溜冰

choleliu

哈哈，傑出學生最基本守則係一定要楝個教練乜都會去參加。

佢地計分ga，ISI ASIA一定要參加，呢個係最高分，拎既獎項名次、項目多少，其次係香港比賽、深圳呀 ...等等...仲有要表演，乜都要參與，乜都計分ga﹗計到出黎邊個最高分就有呢個唔使錢既溜冰獎﹗

我返工時間上網係主力，工作係其次﹗

原帖由 do-re-me 於 11-1-25 21:24 發表
Chole媽媽,
一年唔洗交學費?點先可以做傑出學生?點先算合資格?等我push下我女先.如果有希望,我拿拿聲過來又一城學.

Smile,
我覺得打電話去問都唔會煩倒教練,又或者send個短信去問都得.原來你學咁夜,第2朝返學怕唔怕 ...

[ 本帖最後由 choleliu 於 11-1-26 14:14 編輯 ]

Smiile

誤會呀誤會呀 ! 個教練好好交帶，只係我個女知教練忙，驚教練唔得閒上堂，我才問定JA。其實佢教左呀女差不多半年，除了一次外，都未請過假(touchwood)，所以佢真係一個好有交帶的教練

Smiile

chole媽媽我和你一樣，最近工作是主力上網

你女女真係好有毅力，成名指日可待，飲杯先

do-re-me

Smile,
你笑我'姑寒'(我唔介意)?係呀,要時時提醒自己節儉d,留番d錢等機會來到的時候用.例如好似chole媽媽,囡囡有潛能就請個好教練.錢可以洗,但要洗得有價值.

Chole媽媽,
唔怪得知你參加4,5組比賽,原來想慳錢就要捨得比報名費先,仲要加埋好成績,條路太長,烏烏烏
我明天(星期四)來又一城探你班,大約8點

測完驗比較得閒,今日同阿女去練習,放學(3:30)去搭車,換衫,去到冰場原來洗地,食一個下午茶,周圍行左一陣,又話要去書局行個round,練習,搭車返屋企.已經8:30點!仲未食晚飯同做功課!其實只係練得2個鐘多d,時間話咁快就過,好似無練過d乜.唉.聽日打算去又一城,因為阿女話想去page one.我諗佢又會係page one 'more' 1,2個鐘,最後又係唔知練左d乜.

其實學琴唔難,咁多種課外活動之中最容易係佢,我細個係學琴的所以我知.只要肯比心機睇譜就好容易彈到八級合格.八級以上的歌先至媽仔細講求感覺,風格等等.我學過小提琴,淨係揸好個琴已經好難.不過彈琴無得參加樂團,所以無論你彈得幾好都係自巳一個,好悶.所以我又走去學埋小提琴諗住參加樂團有得過群體生活,不過肩好痛,最後放棄左.

至於畫畫,我唔想再比阿女參加亂咁畫+是旦畫果d畫班.我想找間有系統,學倒技巧的認真學.如有,請通知我.

Smiile

DoReMi媽媽 : 唔好多心，我唔係笑你姑寒呀 ! 我都係好努力慳錢比呀女，就連今年金莎幾錢粒我都要格一格價呀，好貴ma ! 做了呀媽就會自然咁慳，因為都好想買多d教材、圖書比女女，又想比佢學多d活動，所以唔好多心呀 ! 我只係覺得你說了父母的心聲jar !

我贊成你說如果有好教練，真係洗錢都無問題，因為要洗得有價值ma

Smiile

do-re-me :
認同，我都學過小提琴，後來放棄了，因為個琴拎得好辛苦，而且我拉極都拉不準個音，後來唔學 ... 這個命運在我女身上重演一次 (她放棄過一次再學、又再放棄...我話 : 個琴好平-幾百蚊，唔好勉強，totally give up)

你又真係講得對，學畫畫千祈唔好學壞師，我女早幾年在一間 "名校"學，點知原來幅幅都係copy畫，佢又真係可以copy到，但自己創作唔到畫唔到，因為老師不准，連顏色都抄足 ! 咁跟另一個老師後，基本上重頭來過，不過上色的技巧就好好law !

alljodesign

早知有咁得意既比賽就同埋阿女去睇啦~

原帖由 do-re-me 於 11-1-25 21:24 發表
上星期六晚有比賽,我地無參加但有去睇.今次係不論幾多級都要花式+扮野,2級以上果d學生扮得好好笑.有人扮michael Jackson,在冰面上moon walk,有人扮八爪魚paul,有人扮女剎手,李小龍,貓王,啦啦隊,兔女郎,性感pop star,倒垃圾阿嬸,詠春拳,連angry bird都有.所有觀眾都好投入,跟著音樂'un',好似去左disco.我女都玩得好興奮.最大收獲係買左一個溜冰鞋形銀頸鍊吊咀,好靚,$40炸.
...

alljodesign

雖然我唔係成日係呢度留言 (可能因為阿女仲好初級, 又未要考試, 又唔洗比賽, 可能仲有好長日子先去到 DELTA, 因為佢實在太細膽, 好怕跌), 不過齋睇你地D留言已經好開心, 知道多D學溜冰既野.

