剛開學我已經覺得好忟憎啦！(小一家長加油站)

ckuj

乜原來唔只有D咁o既問題架! 我都好唔適應小一生活, 唔好話我個仔啦! 佢仲講緊唔想返小學, 壓力更加大(我話我)。
我都不知哭過多少次 , 好似精神病咁, 連我老公都話我有問題! 梗係啦! 佢都唔理個仔, 我又要返工, 放工後又要理個仔, 真係好累。

講開D通告, 原來有D家長都有同樣的問題, 真係要大家訴下苦先得囉! 我都認為小學D通告仲差過幼稚園, 以前D通告, 通常下截係回條, 好清楚! 但小學D通告, 有D在附件簽署, 睇都睇到頭痛, 因為要對番邊張回條係邊一張通告, 淨係攪通告都成半個鐘, 真係費時失事, 又驚簽漏喎!

而家課冊都睇到頭痛, 因為多數係簡寫, 都唔明係乜, 要對番張list, 就算上網有家課日誌都睇唔明, 今日我都係打俾個同學
o既媽咪問咋! 真係慘!!!! 我都唔知幾時先習慣呀!

無法啦! 路都要繼續行下去, 希望大家都努力啦! 盡快適應小學生活!

lou

hi 小傑媽媽,

我個仔間學校同你間學校都不相百仲,混亂到不得了,開學到而家,我個仔都唔知做過d乜野,十問十唔知,一係就唔記得,一係就話老師講左好多野 ~~聽唔明喎 !! 其實我都好唔明,一個一年級新生,佢會接收到幾多野呢 ?? 我唔係想話要老師太過照顧d小朋友,但個感覺同一d無咁出名既學校相比真係好天壤之別,係咪真係有名d既學校會無咁理會學生同家長既感受呢 ??同埋d老師既態度都會"囂"既呢 ??我記得迎生日個日,真係苦過dee dee,好似暑假時去迪士尼咁,仲慘過d自由行,完全無老師會主動問你小朋友邊班,要自己搵自己睇,呢頭搵到個仔個班,呢頭又話要跟d老師參觀一個好似地盤咁既學校,仲要大熱天時,行5層樓,校長見到你,招呼都唔打一個,d裝修佬就當你係自由行咁睇你 ~~ 我仲要抱住bb(5個月大)無一個老師會好友善咁睇你,上落樓梯只會望下你,但一點基本禮貌都唔會做,個樣仲好似"你抱住個仔行得咁慢就唔好黎啦 ~~"
都唔明點解呢間學校會咁出名 ??

你地都叫好啦 ??學校都會有d 活動之類既野比你地,我個仔間學校,我都唔知攪好未,個仔問我學校個圖書館幾時整好,我都唔知點答      仲有個班主任姓乜,我都係開學幾日後先知,連個樣都未見過      再講個仔本家課手冊同學校網上個個都係差唔多,大家都係錯既....唉...都唔知點攪好 !!好多時都想搵佢班主任了解一下個仔係學校既情況,但剛開學就搵班主任好似有點不信任佢地咁,同埋我d湊仔時間又好難就到學校既空檔時間....我咪仲煩過你地 !! :cry:  :cry:  :cry:

睡覺

小傑媽媽﹕
         你仔仔的學校是哪一間，可否pm我，因我阿仔也是讀碼頭區的其中一所小學，但暫時都冇問題。
(不過我好似未見過你仔仔，應該唔係同一所吧？)

ling媽

大家唔好忟憎，上小一真係千奇百怪事都會發生。如果可以用字條跟老師聯絡比較好，一來可以訓練小朋友與老師接觸(比字條)，二來老師都幾繁忙，一個老師一日對咁多張面孔，就算打電話比佢佢都未必即時覆到你。我囡學校不主張家長代小朋友說話/問問題，所以我都鼓勵亞囡自己問老師，第一次唔感問就代寫字條，第二次寫定字條但都會叫小朋友先出聲問，老師唔明先傳紙仔，老師會比較接受。

大家放開d，我囡P.1時，反而係老師安慰家長，我地成日驚小朋友做錯做得唔好，但老師會安慰我地小一係咁，要識應，起碼到下學期先會好d。我亞囡就算宜家P.4，都試過唔知老師要求做嘜功課，打電話問同學個個都唔多清楚，唯有估吓點做，做錯左好過無做；可能老師都會忙中有錯，趕住落堂無交帶清楚。就算P.3時，我囡都試過無帶書，做漏功課。但做家長，都唔可以成日幫小朋友手查功課查書包，始終小朋友要成長，佢要承擔返做錯事嘅後果，而唔係無做功課帶漏書係亞媽嘅錯！唔係要大家放手不理，而係要成日提住提住，但儘量小出手！

如果學校有家教會，不妨提出問題同意見，加強家校合作。

LeBlue

我個女又係小一.....
佢今日一見到我即刻喊~~~話老師誤會佢傾計,於是扎左佢名......
如果係你地, 你地會唔會即刻問番老師...?
我就沒有...因為都會擔心老師覺得我唔信任佢~~我都應該將課堂既管理交番比老師....而且可能個女未適應小學既規矩, 好容易會犯左錯, 自己都唔知.....
老實講, 呢輪開學, 壓力真係好大
開學已經夠混亂啦....個女仲要差唔多日日對住我喊~~
我又忍唔住成日勁"產"個女, 問佢上堂既野.....其實, 佢地咁細個, 又邊記到咁多野先得架~~~ :cry:
最慘個老師又係"新仔"....唉~~  :cry: 真係"新仔"鬥
"新仔"啦....

artoo

我個女都一樣,日日本手冊返來都唔知佢寫咩,次次係度估,佢地就淨係識得抄D英文,又唔明點解,連每日功課要做D咩都唔清楚,功課又唔識做,攪到我日日都好鬼"慶"

fishmum 寫道:
小傑媽媽,

希望係的情況快D改善!

