弱聽

灝霖媽媽

Moomin_
我相信我地每個媽咪都喊過無數咁多次，不過，最後幫到bb的就只有你及家人！
1) 弱聽有沒有成因 ?----如果不是遺傳，好多時都唔知點解！
2) 醫生說我的小孩都不是好差, 不是完全聽不到聲音, 要否讀特殊學校 ? ----不一定讀特殊學校，更何況醫生說不是好差，不用擔心！
3) 戴了助聽器會否被人歧視 ?---不會，只是你自己過唔到自己果關！你要面對，你面對左就無咩野！
4) 如果安排BB讀普通幼稚園有否問題 ?---完全沒有問題！
5) BB有弱聽, 學習會否好遲緩 ?---不會，要睇家長的努力！而且要睇小朋友的嚴重程度！
希望幫到你！！努力面對呀！

Moomin_

灝霖媽媽,
多謝你, 好會好好努力, 現在心情好了好多了, 已經接受了。

Moomin

DaisyWong

Hi 灝霖媽媽,

好耐無上來, 我bb都係白普理訓練, 應該唔同灝霖一班, 佢below 2歲.

之前話灝霖會上學(n1 or k1), 如何呀 ? 老師對於小朋友會唔會多d注意, 好似如果bb整甩左耳機, 老師識唔識幫佢戴呀

灝霖媽媽

DaisyWong:
你係唔燧星期六上午10-11點呀？我地11-1點呀，我通常都會早到架？你見唔見到我呀？

Yukmama

hi

我想問下妳地點發現小朋友是弱聽呀？我個BB現在2個月，但我發與佢對聲音完全唔敏感，因我個大仔細時，我在旁搖噹噹是有反應的，但我個女就完全沒有反應，在旁叫她也沒有反應，但她在醫院做test是合格，我過輪都有試她，就是在她想訓時，在旁"的"細細聲，但她會開一開眼，咁是不是她聽到的。我現在真的很擔心，一想起就好想喊，真的可以點做呢?

  

linglam

Yukmama,
我都好擔心, 我個女都2個月,佢都係對聲音完全唔敏感, 好似無反應咁!!!   你有無對佢講嘢, 佢有無望實你or比反應你???

Yukmama

linglam

我個女對佢講野時有望著我，但對聲音完全沒有反應，而我今天去建康院檢查時，醫生都說現在沒有什麼可以做，佢refer 我去看看專科，我好驚呀！妳同妳個女說話時佢有沒有反應呀？

linglam

咁都幾好呀!!我仲擔心, 因為我同佢講嘢, 佢都好似唔係望實我, 周圍望唔係好理我. 我好擔心佢耳同腦有問題!!

double-w

急/急需要幫忙 -
妹妹的仔仔3.5歲, 剛發現左邊輕微, 右側中度, 沙田威院評估彼後要六星期後才見醫生, 我見議自己先去找私家醫生,
小朋友的情況是2歲多說話仍不清又不多, 要上"言論治療" 課, 五個多月前治療師又懷疑他聽覺有問題才滴藥水等, 到昨天見完評估就証明是弱聽, 我們下一步該如何, 請有經驗的媽媽指點, 有合適的醫生嗎 ? thank you.    double-w

DaisyWong

Hi double-w,

你可以 :
１）找私家耳鼻喉醫生check吓bb耳仔有無事　?　
２）找私家check吓bb聽力情度　?　

