迦南K1會

BNTYA01

Susanna,

印傭，暫時都ok！

自己阿爸阿媽揍噃放心好多。有冇唸住追多个？

aquarius828

Annie:
你請到好嘅, 真係好彩, 我請過兩個都唔掂, 一個印(做咗都有一年), 一個菲(做咗個半月), 換嚟晚晚鬧交, 真係一個"唉"字, 至幣賠錢至"肉尺"。
生第二個? 暫時唔諗住啦......
其實爸爸媽媽揍更係放心啦, 不過佢哋會辛苦d囉, 如果請個工人係好嘅, 可以幫輕吓嘛。

pmjleung

ANNIE,

我果d全部未磨呀,不過磨都好快,係唔知一両係大約幾多??我今日會試,其實尋日我磨左放左好少落d粥到一齊煲俾僖仔食~
總之唔該你啦~
今朝唔見冬冬返學既?

BNTYA01

joyce,

唔見冬冬返學？逃學？
因今日有个工人放假，佢哋放假嗰日帶返學，一定会早啲，趕住去街囉！人之常情！

不過，謙謙今日好似冇返學噃？咳呀！
我个細女都作感冒，如果未好噃，7號都未必到你家，最遲6號下午係bk覆實你啦！

TIFFANYC

annie, joyce :

多謝你哋關心,屋企事差不多攪好.

謙謙今日無返學,昨日已經睇咗醫生,醫生話佢係"初起感冒"好彩無發燒,休息吓無事 .不過,佢晚夜訓得好差,整晚不停"咳".晨早六點幾"咳"度坐起身,見佢咁辛苦咪同佢拍痰和比d水佢飲,點知佢訓返上床一陣,作嘔...嘔度頸.起工眈頭.床.都係....."痰",唉.........   , 我是否做錯咗呢,攪度個仔嘔  

TIFFANYC

joyce,

我都係如果謙謙未好噃，7號唔去你屋企啦! 6 號回覆你啦!

BNTYA01

Susanna,

即係你宜家冇請工人？点解咁激？晚晚都閙交？鬧交即係双方噃，工人都出声鬧(駁咀)，佢未c過？你唔滿意佢咩？

我初初請第一个時，對佢哋要求好高，要快、乾凈(抹完後一條頭髮、一粒塵都不可有)、煮飯、洗衫、揍仔，但之後我降低對佢哋要求，所謂不強求就冇失望，不過不失就算了。

aquarius828

Hi Annie,

回想第一個[印](比起第二個)其實都ok架, 不過, 有d改變唔到嘅事實, 佢個身同口都常常有(臭)味(幾人身攻擊吓), 洗嘢沖幾沖(依樣嘢話完佢都有改善), 至弊後來佢又問我借錢(成日話屋企有事, 唔夠錢喎), 成日駁我媽咪咀(不過佢唔夠膽駁我), 樣樣加加埋埋, 攪到我 哂, 咪炒咗佢囉。
第二個[菲]仲弊, 原來抱仔仔都唔夠力, 幾件衫洗成兩個鐘, 幾隻碗又係, 成日咋咋第"里埋", 同唔請無分別, 係我爹地叫我炒嘅, 佢話佢揍好過啦。
所以而家無請啦, 我爹地媽咪揍番囉, 由於仔仔比較百厭, 講又唔聽人講, 走嚟走去, 攪到佢哋幾辛苦(追仔仔 )不過, 佢哋又寵到仔仔不得了。

BNTYA01

謙媽：

謙謙都係咳到嘔啫，不關你比水佢飲到嘔，雖然搞到好喱hair，仲好啦，嘔哂啲啖，清一清，好快好返。

我个細女下午開始發燒，好彩我今日放假咋，咪就冇人知佢發燒，把声又沙哂，真係心痛！見咁，細女同大女分房瞓。
依家啲天氣真係玩C人。

TIFFANYC

annie,

或許你說得對,謙謙嘔完d痰真係好d,無之前咳得咁辛苦.可能真是錯有錯好
今日細女好返d嗎?你今晚要返工,得工人睇女...你放心嗎    

kellyly

hi hi咁多位,我聽你地講d小朋友咳得好辛苦ar.
試下燉花膠鮮奶比佢地食ar,好掂ka.
我仔之前咳左好耐(2個月),仲成日食藥(中,西都食過)
我又煲湯(所有有得止咳既我都煲)
但都唔得.
有日我媽燉左花膠鮮奶比呀仔飲,嗰晚已無咩咳,咁我再燉多2次比呀仔飲.
之後都無咳la.
試下la,d小朋友咳真係好辛苦ka.
花膠(大約一隻半手指份量,佢鐘意食就多d都得)切細粒,燉得快d
鮮奶(十字牌,原味,我媽話佢試過咁多隻最好味呢隻)
花膠就咁洗洗就同d鮮奶一齊燉2小時.就得la
我自己就會燉到個半鐘時攞d膠出黎啄碎晒,就再燉埋嗰半個鐘,因我仔唔鐘意食,所以要咁整.
{{但記得一定要食埋d膠至有效}}

pmjleung

annie,christina,

大家小朋友都病緊,不如我地再約啦,7號cancel喇,如果唔係傳黎傳去好煩.....

pmjleung

kellyly,

燉花膠鮮奶呀,好正喎,我坐月時陪月都燉過我飲....咁等我都試下先
好耐都唔見你上黎既?

kellyly

pmjleung

       我懶呀         
ai........好悶呀,今日成日屋企都未出過門口tim

BNTYA01

joyce,

好啦，下次再約過啦，我就一於7號嗰日燉花膠鮮奶啦，正呀！分分鐘我忍唔住1个人飲哂，

BNTYA01

kellyly,

多謝你的提意，我一定会試，等住我向你報好消息啦！

之前你个仔咳咗2个月，係咪医生有話佢氣管敏感？駛唔駛食氣管藥？我个女由過年咳到宜家，每逢天氣轉就咳多些，但喉龍冇發炎，佢咳一定唔係細菌、病毒所致，氣管受到刺激，我已移走啲公仔，勤換床單，但耐唔耐又有幾声咳。

BNTYA01

謙媽：

我今日返P(下午班)，我媽嚟囉，通常我返P和A/N & SLEEPING DAY，我媽都会嚟幫手睇細路；我老公今日仲同佢爸媽返鄉下拜山添；明天我才A/N(早和夜班)，好彩我老公明天返嚟。
細女有微燒，把声依然好性感。

kellyly

BNTYA01

醫生就無講係咪氣管敏感,佢唔想嚇我,因我媽同哥都有哮喘,而媽同62有鼻敏感,所以呀仔有好高機會會有哮喘.
平時去親睇醫生,呀醫生都好少心同我睇呀仔,因我次次都問長問短.
但我就多d睇中醫ka,西醫就少d.

仲有我媽話都燉多d雪蛤糕,佢話對咳都係好好ka.
都可試下
早2日呀仔瞓醒有2聲咳我燉左花膠鮮奶飲,第日就無咳la.

kellyly

都唔知點解,呀仔之前讀bb班(唔係呢間)時都無咩病(成年都係病左10次到)
黎到呢到讀就病左多次la,夾埋都有3個幾月病左.
睇醫生都睇到我怕,好在呀仔而家大個知道點解要食藥,唔會扭,唔係就慘la.

TIFFANYC

joyce:

好啦，下次再約過啦!

annie :
謙謙婆婆係復活節假期返鄉下拜山,燉花膠咁深奧....我唔識啦!