Smiile

我個女都係初級，暑假開始學，去到9月10月又時常要請假(那段時間轉天氣時常咳和發燒)，到了11月才正常。上個星期沒有上課，因為教練去了旅行和好忙，不過她有去練習，希望她真的喜歡溜冰啦，因為我覺得溜冰其實可以幫到佢release一些fear的情緒。

多謝do-re-me，開了這個topic，讓我們一起交流，一起學習。

alljodesign, 大家互相交流真係一件開心ge事

小豆媽

你地都好丫, 搵到個女的"專長", 就可以"重點陪訓.
我個女呢, 真係性格好hea, 學乜都冇心機, 我都唔知佢有乜長處.
課外活動, 佢樣樣都想學, 不過樣樣都係 $ + 時間呢 !!

choleliu

成名就真係唔會喇，只係希望佢有樣活動玩得好d，我怕將來唔知咩環境，學門手藝，等佢可以開多'飯'﹐多一條出路﹗

原帖由 Smiile 於 11-1-26 22:52 發表
chole媽媽我和你一樣，最近工作是主力上網

你女女真係好有毅力，成名指日可待，飲杯先

choleliu

其實次次報名比賽，教練會幫我地報到盡，計分ga ma...

好呀，今晚見﹗

不過8時至8:30洗地，係就早少少啦，我地上堂8:15﹗

我跟你們一樣，慳慳埋埋比晒亞囡囉﹗

原帖由 do-re-me 於 11-1-27 01:15 發表
Smile,
你笑我'姑寒'(我唔介意)?係呀,要時時提醒自己節儉d,留番d錢等機會來到的時候用.例如好似chole媽媽,囡囡有潛能就請個好教練.錢可以洗,但要洗得有價值.

Chole媽媽,
唔怪得知你參加4,5組比賽,原來想慳錢就要捨 ...

[ 本帖最後由 choleliu 於 11-1-27 16:47 編輯 ]

choleliu

個個小朋友都係初級學起，無緊要，得閒傾兩咀﹗

原帖由 alljodesign 於 11-1-27 14:10 發表
雖然我唔係成日係呢度留言 (可能因為阿女仲好初級, 又未要考試, 又唔洗比賽, 可能仲有好長日子先去到 DELTA, 因為佢實在太細膽, 好怕跌), 不過齋睇你地D留言已經好開心, 知道多D學溜冰既野. ...

choleliu

我囡囡小時候，都係張張都唔'利'，都係hea，大大下你會發覺佢鐘意既活動，其它無關痛癢既活動就會cut、cut、cut﹗

原帖由 小豆媽 於 11-1-27 16:03 發表
你地都好丫, 搵到個女的"專長", 就可以"重點陪訓.
我個女呢, 真係性格好hea, 學乜都冇心機, 我都唔知佢有乜長處.
課外活動, 佢樣樣都想學, 不過樣樣都係 $ + 時間呢 !! ...

Smiile

唔好咁啦 ! 其實你女女重好細個，暫時未定她喜歡的活動，遲些你就會發現佢其實鐘意什麼，到時重點培訓。你女女才小二是嗎? 反而我覺得細個什麼也比佢試，因為去到五年班就可能功課忙，課外活動也要CUT CUT CUT CUT剩某一D你個女就會話比你知喜歡什麼了。不要擔心

現在大家都是"入錢箱"階段，要交學費又要時間精神

Smiile

天下父母的心聲啊 ! 我們都想小朋友將來多一條路YA MA 又想她們多一點競爭力
大家都加油呀 !

Smiile

大家交流一下，都好開心AH

Smiile

今日呀女去練習，我在出面見到個場好多人，但她都夠膽繞大圈以3 TURN行及倒後行，其間好多人在她前面後面走來走去，佢就小心地避開，雖然只是好少事，但對她來說是一個突破

do-re-me

專長唔一定要係課外活動,讀書叻先最緊要!我女讀書好水皮!!!

今日我帶阿女去練習,原來逢星期五晚只開放給學生上堂和練習,好少人呀,又安全,個場洗完地兩個半鐘都仲係玻璃面,我諗緊好唔好轉星期五學.一期學費平$100(我又係度計c9數),但就見唔倒阿女的朋友仔.不過又可以欣賞倒d教練練習...

alljodesign

Smiile, 你囡囡真係好勤力, 我見佢係好認真同不停地練習,練習,練習, 又練習!!!

今日同阿女去上堂, 我都比佢激親, 諗住早1個鐘比佢練下啦, 自己出冰面行一陣就入番嚟坐係我隔離, 叫佢入去再練, 唔洗幾分鐘又再入番嚟, 同我講好悶, d同學咁耐都未到, 叫我打比佢地問幾時到.... 我就話: "如果你悶, 咁即係你唔鍾意溜冰, 咁不如唔好學! 如果真係鍾意溜冰, 自然會好勤力練習, 唔覺得悶!!" 佢之後唔出聲, 等左一陣又出去行

我阿女成日唔練野, 上完堂只會同d 朋友仔行下, 追下... 如果想佢有d 成績, 睇嚟我都要抽多一日只有我同佢兩個去溜冰, 陪佢專心d  練習.

佢由8月尾學到依家, 都係行多過溜, crossover 又唔係咁敢做, 我有時真係想放棄

原帖由 Smiile 於 11-1-28 22:50 發表
今日呀女去練習，我在出面見到個場好多人，但她都夠膽繞大圈以3 TURN行及倒後行，其間好多人在她前面後面走來走去，佢就小心地避開，雖然只是好少事，但對她來說是一個突破 ...