一呂現家長 / potential 家長會

Homama2004

Candy
不過可能都會出現另一個极端, 就係小朋友完成咗阿媽"八級"的心愿, 從此不愿再掂部琴  . 好多悲!! >> 我老公家姐和哥哥兩個囡囡便是這樣,一位現在出來做事,一位讀緊HKU Yr 2,個琴已變成家中傢俬.待他們上到中學, 才會享受到音樂帶來的樂趣
>>我大囡不用上中學,佢現在已是自動自覺練琴/單簧管,係好enjoy那款,我知佢多不會有甚麼成績,只是想佢多個調劑而己,細囡看來都會像佢讀緊HKU的堂家姐

我對羅同學印象不錯. 雖然唔識佢, 但直覺佢同葉同學係唔同類型的人
>>而我就對葉同學印象不錯,很謙厚的一位女孩和她媽媽不同類型.

claudiaho

不過可能都會出現另一個极端, 就係小朋友完成

candytl

homama,

可能你的評語是正确的. 我只是表面印象.

為你大囡enjoy 音樂而    , 享受過程足矣. 她今天是這樣, 他日亦一定是這樣, 為娘的你無憾喇!!

claudiaho,

讓我哋努力, 等我哋嘅小朋友一生享受音樂!!

alicetong

大家好呀？
我開始放大假0拿,呢兩日好忙,自己又去行下街shopping下,又親下子玩下大富翁,已經玩左兩次..好似賭神咁封盤再繼續... ,家陣阿仔經已破左產(大家利是),跟著係daddy..聽朝去睇早場,下午去威記同仔仔覆診,3號就返樟木頭一個星期,預計9號/10號先返.... 我一定會好掛住大家架...)

講開被迫練琴..我仔仔肯定係？學羅SIR話齋..我仔屬於群體型,要佢坐定定練琴係好慘0既一回事？哈哈..相反女女就自覺得多.....我期望佢地大個能夠將音樂成為自己興趣就如願足矣...最緊要係佢自己喜歡0既..??

今朝同小朋友去睇魔怪屋..(都一般啦！)諗住明天出發貴人出門招風雨..如果聽日天氣惡劣可能要壓後睇定d先走到0拿...

candytl

alice,

今日好大風雨, 你係咪今日出門呀, 小心啲喇!
你同homama都好多假, 真係好!
我平時好少攞大假, 啲假都係等兩個女有乜事, 半日半日咁請.
祝你有個愉快的長假!!

Homama2004

Alice,祝你一路順風(今日咁大風一定順風)!我這裡office影印房的抽氣扇都被強風吹脫了,好彩向室內跌,否則就可能會傷到人! 今日大家行街都要小心小心呀!!

Candy,係呀!多假期亦是我仍然返工的原因,我亦多係半日半日咁請.因放完假回來啲嘢又係等你做,放長假返工會做到 ....
這個暑假八月尾便會放兩天,囡囡同學來我家girl's camp,去年聖誕已來過,加上我2個囡共5個女孩子,在安全環境下傾&玩通宵都幾好呀!
在書局看個肥媽一本烹飪書除教煮餸外,還教啲媽咪可以藉食物認識仔囡的同學,佢哋傾project等等便叫佢哋回家攪大食會,總好過佢哋在外面溜連.又話媽媽應在弄完食物,傾兩句便要"閃"進自己房間,讓他們在廳玩.那大家都放心喎!我覺得都幾好"橋",我想不懂弄食物亦可以代他們叫pizza/炸雞,所費無幾    我的囡囡步入青春期,真要多多溝通!

claudiaho

Candy
我都同你一樣, 無必要都唔會

candytl

homama,

你真係個好有心思&用心的媽咪, 做你個囡好幸福.
3個同學仔住係你屋企, 咪好熱鬧囉! 加埋你6個女人, 兩個虛渦, 你老公頂得順冇.

講開青春期, 你feel到阿女有未, 佢有冇忠意睇言情小說, 電影或電視, 講到男同學時有冇不好意思, 忠唔忠意照鏡扮靚咁? 你接受到阿女F5拍拖嗎?
哈哈, 我突然好有興趣講黎個話題.
題外話 : 你屋企好大呀!

candytl

claudiaho,

係呀, 我每次請假都係為兩個女的. 好在我上司也是兩個孩子的媽媽, 佢都會體量我.
我女有参加陶藝班, 仲喜歡到不得了, 但佢又話新學期想玩體操, 我話兩樣只可選其一, 不知佢到時會捨棄邊樣. 我之前有諗過參加暑期"科學探索"班架, 后來因接送問題放棄咗, 可能這類班男仔會感興趣多啲.