我個女都係小一, 同你地一樣都好lost.  日日估個女手冊寫mug. 佢學校抄英文, 所以佢都唔sure點解! 慢慢啦!

小孩子

LeBlue , 對不起先… 我不多讚成  成日勁"產"個女 ，對個女不公平 的 … 反而令個女不開心… 自己又難過…  何必呢。

講個 簡寫 ，初初都唔明架，日日楂住學校天書 ，回到家已是8:30，明天上堂帶乜書，查… 功課…查。查呢查路 … 有功課未做嗰日就大件，又要保持心境平和…好似天使魔鬼混合體…



一個 小一 差不多 可以將 一家全軍覆沒，送個 小一比 拉登 就不用 攻打伊伊拉克 啦…

kiumom

szkelly,
我女間學校係62網的,是津貼學校!

各媽媽,
你們的學校沒有提供網上家課冊嗎?我知現有很多學校都有此資源,試上學校網查看.
其實我覺得學校要做好你們所說的問題,一點也不難.6歲的小朋友又怎會消化得了開學初期的大小事情呢?!我在小一家長日時,都要小心寫下筆記,因實在一下子太多事情要記.就是三課主課都有不同的功課簿,作業,功作紙等.還有其他音樂堂,視覺藝術堂須要帶什麼等....
我都好明白你們的心情,如果我女學校是這樣混亂和沒容易跟班主任溝通的話,我想我會瞓唔著!希望各小一生及家長們順利過渡這個時間!

CSW

我同kiumom的小朋友係同一家學校, 同樣覺得學校安排非常妥當, 既照顧小朋友的適應, 亦特意在開學一星期之後安排了小一家長會來詳細介紹學校、課堂和老師們的種種情況。
我並已試過打電話問老師小朋友的事情, 她們都答得很有禮貌和耐性, 另我們這種第一次有小孩讀小學的家長很放心。

Darrenma

聽完個別媽咪既情况，都好慶幸仔仔學校對小一新生的安排，真係值得一讚。開學前舉辦小一生同樂日，各科老師同小朋友玩攤位遊戲，又安排小朋友去課室玩遊戲，消除佢地對佰生新校和老師的恐懼；開學前兩星期有家長日，詳細講解開學後細節，再次安排小朋友回校見班主任，熟識自己課室；開學後有半個月適應期，只返半日學，不教主科，主要向小朋友介紹學校，參觀各科課室，洗手間所在等。通告指示清楚，需帶什麽一目了然，打電話詢問職員亦非常禮貌，有次係開學前差唔多6點至醒起有d嘢問，打去教職員都走咗，係個校工聽電話，佢亦好有禮貌及耐性!

Mandy0203

Darrenma 寫道:
聽完個別媽咪既情况，都好......。通告指示清楚，需帶什麽一目了然，打電話詢問職員亦非常禮貌，有次係開學前差唔多6點至醒起有d嘢問，打去教職員都走咗，係個校工聽電話，佢亦好有禮貌及耐性!

我今年都有個女兒讀小一...
我都好慶幸我女女既學校對小一新生的安排都ok~
開學第一日已經有家長會講解學校的情況,介紹老師等,也讓我們家長與班主任交談...直至現在,女兒對適應好像完全沒問題,可能老師多作出提醒,使他們適應上無太大的困難...

我女女既學校在這星期開始選擇課外活動,你們的小朋友喜歡參加甚麼課外活動?

ling媽

題外話，我亞囡間學校每年開學前班主任都會打電話來提醒小朋友幾時開學，開學日要帶什麼回校等等。我囡聽到後會好開心話比我聽個班主任點講，比我覺得d老師好關心學生。我囡讀幼稚園怎至自己讀書時，都唔會有老師打電話來提我番學，所以值得一讚我囡學校的安排！

另老師或班長記名，唔係要罰學生，而係要小朋友記住唔好再犯錯，唔好比小朋友咁大壓力，多d同小朋友講學校嘅趣事，讓小朋友開心上學。

lou

hi 小傑媽媽,

今日真係身心彼累,呀仔間學校真係....      你有人同你遊花園都好過我呀 !!3:30打到6:00都無人聽,好彩有人聽過一次留左電話,之後..你自己慢慢等啦 !! 最嬲係明明有人聽左但又cut你線喎      最呢d咁無品既人,何況仲係一間所謂幾出名既學校,真係笑死人 ~~ :tongue:

我個仔都有網上家課冊,同我個仔個d有得揮,"pt"可以寫"pi"

    

lion

各位小一新手媽媽,
可否告知你們仔仔囡囡就讀的學校名稱嗎?(有好有壞?)
LOU你仔仔讀的學校是......
我囡明年讀小一，現正為選校的問題而煩惱!謝

andrewmummy

我都適應緊呀

lou

lion ,

sorry,學校名我唔方便講,呢d都係我個人感覺,其他人可能有另一番體會 ~~     

muicc

原來I'm not alone...

我成日都覺得亞囡好大頭蝦,又怕佢聽漏,抄漏,第日又無帶齊用品/課本回校被扣分,所以呢輪日日放學第一句就係問佢今日有無帶漏野?

今晚亞囡忽然同我講,「mami,點解呢幾日你成日話我?」唉 原來升小一不單孩子要接受重大改變,父母也需要適應期...大家一同努力吧