玩....因為其實佢真係會影響到其他人....
佢一唔鍾意就行開,唔彩人...你叫佢佢就發脾氣....
細個時仲會郁手打人(依家就唔會啦...)

所以其實我好想再安排佢見下e生,
第一睇下佢係咪真係有需要s位;第2係想再睇下政府除左訓練中心仲有咩野可以幫下我....

但係如果咁講,即係我排左s位,但我最後決定唔要s位,咁就連依家個e位都無埋????

仲有就係...其實依家個個星期都見佢一次個姑娘都話...其實有d野佢係識,有d野佢係識講,但係就唔做比你睇....有時仲會整估個姑娘架......

kennistong,唔該晒你既資料,等我同老公傾下睇下比唔比阿仔返下先,但係我住屯門..係咪得太子先會開喱d班既呢?同埋佢個表格係2月開堂,佢係咪持續都有類似既堂既呢?仲有如果佢知我依家已經有e位又會唔會唔收我既呢?
其實阿仔返左幾次訓練中心既小組已經好左少少,最少會坐到3分鍾...= =同埋開始會跟下大隊玩下,佢鍾意既野仲會教埋人地玩......所以我覺得佢返d有專業人士跟既playgroup都應該有幫助......

siukei17

阿b剛剛足3歲啦
我聽日打去問下屯門個間有無類似既playgroup...
如果出太子,車程都成個鍾,我怕阿仔會累

我曾經我好sad,因為次次見到做評估時阿仔又一個"X"....
我成日覺得評估就好似去會考咁....
貼題LOR....睇下個治療C要佢做邊個TEST......
曾經有一排我逼得阿仔好緊,佢一訓醒就足佢做個D訓練...又成日捉住聽我講野.....
個排真係覺得好唔開心...點解要因為一個TEST搞到佢又唔開心我又唔開心...TEST真係代表一切咩?

其實我初初返訓練中心唔係要佢學識講野,而係我想搵一個方法可以同佢溝通到,令佢聽我講下野...因為佢由細到大都唔聽我講野架..我講多2句佢就用BB話鬧我嘈住佢....我係完全唔識點樣去教佢..
講野方面,我覺得急唔黎...喱樣野無得逼.....只可以引佢講....
但點解結果係搞到雙方都唔開心呢?

到依家,我無再逼佢講....反而佢耐唔耐唔UP2句,雖然發音唔正,但我聽得明;有時佢仲會同我一齊喱向被兜入面傾計..當然佢仲係講BB話.....

所以,有時我會覺得幾無助下....治療C上左幾堂都剩係叫我引佢望我個咀...一係係咁向佢身邊講同一樣野....但我跟住做左咁耐...其實真係無咩進步...反而我地日常生活上唔覺得講既野佢就學到.......就好似有人拍門,佢會"係",飲水時會同人講"乾杯",見到D狗會叫BOBY.....喱D之類既野...但教佢講物件名佢就唔識..= =

原帖由 annaanna 於 09-2-18 16:36 發表
hi，你小朋友幾多歲？協康有好多小組適合唔同年齡o既小朋友，平日又有，星期六都有o架﹗

不過我阿仔就夾o係中間，3-4歲冇咩適合o既小組訓練lu~ sad﹗

其實我都有同感，阿仔o係評估果陣做唔到or 唔做o既係咪真係代表唔識？而我地迫小 ...

kennistong

Valmom
S位真係太少, 如果你住青衣, 荃灣都近你, 其實必要時, 請個工人照顧囡囡得ma?? 老人家始終會鍚小朋友, 有時迫佢做訓練的時候, 見佢哭就心軟. 我依家果工人都ok, 佢會幫手訓練, 仲會迫下佢. 我都好安慰, 當然拉, 要有一個好工人一d都唔容易, 我只係覺得, 佢照顧得囝囝好, 煮飯ok, 家務一般我都算.

至於囡囡行既問題, 多d 迫佢行, 做多d 爬行既動作, site up, 要佢”Mou” 低起身”汁” 地下d 野比你, 都可以令佢既盤骨位強d, 我都試過, 唔行你都冇法, 唯有盡力而為.