Homama2004

Candy & claudiaho,
聽你哋講到陶藝班咁好玩,都有心思思,但沒有時間呀!明年兩名都係輪住呈分試.想起都想 下學期考試放假去接放時,啲媽咪都話想起我明年的慘況,便"鄧"我

Candy,

講開青春期, 你feel到阿女有未>>第二性徵都有啦!上星期六才帶佢去"心心"買了Bar...連妹妹都有啲嘢睇了...

佢有冇忠意睇言情小說>>佢好有興趣看我啲"亦舒"小說,但我會有選擇性比佢看.妹妹仍比較喜歡看她的福爾摩斯

講到男同學時有冇不好意思>>不喜歡爹哋拖住佢,爹哋都有點失落的.

忠唔忠意照鏡扮靚咁?>>會介意自己皮膚不靚,有少許痘痘

你接受到阿女F5拍拖嗎>>可以不接受嗎??我有小學同學現在中學做訓導主任,佢話在老師家長知道之下拍拖,可以協助佢哋從正途發展,如轉了地下發展便要到(通俗啲講句)有"大大鑊"事情發生(如懷孕,自殺等等)才會知道,所以你越反對,佢哋會越反叛變"地下"....所以我一早有心理準備.

題外話 : 你屋企好大呀!>>不是太大而己,佢哋係齊齊睡地下而己,難得佢哋啲媽咪又不介意.

老公都慣了成屋女人,佢會入房繼續佢的電腦工作   

candytl

homama,

我也鄧你緊張呀!
不過你已決定大女讀直資, 又少咗一重壓力, 起碼第三次呈分可以輕松面對. 細囡都好穩定架喇, 相信不會有太大"驚嚇"刺激你.

坦白講, 如果我女讀中學時要拍拖, 我要睇吓拍過個男仔係點, 讀書拍拖唔多唔少會影響學業, 無心向學過啲男仔我真係接受唔到架, 最理想係我女肯同我講佢嘅感受, 我又可俾啲意見佢咁就最好啦.
哈哈, 講到尾, 我都係唔想阿女中學拍拖, 偷偷暗戀好喇

Homama2004

早晨!

不知樟木頭昨天會不會像香港這般大風大雨呢??希望Alice旅程順順利利

昨天天文台不掛八號風球真係不對呀!!我昨天放工時那些強列陣風真係連我咁大隻都可以吹得起,聽今早收音機,那些在貨櫃場工作的要在八號風球才可以停工,而天文台的解釋又真係牽強,用70年代的標準??!?! 嘩!!真是匪夷所思!!

各位這幾天出街真真要小心看上面!!candy & 你囡囡咁嬌小玲瓏更要小心啲呀!!

昨夜新聞見那些工人將那些連根倒塌的大樹,用電剧立刻切件搬走,我老公話如在外國便會整棟樹搬走再種,香港的官一點也不愛惜...到我們後兩三代,地球都不知會變成掂....

candytl

Homama,

多謝你關心!
原本今日我女要返學校上體操堂, 潯晚我同佢阿爹一致决定今日暫停唔返, 又風又雨, 工人姐姐凑住妹妹接送好危險, 結果又令到佢唔開心.
頭先仲使個妹打電話黎, 話家姐好想返, 想考銅章渦.  

天文臺成日俾人投訴

Homama2004

Candy
比我係你我都會咁決定.你那處隔離學校話近唔近,現在係無雨,但間中陣風都幾大,都係留在家中好,免有高空墮物整親...

頭先仲使個妹打電話黎, 話家姐好想返, 想考銅章渦.
>>咁叻女.咁細個已識"使"人出口...    真醒目!!第日出來做事一定不會被人"蝦"囉...

忘了話你們聽一件趣事,昨晚兩個囡囡拿番上星期六去聽Wacoal少女內衣講座的手冊出來看,看到話最大的cup是"I" 咁阿妹就用兩隻手放在胸前扮I cup行來行去,還要很扮到很有負擔咁,我同家姐笑出眼淚...    但老公一行出廳,妹妹就立刻收工,話這些男人不宜喎! 你話佢哋個腦仔幾古靈精怪.....   

