加強小朋友記憶

dickyally

我最初聽演示會, 好正架個演示會, 佢地話上一個課程只須付一次 $2500 之後仲有四次既複習班(在一年內) 比佢重溫, 重話上完堂一定得, 我諗算啦 ! $2500 一個, 肉痛D, $5000 比晒兩個學, 最緊要係學到野,  老實講, $2500 六堂確實貴左 D, 但我當然以自已仔女為先啦 ! 我個女上最後一堂我主動聯絡佢 Miss, 佢話我個女唔得, 不過補番兩堂比佢, 但係個仔就 OK, 其實我問我個仔, 根本我個仔都未惦, 昨晚上去, 我問佢有關之後個四次既複習班幾時上, 佢話而家取消左, 要比錢上第二和第三階段, 而現在的 $2500 只是第一階段, 我聽後問佢, 你取消左又話有 ?? 於是個 Miss 話唔知點解同事會咁講, 既然係咁, 就比我個仔上 (好似施捨比我咁) , 不過時間未知, 我個女小二, 個仔小四, 佢話人地 K3學生都惦, 因為佢爸媽都已經學左記憶班, 所以知點教, 於是就叫我去學記憶班 ($5000) 我地傾左好耐, 根本講來講去都係話我唔識教佢, 大佬 ! 如果我識, 我洗鬼學咩 ! 真係老套, 佢叫我番去諗下報唔報名喎 ! 叫佢比阿女D學費轉比我上 ?  好難啦 ! 擺明"捏"錢 !      

uki

dickyally,

好多謝你將你既經歷講出黎, 如果唔係都唔知有幾多人會受騙, 因為而家個個家長都希望d仔女聰明伶俐, 見到呢類posting 一定會睇, 希望bk唔會俾人做馬, 被利用!!

  

mercury16

uki 寫道:
dickyally,

好多謝你將你既經歷講出黎, 如果唔係都唔知有幾多人會受騙, 因為而家個個家長都希望d仔女聰明伶俐, 見到呢類posting 一定會睇, 希望bk唔會俾人做馬, 被利用!!

  

      

catcatchong

dickyally
我覺得應該去消委會投訴,佢 擺明呃錢喇,早又唔講明,真係告佢欺騙都仲得,再唔係去d報紙,雜誌投訴,比多d人知都好.

Yesmee

dickyally,

好多謝你將你既經歷講出黎  

[size=x-large]bk 有好多做馬, 又多 sales, 希望家長小心 d 呀 !!

uki 寫道:
dickyally,

好多謝你將你既經歷講出黎, 如果唔係都唔知有幾多人會受騙, 因為而家個個家長都希望d仔女聰明伶俐, 見到呢類posting 一定會睇, 希望bk唔會俾人做馬, 被利用!!

  

dickyally

今日我個仔去埋最後一堂應用班, 到時打比佢睇下佢點講先, 我先決定點做, 不過有D擔心, 去投訴登報紙的途徑我都未試過,有D驚, 或者當黑仔無左 $5,000 , 如我再報讀他們的課程, (1) 要用多 $15,000 (2) 亦未必一定得, 到時可能又話每個人資質唔同, 我地學唔到唔關佢地事, 老實說, 我個女幼稚園年年考第一 (佢張成績表有寫) 至於現在讀小學亦全級考30名內,而個仔四年級亦讀緊精英班,全級考20名內, 有時比佢講講下，真係想像唔到自己D仔女原來是智力有問題,真係好唔開心, 點算 !      

ymom

真係不吐不快！
我個女都剛剛上完這個課程，課程未開之前，我老公去o左個家長講座，之前話明是講解小朋友上堂情況及會學到什麼，點至去到一聽，原來是不斷游說o的家長都需要自己上過堂才更加可以幫助到小朋友學習。我老公即刻覺得有無搞錯呀！報名前又唔講，報o左名要上堂前才講，即是明“屈” 啦！！
上完第一堂就知道真係waste money。已經同老公講不要有任何期望。
點知上完最後一堂，個導師話小朋友太細啦，家長又無學過，所以較難領悟！其他情況同dickyally一樣，都係不斷游說大人學埋。
所以dickyally，我覺得並非我們的小朋友智力或能力不夠好，事實上是那個課程有些問題罷，請不要咁介懷及不開心啦！
  

dickyally

ymom

你個女幾大呀 ? 咁而家點好呢 ? 繼續學成人班還是放棄呢 ?
不如你 PM 留電話比我傾下, 我唔知點好 !    

Jumbo

ymom & dickyally，

我自已都由朋友介紹去聽佢哋發佈會，在城大演講廳，有好多人聽，都幾神奇，我聽完之後都覺得是Sale大人，我亦有好不明白地方，佢哋商業味十分重，所有出來表演都是大人，如果有成功小朋友例子都可以要請出來表演，加上師徙教授方式，由Mr. Yip学生教学生，但是D徒弟來自不同業，可能学生本身可以領會到，但是未必識教人，由其小朋友，
小朋友自制能力及主動性未必可以自己每天練習。如果可以都不需要父母(包括自己)為他們憂心及周圍找不同能幫助他們讀書方法和技巧來提升他們面對將來挑戰。

我自已有兩個小朋友，大仔11歲、細女5歲，在大仔(4-6歲)個段時間曾經唔信好多方間方法及訓練可以幫助他，但是參加後又貨不對版，師資↓，除了傷財外還令小朋友對自己的自我價值及信心失去肯定，所以現在不會睇任何機構及方法的門面，自己如果找到任何新嘢都會找資料問多D過來，可以証實才比小朋友試。