Suikei17
經濟問題, 我明白, 不過, 你唔好怪我直接, 如果一個月既playgroup $ 已經係幼兒班既一半$, HKD200 一堂既playgroup, 一個月係4堂, 即一個月係HKD800, 如果係咁, 我會建議你搵半日既幼兒班, 有貴有平, 平既都係within HKD1500, 而且經濟真係唔容訐既, 可以去福利署申請學費資助, 分分鐘仲平過上playgroup, 返左學, 一來小朋友可以有多d 人可以接觸, 加強社交, 二來有好多 modeling, 誘發佢講野, 三來, 佢返左學既時間, 你可以抖抖, 冇咁大壓力.
至於你講打人既問題, 小朋友係家長面前同老師面前會係2個人, 而且, 你遲早都要比佢返學.
TEST真係唔代表一切, 個個小朋友都係做果個test, 入面一定有d野係有d 小朋友做到, 有d做唔到, 個個唔一樣, 問題係佢有幾多係做到, 做得好唔好. 做唔到, 唔係叫唔合格, 而係要我地幫佢去追返. 小朋友開始大, 佢地有佢地自己既思想, 如果佢開始同d同age 既小朋友玩, 發現自己做唔到, 又會唔會令佢既自信心有影響.
如果想再上d playgroup, 就去社區中心, 社區中心都有好多playgroup 岩3歲以上既小朋友既, 我之前都有看過, 都數都係要over 3歲才可以參加.
另外, 可以幫佢做多D 口肌既運動. 我前幾日係吉吉島 10 shop 見有d 笛, 我就買左比佢, 等佢用力吹, 訓練口肌.
ST 既training 大至上都係果d, 上多幾次就會follow 到, 唔洗再上, save d $ 買d 玩具比佢做training 仲好. 而且, 你可以多d 去聽st 既講座, 自己學多就可以自己教.

valmom

kennistong,
我其實已經請左工人, 如果唔係, 奶奶唔會有咁多時間日日由朝捉阿女做training做到晚.
奶奶錫住佢呢個我明亦有時會發生, 不過, 由我奶奶做主力帶阿女去做training, 見治療師同上playgroup開始, 所有專業人士其實都教緊我奶奶點去幫阿女. 其他人既緊張, 加上奶奶見到其他同齡既小朋友, 佢由初初覺得冇問題到依家佢都好緊張阿女要做足D training. 不過, 好多時, 時間所限, 唔一定所有training都可以日日做一次. 5個唔同既治療師俾5 sets活動, 有時都真係好吃力. 工人姐姐係阿女出世之前已經請左返黎. 依家有時佢除左做家務, 都會幫手訓練阿女.

自己試過請大假自己湊番阿女, 等奶奶可以去休息一下, 我真係忙到踢晒腳. 有時顧得佢起居, training又做少左..

主要因為阿女既問題唔止未識行同唔識講野... 佢雙手係比一般小朋友細好多. 好多野佢係hold唔晒, 要兩隻手先拎到D野. 而佢D手既大肌肉都唔算好, 小肌肉更加.. 佢係1歲之前都好少拎野係手玩, 唔會伸手拎野... 所以係訓練方面, 幾位治療師加我地8個大人(我媽媽, 奶奶老爺, 我同老公, 工人姐姐同我姑仔同佢老公) 真係用盡方法去令佢有今日既進步.. 最慘係佢唔可以逼... 一push佢多D, 佢就後退. 怕左.. 到時仲弊. 呢點幾個治療師亦都提過我地. 所以好似學行咁. 逼都唔可以逼得太緊要. 有時佢唔肯行, 爬去某D我想佢去既地方, 我都接受. 對住阿女, 真係都要好有耐性..

所以, 好多時, 其他朋友提議既方法唔係我唔想試, 怕阿女整親, 係有時試左唔work, 有時太激進既唔敢試...

slh

原帖由 valmom 於 09-2-19 23:24 發表
kennistong,
我其實已經請左工人, 如果唔係, 奶奶唔會有咁多時間日日由朝捉阿女做training做到晚.
奶奶錫住佢呢個我明亦有時會發生, 不過, 由我奶奶做主力帶阿女去做training, 見治療師同上playgroup開始, 所有專業 ...

valmon,

totally agreed.... 我個女過多三日都２６個月，　仍然係未識行同爬？　佢淨係會用個pat pat郁　（可向前／後移動，　不過好慢）　有時迫佢重發脾氣tim....不過老師話係學校係好d, 因為佢知道哭同發脾氣都要做，　所以冇哭～

你不如試吓比佢返樂天或協康會（私家），　等人幫吓手啦啦！