當然沙田威院的安排照做，因為佢地對於弱聽（人工耳窩）有經驗．

不用太担心，你bb不是嚴重類型，可找私家寫專介信去教統局安排早期訓練．

希望幫到你　

double-w

多謝你 Daisy , 就是健康院介紹要去上"言語治療",
約上了四個月堂, 一邊滴耳藥, 另等見評估, 結果昨天出了報告, 現就再排期六星期後至可以見醫生, 其實早在bb 兩歲左右仍沒多說話時, 我們已提我妹要帶小朋友去check下, 結果現三歲多, 才發現一邊輕微而另外一邊是中度, 所以都見議她不要再等排期, 找私家盡快解決 double-w

Namson

我好唔開心呀!我小朋友之前經健康院轉介去了評估中心,一路都話我小朋友語言發展遲緩,到最近才懷疑耳朵有問題話排期驗耳,但要等幾個月,如是我走左去私家醫院睇專科,點知個醫生話佢積水中耳炎,話同佢做手術吸左d液體然後再放條管入去咁就會好返,我當然為左安全起見搵多個醫生睇,點知呢個話佢弱聽高音聽唔到剩係聽到低音,我依家應該點做呢?     

linglam

你點發現小朋友聽唔到野, 佢小時候有無ee aa咁叫? 我兒科話,如果有多數聽到無問題!!!如果迷茫再搵多個啦, 你試下搵許由醫生,佢係耳鼻喉科聖手!好多政府好多困難case都refer比佢. 但好多人! tel:2868 9333

Namson

linglam,

佢出世我帶過佢去嘉肋x醫院check儀器,話佢無事,況且佢識講野不過無同齡咁叻,依家醫生話佢聽到低音聽唔到高音喎!

MonBaBa

linglam,

我bb而家3個月, 去左油麻地耳鼻喉科check証實左耳深度, 右耳嚴重. 但係bb成日都ee ee or or, 奀姑.... 我又問過醫生,佢話bb有發音係無意思的. 而bb太細只可以相信用儀器去測試. 我希望bb只係高音聽唔到,而中音同低音無事啦. 醫生話要6個月先可以check中音同低音.

linglam 寫道:
你點發現小朋友聽唔到野, 佢小時候有無ee aa咁叫? 我兒科話,如果有多數聽到無問題!!!如果迷茫再搵多個啦, 你試下搵許由醫生,佢係耳鼻喉科聖手!好多政府好多困難case都refer比佢. 但好多人! tel:2868 9333

linglam

Monbaba,

我醫生話如果你對住佢講野佢會ee, rr (但唔係喉嚨音, 因為如果 聽唔到野, 只會發喉嚨音), 另外我都睇過一d書, 佢唔如果完全聽唔到野的bb個d ee rr 音會係一段時間消失, 因為佢聽唔到你的回應所以唔再發音!!

Yukmama

MonBaBa

妳好！我都是8月BB媽咪，妳BB好像又是15/8出生，我BB都是，我想問下妳點發現BB聽野有問題？我都發現我BB好像有問題，我現在book了11/12回QE check，check了幾時知，我都好擔心呀？

LIMCHEUNG

HI, YUKMAMA
唔好太擔心, 可能無事呢!就算有事都唔係太大問題, 我女兒都是一個嚴重失聰的, 但現在已經做了人工耳蝸, 比正常人無分別, 佢現時還在追回聽力及講話, 現時好好, 是真的, 所以妳不用太擔心, 反正還未驗, 如果到時出報告話無事, 之前擔心及唔開心, 咁就唔值啦!   

MonBaBa

Yukmama,

因為佢在仁安出世, 仁安會在出世時幫bb做耳聲發射, 已經做唔到, 之後去健康院check左2次都係check唔到, 再轉介去容鳳書再做耳聲發射亦係唔理想. 再排期做貼電線的測試即有報告. 2隻耳仔聽到70-80分貝. 之後即刻再排期去油麻地, 第一次去只係見醫生, 見完先再約做貼電線的測試, 大約1星期後就可以做. 要等1/2 個月先有報告. 在這3個月內亦去過私家的耳鼻喉科, 佢地都係話要等政府的報告出左先知進一步可以做咩.  

但妳去健康院check的時侯係合格, 唔駛太擔心啦.

connieremy

我BB三個多月, 最近發現左邊有中重度弱聽. 右邊就正常...

我好担心佢學講0野會難...唔知會唔會有學習障礙物?