Homama2004

昨天和囡囡們逛旺角花墟&金魚街,老公話不如去埋萬邦看有沒有賣未買到的學校用書,只買到10本左右,那些新版就仍未有貨. 另外買了以下兩本英文Composition And Oral 及一本6年級的英文數,全是星加坡出版社出的.以下兩本英文對writing很有幫忙,可以提供很多意念,啲囡囡昨晚就當故事書咁看,但我今次要佢哋精讀,3&4年級那本都有很多生字佢都未用過…..

http://www.wellingtonbooks.com/assessment.htm

P 3 & 4 Composition And Oral (Picture Conversations)
Primary 5 & 6 Composition And Oral (Picture Conversations)

你們可以留意下...

candytl

Homama,

你行花墟買咗乜花啊? 我係相中見係屋企個陽臺啲花好靚.
“咁阿妹就用兩隻手放在胸前扮I cup行來行去,還要很扮到很有負擔咁”-------哈哈, 妹妹真搞笑.  話是話, 有時係街上見到啲身材勁”好”嘅女人, 我暗地裡鄧佢地辛苦架, 好重負荷架嘛.

“P 3 & 4 Composition And Oral (Picture Conversations)
Primary 5 & 6 Composition And Oral (Picture Conversations)”

多謝你推介.
請問黎兩本書係咪萬邦先有? 唔知其他書局有冇呢?

上星期六上完堂, 我決定俾阿囡参加通利個比賽喇. 潯晚同佢操翻兩首歌, 彈到”凹凹咳咳”, 好似新學一樣.  

claudiaho

Homama

點降你同D囡囡去到邊都有好書介紹? 真係服

Homama2004

早晨! Alice歸隊味呢???真係掛住佢

Candy
你行花墟買咗乜花啊? 我係相中見係屋企個陽臺啲花好靚.
> 無買花呀! 齋看. 露台那些是假繡球花來,都放了年多.經上星期三號風球的摧殘後,到農曆新年便要換.

請問黎兩本書係咪萬邦先有? 唔知其他書局有冇呢?
> 應該其他書局都有.其實那天係去買教科書,但那裡有埋其他故事書賣,啲女一定”借啲意”打書釘,我和老公便左看看右看看,看到其中一排矮書架都係賣星加坡出版社出的習作便翻開來看看,又發現”新大陸”及”出血 ” …都係得九折…$45/本

Claudiaho話
你囡囡咁醒, 好快就pick up 番ga啦, no worry, 你要對佢有信心ma.
> Homama 舉手舉腳同意….我們一眾姨姨等佢拿獎呀….     

Claudiaho
你都係”惜花人”,我都沒時間打理啲泥種植物,一來怕蚊二來怕蜜蜂.家中便用水種萬年青(廳+主人房+洗手間),打理很方便,一星期換一次水加一次液肥(一城有售$10一瓶,可用一年),現在晚上多開冷氣可以補補濕氣哇! 都種了很耐,真的很方便.而囡囡書枱便用水種了四枝富貴竹+掛了兩枝毛筆,婆婆話係催旺”文昌”喎!見不是太礙眼便順下佢意.其實心理多於實際

話時話, 音統署有消息嗎, 幾時知呀?
>未有消息,應這個星期收信. 我上星期打過電話去問.但話啲樂團經理入晒camp,無人答到喎! 唯有等. 中級班那些便已收到信. 希望成功入團啦!! 一有消息便上來話你們知.

candytl

多謝Claudiaho, homama兩位姨姨鼓勵!!

我係抱住俾阿女吸收經驗參加的, 其他的真係不敢幻想呀! 是但一個係演藝讀的學生參賽, 我哋已”靠邊站”的啊!

係囉, alice, 悠悠長假, 樂而往返, 有空同我哋報吓有乜趣事丫!!

Claudiaho,

我屋企窗臺原本有四盆花, 全部係學校攞翻黎的花苗種的, 經工人姐姐打理后, 曾經開得好燦爛架, 但宜加得翻一盆冇葉的秋海堂, 其余的死晒.
我揾日都要行吓花墟買翻啲黎種.
薑花都係我嘅至愛, 又平又香, 我每次返我媽咪處(佢住深水埗)都會買, $10有4枝, 又平又香, 插到3-4日, 學你話齋, 真係”花香滿室”架!

Homama2004

Candy
是但一個係演藝讀的學生參賽, 我哋已”靠邊站”的啊!
> 以前我一向以為演藝讀的學生好厲害,但上次妹妹校際三級小提琴比賽,啲家長話我聽那幾個是係演藝讀的學生,我期望他們會有很超水準的演出,但出來的成績比/和我囡囡還差/一樣喎! 所以會不會名過於實呢???

全部係學校攞翻黎的花苗種的
>囡囡買回來的兩盆,都盛放過一段日子,但過了花期後便死晒.

今天下午放假同囡囡去做健康檢查,看來佢哋一定超重囉....    昨天小提琴哥哥來話妹妹"大隻"咗,問佢係唔係成日游水. 家姐已經穿緊我雙新買回來的波鞋,因她那雙已不適合穿.看來已到我要"執"佢哋二手物件的日子了...快高長大...