Jumbo

iris-pc

我聽的演示會不是葉博士主持,但有位表演者是大約2-3年級的小朋友(他的家長參加完成人班後再讓小朋友參加了第一階段),小朋友的表演是背中國朝代,然後背三司十六局(好似16局掛,即由財政司唐英年...背到什麼局長如保安局局長xxx等),還有可以即場問他日曆如2006年8月12日是星期幾, 見他好有信心咁表演故決定要幫女女報名, 但時間不合沒有報, 再細心看他們的章程, 其實小朋友的課程是有列明有3個階段的, 報第一階段2千幾, 計下報哂3個階段咪成7千幾, 最驚女女學完理論未能套用, 因此諗緊要不要自己先學會再考慮幫唔幫女女報, 定係留番自己報名的5000元俾女女學. (因本人的經驗是自己唔識的如彈琴,普通話等, 真的完全幫唔到小朋友, 而女女這兩樣是比較差), 看完家長失敗的個案有點猷疑, 因真的擔心學完唔識用(我老公嫌貴如果我學完唔識實俾佢鬧哂錢) , 請問有沒有家長是因想教小朋友而學完成人班的可以分享一下 ?

dickyally

如果這樣的說, 家長教多於老師教, 因為我個仔學完,我覺得佢唔惦, 但佢話佢個班全班得佢一個得到禮物 (文具套裝) 其他全部小朋友只得鉛筆一枝, 因為我個仔背到一百個代碼, 老實講, 我個仔讀完同無讀沒有分別, 試問其他只得鉛筆一枝的學生不是更加差嗎 ? 我諗佢地父母的心一定和我一樣難受和覺得已中了計, 但我仍然很想我仔女在記憶方面有成績, 請問如何是好呢 ?

iris-pc

dickyally,

點解你咁傻一次過幫哂兩個小朋友報名?應該報左一個睇下效果先呀! 其實我以前曾經聽過另一間機構的憶習法講座, 介紹的效果差不多,但要一次過付哂錢, 小朋友$7500, 大人$12,000, 我嫌太貴沒有報名, 今次見可以先報第一階段$2500, 大人又平D$5000先考慮下, 上次講座見那位小朋友咁叻, 就問左她媽咪的意見, 她和她丈夫一齊學共$10000, 是學完覺得有幫助故再幫仔仔報, 我問她是否要學哂三個階段, 她說因她已學識, 故小朋友只學了第一階段暫覺足夠, 所以我諗駛唔駛媽咪都學埋呢 ? 她說大人班同小朋友班都會有筆記的, 你的小朋友有冇筆記呢? 你不如試下背左佢地的密碼然後記下電話號碼睇下得唔得先啦? 如果你想幫小朋友報第二,三階段, 我建議你先幫仔仔報因仔仔大個D會較易明白. 至於我呢? 我仲諗緊報唔報名, 今日食飯聽新聞, 聽到經濟事務及勞工局局長(葉樹均??), 環境運輸及XX 局局長(廖秀冬??)專登試下記現在已唔記得了, 冇理由人地得我唔得的, 我諗這個方法應該有效用, 但學完要多練習和運用想像力掛, 不過我又冇乜想像力, 未知點好, 可能會參加多一次葉博士的演示會才決定, 因上次不是葉博士主持.

dickyally

佢有筆記,但都唔知背來做咩 ! 我見我個仔所謂既想像係每粒字想像,但佢話想像唔到, 佢問 "的" 字可以想像D咩，我咪答落雨, 之後又問我其他，我都唔知點答佢，睇怕我都要上成人班，你仲有無問多幾位家長呢　？　

iris-pc

dickyally,

我諗你仔仔應該唔明白點樣運用那些密碼了. 我曾經上網看過關於記憶的網頁, 數字會變成英文字母, 如2=n, 8=f, 5=l, 電話號碼28 82 52 52變成knife,fan,lion,lion, 然後要想像頭被刀插了,刀子被扇子打斷,扇子被兩隻獅子追著跑. 網上雖然有一堆免費的中文或英文的密碼, 不過睇極都睇唔明,點解中文密碼59=蘿蔔, 87=發糕, 唔明白完全記唔到, 亦冇心機記, 我諗起碼要先記密碼, 然後再運用想像力, 好似學打倉頡咁, 最先要先背倉頡碼, 然後試打字及多練習, 不過這些記憶方法更抽象更難掌握, 將來如果你會報名大人班, 而我又報了名的話, 多些交流研究下吧, 我的女女也是2年級.

beverly＠mimi

我個人認為葉博士的演示會,商業味好重,聽完後會有專人打電話來sell n次,好煩,仲加e-mail煩你的。

beverly＠mimi

ymom ,dickyally,

我想問下你地係讀邊個主辦的課程？
因為有時見到D記憶班,我都想讀,
但又怕被騙 $$$$

goodday

中大校外進修部有個基礎記憶課程,教授基本記憶技巧.

click記憶課程

dickyally

beverly@mimi

我地講緊既偽卓憶學, 不過你真係要想清楚先好報名
http://www.amazmemory.org/web/

dickyally

goodday

你有無讀過 ? 惦唔惦呢 ?

beverly＠mimi

dickyally 寫道:
beverly@mimi

我地講緊既偽卓憶學, 不過你真係要想清楚先好報名
http://www.amazmemory.org/web/

無錯，我就係話緊呢間，

我個人認為葉博士的演示會,商業味好重,聽完後會有專人打電話來sell n次,好煩,仲加e-mail煩你的

但我學校(夜校)個miss都有學緊佢，連佢都sell我。

當然啦，佢地D人sell我，同我講，叫我sell我D freind，會有回佣給我的。